تاسادىپىي ھادىسە سۇغۇرتىسى سېتىۋېلىش مەقسىتىڭىز ئېنىق بولسۇن

bugaltir

	تاسادىپىي ھادىسە سۇغۇرتىسى سېتىۋېلىش مەقسىتىڭىز ئېنىق بولسۇن 　　ساياھەتچىلىكنىڭ ئاۋات پەسلىدە ساياھەتچىلەر تاسادىپىي ھادىسە سۇغۇرتىسى سېتىۋېلىشنى ئۇنتۇماسلىقى كېرەك. ساياھەت پىلانى تۈزۈشتە ھەمىشە تاسادىپىي ھادىسە سۇغۇرتىسى سېتىۋېلىشقا سەل قارىلىدۇ، شۇڭا ئىستېمالچىلار ئۆزىنىڭ ئېھتىياجىغا ماس كېلىدىغان تاسادىپىي ھادىسە سۇغۇرتىسى سېتىۋېلىشى، تاسادىپىي ئەھۋال يۈز بەرگەندە قۇتقۇزۇش ۋە ياردەمنى قولغا كەلتۈرۈشى كېرەك. 　　ئۆمەك تەركىبىدە ساياھەتكە چىققاندا قىسقا مۇددەتلىك تاسادىپىي ھادىسە سۇغۇرتىسى سېتىۋېلىڭ 　　ئۆمەك تەركىبىدە ساياھەتكە چىقىش سىزنى نۇرغۇن ئاۋارىچىلىكتىن خالاس قىلىدۇ، دۆلەت ساياھەت ئىدارىسىنىڭ بەلگىلىمىسىگە ئاساسلانغاندا، مۇنتىزىم ساياھەت كوپىراتىپلىرى چوقۇم ساياھەت كوپىراتىپى جاۋابكارلىق سۇغۇرتىسىنى سېتىۋېلىشى كېرەك. مۇتەخەسسىسلەرنىڭ ئېيتىشىچە، ساياھەت كوپىراتىپى جاۋابكارلىق سۇغۇرتىسى ساياھەت كوپىراتىپلىرىنىڭ ئۆزىنى زىياندىن ساقلاش ئۈچۈن سېتىۋالغان سۇغۇرتا تۈرى بولۇپ، ساياھەتچىلەرنىڭ جاۋابكارلىقى بىلەن ساياھەت كوپىراتىپىنىڭ جاۋابكارلىقىنى ئېنىق ئايرىشنى مەقسەت قىلغان، بۇنداق سۇغۇرتىنىڭ ئۈستىگە ئالىدىغىنى ساياھەت كوپىراتىپلىرىنىڭ سەۋەنلىكى تۈپەيلىدىن كېلىپ چىققان زىياندىن ئىبارەت بولۇپ، مەنزىرە رايونى سەۋەنلىكى، قاتناش قورالى سەۋەبىدىن كېلىپ چىققان خەتەر دېگەندەك ساياھەت يېتەكچىسىنىڭ بىۋاسىتە مەسئۇلىيىتى بولمىغان تاسادىپىي ھادىسىلەر بىردەك بۇنداق سۇغۇرتىنىڭ تۆلەش دائىرىسىگە كىرىدۇ. 　　ساياھەتچىلەر ئۆمەك تەركىبىدە ياكى ئۆزى ساياھەتكە چىقسۇن، پەقەت ساياھەت مەزگىلىدىكى قىسقا مۇددەتلىك تاسادىپىي ھادىسە سۇغۇرتىسىنى سېتىۋالسىلا بولىدۇ، تاسادىپىي داۋالىنىشنى كاپالەتكە ئىگە قىلىش بۇ سۇغۇرتىنىڭ ئەۋزەللىكى . 　　ئاپتوموبىل بىلەن ساياھەتكە چىققاندا بالون ئېتىلىش سۇغۇرتىسى سېتىۋېلىڭ 　　ئاپتوموبىل ھەيدەپ ساياھەتكە چىققاندا خەتەر كۆرۈلۈش نىسبىتى يۇقىرى بولغاچقا، ئادەم ۋە ئاپتوموبىلنىڭ سۇغۇرتىغا قاتناشتۇرۇلۇشى تېخىمۇ زۆرۈر. 　　بەزى سۇغۇرتا شىركەتلىرى دۆلەت ئىچى ساياھىتى، قىسقا مۇساپىلىك يەككە ساياھەتتە «دۆلەت ئىچى - سىرتىدىكى ئۇنىۋېرسال جىددىي قۇتقۇزۇش ياردىمى سۇغۇرتىسى»نى يولغا قويدى، بۇنداق سۇغۇرتا تۈرىدە سۇغۇرتىلانغۇچى يۇقىرى بولغاندا 200 مىڭ يۈەنلىك تاسادىپىي ھادىسە سۇغۇرتا كاپالىتىدىن بەھرىمەن بولالايدۇ. جۇڭگو ئامانلىق سۇغۇرتا شىركىتىنىڭ تولۇق سوممىلىق جىسمانىي تاسادىپىي سۇغۇرتىسىدىن باشقا، يەنە ئاپتوموبىل بالونى ئېتىلىپ كېتىش سۇغۇرتىسى، ئەينەك چېقىلىپ كېتىش سۇغۇرتىسى، ئوغرىلىنىش سۇغۇرتىسى قاتارلىق سەپەر جەريانىدىكى تۈرلۈك كېلىشمەسلىكلەرنىڭ زىيىنىنى ئازايتىشقا ياردىمى بولىدىغان سۇغۇرتا تۈرلىرىنى ۋاقىتلىق كۆپەيتىشكە بولىدۇ. 　　چېگرا سىرتىدا ساياھەت قىلغۇچىلارغا نىسبەتەن ئەڭ ياخشى تاللاش جىددىي قۇتقۇزۇش مۇلازىمىتى سۇغۇرتىسىدىن ئىبارەت بولۇپ، بۇ مۇلازىمەتنى سۇغۇرتا شىركىتى بىلەن خەلقئارا جىددىي قۇتقۇزۇش تەشكىلاتى بىرلىكتە تەمىنلەيدۇ، ساياھەتچىلەر ھەر ۋاقىت تېلېفون ئارقىلىق ياردەم تەلەپ قىلسا بولىدۇ. 　　مەنبە:   خەلق  تورى    http://uyghur.people.com.cn/157596/15230247.html

bugaltir

	قەرەللىك ئۆمۈر سۇغۇرتىسىغا قاتناشقاندا ئىككى ئىشقا دىققەت قىلىڭ    قەرەللىك ئۆمۈر سۇغۇرتىسىدا، سۇغۇرتىلانغۇچى توختام قەرەلى ئىچىدە تاسادىپىي ھادىسە ياكى ئاغرىق سەۋەبىدىن ئۆلۈپ كەتسە، سۇغۇرتا شىركىتى توختامغا ئاساسەن سۇغۇرتا سوممىسىنى تۆلەپ بېرىدۇ؛ سۇغۇرتىلانغۇچى ھايات تۇرۇپلا سۇغۇرتا مۇددىتى توشۇپ كەتسە، سۇغۇرتا توختامى ئەمەلدىن قالىدۇ، سۇغۇرتا شىركىتى ئۈستىگە ئالغان مەجبۇرىيەتمۇ ئاخىرلىشىدۇ، سۇغۇرتا ھەققىنىمۇ قايتۇرمايدۇ. ئىستېمالچىلار قەرەللىك ئۆمۈر سۇغۇرتىسىغا قاتناشقاندا تۆۋەندىكىلەرگە دىققەت قىلىشى كېرەك: بىرىنچى، قانداق كىشىلەر ئۆمۈر سۇغۇرتىسىغا قاتنىشىشقا ماس كېلىدۇ؟ قەرەللىك ئۆمۈر سۇغۇرتىسى ئىستېمال خاراكتېرىدىكى سۇغۇرتا بولۇپ، ئۇنى ئامانەت خاراكتېرىدىكى ئۆمۈر سۇغۇرتىسىغا سېلىشتۇرغاندا، سۇغۇرتا سوممىسى ئوخشاش ئەھۋالدا، سۇغۇرتا ھەققى خېلىلا تۆۋەن بولىدۇ؛ قەرەللىك ئۆمۈر سۇغۇرتىسىنىڭ قەرەلى، ئادەتتە، بىر يىل، بەش يىل،ئون يىل، 15يىل، 20 يىل، 30 يىل بولىدۇ ياكى توختامدا ‹‹مەلۇم ياشقىچە›› دەپ بېكىتىلىدۇ. سۇغۇرتا مۇخەسسىسلىرىنىڭ چۈشەندۈرۈشىچە، قەرەللىك ئۆمۈر سۇغۇرتىسى مۇنداق ئۈچ خىل كىشىلەرنىڭ سېتىۋېلىشىغا ماسراق كېلىدىكەن: بىرىنچى، كىرىمى يۇقىرى بولمىسىمۇ، كاپالەت ئېھتىياجى يۇقىرىراق كىشىلەر؛ ئىككىنچى، خىزمەتكە يېڭىدىن قاتناشقان ياشلار؛ ئۈچىنچى، يېڭىدىن گۈللەنگەن كارخانىلارنىڭ خىزمەتچىلىرى. ئىككىنچى، سۇغۇرتا مۇددىتىنى ئۇزارتىش ۋە سۇغۇرتا مەزمۇنىنى ئۆزگەرتىش بەلگىلىمىلىرى. سۇغۇرتا مۇددىتىنى ئۇزارتىش سۇغۇرتا مۇددىتى توشقاندا سۇغۇرتىلانغۇچى قايتىدىن ساغلاملىق تەكشۈرتمەيلا، سۇغۇرتا مۇددىتىنى قەرەلى، سۇغۇرتا سوممىسى ئەسلىدىكى سۇغۇرتا تالونىدىكىگە ئوخشاش بولغان قەرەللىك ئۆمۈر سۇغۇرتىسىغا ئۇزارتىشنى كۆرسىتىدۇ، لېكىن سۇغۇرتىلانغۇچىنىڭ سۇغۇرتا ۋاقتىنى ئۇزارتقان چاغدىكى يېشى ۋە ئۇزارتىش قېتىم سانى سۇغۇرتا شىركىتىنىڭ بېكىتكىنىدىن ئېشىپ كەتمەسلىكى كېرەك؛ سۇغۇرتىنى ئۆزگەرتىش سۇغۇرتىلانغۇچىنىڭ قەرەللىك ئۆمۈر سۇغۇرتىسىنى ئۆمۈرلۈك سۇغۇرتىغا ياكى قوش كاپالەتلىك سۇغۇرتىغا ئۆزگەرتىپ، تېخىمۇ چوڭراق سۇغۇرتا كاپالىتىگە ئېرىشىشىنى، ئەمما سۇغۇرتىنى ئۆزگەرتىش ھوقۇقىنى يۈرگۈزگەن چاغدا سۇغۇرتىلانغۇچىنىڭ سۇغۇرتىلاش شەرتىگە چۈشىدىغانلىقى توغرىسىدىكى ئىسپاتلارنى تەمىنلىمىسىمۇ بولىدىغانلىقىنى كۆرسىتىدۇ. مەنبە   :  http://www.sugurta.com/forum.php?mod=viewthread&tid=138

bugaltir

	كىسەللىك سۇغۇرتسى بىلەن تاسادىپى ھادىسە سۇغۇرتىسىنىڭ پەرىقى    كىسەللىك بىلەن تاسادىپى ھادىسە ماھىيەت جەھەتتە رۇشەن پەرىقلىنىدىغان ئىككى خىل ئۇقۇم. كىسەللىك دىگىنىمىز ئادەم ئورگانىزىمىنىڭ سۈپەت ۋە سان ئۆزگىرىشى كەلتۈرۈپ چىقىرىدىغان توقۇلمىلارنىڭ بۇزۇلۇشىدىن ئىبارەت. تاسادىپى ھادىسە بولسا تۇيۇقسىز كەلگەن سىرىتقى كۈچ زەربىسى بىلەن كىلىپ چىقىدىغان توقۇلمىلارنىڭ بۇزۇلۇشىدىن ئىبارەت. شۇنىڭ ئۈچۈن بۇلارنى داۋالاش ئۇسۇلىمۇ ئوخشىمايدۇ. سۇغۇرتىلاشمۇ ئوخشىمايدۇ. كىسەللىك سۇغۇرتىسىدا ئىغىر كىسەل ۋە ئادەتتىكى كىسەلنىڭ سۇغۇرتىسى ۋە تۆلىمى ئوخشىمايدۇ. ئەمما جىددى خاراكتىرلىك كىسەللەر بولۇپ قالمىسا ئازراق ۋاقىت ئۆتكۈزىۋىتىپ داۋالاتقانغا ۋاقىت سۈرۈكى ئۆتۈپ كەتمەيدۇ. ئەمما ئۇزۇن سوزىلىپ كەتسە ئادەتتىكى كىسەللەرمۇ ئىغىر كىسەللەرگە تەرەققى قىلىپ قىلىش خەۋىپى بار. ھادىسىدە بولسا جىددى قۇتقۇزىۋالمىغاندا ئىغىر ئاقىۋەت كىلىپ چىقىدۇ. بىر كۈن ئەمەس بىر سائەت ۋاقىتمۇ بىمارغا نىسبەتەن ئىنتايىن موھىم. شۇڭا ھادىسىگە نىسبەتەن 48سائەت كۈزىتىش قەرەلىدىن كىيىنلا ھادىسە سۇغۇرتىسى كۈچكە ئىگە بولىدۇ. ئەمما كىسەللىك سۇغۇرتىسى ئەڭ تىز بولغاندىمۇ 90كۈندىن كىيىن  كۈچكە ئىگە بولىدۇ. ھادىسە سۇغۇرتىسى قايتا-قايتا يۈز بەرگەن ھادىسىلەرگىمۇ ئوخشاشلا مەسئۇل بولىدۇ. ئەمما كىسەللىك سۇغۇرتىسىدا بىر قىتىم تۆلەم ئىلىپ بولغان كىسەلگە كىيىن تۆلەم بەرمەيدۇ. ھادىسە سۇغۇرتىسىدا بەدەن تەكشۈرتۈشنىڭ ھاجىتى يوق، ئەمما كىسەللىك سۇغۇرتىسىدا بىر قىسىم كىشىلەرگە نىسبەتەن بەدەن تەكشۈرتۈش ئىنتايىن موھىم. ھادىسە سۇغۇرتىسىنىڭ سۇغۇرتا ھەققى تۆۋەن، كاپالىتى يۇقىرى، ئەمما كىسەللىك سۇغۇرتىسى دەل ئەكسىچە. ھادىسە سۇغۇرتىسنى سىتىۋىلىش قولاي، ئەمما كىسەللىك سۇغۇرتىسىنى سىتىۋىلىش رەسمىيەتلىرى كۆپ. ئەڭ موھىمى ھادىسە سۇغۇرتىسىنى كىشىلەر تىز قوبۇل قىلالايدۇ، كىسەللىك سۇغۇرتىسىنى بولسا ئانچە تىز قوبۇل قىلالمايدۇ. مەنبە   :  http://www.sugurta.com/forum.php?mod=viewthread&tid=158

ANSWER

	دىققەت قىلىشقا تىگىشلىك