يىمەكلىك مەسىلىلىرى مانا مۇشۇنداق........

umidwar99

	ئەسسالامۇ ئەلەيكۇم قېرىنداشلار، يىمەكلىككە ئائىت مەسىلىلەر ھەممىمىزنىڭ  بېشىنى قاتۇرىۋاتقان مەسىلە ، بۇ ھەقتىكى تېمىلارمۇ مۇنبەردە ئاۋۇپ قالدى، شۇ تېمىلارغا قارىسام كۆپلىگەن قېرىنداشلىرىمىز نۇرغۇن نەرسىلەرنى چۈشەنمەيدىكەن.شۇڭا ئۆزۈم قۇربىتىم يەتكەن دائىرىدە، نەق مەيداندا كۆرگەنلىرىم، ئاڭلىغانلىرىمھەم  ئىزدىنىشىم ئاساسىدا كۆپچىلىككە بىزنىڭ زادى نىمىلەرنى يەۋاتقانلىقىمىزنى بىر بىلدرۈپ بېقىش نىيىتىدە ئۈشبۇ تېمىنى يېزىپ ئولتۇرۇپتىمەن.  پېقىرنىڭ ئىپادىلەش ئىقتىدارى چەكلىك، پىكىر بولسا قوبۇل قىلىمەن. تېمىنىڭ سىلەرگە ئاز تولا مەنپەئەتى تەگسە دۇئالىرىڭلاردا ئەسلەپ قويارسىلەر! ھازىر بىزدىكى يىمەكلىككە ئائىت مەسىلىلەرنى ئىككى تۈرگە يىغىنچاقلىساق بولىدىكەن دەپ ئويلىدىم، يەنى ھالال-ھاراملىق مەسىلىسى ۋە بىخەتەرلىك مەسىلىسى. ھالال-ھاراملىق مەسىلىسى كۆپىنچە گۆش تۈرىدىكى يىمەكلىرىمىز بىلەن سۆڭەك يىلىمى قوشۇلغان يىمەكلەردە كۆرۈلىۋاتىدۇ. بىخەتەرلىك مەسىلىسى بولسا ھەممە تۈردە ئومۇمىي مەۋجۇت، يەنى يىمەكلىككە قوشۇلىدىغان ھەرخىل خۇرۇچلار، مىسالەن چىرىشتىن ساقلىغۇچ، تەم تەڭشىگۈچ دىگەندەك. ئادەم ھازىر بىر كۈندە نورمال ئىستىمال پائالىيىتىدە كەم دىگەندە ئاتمىش خىل يىمەكلىك خۇرۇچىنى يەۋىتەرمىش، ئۇيغۇر كارخانىلىرىمىز ھەر ئىككى تەرەپتىن خېلى تىرىشچانلىق كۆرسىتىۋاتقان بولسىمۇ ، بەزىلىرى يەنىلا بەزى نەرسىلەرنى ئامالسىزلىقتىن ، ياكى بىلمەي قوشۇپ ئىشلەۋىرىدۇ. شۇڭا يەنىلا ئىستىمالچىلارنىڭ ئۆزى دىققەت قىلىشى مۇھىم رول ئوينايدۇ. ئۇنداقتا كۆرۈپ باقىلى، بىز يەيدىغان يىمەكلىكلەرگە نىمىلەر قوشۇلىدىكىن. بۇلارنى مەن تەخمىنەن بىر قانچە چوڭ تۈر بويىچە يىغىپ تەھلىل ئېپ بېرىۋاتىمەن، داۋامى ئىنكاس شەكلىدە يوللىنىلىدۇ. 1.    ئۇن ۋە ئۇن مەھسۇلاتلىرى ئۇن - كۈندىلىك تۇرمۇشىمىزدا كەم بولسا بولمايدۇ ھە!!! ئۇننىڭ ئۆزىدە كۆپ مەسىلە بولمايدۇ. ئاساسلىقى مەسىلە، بۇغدايدىكى دېھقانچىلىق دورىسى قالدۇقى، ئۇن تارتىلغاندىن كىيىن قوشىدىغان ئاقارتقۇچ(增白剂)، ئاندىن خېمىرنىڭ ئېلاستىكىلىقىنى ياخشىلايدىغان بىر خىل خۇرۇچ (拉面剂) مۇشۇ ئۇچ خىل تەركىب. دىھقانچىلىق دورىسىغا ئامال يوق. ئاقارتقۇچقا كەلسەك، ئاقارتقۇچنىڭ ئۈنۈملۈك تەركىبى قوش ئوكسىگىنلىق بېنزول (过氧化苯甲酰（BPO）) ، ئاساسلىق قوش ئوكسىدلىق سۇ، ناترىي ئوكسىدى، بېنزو خىلورىد قاتارلىقلارنى رىئاكسىيەلەشتۈرۈپ ئىشلەپچىقىرىلىدۇ. بۇلار ھارام تەركىپ ئەمەس، لىكىن بىخەتەرلىك مەسىلىسىگە ياتىدۇ. شۇڭا 2011-يىلى 5-ئاينىڭ 1- كۈنىدىن باشلاپ، دۆلەت ئىشلەپچىقىرىشنى چەكلىگەن. ئەمما، ئاقارتقۇچنىڭ تۈرى يالغۇز بۇلا ئەمەس بولغاچقا بىزنىڭ ئادەملىرىمىزنىڭ كاللىسى ئىشلەپ كىتىپ، سانائەت، خېمىيە، دورىگەرلىك دىگەندەك باشقا يەرلەردە ئىشلىتىدىغان ئاقارتقۇچلارنى ئىشلىتىۋىرىدۇ، ئەمما باشقۇرغۇچى ئورگانلار ئۇنغا ئىشلىتىلىدۇ دەپ قارايدىغان بىر نەچچە تۈرلۈك تەركىبكە قارىتالا تەكشۈرۈش ئېپ بارىدۇ. بۇئاقارتقۇچلار ئىشقار تۈرىدىكى ماددىلار بولغاچقا ، نەپەس سېستىمىسىغا زىيان يەتكۈزىدۇ، تېرىگە رىئاكسىيە قىلىدۇ،بەزىلىرى راك پەيدا قىلىدىغانلىرى بار. ئىشقىلىپ پايدىسى يوق. ئۇننىڭ ئىچىگە ئاقارتقۇچ قوشقان قوشمىغىنى ئايرىيدىغان ئاددىي ئۇسۇل بولسا تەڭ بەھرلەنسەك بولىدۇ. كۆپىنچە كىشىلەر نورمال ئۇن ئاپئاق ئەمەس سۈت رەڭگە مايىل بولىدۇ دەيدىكەن. لىكىن مەن بىلەلمىدىم. خوش، ئەمدى ئېلاستىكلىقنى ئاشۇرىدىغان خۇرۇچقا كېلەيلى. بۇ خىل خۇرۇچنى كالا گۆشى ئۈگرىسىنى ياقتۇرىدىغانلار بەكرەك بىلىشى مۇمكىن، بۇ بولمىسا داڭلىق لەنجۇ كالا گۆشى ئۈگرىسى نەدىمۇ ئۇنداق ئىنچىكە تارتىلسۇن!!! ھەرقانداق ئۇستا ئاشپەزمۇ بۇنى قوشمىسا تەمبۇرنىڭ تارىدەك ئەمەس ئىشتان باغدەك چىقىرىپ قويىدۇ. بەزى ئاشىخانىلاردا لەغمەن چۆپىگىمۇ ئاز تولا ئىشلىتەرمىش، كۆپىنچىسى ئىشلەتمەيدىغاندۇ دەپ ئويلايمەن. بۇنىڭ ئۈنۈملۈك تەركىبى كالىي كاربۇنات ، كالىي كاربونات نىڭ بىرەر ئەكىس تەسىرىنىڭ بارلىقىنى تاپالمىدىم،  لېكىن ئىچىدە راك پەيدا قىلغۇچى سىماپ، قوغۇشۇن قاتارلىق ئېغىر مىتاللار بايقالغانمىش. ئەمدى ، ئۇن مەھسۇلاتلىرىغا كېلەمدۇق! بۇغداي ئۇن بولغىچە پەقەت بىخەتەرلىك مەسىلىسى بولغان بىلەن، پىششىقلاپ ئىشلىنىپ ، يىگۈدەك بولغاندا ئوبدان قارىمىساق بولمايدۇ. باشتا تەييار چۆپنىڭ پارىڭىنى قىپ بىرەي ھە، تەييار چۆپ مۇنداق بولىدۇ قاراڭلار! بىرىنچى قەدەمدە ، ئۇن، سۇ،تۇز ۋە  باشقا خۇرۇچلار ماشىنىدا خېمىر بولىدۇ، ئاندىن سوزىدىغان ماشىنىغا كىرىدۇ، چاچتەك چىققان چۆپلەر بىر ئۈسىكىنىدىن ئۆتكىچە پىشىپ مايدا چالا داغلىنىپ، شۇ قىزىق پىتى بۈدۈر بولۇپ ئاندىن سوۋۇيدۇ. ئاندىن كېسىلىپ خالتىغا قاچىلىنىدۇ. مېنىڭچە، تەييار چۆپتە تۈرلۈك مەسىلىنى ئويلىشىشقا توغرا كېلىدۇ:يەنى 1، دەسلەپكى خىۇرۇچلىرى، بۇنىڭ ئىچىدە لامىيەنجى دىن باشقا ، چىرىشتىن ساقلىغۇچ، ئوكسىدلىنىشتىن ساقلىغۇچ، تەكشىلىگۈچ، رەڭ تەڭشەيدىغان، تەم تەڭشەيدىغان، پۇراق چىقىرىدىغان دىگەندەك بىر مۇنچە خۇرۇچلار قوشۇلىدۇ.بۇلارنىڭ كۆپىنچىسى خېمىيىلىك ماددىلاردىن تەركىب تاپقان، ئۆزىنىڭ ھارام بولۇش نىسبىتى تۆۋەن، ئەمما بۇ خىل خۇرۇچلارنىڭ ھەممىسى ئىچكىرى ئۆلكىلەردىن چىقىدۇ، بۇخىل يىمەكلىك خۇرۇچى ئىشلەيدىغان زاۋۇتلاردا ھەممە خىل خۇرۇچلار ئىشلىنىدۇ، مەسىلەن، تەم خۇرۇچلىرى ئىشلىنىدىغان زاۋۇتتا، ئالما تەم قوغۇن، توخۇ تەم، چوشقا گۆشىنىڭ تەمىگىچە ھەممىسىنىڭ تەمىنى چىقىرىپ بىرەلەيدۇ. ئىشەنمىسەڭلا شىنخۇا جەنۇبىي يولىدىكى يىمەكلىك خۇرۇچى ساتىدىغان دۇكانلارنى ئايلىنىپ بېقىڭلار....... ئاندىن بۇ خېمىيىلىك نەرسىلەرنىڭ بىخەتەرلىكىگە ئىشەنچ قىلغىلى بولمايدۇ. كۆپىنچىسى ئاز ئىستىمال قىلسا ھىچگەپ يوق، لىكىن بەدەندە يىغىلىپ-يىغىلىپ ئاخىرى باشقا چىقىدىغان گەپ. 2،چۆپنى پىشۇرغاندا ئازراق داغلايدۇ، مۇشۇ چاغدا ئىشلىتىدىغان ياغ، بۇ خىل ياغقا ئەلۋەتتە كىلوسى 18 كويلۇق قىچا يېغى ئىشلەتمەيدۇ، قانداق ياغ ئىشلىتىدىغانلىقىنى تەسەۋۋۇر قىلىش تەسرەك.  3، تازىلىق مەسىلىسى، مەن كۆرگەن ئۈرۈمچىدىكى بىر زاۋۇتنىڭ ھالىنى ئويلىسام، كۇلىدا ئىشلەپچىقىرىدىغان زاۋۇتلارنىڭ ھالى قانچىلىكتۇ دەپ ئويلاپ قالىمەن. ھازىر ئامىنە شېركىتى مىللىتىمىزدىكى بىر بوشلۇقنى تولدۇرۇپ ، قەشقەردە تەييار چۆپ زاۋۇتىدىن بىرنى قۇردى، مەنغۇ بېرىپ كۆرمىدىم، لېكىن بىرىنچى نۇقتىدا ئىشلىتىدىغان خۇرۇچلىرىنى ئوخشاش دەپ قارىساقمۇ ئىككىنچى ۋە ئۈچىنچى نۇقتىدا خاتىرجەم بولغىلى بولار دەپ ئويلايمەن؛ ئەمدى نىمىگە كەلدۇق؟ كەسمە چۆپ..... بۇرۇن گوميەن دەپ يەۋىرىتۇق، ھازىر خېلى ئىلغايدىغان بولدۇق. قۇرۇق خېمىرنى ئاشۇنداق تۇرغۇزۇشمۇ خېلى ھۈنەر، بۇنىڭغىمۇ تەييار چۆپتىن قېلىشمىغۇدەك خۇرۇچلار قوشۇلىدۇ، كەسمە چۆپ، تەييار چۆپ، پىنتوزا دىگەندەكلەرنىڭ شۇنچە ۋاقىت بۇزۇلۇپ قالماي، قۇرۇق ۋاقتىدا سۇنماي، قازاندا ئېزىلمەي-ئۈزۈلمەي تۇرغۇزىدىغانغا سۆكەڭ يىلىمىنى بەك ئىشلىتەمىش، بولمىسا اسان سۇنۇپ ئۈزۈلۈپ تۇرمايدۇ دەيدۇ. كۆز بىلەن كۆرمىدۇق، لېكىن نەزەرىيە جەھەتتىنمۇ شۇنداق، ئەمەلىيەتتىمۇ بۇ خىل ئېھتىياجدىن چىقىدىغان ئوخشاش تۈردىكى خۇرۇچلارنىڭ ئەڭ ئەرزىنى يەنىلا شۇ سۆڭەك يىلىمى بولىدۇ دە ئەلۋەتتە. كەسمە چۆپنىمۇ ھازىر قەشقەر نۇسرەت ماركىسى دىگەندەك ئۆز زاۋۇتلىرىمىز چىقىرىۋاتىدۇ،   بەلكىم ياخشىدۇ. مۇشۇ يەردە بىر ئاڭلىغان گەپنى قىستۇرۇپ قوياي، ھازىر خام تاماق دۇكانلىرىدىمۇ ئىشەنچ قالماپتۇدەك، بىراۋ بىر خام تاماق دۇكىنىنىڭ ئىجادچانلىق روھىنى جارى قىلدۇرۇپ لەغمەن خېمىرىغا قاچا يۇيۇش سۇيۇقلۇقى (洗洁精) قوشقانلىقىنى بىلىپ قاپتۇمىش، بۇنى قوشسا پىلتە پارقىراق چىرايلىق چىقارمىش، ئاسان چاپلىشىپ قالماسمىش.... پىچىنە-پىرەنىك. ھازىر ئۇيغۇرلارنىڭ پىشۇرۇقلىرى ۋە پىچىنىلىرى خېلى كۆپ بوپ قالدىغۇ!!! ھەر قانچە بولسىمۇ شۇنى يەيدىغانسىلەر؟  ئەمما بالىلىرىڭىلار دىققەت قىلىڭلار، باشلانغۇچ مەكتەپ بالىلىرىغا قارىساق، ھەممىسىنىڭ قولىدا بەش موچەنلىكتىن ئەخلەت،پىشىىق خام، ئاچچىق چۈچۈك،   سوغۇق سەي دەمدۇ، ئاچچىق سەي دەمدۇ كىچىك كىچىك خالتىدا بىر نىمىلەرنى كۆتۈرۈپ يۈرىشىدۇ. بۇنداق ئۇششاق يىمەكلىكلەرنى ئۇيغۇر كارخانىچىلار كۆپ چىقارمىدى، مۇتلەق كۆپىنچىسى خەقلەرنىڭ. بۇلارنىڭ ئىچىدە ھالال-ھارام، زەھەر – پەھەر ھەممە نىمە تېپىلىدۇ. شۇڭا بۇنىڭ تەركىبلىرىنى ئېنىقلاپ ۋاقىت ئىسراپ قىلغاننىڭ پايدىسى يوق. باشقا تەرىپىنى قويۇپ، ئىشلەۋاتقان يېرىگە  پەۋقۇلئاددە كىرىپ قالماڭ!!! كىرىپ قالسىڭىز، بىر ھەپتە يىگەن نەرسىڭىزنى ياندۇرىۋىتىسىز. تەسەۋۋۇر قىپ بېقىڭ، بىر تەرەپتە بولكا- پىرەنىك پىشۇرىدىغان قىززىق دوخۇپكا، تىنجىق ئۆي، تەرلەپ- پىشىپ ئىشلەۋاتقان، چاچلىرى گەدەندە، تىرناقلىرى بىر سانتا كىلىدىغان قارا باشلار (پىراكتىكا ۋاقتىدا مۇشۇ تۈردە ئىككى ئۈچ زاۋۇتنى كۆرگەنتۇق) ...... ، كۆكتاتنى چالا يۇيۇپ، سەي-كۆكتات توغرايدىغان قاسماق ماشىنىغا تاشلاۋاتقان تەتەي، ئەسكى داستىكى سېسىق لازىغا مىلەپلا قاچىلاۋاتقان شالتاق كىيىملىكلەر......   ھې ھې ھې ... قانداق؟ شۇڭا بالىلار بۇنداق نەرسىلەرنى ھەرگىز يىمىسۇن، يىيىشكە توغرا كەلسە ،ئازراق قىممەت بولسىمۇ مىللىي كارخانلار ئىشلەپچىقارغاننى ئېپ بىرىڭلار، بالىلارنىڭ ئىمانى، قەلبى، ئەقلى بۇلغانمىسۇن!!! خوش ،،بۈگۈن ۋاقىت مۇناسىۋىتى بىلەن سۆھبەت مۇشۇنچىلىق بولسۇن!!!! داۋامىىدىكى گۆش ، سۈت.... توغرۇلۇق گەپلەر ئىنكاش شەكلىدە ھۇزۇرۇڭلاردا بولىدۇ.......

!UYGHURJAN

	تەھلىلىڭىز جايىدا بوپتۇ ، ئاخىرنى تىزراق يوللاسىز .

umidwar99

	سۈت مەھسۇلاتلىرى سۈت ئاللاھ بىزگە يارىتىپ بەرگەن نېئمەتلەر ئىچىدىكى كاتتىسى، لىكىن تولىمۇ نازۇك نەرسە، ياز كۈنى كالىنى سېغىپ قويۇپ قويسىڭىز 2 سائەتكە بارمايلا بۇزۇلۇپ قالىدۇ، ئۇنداقتا خالتىنىڭ ئىچىدىكى سۈتنى ئۆي تىمپىراتۇرىسى يەنى 25 گىرادۇستا قانداق قىلىپ 45 كۈن ساقلايمىز؟ سۈت خالتىسىنىڭ ئۈستىدىكى يۇقىرى تىپىراتۇرىدا قىسقا ۋاقىتتا مىكروبسىزلانغان دىگەن گەپكە ھەرگىز ئىشەنمەڭ. خەق سىزگە سۈتنى پۇشۇرۇپ سېتىپ بەرمەيدۇ، ساتىدىغىنى خام سۈت، بۇنىڭ ھەممىسى چىرىشتىن ساقلىغۇچنىڭ تۆھپىسى، سۈتنىڭ پىششىقلاپ ئىشلىنىش جەريانى پۈتۈنلەي تۆۋەن تېمپىراتۇرىدا ئېلىپ بېرىلىدۇ. سۈت يىغىلىپ كەلگەندىن كىيىن قايمىقى ئايرىۋېلىنىپ ، چىرىشتىن ساقلىغۇچنى ئارىلاشتۇرۇپلا قاچىلىنىدۇ. خەلقئارادا ئېتىراپ قىلىنغان يىمەكلىكنىڭ چىرىشتىن ساقلىغۇچى بىر قانچىلا. كۆپ ئىشلىتىدىغىنى ناترىي بېنزوئات (苯甲酸钠) قاتارلىقلار. يىمەكلىككە مۇشۇلارنى ئارىلاشتۇرسا ساقلىغىلى بولىدۇ، لېكىن مۇددىتى بار، ھەم مىقدارىغا چەك قويۇلىدۇ، مەسىلەن ئاچچىقسۇدىكى ناترىي بېنزوئاتنىڭ تەركىبى ھەر كىلودا 0.1 گرامدىن ئاشماسلىقى كېرەك دىگەندەك، شۇڭا بىر خىل چىرىشتىن ساقلىغۇچ بىلەن ئۇنداق ئۇزۇن مۇددەت ساقلاش تەس ئىش.  باشقۇرغۇچى ئورگانلار دۆلەتنىڭ سۈتكە قوشۇدىغان چىرىشتىن ساقلىغۇچ تەركىبىگە قارىتا تەكشۈرۈش ئېپ بارىدۇ، ئەمما كارخانا سۈتكە قوشۇدىغىنىنى ئۆلچەملىك قوشقان بىلەن گۆشكە قوش دەپ بەرگەندىن ئەكىلىپ قوشىۋەتسە، ئۇنىڭ بىلەن كىمنىڭ كارى؟؟؟ بۇلارنى ئانچە خەتەرلىك دەپ كەتكىلى بولمايدۇ، بۇلار خېمىيىلىك ماددا، نورمال ئەھۋالدا بەدەنگە چوڭ زىيىنى يوق، ھارام بولمىغاندىكىن قەلبىڭىز بولسىمۇ بۇلغانمايدۇ.  ئىشنىڭ يامان يېرى شۇ يەردىكى، كالىنىڭ سېغىلىش جەريانى گۇمانلىق، بىر فېرىدىكى كالىنىڭ ھەممىسى بىر كۈندە يەڭگىمەيدۇ، سۈتىنىڭ مىقدارىمۇ ئوخشاش ئەمەس، ئەمما سېغىلىشى ئوخشاش، دىمەك ، سۈتى ئازراق كالىلارنىڭ سۈتى تۈگىگەندىكىن سېغىش ماشىنىسىنى ئېلىۋەتكۈچە قان كىتىدىغان گەپ....... ماۋۇ ئىشقا ھىچكىم كاپالەت بىرەلمەيدۇ. سۈت قىزىرىپ قالسا چوڭ مەسىلە ئەمەس، ئاقارتقۇچ بار ئەمەسمۇ!!!! مۇشۇنداق جايلايدىغان گەپ.  ئانچە مۇنچە سۈتنىڭ تەمى كىتىپ قالسىمۇ ھىچگەپ ئەمەس، بازاردا كىلوسى يۈز نەچچە يۈەنلىك تېتىتقۇلار بار، بىر قاچا سۇغا نەچچە تېمىم قۇيۇپ قويسام ، قانداق نەسىللىك كالىنىڭ سۈتىدۇ بۇ دەپ ئىچىۋىتىسىز. قالتىسمىكەن؟ يەنىلا كۇچانىڭ سوپۇنى ياخشى، مەلىڭىزدە كىلولاپ ساتىدىغان سۈتتىن ئېلىپ ئىچىڭ، بۇلارنىڭ ئىنساپلىقى كالىنى سېغىپلا ئەكىلىدۇ، بۇنداقلار ئاساسەن يوقمىكىن دەيمەن، مۇنداقراقلىرى قايمىقىنى ئايرىۋېلىپ ئەكىلىدۇ، سەل ئىنساۋى كىتىپ قالسا سۇ بىلەن سۇيۇلدۇرغان سۈتنى ئالىسىز، بۇنىڭغا يۈزى بەك چىدىماي قالسا مەنتەڭنى ئارىلاشتۇرۇپلا ئەكەپ بەسە، ئىشقىلىپ دورا قوشقاندىن ياخشى دەپ ھەمدۇ سانا بىلەن ئىچسىڭىز بولىدۇ. خالتىلىق سۈتنى زادى ئىچىتىم دەپ تۇرىۋالسىڭىز ، تەۋسىيە قىلىدىغىنىم، گەيرۇي بىلەن مەيچۇەرنىڭ 48 سائەت ساقلىنىدىغان سۈتى بار ، شۇنى ئىچىڭ، ھەر ھالدا 45 كۈن ساقلىنىدىغان سۈتكە قارىغاندا ياخشى. سۈتتىن يەنە كۆپرەك ئىشلەيدىغىنى قېتىق، كوچىدا چىنىلەپ سېتىۋاتقان  يەرلىك قېتىق بولسا قورقماي ئىچىڭ، ئەقىل-ئىمان،سالامەتلىكىڭىزنى ئويلىسىڭىز چوڭ زاۋۇتلارنىڭ قېتىقىنى ئامال بار ئىستىمال قىلماڭ، قېتىقنىڭمۇ ساقلىنىش ۋاقتى چەكلىك، قۇتىلىق ققېتىقلارنىڭ ھىچقايسىنىڭ ئىچىنى كۆرگىلى بولمايدۇ. قېتىق ئۇيىغاندىن كىيىن ، ئۇنىڭغا قانداق نەرسىلەرنى قوشىدىغىنىنى ئاۋال خۇدا ئاندىن قالسا شۇلار ئۆزى بىلىدۇ. ئەمما، كەم دىگەندە تۇراقلاشتۇرغۇچ (بۇ مۇشۇنىڭغا ئوخشىغان سۇيۇقراق، ئاستىغا ئولتۇرىۋالىدىغان ياكى سۈزۈلۈپ قەۋەتكە ئايرىلىۋالىدىغان يىمەكلىكلەرنى ھەممە يېرىنى تەكشى تۇتۇپ تۇرىدىغان بىرخىل خۇرۇچ، خام ماتېرىيالى ھايۋانات ۋە ئۆسۈملۈكلەردى كېلىدۇ، ئەلۋەتتە ھايۋان تېنىدىن ئايرىلغىنى ھارام) ،چىرىشتىن ساقلىغۇچ، قۇلۇپنىك تەم، ئۇ تەم بۇ تەملەرنى چىقىرىدىغان تەم تەڭشىگۈچلەرنى قوشماي قاچىلانمايدۇ. لىكىن مىسرانىم تورىدا بىر تورداش ئەسكى ئاياغدىن سۈت چىقارغاننى ئاڭلاپتۇمىش، ما گەپكە ئانچە ئىشەنمەيمەن. چىقىراي دىسە ئەسكى ئاياقنى جاپا تارتىپ قاينىتىپ شورپىسىنى چىقىرىپ يۈرمىسمۇ قۇرۇق سۇدىلا چىقارغىلى بولىدۇ. سۈت توغرىلىق مۇشۇنچىلىك توختالساق بولا؟؟؟؟ گۆش ۋە ئۆي قۇشلىرى بىز تامىقىمىزدىن خۇدايىم بەرسە گۆش ئايرىلمايدىغان خەق، بۇرۇن خاتىرجەمتۇق، لىكىن ھازىر گۆشمۇ بىر مەسىلە، قانداق مەسىلە؟ بېقىشتىن تارتىپ سويۇشقىچە ھەممىسى مەسىلە. ئاڭلىساق ، نۇرغۇن بورداقچىلار كالىنىڭ يېمىگە سەمىرىتىدىغان دورا قوشىدىكەن، ھېلىقى ئىسمىنى بىلمەيدىغان دورا شۇنچىلىك كۈچلۈككەنكى، 2توننا يەم خەشەككە ئاران 3 گرام قوشىدىكەن، ئوشۇق بوپ كەتسە كالىنىڭ ئاغزى بۇرنىدىن قان كىتەرمىش، بۇ خەشەكنى يىگەن كالىلار تۇلۇم بوپ كىتەرمىش...... ۋەھاكازالار.... كالىنىڭ ئاغزى بۇرنىدىن قان كەتكۈزىۋەتكەن دورا ئادەمنى نىمە قىلىۋىتە؟؟؟ بۇنداق دورىلارنى سېتىشنى ھۆكۈمەت ئانچە مۇنچە چەكلەپ قويىدۇ قويلارنى بۇرۇن سودىگەرلەر تاغ-تاغدىكى مالچى قازاقلاردىن ئەكىلىپلا سويىدىغان، بىر ئىككى يىلدىن بىرى ھۆكۈمەتنىڭ قازاقلارغا ئىچى ئاغرىپ كىتىپ، ھەممىسىگە بىردىن كاتەكنى سېپ بېرىپ يايلاقنى يىغىۋېلىۋاتىدۇ، قويلارمۇ قوتانغا سولانسا كۆرىدىغىنىمىز بارغۇ تېخى..........    مال سويۇش جەريانىنى ھېلىقى ‹قوتاندىن توڭلاتقۇغىچە › دىگەن فىلىمنى كۆرۈپ ھۆ بولدۇڭلار ھەقىچان....... بولدى سۆزلىمەي. ئۆي قۇشلىرىغا بېرىلىۋاتقان ھورمۇن (激素) كەڭ تونۇلغان شەخسلەردىن بوپ قالدى. تورلاردا كۆرگەنسىلەر بەلكىم ، ھورمۇن بىرىلىپ باققان سەككىز قانىتى، ئالتە پۇتى بار توخۇلارنى. ھورمۇن جانلىقلاردا بولىدىغان نىمە، ھەرقايسى تەرەپلەرنى كونترول قىلىدىغان ھورمۇنلار ھەرخىل بولىدۇ، مەسىلەن كۆپىيىش سېستىمىسى ھورمۇنى دىگەندەك، فېرمىلاردا ئاساسلىقى سەمىرىتىدىغان، تېز يوغىنىتىدىغان ھورمۇنلارنى ئىشلىتىدۇ، ھازىرقى  كىنتاكىيدا توخۇنى جىق يىگەن  بالىلارغا قارىسىڭىز ھەممىسى سىمىز سىمىز، خام سىمىز، كىچىككىنە تۇرۇپ ساقال بۇرۇتلىرى تولۇق، بۇ بىرىنچىدىن مۇھىتنىڭ تەسىرى، يەنى ئەتراپتىكى ھاياسىز كۆرۈنۈشلەر بالىلارنىڭ جىنسىي جەھەتتىكى يىتىلىشىنى ئىلگىرى سۈرىۋەتكەن، يەنە بىر تەرەپتىن يىمەكلىكلەردىكى ھورمۇن ۋە باشقا زەھەرلەر ئادەمنىڭ ئىچكى ئەزالار تەڭپۇڭلۇقىنى  بۇزىۋەتكەنلىكتىن بولىدۇ. ھورمۇن ئادەمنى سەمىرىتىۋىتىشتىن باشقا، سۆڭەكنى بوشاشتۇرۇپ، بۇزىدۇ، ھەزىم قىلىش سېستىمىسىغا ئىنتايىن زىيانلىق، قاندىكى شىكەرنى ئۆرلىتىۋىتىدۇ، ئىممۇنىتىت كۈچىنى ئاجىزلىتىۋىتىدۇ، تېرىنى بۇزىدۇ، بالىلارنىڭ ئۆسۈشىنى تېزلىتىۋىتىدۇ. بۇنىڭدىن باشقا ، تاللا بازارلىرىدا سېتىلىۋاتقان توخۇ گۆشلىرىنىڭ كۆپىنچىسى كۇلىدىن كەلگەن، تېلىۋىزورلاردا ماختاپ ئۇچىرىۋەتكەن توخۇلارنىڭمۇ بىردىن بىردىن چاۋىسى چىتقا يېيىلغىلى تۇردىغۇ ئەنە؟؟؟؟ دىمەك بازاردا سېتىلىۋاتقان توخۇ گۆشلىرى مۇشۇنداق ئالاھىدىلىكلەرگە ئىگە. نىمە يەيمىز دەمسىز؟ 30 كوينى يانچۇققا سېلىپ چىقسىڭىز ئۈرۈمچىىنىڭ چىڭخەي مەسچىتنىڭ قېشىدا خۇيزۇ قېرىنداشلار سويۇپ تازىلاپ بىرىدۇ، باشقا يەرلەردە ئۇيغۇرلارنىڭمۇ بار،  ھە راست، گۇچۇڭدا رابىيە خانىمنىڭ توخۇ فېرمىسىنى زىيارەت قىلىپ كەلسەڭلارمۇ بولىدۇ. ئۆتكەندە چىقايلى دەپ پۇرسەت بولماي قالدى. خەير،،،،، بۇ گەپلەر مۇشۇ يەردە تۇرۇپ تۇرسۇن، ئەمدى نىمە توغرىسىدا گەپ ساتاي؟

ANWAR425

	ئاللاھ  ئىنسانلار نىڭ كۈڭلىگە ئىنساپ ھىدايەت بەرگەيسەن  !!!!

yidayat164

ANSWER