كېسەل بوپقالغان ئوخشايمەن

yawa-xir

	شۇ يېقىندىن بۇيان مەندە ئاجايىپ ئالامەتلەر پەيدا بولۇشقا باشلىدى،شۇنىڭغا قاراپ كېسەل بوپقالدىممىكىن دەيمەن."ئۇخلىسام كۆزۈمنى يۇمۇۋالىمە،ۋېلىسپىىت ھەيدىسەم قولۇم بىلەن تەپمەيمە،شۇندا قوشۇقتا ئاش كېلىپ بولغىچە ئاغزىم موككىدە ئېچىلىپ ئۈلگۈرىدۇ" دىسەم ھەممىڭلار "ساقكەن"دەيسىلەرغۇ دەيمەن.شۇ-   مەن غەلىتە ئالامەتلەرنى تېخى دېمىدىم،يەنىلا گەپنى مانچە يىل بۇرۇنقى ئىشتىن سۆزلەپ بېرەي. ...،ياتاقتا ئولتۇرېۋىرىپ يۈرىكىم توغرىسىدا خىيال قىلىپ ساپتىمەن،قانداق ئىكەنلىكىنى بەكلا بىلگۈم كەلدى،قارىداپ قاسماق بوپكەتتىمۇ ياكى خالتىغا ئېلىپ قويغان كىچىككىنە سېسىق سۇدەك لىغىرلاپ تۇرامدۇ ۋە ياكى بولمىسا يىگىلەپ كەتتىمۇ شۇنداق خىلمۇ-خىل خىياللار مېنى ئۆزىنىڭ ئۇۋىسىغا تارتىپ كېتىۋاتاتتى.نىمە ئۈچۈن دىسەڭلار يۈرىكىمنى تۇتۇپ باقمىسام سوقۇۋاتقانلىقىنى ئۇقالمايتىم ياكى ئۇنتۇپ كېتەتتىم.شۇ خىيال مېنى يانپاشلىدى بولغاي پىچاق بىلەن تىلغاشقا باشلاپتىمەن،تىلغاپ تۇرۇشۇمغا ئاغرىپ كەتتى...ئاغرىشنى ئويلىمغان بولغىيمتىم-ئۆزۈممۇ ھەيران قالدىم.پىچاقنى تاشلىۋېتىپ ئېچىشقان يەرگە قارىسام قان ئەمەس رەڭسىز سۇيۇقلۇق سىرغىغىلى تۇرۇپتۇ (ئۇ چاغلاردىغۇ چۆچۈش مەندىن يىراق ئىدى ،بولمىسا بۇنچىلىك ئېغىرلىشىپ كەتمەستىم)،تۇتۇپ باقسام شۇنداق شىلىمشىق،ھېچكىمگە تىنماي يۈردۈم،قېنى مېنىڭ مەندە ئۇيغۇرنىڭ قېنى بار،مۇسۇلماننىڭ جېنى بار دەپ يۈرگەنلىرىم،ھەي... بۇنداق ئىشنى كىمگە دېگىلى بولىدۇ دەيسىز،پەرۋايىم پەلەك دەپ يۈرگىنىم بىلەن بەزىدە نومۇسنىمۇ بىلىدىكەنمە،شۇنىڭ بىلەن تىلغان يەرنى تېڭىپ قويۇپلا ئۇ خىيالىمدىن ۋاز كەچتىم.ۋاز كەچكەن بىلەن ئادەم يەنە ئازاپلىنىدىغان گەپ ئىكەن،بۇنداق كېسەل ئاڭلاپ باقمىغاچ دوختۇرغىمۇ كۆرۈنمۈدۈم،نىمىشقا دېسىڭىز دوختۇرغا ئىشىنەلمەيدىغان خۇيۇم بار،دوىتۇرخانا دىگەن ساق كىرىپ ئاغرىپ چىقىدىغان يە،ئۇنىڭ ئۈستىگە ئۆيى ۋەيران بولغۇچە داۋالىنىپمۇ ساقىيالمىغانلار كۇمىڭ تۇرسا،مېنىڭ بۇ كېسىلىم ساقىيامتى؟!سىرنىڭ سىر پېتى تۇرىۋەرگىنى ياخشى ئەمەسمۇ،لېكىن باللا  قېنىمنىڭ بۇنداق ئىكەنلىكىنى بىلىپ قالسا ئىش چاتاقتە،مەنغۇ شۇنداق گۇمان قىلىپلا يۈرۇيدىغان ، شۇنىڭ بىلەن رەڭنى ئاسما-ئوكۇل قىلىپ  ئېسىۋەتتىم.نەدە ئادەم كۆپ بولسا ،نەدە مىللەتنىڭ ،مۇسۇلمانلىقنىڭ گېپى چىقسا شۇ يەردە كۆپ سۆزلەپ يۈردۈم،خۇددى نېنى كىچىك ناۋاي بەك توۋلىغاندەك. شۇنداق قىلىپ بىر مەزگىل تېنچلىق ئۆتۈپ كەتتى.لېكىن ھەر كېسەل قوشۇمچە كېسەلنى باشلاپ ئەكىلەمدۇ قانداق،بەزىدە ئادەمنىڭ ئادەمنىڭ كۆزىگە كۆرۈنمەي قالىدىكەنمە.بۇنى دوستلۇرۇمدىن ئاڭلىغان،دەل ئاشۇلار مېنى ئزدەپ كەلسە مېنى تاپالمىغۇدەك،ئەمما ئالىدىغان يەر بولسا ھەممىسىدە دېگۈدەك مەن با بولمىسا،مېنى ئزدەپ كەلسە يېنىدىن كۆرۈنمەي ئۆتۈپ كېتەلەيمەنۇ يولدىكى ئىت-ئېشەكنىڭ مېنى كۆرگەنلىكىنى ھېس قىلالايمەن،شۇنىڭغا قاراپ بەزىدە ئادەمنىڭ كۆزىگە كۆرۈنمەي قالىدىغان ئوخشايمەن،بۇنىغۇ ياخشى دىسەم بولار ئىدى ،ئالساممۇ بەرمىگەندىكىن.بىراق مەن ئۆلگەندە ئادەملەرگە كۆرۈنمەي ئوچۇقچىلىقتا قېلىپ قاغا-قۇزغۇنغا يەم بولۇپ كېتەرمەنمۇ دەپ ئويلاپمۇ قالىمەن. ھېچكىمگە ئېيتماي سىر ساقلاپ يۈرەي دىگەن،ئۆلۈم ۋەھىمىسى يامانكەن،بەلكىم ماڭا ئوخشاش كېسەل بوپقالغانلار ئاز ئەمەستۇ،كىم كىمنى بىلەلەيدۇ ھەممىسى مەندەك پىنھان تۇتۇپ مەندەك سۆزلەپ يۈرسە. دىگۈم يوق ئىدى،بىراق دەۋەتتىم،مەندەكلەر كۆرۈپ داۋاسىنى بىلىدىغانلار يېزىپ قويغىنىنى كۆرىۋالسا ئەجەپ ئەمەس. ئەمدى دەۋالغاندىكىن يېنىكلەپ قالارمەن بەلكىم... مەنبە:ئۆزۈم

aynuri--15061

	مېنىڭ چۈشىنىش ئىقتىدارىم تۆۋەنلەپ كەتتىمۇياكى باشقا سەۋەبمۇ بىلمەيلا قالدىم .ئىككى قېتىم ئوقۇدۇم لېكىن ھېچبىر چۈشىنەلمىدىم دېسە!

tatlikpigan

	بۇ تېمىنى يوللاپ قويۇپ ئىنكاسلاردىن قاتتىق كۆڭلىڭىز يېرىم بولغاندۇ ھە....بوپتۇ كۆڭلىڭىزنى يېرىم قىلماڭ....تەپەككۈرىڭىز ھارمىغاي....

mihregiya

	‹شۇنىڭ بىلەن رەڭنى ئاسما-ئوكۇل قىلىپ  ئېسىۋەتتىم.نەدە ئادەم كۆپ بولسا ،نەدە مىللەتنىڭ ،مۇسۇلمانلىقنىڭ گېپى چىقسا شۇ يەردە كۆپ سۆزلەپ يۈردۈم،خۇددى نېنى كىچىك ناۋاي بەك توۋلىغاندەك.›بۇ گەپ ھەقىقەتەن ئويلاندۇردى...

Suchi

	خېلى قىزىقارلىق چىقىپتۇ،بۇ تېمنىڭ قوش بىسلىق مەنىسى بارمۇ يوق بىلمىدىم.ئىشقىلىپ نورمال ئادەمنىڭ بايانلىرى ئەمەس،مەسىلە خېلى ئېغىر.گېپىم ئورۇنلۇق بولمىسىمۇ خاتا ئەمەس دەپ ئويلايمەن. شۇنداق خىياللارغا گىرىپتار بولغانلار بىر بولسا نېرۋا ئاجىزلىغى ياكى جىن چاپلىشىۋالغان بولامدىكىن دەيمەن،بۇنداقلارنىڭ كاللىسىغا بىرەر ئىش ياكى ۋەقە قاتتىق تەسىر قىلغان،مەلۇم مەسىلىنى تەپەككۈرىدا ھەل قىلالمىغان،قاتتىق ھېرىپ چارچىغان،مەلۇم سالامەتلىككە زىيانلىق بىر ئىشنى ئۆزىگە خۇمار قىلىۋالغان....،جىن شاياتۇنلارنىڭ سورىنىغا دەسسەپ،ياكى ئۇلارغا دەخلى قىلغان بولىشى مۈمكىن. مەسىلەن:مېنىڭ بىر نەۋرە سىڭلىم بارئىدى،ئەقلى ھۇشى جايىدا،تۇيۇقسىز ئالا_جوقى سۆزلەيدىغان بولۇپ قالدى ،تاماق يىمەيدۇ،كۈنبويى بىر نۇقتىغا تىكىلىپ ئولتۇردۇ،ئاڭلىساق يۈرگەن يىگىتىدىن ئايرىلىپ كېتىپ شۇنداق بوپقاپتىمىش،نەچچە ئايدىلا بىر تېرە بىر ئۇستخان بولۇپ قالدى،كۆرسىڭىز قورققىڭىز كېلىدۇ.پۈتۈن خىيالى يۇقۇرقى ياۋا-شىر دەك.جىن چاپلىشىۋاپتۇ دېيىشتى،ئاتا-ئانىسىنىڭ كۆرسەتمىگەن تېۋىپ،غەرب تىبابىتى،ئۇۋىلاش،ھورداش،مازايى-ماشايىق،ئوقۇتۇش.....ئىشقىلىپ قىلمىغان زىمات قالماپتىمىش.كېيىن ئاڭلىسام(يىراق بىر يۇرتتىكى تۇققىنىمىز ئىدى،مەن كۆرۈشۈپ باقمىغان)،جىن چاپلىشىۋالغانلىقى ئېنىقلىنىپ، جىننى قوغلاشنى مەلۇم بىر ئادەمگە ھاۋالە قىپتۇ،كېيىن جىن قوغلاش مۇۋەپپىقەيەتلىك بولدىمۇ قانداق،نەۋرە سىڭلىم قىسقا مۇددەت ئىچىدە تېزلا نورمال ھالىتىگە قايتىپتۇ.كېيىن ئۇزۇن ئۆتمەي توي قىلىپ بالىلىقمۇ بولدى.ھازىر نورمال خىزمەت قىلىپ ئۆتىۋاتىدۇ. بىر تۇرۇپ  سىزگىمۇ جىن چاپلىشىۋالغانمۇدۇ دەپ ئويلاپ قالدىم.مەن پەقەت ئاڭلىغىنمنى دەپ قويدۇم،دەلىلللىمىدىم،چۈنكى بۇ جەھەتتە ئىسلام دىنىدا قانداق قاراش،پەتىۋالار بار مەن بىلمەيمەن.شۇڭا بەزى تورداشلارنىڭ ئۇقۇشمايلا ماڭا ھۇجۇم قىلىپ كەتمەسلىگىنى،بۇ ھەقتە تولۇق چۈشەنچىگە ئىگە بولسا چۈشەندۈرۈپ قويىشىنى ئۈمۈت قىلىمەن.

yawa-xir

	Suchi يوللىغان ۋاقتى  2012-5-23 05:40 PM خېلى قىزىقارلىق چىقىپتۇ،بۇ تېمنىڭ قوش بىسلىق مەنىسى ب ... قورقۇپ كەتمەڭ ،جىن چاپلىشىۋالمىدى

yawa-xir

	mihregiya يوللىغان ۋاقتى  2012-5-23 05:08 PM ‹شۇنىڭ بىلەن رەڭنى ئاسما-ئوكۇل قىلىپ  ئېسىۋەتتىم.نەدە  ... بىر ئادەم بولسىمۇ چۈشەنگەن ئوخشايدۇ

yultuz518

	ئويلاشقا تىگىشلىك ‹‹قېنى مېنىڭ مەندە ئۇيغۇرنىڭ قېنى بار،مۇسۇلماننىڭ جېنى بار دەپ يۈرگەنلىرىم،ھەي...››بۇ تېما قېرىنداشلا !