ياڭاق بۆرەكنى قۇۋۋەتلەپ، ئۈچەينى سىلىقلايدۇ

bugaltir

	ياڭاق بۆرەكنى قۇۋۋەتلەپ، ئۈچەينى سىلىقلايدۇ 　　ياڭاقنىڭ تەبىئىتى مۆتىدىل، تەمى تاتلىق بولۇپ، ئاشقازاننى ساغلاملاشتۇرۇش، قان تۇلۇقلاش، ئۆپكىنى ياخشلاپ ئۈچەينى سىلىقلاش، مېڭىنى قۇۋۋەتلەش قاتارلىق ئىقتىدارغا ئىگە. تۆۋەندە ياڭاق ئارقىلىق داۋالىغىلى بولىدىغان كېسەللىكنىڭ ئاددى رېتسىپلىرىنى چۈشەندۈرىمىز. 　　1. ياڭاق، ھەسەل، چاينى بىرلەشتۈرۈپ ئىستىمال قىلغاندا، ئاستا خاراكتىرلىك قەۋزىيەتنى داۋالىغىلى بولىدۇ: 5 گىرام ياڭاق، 1 گىرام ھەسەلنى قايناقسۇغا سېلىپ ئىستېمال قىلغاندا، ئۈچەينى سىلىقلاپ، تەرەتنى راۋانلاشتۇرىدۇ. 　　2.ياڭاق بىلەن كۈنجۈتنى ئارىلاشتۇرۇپ، ئىستېمال قىلغاندا چاچقا بالدۇر ئاق كىرىشىنى داۋالىغىلى بولىدۇ: ياڭاق بىلەن كۈنجۇتتىن 5 گىرامنى ئىزىپ، مەلھەم قىلپ ئىستېمال قىلغاندا، چاچقا بالدۇر ئاق كىرىشنىڭ ئالدىنى ئالىدۇ. 　　3. ياڭاق بىلەن زەنجىۋىلىنى بىرلەشتۈرۈپ ئىستېمال قىلغاندا، يۆتەل ۋە دەم سىقىلشنى داۋالاشقا ياردىمى بولىدۇ: بىر تالدىن ئىككى تالغىچە ياڭاق مېغىزى، بىر پارچىدىن ئىككى پارچىغىچە زەنجىۋىلنى ئۇششاق ئىزىپ، ھەر كۈنى ئەتىگىنى ۋە كەچتە بىر ۋاقتىن ئىستېمال قىلىپ بەرسە ئۆپكە ۋە تالنى قۇۋۋەتلەپ، بەلغەمنى بوشىتىپ نەپەسنى ياخشىلايدۇ. بولۇپمۇ ئۆپكە ۋە بۆرەك ئاجىزلىقىغا ياخشى مەنپەئەت قىلىپ، ئۇۇن مۇددەتلىك يۆتەل، بەلغەم ۋە دەم سىقىلىش قاتارلىق كېسەللىكلەرنى داۋالىغىلى بولىدۇ. 　　4. ياڭاق بىلەن سۈتنى قوشۇپ ئىستېمال قىلغاندا ئۇيقۇسىزلىق كېسىلىنى داۋالىغىلى بولىدۇ: 6 تال ياڭاقنى بىر ئىستاكان سۈتكە سېلىپ، قاينىتىپ، ئۇخلاشتىن بۇرۇن ئىستېمال قىلىپ بەرگەندە، نېرۋىنى تىنچلاندۇرۇپ، ياخشى ئۇخلىغىلى بولىدۇ. 　　5. ياڭاق سېلىپ تەييارلانغان گۈرۈچ ئۇمىچىنى ئىستېمال قىلغاندا يۈرەك قان تومۇر كېسەللىكىنىڭ ئالدىنى ئالغىلى بولىدۇ: 50 گىرام ياڭاق مېغىزى ۋە 50 گىرام گۈرۈچنى 500مىللىلىتىر سۇغا سېلىپ، كۈچلۈك ئوتتا قايناتقاندىن كىيىن، ئوتنى پەسەيتىپ، ئۇماچ ھالىتىگە كەلتۈرۈپ، ئىستېمال قىلىپ بەرگەندە، خولىستېرىننى تۆۋەنلىتىپ، قان تومۇرلارنىڭ توسۇلۇپ قېلىشىنىڭ ئالدىنى ئالغىلى بولىدۇ.   مەنبە    :   خەلق  تورى   . http://uyghur.people.com.cn/156019/15227606.html

izqel

	لىكىن ياڭاق بەك ئىسسىق.تولاراق قۇرۇق يەۋىلىپ ئىسسىق تۇتىۋىلىپ جاپا سالىدۇ.ئەمدى ئارلاشتۇرۇشنى ئۆگەنسەم بولغۇدەك. ئىچكىرىنىڭ ياڭاقلىرى بىلەن دىيارىمىزنىڭ ياڭاق تەركىبى ئوخشاشمۇ؟

matura

	بۇ بىلىۋىلىشقا تىگىشلىك ساۋاتكەن....

aptap104

	ياڭاقنىڭ تەبئىتى سوغاقما . مىنىڭ تىلىم ئاغرىپ قالدىكەن جىقراق يىسەم ..

bugaltir

	ياڭاقنىڭ شىپالىق رولى         　　ياڭاق دورىلىق قىممىتى ناھايىتى يۇقىرى مېۋىلەرنىڭ بىرى. ياڭاق مېغىزى تاتلىق، تەبىئىتى ئازراق قۇرۇق ئىسسىق بولۇپ، قانچە ئۇزاق تۇرغانسېرى ئۇنىڭ قۇرۇقلۇق دەرىجىسى شۇنچە ئېشىپ بارىدۇ. ياڭاقنىڭ تەركىبىدە ئاقسىل، قەنت، ياغ، كالتسىي ۋە ماگنېي قاتارلىق ئېلمېنتلار مول بولۇپ، ئۇيغۇر تېبابىتىدە ياڭاقنىڭ مېغىزى، پاسىلى، سىرتقى كۆك پوستى ۋە يۇمران شاخلىرىمۇ دورا ئورنىدا ئىشلىتىدۇ. 　　ياڭاق قان ئايلىنىشنى ياخشىلايدۇ، بەلغەمنى بوشىتىپ، چاچ ئۆستۈرىدۇ ۋە چاچنى قارايتىدۇ. چوڭ تەرەتنى راۋانلاشتۇرۇپ، يەلنى ھەيدەيدۇ. تېرىنى پارقىرىتىپ، مېڭىنى قۇۋۋەتلەيدۇ. 0.5 كىلوگىرام ياڭاق مېغىزىنىڭ ئوزۇقلۇق قىممىتى 2.5 كىلوگىرام تۇخۇم ياكى 4.5 كىلوگىرام كالا سۈتىگە باراۋەر كېلىدۇ. ھەر كۈنى ئەتىگەن ۋە كەچتە 10 گىرام ئۈزۈمنى ياڭاق مېغىزى بىلەن قوشۇپ يەپ بەرسە، باش ئاغرىش، ئۇيقۇسىزلىق، يۈرەك رېتىمسىز سېلىش، ئىشتىھاسىزلىق، بەل-پۇت ئاغرىش، كۆپ چۈش كۆرۈش قاتارلىقلارغا شىپا بولىدۇ. شۇنداقلا يەنە ئادەمنىڭ كېسەلگە قارشى تۇرۇش ئىقتىدارىنى ئاشۇرۇپ، ئۆمۈرنى ئۇزارتىدۇ. ئۆپكىنىڭ ئىقتىدارىنى ياخشىلاپ، ھەر خىل سەۋەبلەردىن كېلىپ چىققان يۆتەلنى توختىتىپ، بەلغەمنى بوشىتىدۇ. ھۆل ياڭاقنى ئېزىپ يۈزگە سۈرۈپ بەرسە، يۈزدىكى قارا داغلارنى ۋە قورۇقلارنى يوقىتىدۇ. ياڭاق پاسىلىنى قاينىتىپ چاي ئورنىدا ئىچىپ بەرسە، باھنى قۇۋۋەتلەيدۇ. ياڭاق يېغىنى مۇۋاپىق مىقداردا قۇلاققا تېمىتىپ بەرسە، ئوتتۇرا قۇلاق ياللۇغىغا شىپا بولىدۇ. مەنبە   :   خەلق  تورى    . http://uyghur.people.com.cn/156019/15162671.html

katran

	بىلىۋالاي ھە. كۆپ رەھمەت، مەندە كىچىك بولغىنىم بىلەن دەم سىقىلىش بار، كېچىلىرى بۇرنۇمدىن تىنىپ ئۈلگۈرمەي ئېغىزىمنىمۇ ئېچىپ ئۇخلايدىغان بولۇپ قالدىم، شۇنىڭ بىلەن ئاسانلا گال ئاغرىيدىغان كېسەلگە قالدىم، كۆپ رەھمەت تېما ئىگىسىگە..........

qolyigiti

	بۇ بىر بىلىۋلىشقا تىگىشلىك ياخشى ساۋات ئىكەن

xavkun

	izqel يوللىغان ۋاقتى  2012-5-24 04:46 PM لىكىن ياڭاق بەك ئىسسىق.تولاراق قۇرۇق يەۋىلىپ ئىسسىق تۇ ... بىزنىڭ ياڭاققا يەتمەيدۇ ،ئىچكىرنىڭ مسۇغۇق چىقىشى ئىنىق .