بىرىنجى خوتۇنۇمنى سېغىنىپ قالدىم

kurdax

	مۇشۇ كۈنلەردە سېنى سېغىنىپ قالدىم . ئولتۇرسام-تۇرسام سېنىلا ئويلايمەن ، بىز تۇرمۇش كەچۈرىۋاتقان ئاشۇ ۋاقىتلار كۆز ئالدىمدىن كەتمەيدۇ . مېنى بەكمۇ ياخشى كۆرەتتىڭ ، قىلغان ھەر بىر گەپلىرىڭ ئىنتايىن مۇلايىم ، ئىلمىي ئىدى . ھەر بىر ئىشنى ماڭا مەسلىھەت سېلىپ قىلاتتىڭ . ئاتا-ئانامغىمۇ ئىنتايىن ئەدەپ بىلەن مۇئامىلە قىلاتتىڭ . بىز بەكمۇ ياخشى ئۆتكەن ئىدۇق . لېكىن ئەپسۇس ، پىشانەمگە ئىككىمىزنىڭ رىزقى پۈتۈلمىگەن ئوخشايدىكەن ، بىز ئاجرىشىپ كەتتۇق . سېنىڭ يىغلاپ يالۋۇرۇشۇڭغا پىسەنت قىلمايلا سېنىڭ سۆزۈڭنى بېرىۋەتتىم . ئەمدى ئويلاپ باقسام سەندە ھېچقانداق گۇناھ يوق ئىكەنتۇق . گۇناھ پەقەت مېنىڭ مۇشۇ دۆت كاللامدا ئىكەنتۇق . مەن سېنىڭ چۈشەندۈرۈشۈڭگە ئىشەنسەم بوپتىكەن . مەن ساڭا ئىشەنمەي باشقىلارنىڭ گىپىگە ئىشىنىپ كېتىپتىمەن . سەن ئاياللار كېسىلى بوپ قالغىنىڭدا مەن باشقىلاردىن ئاڭلىۋالغىنىم بويىچە سېنى تۇغماسلىققا دورا قىلىپسەن دەپ سەندىن گۇمانلىنىپتىمەن ، بويۇڭدا قالمىغىنىنى ئۆزەمدىن كۆرۈپ قويماپتىمەن . بۇنى مەن ئەمدى بىلدىم ، قانداق قىلسا دورا قىلغان بولىدىغاننى ئەمدى بىلدىم . مەن ئىنتايىن يىنىكلىك قىپتىمەن ، دۆت ، ساراڭ ، يىراقنى ئويلىمايدىغان ، بۇلۇمسىز ئىكەنمەن . بۇ گەپلەرنى ئوقۇساڭ مەندىن يەنە چوقۇم خاپا بولىسەن ، بۇرۇنمۇ ئۆزەمنى تىللىسام مەندىن خاپا بولاتتىڭ . لېكىن ھازىر بۇ خەتلەرنى ئوقۇشۇڭغا نىسىپ بولامدۇ يوق بۇنى بىلمەيمەن . شۇنداقتىمۇ دەردىمنى تۆكۈپ ئىچىمنى ئازراق بولسىمۇ بوشىتىۋالاي . مەن ھازىرقى ئايالىمنى ئىنتايىن ئارزۇلاپ خوتۇنلۇققا ئالدىم . بۇ قېتىمقى تويۇم سەن بىلەن قىلغان تويىمىزدەك ئاددى ساددا ئۆتكۈزۈلمىدى ، سەن  << توي كۆينىكى كەيمەيمەن ، ئازراق بولسىمۇ پۇل يانچۇقتا قالسۇن >> دىگەن ئىدىڭ ، لېكىن بۇ ئايالىم كورىيەنىڭ يېڭى چىققان پاسۇندىكى توي كۆينىكىنى ئۈرۈمچىدىن ئاقسۇغا ئەكەلتۈرۈپ كىيدى . سەن <<ئۆزىمىزنىڭ ماشىنىسىنىڭ ئالدىغا قىزىل رەخت چىگىپلا توي كۆچۈرۈش ماشىنىسى قىلايلى ، ئىقتىساتنى تىجەيلى >> دىگەن ئىدىڭ ، لېكىن بۇ قېتىمقى تويىمىزنى كۆچۈرۈشتە ئاقسۇدىن ئۇزۇن كادىلاك ماشىنا تېپىشىمىز ئاسانغا توختىمىدى . ئىنتايىن ھەشەمەتلىك تويىمىزمۇ ئاخىرلىشىپ بىزنىڭ نورمال تۇرمىشىمىز باشلاندى ، باشلاندىيۇ سېنى سېغىنىشقا باشلىدىم . ئەتىسى ئەتىگەندە << جېنىم ، ئورنىڭىزدىن تۇرۇپ ئاپامنىڭ يېنىغا چىقىپ چاي تەييار قىلىشىپ بېرىڭ >> دەپتىمەن . شۇ ھامانلا ئىنتايىن قوپاللىق بىلەن ئېيتىلغان << دېمىسىڭىزمۇ بىلگۈچىلىكىم بار ، ئاپام خېلى ساق تۇغۇپتىكەن مېنى >> دىگەن جاۋاپقا ئېرىشىپ قالدىم . ئىچىمدە <<ئېھ ئاللا ، ماڭا سەۋىر ئاتا قىل>> دەپ زىكرى قىلدىم . سەن ھەرگىز بۇنداق دەپ باقمىغان ھەم دېمەيتىڭ ، شۇنىڭ بىلەن ئەتىگەندە پوق يىگەندەك بوپ قالدىم ، بۇ چاغ سېنى سېغىنغان ۋاختىمدۇر . ئارىدىن بىر نەچچە كۈن ئۆتتى ، يېزىدىكى تۇققانلارنىڭ ئۆيىگە چاقىرىپ ئالدىمىزغا رەخت قۇيۇپ قويدى ، ئايالىم بۇ رەختنى كوپتا كىيىمەن دەپ سەيپۇڭ ئۇستامغا بەرمەكچى بولدى ، مەنمۇ ئاغزىم قىچىشىپ قالغاندەك << ئۇزۇن يەڭ كىيىڭ ھە >> دەپتىمەن . لېكىن شۇ ھامانلا << كىيىم كىيىشىمگىمۇ ئارلىشىۋالامسىز ؟ مەنمۇ پاھىشە چىراي كىيىنىۋالمايتىم >> دىگەن جاۋاپقا ئېرىشتىم ، جايىمدا قېتىپلا قالدىم ،<< نىمانداق سېسىق گەپ قىلىسىز >> دېدىميۇ يەنىلا ئاللاھدىن سەۋىر تىلىدىم ، ئۇ بولسا ئالدىمدا توختىماي كىتىپ باراتتى . بۇ چاغدا سېنى يەنە  سېغىندىم . يەنە بىر نەچچە كۈنگىچە ئىچىم ئاچچىق بوپ قالدىم ، بىر كۈنى قېيىنئاتا-قېيىنئاناملارنى بىزنىڭ ئۆيگە چاقىرماقچى بولدۇق . ئاپام << باللىرىم ، ئىككىڭلار بازارغا چىقىپ لازىمەتلىكلەرنى ئېلىپ كىرىڭلا >> دېدى ، بىز تاللا بازىرىغا چىقىپ ھەممە نەرسىلەرنى ئېلىپ بولدۇق ، قايتاشىمىزدا توخۇ ئالماقچى بولۇپ دۇكانغا كىردۇق ، مەن دۇكاندارغا << توخۇدىن بىرنى بېرىڭە >>دەپتىمەن ، لېكىن ئايالىم ئادەم بار يوق دىمەيلا << سىلەرنىڭ ئۆيدىكىلەرنى بىزنىڭ ئۆيگە چاقىرساق ئىككى توخۇ قورۇيدىكەنمىز ، بىزنىڭ ئۆيدىكىلەرنى چاقىرساڭلا بىر توخۇغا ئاران چىقىشامدىكەنسىلە >> دەپ سۆزلەپلا كەتتى . شۇنىڭ بىلەن قىزىرىشىپ قالدۇق . سەن ھەرگىز ئۇنداق دىمەيتىڭ ، شۇ چاغدا سېنى يەنە سېغىندىم . ئۆيگە كىرسەك بىزنىڭ بىر نەرسە دىيىشىپ قالغىنىمىزنى ئاپام سىزىپ قاپتۇ . مېنى ئايرىم چاقىرىپ گەپ سورىدى ، مەن ھېچنىمە بولمىدۇق دەپ گەپ قىلغىلى ئۇنمىدىم ، كۆزۈمگە ياش كىلىپ قالدى . ئاپام ماڭا بىر مۇنچە تەربىيە قىلدى ، بەك ئېغىر بولۇشۇمنى ، ئامراق ئۆتۈشۈمىزنى ، قەتئى قول تەككۈزۈپ قويماسلىقىمنى تاپىلىدى . شۇندىن كېيىن بىر نەچچە كۈن ئۆتتى . ئايالىمنىڭ ئادەت كۆرۈش ۋاختىدىن بىر ھەپتە ئۆتۈپ كەتتى ، لېكىن ئادەت كۆرمىدى ، كۆڭلۈمدە بالىلىق بولىدىغان بولدۇم دەپ خۇشال بولدۇم . بۇنى خۇشاللىغىمدا ئاپامغا دەپتىمەن . كىيىنكى كۈنىسى ئاپام مەن يوق يەردە << قىزىم ، تەكشۈرتۈپ كىلەمسىلە ؟ بويىڭىزدا قالغان بولسا بىزمۇ خوش بولساق ، نەۋرىمىزنىڭ 7- سىنى بېقىپ بېرىشكە نىسىپ قىلسا خۇدايىم >> دىگەندەك گەپلەرنى دەپتۇ ،  ئايالىم دۇكانغا كىلىپ تەگەپلا كەتتى ، شۇنىڭ بىلەن بىز ئۇرۇشۇپ قالدۇق . ئايالىم دۇكانغا كىرىپ يېنىمدا ئولتۇرۇپلا << ئاپىڭىز نىمانداق گەپنى تۈزلا ، ئويلانمايلا قىلىۋېرىدۇ ؟ لېكىن مېنىڭ يۈزۈم ئىشەكنىڭ تېرىسى ئەمەس ، مەن خىجىل بولىمەن .... >> دەپ قايناپلا كەتتى ، مەن نىمە بولغاننى ئالدىرماي ئولتۇرۇپ سوراپ بىلدىم ، ئاپامنىڭ دىگەنلىرىنى دەپ بەردى . شۇنىڭ بىلەن مەنمۇ ۋارقىراپ گەپ قىلدىم ، << ئۇ دىگەن سىزنىڭمۇ ئاپىڭىز ، نېمىگە خىجىل بولىسىز ؟ بالىلىق بولۇش ئارزۇيىمىز بىزنىڭمۇ بار ئىدىغۇ ؟ ئەتراپتا باشقا ئادەم بولمىسا يا ، يالغۇز دىيىشكەن گەپكىمۇ شۇنداق دىيىش كىتەمدۇ ؟ .... ئەجىبا سىز ئاپامنى خىجىل بولمايدىغان ، قېلىن دىمەكچىمۇ ؟  .... >> ئۇمۇ ۋارقىرىدى ، بىر ئېغىز گەپتىن قالمىدى ، مەنمۇ قالمىدىم ، ئاچچىقىم تېخىمۇ كەلدى - دە ، سەنلىدىم ، ئۇمۇ مېنى سەنلەپ ۋارقىرىدى . قولۇمنى شىلتىپ ۋارقىرىدىم ، ئۇمۇ قولىنى شىلتىپ ۋارقىرىدى . ....  دېمەك ، ئۇمۇ بىر ئېغىز گەپتىن قالمىدى ، مەنمۇ بىر ئېغىز گەپتىن قالمىدىم ، ئەمدى نۆۋەت شاپلاققا كەلگەن ئىدى  ، لېكىن مەن ئۆزۈمنى تۇتىۋالدىم ، ئاپامنىڭ ھەرگىز قول تەگكۈزمە دىگەن گېپى ھېلىمۇ ئېسىمدە ئىدى . ئاللاھ دىن سەۋىر تىلىدىم ، دەرھال ئىشىك ئالدىغا چىقىپ كەتتىم ، ئۆزەم بىلىدىغان ئايەتلەرنى بىر قېتىمدىن ئىچىمدە ئوقۇپ چىقتىم ، دۇكاننى تاشلاپ ئۆيگە كەتتىم . ئاپامغا ئېسىلىپ يىغلىدىم . تۇرمۇش قۇرۇشنىڭ ھەقىقەتەن تەس ئىكەنلىكىنى ، ئاتام بىلەن ئاپامنىڭ قانداق بولۇپ 4 بالىنى ۋە 6نەۋرىنى بېقىپ چوڭ قىلغانلىقىنى سورىدىم ، ئاپاممۇ يىغلاپ كەتتى . يەنىلا ماڭا تەربىيە قىلدى . مېنىڭ بەك ئېغىر بولۇشۇمنى ، قەتتى قول تەگكۈزمەسلىكىمنى يەنىلا ئەسكەرتتى . بۇ چاغدا سېنى يەنە سېغىندىم . ئارىدىن 2 كۈنگىچە ئايالىم بىلەن گەپلەشمەي ئۆتتۈق ، 2- كۈنى ئاخشىمى يېتىپ بولغاندا مەن گەپ باشلىدىم ، خاتالاشقانلىقىمنى دەپ ئۇنىڭدىن كەچۈرۈپ سورۇدۇم . بەك جىق گەپ قىلدىم ، ئاخىرى تەسىرلەندۈردۈم ، كۆڭلىنى ئېلىشقا تىرىشىپ ئاخىرى راس گەپنى بىلدىم . تۇغۇت چەكلەش دورىسى يەپتىكەن ، بىز بىللە بولغاندىلا يەۋېرىپتۇ . شۇنىڭ بىلەن نېرۋىسى ئاجىزلاپ كىتىپتىمىش . ماڭا كاج تىگىپتىمىش . ئادەت كەلمەپتىمىش . دوختۇرغا بېرىپتۇ ، تۇغۇت چەكلەش دورىسى ئىشلەتمەڭ دەپتۇ . مەن بىر ئېغىزمۇ گەپ قىلمىدىم . ئۇ ئۆزىگە ئۆزى گەپ قىلىپ ئۇخلاپ قالدى ، مەن قانداق ئۇخلىغىنىمنىمۇ بىلمەيمەن ، تاڭ ئاتقۇچە سېنى سېغنىپ چىقتىم ، باغرىڭغا ئۆزەمنى ئېتىپ دەردىمنى تۆكۈۋالغۇم كەلدى . تاڭ ئاتقاندا سېنىڭ دېرىكىڭنى قىلىش ئۈچۈن سۈرۈشتۈردۈم ، لېكىن مىڭ ئەپسۇس ، سەن ئاللىبۇرۇن توي قىلىپ بوپسەن ، بۇنى مەن بىر دوستۇڭدىن بىلدىم . مەن ئەمدى قانداق قىلاي ؟ بۇ دەرتلىرىمنى كىمگە ئېيتاي ؟ مەن سەندىن ئەمەس ئۆزەمدىن ئايرىلىپ قاپتىكەنمەن ئەمەسمۇ ؟ بۇنى مەن ئەمدى بىلدىم ...... بۇنىمۇ يېزىپ بولدۇم . ئەمدى مەن تورخانىدىن چىقىپ نەگە بارارمەن ؟؟؟؟؟ يەنە شۇ ئۆيگە كىتەرمەنمۇ ؟؟؟؟ سېنى سېغىنىۋاتىمەن  ؟؟؟؟ ئېھ ئاللا ، ھەر قانداق ئەركەكلەرنى نەچچە كۈنگىچە قەتئى گەپ قىلماي خۇيلىنىپلا تۇرىۋالىدىغان ، گەپ يىمەيدىغان ، خۇيى سەت ، ئادەم يالۋۇرتۇپلا ئۆتىدىغان خوتۇندىن يىراق قىلغايسەن ، ئامىن ~! مەنبە :  تۇنجى خوتۇنىنىڭ قەدرىگە يەتمىگەن ، چىراي تاللاپ ئىككىنجى خوتۇننى ھەشەم بىلەن ئېلىپ ئىككى ئاي ئىچىدە چىدىغۇسىز ئازاپقا مۇپتىلا بولغان دۆت ، ساراڭ ، ئەقىلسىز ، بۇلۇمسىز   kurdax

sabaat

	ھەر قانداق ئادەم  قولدىن  كەتكەندىن كىيىنلا ئاندىن يوقاتقان نەرسىنىڭ قەدىرىگە يىتىدىكەن . چىراينى چايغا چىلاپ ئىچىكىلى بولىغاندەك، مىجەز كىلىشمىگەن ئادەم بىلەن بىللە ياشىغۇسىمۇ كەلمەيدىكەن. سەۋىر قىلىڭ قېرىندىشىم. ئاللا سىزگە سەۋىر -تاقەت. بەخىت -سائادەت ئاتا قىلغاي.

zulfay

	نېمە دېگەن قىزىق. ئالدىرماي تۇرۇڭ، كۆرىدىغان كۈنىڭىز بار تېخى. مەن تۇنۇيدىغان بىر ئەرمۇ شۇنداق بولغان، باشتا سەت كۆرۈپ، زورلاپ دېگەندەك ئاجراشقان، بۈگۈن ئاجرىشىپ ئەتىدىن باشلاپ، سەنسىز  ياشىيالمايدىكەنمەن دەپ قىلمىغان قىلغانلىرى قالغان. بەزى ئەرلەر خۇددى سىزدەكلا بەك داۋخو بۇلدىكەن. خاتىرجەم بۇلۇڭ، ئەمدى بۇ ئۆمىرىڭىزدە 1-ئايالىڭىزدەك ئېسىل خوتۇن چىقىپ بولالماسلىقى مۇمكىن. خۇدايىم شۇنداق ئالدىرماي تەڭشەپ قويىدۇ.

sargarda

	ئەمسە   ئىككىنجىسىنىمۇ   قۇيۇۋېتىڭ  !   تەس  بولمىغاندىكىن  ؟     مۇئەللىم   دەرىس  ۋاقتىدا  ،  بىر  ئىستاكان  سۈتنى  ئۈستەلگە  قويۇپ  قويدى . بىز  ،  سۈت   بىلەن  دەرىسىمىزنىڭ  نىمە  مۇناسىۋېتى  باردۇ  دەپ مۇئەللىمدىن سورىدۇق . مۇئەللىم  سۆزىمىزگە جاۋاب بەرمەستىن ،ئىستاكاننى  يەرگە  ئۇرۇپلا  چېقىۋەتتى  .   ساۋاقداشلار   نېمىنى  چۈشەندىڭلار  ؟    قاراڭلار  ،  ئىستاكان  چېقىلدى ،  سۈتمۇ  تۆكۈلدى. ئەمدى  بۇنى  ئورنىغا  ،  كەلتۈرگىلى  بولامدۇ  ؟   بىز  دېيىشىۋالغاندەكلا  ،  ياق...  ئورنىغا  كەلمەيدۇ !  دەپ  جاۋاب بەردۇق . مۇئەللىم  _  بىز  ھاياتىمىزدا   ئۆتكۈزگەن  خاتالىق  ،  ئۆتۈپ  كەتكەن  ئىشلار ئۈچۈن قايغۇرۇپ  ،  ئازابلىنىپ  ئۆتىمىز  .  ئەمما  ،  ئۆتۈپ  كەتكەن  ئىش  ، چېقىلغان  ئىستاكانغا تۆكۈلگەن  سۈتكە  ئوخشايدۇ  .  ئورنىغا  كەلتۈرگىلى  بولمايدۇ  .   كەچكۇچە  ئۆتۈپ كەتكەن  ئىشلارغا  قايغۇرۇش  ،  بىزنىڭ  ئەقلىي  تەپەككۇرۇمىزنى  بوغىدۇ .  روھىمىزنى چۈشكۈنلەشتۈرۈپ  پۈچەك  قىلىدۇ  .  ئېرادىمىزنى  سۇندۇرىدۇ  .   ئاينىڭ  ئون  بەشى  قاراڭغۇ ،  ئون  بەشى  ئايدىڭ  !  بەلكىم  قايغۇڭىزنىڭ  كەينىگە زور  خۇشاللىق  يۇشۇرۇنغاندۇ  .  قايغۇرماڭ  !  باتۇرلارچە  ياشاڭ  !  دۇنيادا  ياخشى قىزلار  ساماندەك  .   پالتا  بولسا  ئوتۇن  تۇلا  ،  ئەركەككە  خۇتۇن تۇلا  .  ھەقىقىي ئىرادە ،  قەيسەرلىك  بىلەن  ياشاپ  بىر  ئىشنىڭ  پىشىنى تۇتۇپ  تەرەققىي قىلسىڭىز ، ئەخلاقلىق بولۇپ  پۇل تېپىڭە !  تىرناققا  توختىغۇدەك  ،  ئەخلاق  ـ  ھايالىق   قىزلىرىمىز  كۆپقۇ  ؟

zorro

	xjtv13 يوللىغان ۋاقتى  2012-5-22 06:59 PM كەپتەر دىگەن غالچا ...نىمىشقا  مىنى چەكلەيسەن،،بايا ياخشى تىللاپسىز تىللاپ چەكلىگەنگە  تويغۇزۇڭ

zorro

	ھەي!!  مەن مۇ سېغىندىم شۇ تۇنجى ماخابەتنى

zorro

	ھەي!!  مەن مۇ سېغىندىم شۇ تۇنجى ماخابەتنى

gulsire

	بىر يامانغا يولۇقمىغىچە ياخشىنىڭ قەدرىگە يەتمەس دىگەن شۇدە.

بورهان

	ھەي ،ماۋۇ  ئادەملەرنى...توۋا...

sargarda

	zulfay يوللىغان ۋاقتى  2012-5-22 06:57 PM نېمە دېگەن قىزىق.  ئالدىرماي تۇرۇڭ، كۆرىدىغان كۈ ... پەسكەش ، ئىچى  تار  ، روھىي  پۈچەك  كىشىلەر   ،  باشقىلارنىڭ  قايغۇسىدىن خۇشاللىق ھىس  قىلىدۇ  .