ياشىنىپ قالغان ئاتا - ئانىلاردىن سوراشقا تېگىشلىك سەككىز سوئال

dilnaz624

	ياشىنىپ قالغان ئاتا - ئانىلاردىن سوراشقا تېگىشلىك  سەككىز سوئال سوئال سوراشتىن خېجىل بولماڭ، سورىغاندىلا، ئاندىن جاۋابى بولىدۇ. ئاتا - ئانىمىزنىڭ جاۋابى ئادەمنى ئويغا سېلىپ، چوڭقۇر تەسىرلەندۈرىدۇ. بىز ئاتا - ئانىمىز بىلەن ھاياتىمىزدىكى نۇرغۇن كۈنلەرنى بىللە ئۆتكۈزىمىز. لىكىن، كۆپ چاغلاردا ئائىلە ئىشلىرىنى قىلىشىپ بېرىش بىلەنلا بولۇپ، ئۇلار بىلەن ئىنتايىن ئاز مۇڭدىشىمىز. ئەمما، ۋاقىتنىڭ ئۇچقانداق تىز ئۆتۈشى بىلەن ھەممىمىز قېرىيمىز، شۇڭا ھەر ۋاقىت ئاتا - ئانىلىرىمىز بىلەن مەزمۇنى چوڭقۇر سۆھبەتلەرنى ئېلىپ  بېرىشىمىز لازىم. سىز ئاتا - ئانىڭىزدىن تۆۋەندىكىدەك سوئاللارنى سوراپ باقسىڭىز بولىدۇ؛ 1. سىز ماڭا ئاتا - ئانىڭىز، يەنى بوۋام - موماملار توغرۇلۇق سۆزلەپ بەرسىڭىز قانداق؟ ئائىلە تارىخى پەقەت نەسەبنامە ۋە ئالبومدىكى سۈرەتلەر بىلەنلا چەكلەنمەيدۇ. ئائىلدىكى ئىشلارمۇ ئائىلە تارىخىنىڭ مۇھىم بىر قىسىمى. ئائىلىڭىزدە چوقۇم ئەجداتلىرىڭىزنىڭ ئەۋلادتىن - ئەۋلادقا تارقىتىلىپ كېلىۋاتقان ھېكايىسى ۋە ئىش ئىزلىرى بولىدۇ. 2. بالىلىق چاغلىرىڭىزدىكى ھېكايىلىرىڭىزنى ماڭا ئېيتىپ بېرىڭە، بولامدۇ؟ ئاتا - ئانىڭىزنىڭ خەتەرلىك سەرگۈزەشتىلىرى، ئارزۇسى، ئەندىشىسى ۋە دوسىتلىرى بىلەن بولغان مۇناسىۋىتى قاتارلىقلار كۆپ ھاللاردا ئىنتايىن قىزىقارلىق بولۇپ، ئادەمنى چوڭقۇر ئويلاندۇرىدۇ. نېمىشقا بۇ ئىشلارنى سوراپ خاتىرلىۋالمايسىز؟ 3. كىچىك ۋاقتىمدىكى ئىشلىرىمىنى ئېيتىپ بېرەلەمسىز؟ ئاتا - ئانىڭىز چوقۇم سىزنىڭ كىچىك ۋاقتىڭىزدا يۈز بەرگەن قىزىقارلىق ھەم ئەخمىقانە ئىشلىرىڭىزنى ئەسلىيەلەيدۇ. كىيىن بالىڭىز سىزدىن بالىلىق ۋاقىتلىرىڭىزنى سورىسا، سىزمۇ بىمالال سۆزلەپ بىرەلەيسىز. 4. سىزنىڭ ماڭا قانداق نەسىھىتىڭىز بار؟ ئاتا - ئانىڭىز پۈتكۈل ئۆمىرىدە نۇرغۇن كەچمىشلەرنى بېشىدىن ئۆتكۈزگەن، سىز بۇ كەچمىشلەردىن نۇرغۇن نەرسىلەرنى ھېس قىلىپ يېتەلەيسىز. ئۇلار بەلكىم سىز بىلەن پەلسەپىۋى ئەھمىيەتكە ئىگە قىزىقارلىق ۋە ياكى گۆدەكلەرچە قىلغان ئىشلىرى بىلەن ئورتاقلىشىدۇ. ئۇلار قانداق ئىش بولۇشتىن قەتئىنەزەر، ئۇ ئائىلىڭىزنىڭ ماقال - تەمسىلى ياكى قىممەتلىك رىۋايەتلىرى بولۇپ قېلىشى مۇمكىن. 5. سىزنى ئەڭ بەخىتلىك قىلغان ۋە مەغرۇرلاندۇرغان ئىشلار قايسى؟ ئۇلارنى ھاياتىدىكى ياخشى ئىشلار - نەتىجىلەرگە ئېرىشكەن، خۇشاللىققا چۆمگەن، پەخىرلەنگەن ۋاقىتلىرى توغرۇلۇق سۆزلەپ بېرىشكە تەكلىپ قىلىڭ. بەلكىم سىز ئاتا - ئانىڭىزنىڭ بەختىنىڭ ياكى پەخىرلىنىشىنىڭ سەۋەبى بولۇشىڭىز مۇمكىن. 6. سىزنىڭ ئەڭ چوڭ ئەپسۇسلىنىدىغان ئىشىڭىز قايسى؟ مۇبادا پۇرسەت بولسا سىز قانداق قىلغان بولاتتىڭىز؟ بۇ گەرچە كىشىلەرنى ئازابلايدىغان، سىز تىلغا ئېلىشنى خالىمايدىغان تېما ن بولۇشى مۇمكىن،ئەمما ئاتا - ئانىڭىزنىڭ جاۋابى سىزنى چوڭقۇر ئويلاندۇرۇپ، سىزنىڭ ئاتا - ئانىڭىزنى ، شۇنداقلا ئىلگىرى چۈشەنمىگەن ئىشلارنى تېخىمۇ چوڭقۇر چۈشىنىشىڭىزگە ياردىمى بولىدۇ. 7. قايسى ئىشنىڭ سىزگە بولغان تەسىرى ئەڭ چوڭ؟ ئۇ بەلكىم ئۇرۇش ياكى ئاپەت بولۇشى مۇمكىن. زادى قايسى ئىش ئاتا - ئانىڭىزنىڭ قەلبىدە چوڭقۇر ساقلانغان، سوراپ كۆرۈڭ. بۇ ئارقىلىق سىز بەلكىم  ئاتا - ئانىڭىزنىڭ ئەينى چاغدىكى ئىدىيەسىنى ۋە خىيالىنى چۈشىنەلەيسىز. ئاتا - ئانىڭىزنىڭ ئۆز بېىشىدىن كەچۈرگەن كەچۈرمىشلىرى، ئېھتىمال سىز بۇرۇن كىتابتىن كۆرگەن مەزمۇنلار بولۇشى مۇمكىن. 8. سىز ۋاپات بولغاندىن كىيىن بىز قانداق قىلىشىمىز كېرەك؟ ئاتا - ئانىمىز ۋاپات بولغاندىن كىيىنكى كەلگۈسى پىلاننى ئۆز ئىچىگە ئالغان سۆھبەتلەر گەرچە ئادەمنى ناھايىتى بىئارام قىلسىمۇ، ئەمما بۇ ئىنتايىن مۇھىم. ئاخىرەتلىك ئىشىنى قانداق بىر تەرەپ قىلىش كېرەك؟ ۋەسىيەتچۇ؟ تەۋەرۈكلەرنى قانداق قىلىمىز؟ دەپنە مۇراسىم ئىشىلىرىنى قانداق ئۆتكۈزىمىز؟ بۇلارنى ئەڭ ياخشىسى مۇزاكىرە قىلغان تۈزۈك. كېيىنكى قېتىم ياشىنىپ قالغان ئاتا - ئانىڭىزنى يوقلاپ بارغىنىڭىزدا، ئائىلىڭىزدىكى ھېچنىمىگە ئەرزىمەيدىغان ئۇششاق چۈشەك ئىشلارنى سۆزلەپ يۈرمەي، يۇقىرىدا تىلغان ئېلىنغان بىر قانچە سۇئاللارنى سوراپ كۆرۈڭ. ئاتا - ئانىڭىزنىڭ جاۋابى چوقۇم سىزنى ھەيران قالدۇرىدۇ. مەنبە:  تەرمىلەر ژۇرنىلى

basut

	مېنىڭچە8 - سوئالنى سوراش تەسمىكىن؟ چۈنكى، ئادەم ياشانغانسىرى ھاياتقا قانمايدىغان بولۇپ قالىدىكەن،شۇڭا،بەزى ياشانغانلارغا ھايات ۋاقتىدا ۋەسىيەت قالدۇرۇپ قويۇشنى ئېيتسىمۇ رەنجىپ قالىدىغان ئىشلار بولىدىكەن.

kusan410

	مىنىڭچە بولغاندا چوڭلارنى يوقلاپ تۇرغان ياخشى،چۈنكى ياشانغانلار كۈيۈنۈشكە مۇھتاج!

MUHAPIZATQI

	ئانام دادامنىڭ ئەڭ بەخىتلىك قىلغان ۋە مەغرۇرلاندۇرغان ئىشلار_ مەن ئالى مەكتەپ ئىنتىھانىدىن ئۆتكەن چاغلار ئىكەن...بۇرۇنلا شۇنداق دىگەن ئىدى.

MUHAPIZATQI

	راسىت  8-سۇئالنى ئاغزىدىن چىقىرىشقمۇ ئەيمىنىدىكەن كىشى.... خۇددى...........

mosajan0997

	ئويلىنىپ بېقىشقا ئەرزىيدىكەن ،بۇلۇپمۇ ئۇلارنىڭ ئارزۇسىنى ئەمەلگە ئاشۇرۇپ خاتېرجەم قىلىشقا تىرىششىمىز كېرەك...