تاماقنىڭ تەمىنى يەيسىز!!!

muqam

	بۈگۈن بىر قانچە ئىچكىرىدىن كەلگەن دوستلىرىمنى مېھمان قىلىش ئۈچۈن دۆڭكۆۋرۈك ئەتراپىدىكى خېلى چىرايلىق بېزەلگەن مەلۇم بىر تاماقخانىغا باشلاپ باردىم، ئۇلار بۇ تاماقخانىنىڭ بېزىلىشىنىڭ چىرايلىقلىقىدىن تولىمۇ ھەيران قالدى ھەمدە ئۇيغۇرلارنىڭ بىناكارلىق جەھەتتىكى قابىلىيىتىگە تولىمۇ قايىل بولدى. بىر 3 ئادەم ئولتۇرۇشقا بولىدىغان بىر ئۈستەلدە ئولتۇرۇپ تاماقلارنى بۇيرۇتۇپ بولغاندىن كېيىن ئۆزىمىزنىڭ پارىڭىغا چۈشۈپ كەتكەن ئىدۇق. شۇ ئارىلىقتا بىر قانچە مويسىپىت بوۋايلار تاماقخانىغا كىرىپ كەلدى، مەن دەل ئىشىك تەرەپكە ئۇدۇل ئولتۇرغاچقىمۇ كىرىپ - چىققانلارنى ئېنىق كۆرۈپ ئولتۇراتتىم. ئۇلارنى مۇلازىم دەل بىز ئولتۇرغان ئۆستەلنىڭ يېنىغا ئورۇنلاشتۇردى. ئۇلار مەسلىھەتلىشىپ 4 كىشىلىك لەڭمەن بۇيرۇتتى. بىزنىڭمۇ تامىقىمىز چىقىپ قالغاچقا پارىڭىمىزنى قويۇپ تاماققا ئېغىز تېگىشكە  چۈشۈپ كەتتۇق، ئۇزۇنغا قالماي يېنىمىزدىكى بوۋايلارنىڭمۇ تاماقلىرى چىقتى، مەن بۇ تاماقخانىنىڭ تاماقلىرىنىڭ قىممەتلىكىگە ئېلىپ چىققان تاماقلىرىنىڭمۇ ناھايىتى ئاز ئىكەنلىكىنى بىلەتتىم، بۈگۈنمۇ دېگەندەك ئۇ 4 بوۋايغا ئائىلىدە ئىشلىتىدىغان كىچىك چاي پىيالىسىدە بىر پىيالىدىن سەي، يەنە بىر تەخسىدە ئاستى كۆرۈنۈپ قالىدىغان لەڭمەن چۆپى ئاچىقىپ بەردى، ئۇلار بۇ سەي بىلەن لەڭمەننى چوكىغا بىر ئىلىپ يىيىشى بىلەنلا تۈگۈدى. مەن تاماق يىگەچ بۇ بوۋايلارغا سەپسىلىپ ئولتۇرغان ئىدىم، ئۇلار ئۆزئارا پاراڭلاشقاچ ئولتۇراتتى، ئۇلارنىڭ ئىچىدىكى بىر بوۋاينىڭ قوسىغى بەكلا ئېچىپ كەتتىمۇ قانداق مۇلازىمغا: _ بالام بىر بۇيرۇتقان لەڭمەننىڭ چۆپى قاچان چىقىدۇ؟ ، دىدى. _ سىلەرنىڭ بۇيرۇتقان تاماق چىقىپ بولدى، دىدى. _ نېمە ؟ چىقىپ بولدى، بايا ئەچىققان چۆپ لەڭمەننىڭ چۆپىما ؟؟ بالام ئۇنى قانداقمۇ بىر پۈتۈن لەڭمەن قاتارىدا ھېسابلىغىلى بولسۇن، بىز يا چارەك لەڭمەن بۇيرۇتمىغان تۇرساق ؟؟!! ئۇلارنىڭ مۇلازىم بىلەن قىلىشىۋاتقان گەپ - سۆزلىرى ئەتراپتىكىلەرگە ئېنىق ئاڭلىنىپ تۇرغاچقىمۇ تاماقخانىدا تاماقلىنىۋاتقان كىشىلەرنىڭ ھەممىسى دېگۈدەك ئۇلار قاراپ قالدى، شۇ ئارىلىقتا پۇل ئېلىش ئورنىدا تۇرغان بىر يىگىت كېلىپ نېمە ئىش بولغانلىقىنى مۇلازىمنى سورىدى ھەمدە: _ بۇ دېگەن ئالىي دەرىجىلىك تاماقخانا، كىشىلەر بۇ يەرگە قوساق تويدۇرغىلى كىرمەيدۇ، تاماقنىڭ تەمىنى تېتىغىلى ۋە چىرايلىق بېزەكلىرىمىزدىن ھوزۇرلانغىلى كىرىدۇ، دىدى. بۇ گەپنى ئاڭلاپ ئەرۋاھىم قىرىق گەز ئۇچۇپ بۇ باشقۇرغۇچىنىڭ گېپىگە قاتتىق ئاچچىقىم كېلىپ ئەمدى گەپ قىلاي دەپ تۇرۇشىمگە ھېلىقى بوۋايلاردىن بىرسى: _ بالام بىزگە ئاچچىقلانما، بىز دەل مۇشۇ مىللىتىمىزنىڭ، ئۇيغۇرلارنىڭ تاماقلىرىنىڭ تەمىنى تېتىۋاتقىلى ئالدىمىز 80 يىل كەينىمىز 70 يىلدىن ئاشتى، بىز ئۇلارنىڭ قايسى تامىقىنىڭ تەمىنىڭ قانداقلىقىنى تولىمۇ ياخشى بىلىمىز ھەم تېتىپ يەپ كېلىۋاتىمىز، بىر بۈگۈن بۇ تاماقخانىغا تاماقنىڭ تەمىنى تېتىغىلى ئەمەس بەلكى ئاچقان قۇرسىقىمىزنى تويدۇرغىلى كىرگەن، سىلەرنىڭ تاماقخاناڭلارنىڭ مۇلازىمىنىڭ بۇنداق ناچار ئىكەنلىكىنى بىلگەن بولساق ئېسىت شۇ 18  يۈەندىن چارەك لەڭمەن يىگەن پۇلىمىزغا گۆش ئېلىپ ياتىقىمىزغا بېرىپ شورپا ئىچەركەنمىز، بالام ۋاقتىڭ چىقسا بىزنىڭ يۇرتلارغا بارغىن، بىز 4 بوۋاي بىر يەردە ئولتۇرىمىز، ھۆرمىتىڭگە قوي سويۇپ قولىمىزدىن كېلىشىچە ئىززىتىڭنى قىلىمىز، ئۇيغۇر تائاملىرىنىڭ تەمىنىڭ قانداق بولىدىغانلىقىنى مومايلىرىمىز ساڭا كۆرسىتىپ قويىدۇ ....... پۈتۈن تاماقخانىدىكى كىشىلەر ئورۇنلىرىدىن تۇرۇشۇپ چاۋاك چېلىشىپ كەتتى، بەزى كىشىلەرنىڭ كۆزلىرىدىن ھاياجان ياشلىرىمۇ چىقىپ كەتتى، بۇۋاينىڭ دېگەن گەپلىرى ئەمەلىيەتتىمۇ تولىمۇ ئورۇنلۇق جاۋاب ئىدى، گەپ قىلغان بوۋاي ئاچچىقلانمىدى، تولىمۇ مۇلايىملىق بىلەن ھېلىقى باشقۇرغۇچى يىگىتنى ئاسمانغا چىقاي دېسە ئاسمان ئېگىز، يەرگە كىرەي دېسە يەر قاتتىق دېگەندەك ئوسال ئەھۋالغا چۈشۈرۈپ قويدى، مەنچە تاماقخانىدىكى بارلىق خېرىدارلارنىڭ كۆڭلىدىكى گەپنى مۇشۇ بوۋاي بىز ئۈچۈن دەپ بەردىغۇ دەيمەن ..... شۇ ئارىلىقتا بىر قانچە خېرىدار كىشى كېلىپ بوۋايلارنى ئۆزلىرى مېھمان قىلىدىغانلىقىنىمۇ ئىزھار قىلىشىپ ئۈلگۈردى، ئەمما خىزىر سۈپەت بوۋايلار ئۇلارنىڭ تەكلىپلىرىنى چىرايلىقچە رەت قىلىپ بىر - بىرىنى يۆلەشكەن ھالدا تاماقخانىدىن چىقىپ كەتتى ....... مەنبە: مەن شاھىت بولغان ئىشلار

elif1211

	دىمىسىمۇ شۇ ، تاماقلىرىنىڭ ئازلىقى،ئادەمنىڭ پۇلغا ئىچى ئاغرىپلا قالىدۇ جۇمۇ.

perfume

	تېمىغا مۇناسىۋەتلىك گەپ قىلىپ قالدىم ،كەچۈرۈڭ !!!مۇنبەر باشلىقلىرى نېمە ئۈچۈن بايا يوللىغان ياپونلۇقلارنىڭ مىللىي خاراكتىرى دىگەن تېمامنى سەۋەپسىزلا ئۈچۈرۋىتىسلەر ؟؟ تېما تەستىقلنىپ بولغاندىن كېيىن ،تېمىغا چۈشكەن ئىنكاسقا ئاساسەن يىشۇنىڭ رەسىمنى تۇلۇقلاپ چىقىرىپ قويسام پۈتۈن تېمام ئۆچۈرلۈل كىتىپتۇ يا؟؟؟...............................

yalkun128809

	دىمسىمۇ ھەزىر تاماق پۇل ئەمەس ئاشخانىنىڭ (جۇاڭشوسى) پۇل

uqkun500

	بۇ بۇۋايلار دەل جايىدا گەپ قىپتۇ ، ناۋادا سىز دىگەن بولسىڭىز بەلكىم نىمە ئىشلار يۇز بىرەدى ھە .

yurkimzida

	تاماقخانىغا تاماق يىگلى كىرمەي جۇئاڭشوسىنى كۆرگىلى كىردىغان ئادەملەمۇ بامۇدۇ؟؟؟؟؟؟؟؟؟؟؟

aptap104

	بەزى تاماقخانىلارغا كىرسەك ئۆزىمىزنى گۇاڭجۇغا كەپ قالغاندە ھىس قىلىدۇ ئادەم جىما .. خوجايىنلار ھازىر  شەيتانغا خوجايىن بوپتۇ .

katran

	كاۋا پۇل ئەمەس باراڭ پۇل، شۇڭىمۇ داڭلىق تاماقخانىلارغا كىرگىلى بولمايدۇ جۇمۇ، قىسقىسى خوتەندىمۇ شۇنداق ھازىر............ مەنمۇ بىر ئايال تۇرۇپ تويمايمەن بىر قاچا لەغمىنىگە..........