كۆنمىدى يۈرەك ‹زۇلەيخا›

zulayha

	كۆنمىدى يۈرىكىم،سەنسىز بۇ باققا؛ قاغجىراپ مىھرىممۇ تويمىدى دىلغا. ئىزدەپ مەن سىمايىڭ كۆزلەر قىزاردى، بۇ كۆنگەن يۈرىكىم كەلمىدى تىلغا. باغلىرىم سەن ئۈچۈن مىھىرگە لىقتى، دىللىرىم سەن بىلەن سۆيگۈگە توقتى. ئەمدىلىك بۇ كۆزلەر ياشقا لىق تولدى، دەيدىغان سۆزلۈرۈم ساڭا بەك جىقتى. تۈن كېچە ئۇيقۇدىن بىدارمەن جېنىم، ئاڭلىماي مەن سېنىڭ مىھىرلىك سۆزۈڭ. بۇ كۆنگەن دىلىمغا قوندۇردۇڭ قاغا، غاقىلداپ ئۇچمىدى قوغلىغىن ئۆزۈڭ. . ئاي ماراپ روجەكتىن مېنى بەزلىدى، ۋە لېكىن توختىماس كۆزۈمدىن قىيان. بىر دەرت بار باغرىمدا بەكلا چىڭقالدىم، ئېيتايمەن كىملەرگە بۇ دەرتتىن بايان.             تاملاردىن كەلمىدى ۋە ياكى سادا، سەرسانمەن قىينىدى بۇ ئاچچىق پىراق. ئېيتقىنە ئەزىزىم سەن ئۇخلىدىڭمۇ؟ كەتتىمۇ سېنىڭدىن سۆيگۈ بەك يىراق. بوغۇلۇپ قىينالدىم ئۈنلۈرۈم پۈتۈپ، بىر دەريا بولسىدى، كەلسەم ۋاقىراپ. مىھىرلەر ئۆچسىچۇ ۋاپا بېغىمدىن، باغرىمدىن يانسىمۇ قانلار شاقىراپ. باغرىڭغا كۆنگەن بىر، گۈلۈڭتىم سېنىڭ؛ قۇزغۇنلار ھەجەپمۇ قەس قىلدى بىزگە. كېچىككەن ئەقلىڭگە مىڭلارچە لەنەت، ئۆلتۈردۇڭ جىسمىڭنى، مېنىمۇ بىرگە. خوش دىدىم ئۇزاتتىم،دىلىم بەك كۆيدى؛ كۆزلۈرۈڭ بىلەن سەن ئۇزاتقان  دەمدە. ۋە لېكىن ئېپ كەتتىڭ يەنىلا كۆڭلۈم، ئاداشقان قەلبىڭگە ھەمرا ھەر يەردە. ساڭا مەن ئېۋەتتىم قۇشلاردىن سۆيگۈ، ئېپ بارسۇن يېنىڭغا سېغىنىشىمنى. ئېيتىپ قوي ئۇلارغا تېز قايتىپ كەلسۇن، بىللە ئېپ پاك قەلبىڭ بېقىشلىرىنى. كۆنمىدى بۇ يۈرەك سەنسىز بىر دەقق، دىل خانەم سېنىڭسىز كۈلكىدىن خالى. ۋاپانى قۇچاغلاپ يىتەي مەھشەرگە، كۆنمىدى بۇ يۈرەك، سېنىڭكى بارى. 2012-يىلى6-ئاينىڭ4-كۈنى قاراماي

gulbar5

	مۇبارەك بۇلسۇن جانىم شېئرىڭىز بەكمۇ ھىسياتلىق ھەم بەك ياخشى چىقپتۇ، شئېرىڭىزنى ئۇقۇپ تاتلىق ھىسلارغا چۈمۈلۈپ قالدىم جۇمۇڭ بىلىڭ  جىنىم بۇ دىگەن خىيال، رىياللىق كەتكەن  بىزدىن يىراقلاپ. مۇھەببەتمۇ  ئەسىلى  بىر  ئازاپ، بىزىنى ئالداپ  يانغان  لاۋۇلداپ.

yawa-xir

	ياخشى يېزىپسىز،كۆزۈمدىن نەچچە تامچە ياش ئاقتۇرۋەتتىڭىز.

dilbar

	كۆنمىدى بۇ يۈرەك سەنسىز كۈلۈشكە، كۆنمىدى سېنىڭسىز تەنھا ياشاشقا. نىتەيمەن مېڭىشقا ماغدۇرۇم يوقتۇر، كۆنمىدى چىرايلىق گۈلنى تۇتۇشقا. ..........

nazigul8

	كۆندى يۈرەك ئازاپ تارتىشقا،   كۆندى يۈرەك سېنى كۈتۈشكە، لېكىن كۆنمەي، سەنسىز ياشاشقا، چۈشتى دېڭىز ئىزلەپ ئۈزۈشكە.

سۈمەييە

	سىز يازغان شىئىرلىرىڭىز بىلەن سۈرەتلەرنى تولىمۇ  ماسلاشتۇردىكەنسىز ، مىنىڭمۇ كۆزۈمدىن بىر نەچچە تامچە ياشلار چىقىپ كەتتى بىلىپ بىلمەي نىمىدىگەن مەنىلىك شىئىر بۇ مەن ساقلىۋالدىم رۇخسىتىڭىزنى ئالمايلا ! ئىلھاملىرىڭىز قاناتلىنىپ تۇرسۇن رەھمەت !!!!!!

@يۇرتۇم@

	يۇرۇكۇمنى ئوغۇرلىۋالدى يازغا شىئېرىڭز مەن قانداقمۇ قىلارمەن ئىسىت ..............ئىسىت

kashigar

	سىزنىڭ تۇرمۇشىڭىزدا  چوڭ بىر ئۈزگىرىش  بولغان ئوخشىمامدۇ ؟  ..................

tatlikpigan

	يازمايدۇ ،يازمايدۇ،،،بىر يازسا مۇشۇنداق يازىدۇ دە بۇ زۇلەيخا..... زۇلەيخانىڭ يۈرىكى يۈسۈف تىن باشقىغا كۆنمەيدۇ دە ئەلۋەتتە....بولمىسا قانداقمۇ نەچچە ئەسىرلەردىن بۇيان تىللاردا داستان بولالايدۇ...ئەمما ئىسىڭىزدە بولسۇن يۈسۈف-زۇلايخا ئاخىرى ۋىسال تاپقان.ئۇلارنىڭ ۋىسالىنى ئاللاھمۇ راۋا كۆرگەن.... داۋاملىق ئالغا!!!!!