ئاياللار ۋە تاھارەت توغرىسىدا

bugaltir

	ئاياللار ۋە تاھارەت توغرىسىدا      ئەسسالامۇ ئەلەيكۇم ۋە رەھمەتۇللاھى ۋە بەركاتىھۇ. ئەزىز ھەمشىرىلىرىمىزنىڭ ھۈزۈرىغا بەزى داڭلىق قازى ۋە پىقھى ئالىملىرىمىزنىڭ ئاياللار توغۇرىسدا بەرگەن پەتىۋالىرىنى سۇندۇق، ھەمشىرلىرمىزنىڭ بىلمىگەن، ياكى سوراشتىن خىجىل بولغان جايلارنى بىلىۋېلىشىنى ئۈمۈد قىلىش بىلەن بىرگە بۇ توربەتنى كۇرۇشكە مۇيەسسەر بۇلالمىغان ھەمشىرلىمىزگىمۇ يەتكۈزۈپ قويشىنى تەۋسىيە قىلىمىز. 35 جاۋاب بار 1. تاھارەت ئالغۇچى ياكى غۇسلى قىلغۇچى سۇنىڭ تىرە بىلەن بىۋاسىتە ئۇچرىشىشنى چەكلەيدىغان ھەرقانداق بىرنەرسىنى يوقاتمىقى ۋاجىپ. (شەيخ ئىبنى ئۇسەيمىن) 2. ھەيزدار ئايال ناماز ئوقۇمىغانلىقى ئۈچۈن تىرناق بۇياقلىرىنى ئىشلەتسە كېرەك يوق. (شەيخ ئىبنى ئۇسەيمىن ) 3. تاھارەت ئالماقچى ياكى غۇسلى قىلماقچى بولغاندا، تىرناقتىكى بۇياقلارنى يوقۇتۇش ۋاجىپ، چۈنكى ئۇ، سۇنىڭ تىرناق بىلەن ئۇچرىشىشىنى چەكلەيدۇ. 4. مۇلاھىزە ئەگەر تاھارەت ئېلىپ بولغاندىن كېيىن تىرناقنى بويىغان بولسا ئوقۇغان نامىزى دۇرۇس بولىۋېرىدۇ . (شەيخ ئىبنى ئۇسەيمىن ) 5. پۇتىغا ياكى قولىغا ياققان خېنىنىڭ تېرىگە سۇ يۇقۇشتىن چەكلەيدىغان ماددىسى بولسا، تاھارەت ئېلىشتىن ياكى غۇسلى قىلىشتىن ئىلگىرى ئۇنى چىقىرىپ تاشلاش لازىم، بىراق پۇت قولىدا قېلىپ قالغان دېغى تاھارەتنىڭ دۇرۇس بۇلىشىغا تەسىر يەتكۈزمەيدۇ، چۈنكى ئۇنىڭ دېغى سۇنىڭ تېرىگە يىتىشنى چەكلىيەلمەيدۇ. (لۇجنە تۇتدائىم ) 6. خېنە يېقىلغان چاچقا مەسىھ قىلىشقا بولىدۇ ، ئەمما (جىنابەتكە ئوخشاش) چوڭ تاھارەتتە باشنىڭ ھەممىسىنى يۇيۇش لازىم. مەسىھ قىلپ قويۇشلا كۇبايە قىلمايدۇ. (شەيخ ئىبنى ئۇسەيمىن ) 7. بىرەر قىيىنچىلىق بولسا ياكى ھاۋا بەك سوغۇق بولۇپ قالسا ۋە ياكى تارتىۋىتىش ئىمكانىيىتى بولمىسا ياغلىق ئۈستىگە مەسىھ قىلىش جائىز. ئۇنداق بولمىسا مەسىھ قىلمىغان ئەۋزەل. (شەيخ ئىبنى ئۇسەيمىن) 8. چاچنىڭ بەزىلىرىنى بوياش: غۇسلى قىلغاندا ياكى باشقا مەسىھ قىلغاندا سۇنىڭ تىرە ياكى چاچ بىلەن بىۋاسىتە ئۈچرىشىشنى چەكلىسە، ئۇنى يوقۇتۇش ۋاجب، چۈنكى ئۇ تاھارەتنىڭ كامىل بۇلىشىغا دەخلى يەتكۈزىدۇ. 9. ئەمما تېرىگە سۇ يۇقۇشتىن توسمىسا پەقەت خېنىگە ئوخشاش بۇياقلار بىلەن بۇيالسا كېرىكى يوق. (شەيخ ئىبنى مۇنىئ ) 10. چاچنى مايلاش ۋە لەۋسۇرۇخ ئىشلىتىش تاھارەتنى سۈندۇرالامدۇ؟ مايدىن باشقىلىرى تاھارەتنى سۈندۇرالمايدۇ. (شەيخ ئىبنى ئۇسەيمىن ) 11. ماي تاھارەت ئالغاندا سۇنىڭ تېرىگە يېتىشىنى چەكلەيدىغان بولسىچۇ؟ ئەگەر تاھارەت ئالغاندا يۇيۇشقا تېگىشلىك ئەزالار ئۈستىدىكى ماي سۇنىڭ يېتىشىگە توسالغۇ بولدىغان قويۇقلۇق دەرىجىسى يۇقىرى ماي بولسا، ئۇنى تاھارەت ئېلىشتىن ئىلگىرى يوقۇتۇش لازىم. ئەگەر ماينىڭ ئۇنداق تەركىبلىرى بولمىسا كېرەك يوق. بىراق ئەزالارنى يۇغاندا سۇنىڭ يۇقۇشمايلا چۈشۈپ كەتمەسلىكى ئۈچۈن ئەزالارنى قول بىلەن سىلاپ يۇيۇش كېرەك . (شەيخ ئىبنى ئۇسەيمىن) نىجاسەت ئەھكاملىرى توغرىسىدا 12. ناماز ئوقۇۋېتىپ كىيىمىدە بىرەر نىجاسەتنىڭ بارلىقىنى كۆرسە دەرھال نامازدىن چىقىپ، شۇ نىجاسەتنى يۇيىۋەتكەندىن كېيىن قايتىپ كېلىپ نامازنى يېڭىدىن باشلاپ ئوقۇشى كېرەك. (شەيخ ئىبنى جۇبەيرىن) 13. ناماز ئىچىدە كىيىمدە نىجاسەت بارلىقىدىن شەكلەنسە تاكى ئىشەنچ باغلىغانغا قەدەر نامازدىن چىقىپ كىتىش جائىز ئەمەس. (شەيخ ئىبنى باز ) 14. جايناماز ۋە ئەدىيال قاتارلىقلارغا نىجاسەت يۇقۇپ قالسا بۇلۇت بىلەن سۈرتىۋېتىشلا كۇبايە قىلمايدۇ يۇقۇپ قالغان سۈيدۈككە ئوخشاش نىجاسەتلەرنى سۇ قۇيۇپ ئېقىتىش كېرەك ئەگەر يۇقۇپ قالغىنى جىسىملىق نىجاسەت بولسا ئۇنى يوقىتىشى لازىم. (لۇجنە تۇتدائىم) 15. بەدەنگە ياكى كىيىمگە قۇرۇق نىجاسەت يۇقۇپ قالسا شۇنىڭدەك قۇرۇق مۇنچىغا قۇرۇق تاپان بىلەن كىرسە ھېچ بىر زىيىنى يوق، چۈنكى نىجاسەت پەقەت ئۆزىنىڭ ھۆللىگى بىلەنلا باشقا ياققا يامرايدۇ. (شەيخ ئىبنى جۇبەيرىن 16. پاك كىيىمنى نىجىس كىيىم بىلەن ئارىلاشتۇرۇپ يۇيۇشقا بولامدۇ؟ ئەڭ ياخشىسى نىجىس كىيىمنى يېتەرلىك سۇ بىلەن ئايرىم يۇيۇش كېرەك. ئەگەر پاك كىيىم نىجىس كىيىم بىلەن ئارىلاشتۇرۇلۇپ، نىجاسەتنى يوقىتالايدىغان ۋە نىجاسەت بىلەن ئۆزگىرىپ كەتمەيدىغان كۆپراق سۇ بىلەن يۇسا كىيىملەرنىڭ ھەممىسى پاك بولىدۇ. (شەيخ ئىبنى باز) 17. تاھارەت ئالغۇچىنىڭ ياكى باشقا بىرىنىڭ بەدىنىدىكى نىجاسەتنى يۇيۇش تاھارەتنى سۇندۇرمايدۇ، ئەمما ئەۋرەتنى تۇتۇش تاھارەتنى سۇندۇرىدۇ. (لۇجنە تۇتدائىم) 18. نىجاسەت بار جايدىن ئۆتكەندە كىيىمنىڭ پېشىگە نىجاسەت يۇقۇپ قالسا، بۇنىڭ ھۆكىمى قانداق بولىدۇ؟ -ئۇنىڭ ھۆكىمى بىر جۈپ كەشنىڭ ھۆكىمىگە ئوخشايدۇ، نىجاسەت ئۈستىدىن ئۆتكەندىن كېيىن پاك تۇپراق ئۈستىدىن ئۆتسە پاك بولىدۇ . (شەيخ مۇھەممەد ئىبنى ئىبراھىم) تاھارەتنىڭ ئەھكاملىرى 19. ئايال كىشىنىڭ تاھارەت ئالغاندا (مەيلى چېچىنى تۈرمەللىۋالغان بولسۇن مەيلى تۈرمەللىۋالمىغان بولسۇن) چېچىغا مەسىھ قىلىشى جائىز. (شەيخ ئىبنى ئۇسامەيىن) 20. ئەۋرەتنى بىۋاسىتە تۇتۇش تاھارەتنى سۇندۇرىدۇ، تۇتۇلغۇچى مەيلى چوڭ بولسۇن مەيلى كىچىك بولسۇن. (لۇجنەتۇتدائىم) 21. ئايال كىشىنىڭ جىنسى يولىدىن ھاۋا چىقسا تاھارەتنى سۇندۇرمايدۇ، چۈنكى ئۇ نىجاسەت چىقىدىغان يەردىن چىقمايدۇ. (شەيخ ئىبنى ئۇسەيمىن ) 22. ئايال كىشىنى تۇتۇش: توغرىسى تاھارەت سۇندۇرمايدۇ، مەيلى ئۇ يات ئايال بولسۇن، مەيلى ئۆز ئايالى بولسۇن، مەيلى شەھۋەت بىلەن بولسۇن، مەيلى شەھۋەتسىز بولسۇن، مەزى چىقمىسىلا تاھارەت سۇنمايدۇ. (لۇجنەتۇتدائىم) 23. جۇنۇپ ئادەمنىڭ غۇسلى قىلماي تۇرۇپ ھەرقانداق ئۇسۇلدا قۇرئان كەرىمنى ئوقۇشى جائىز ئەمەس. (شەيخ ئىبنى جۇبەيرىن) 24. ئايال كىشىنىڭ جىنسى يولىدىن داۋاملىق ھاۋا چىقسا، ھەر نامازنىڭ ۋاقتى كىرسە تاھارەت ئېلىشى ۋاجىپ، ئەگەر ئۇ غالىب كېلىپ توختىۋېلىش ئىمكانىيىتى بولمىسا ئۇنىڭ نامىزى دۇرۇس. (شەيخ ئىبنى جۇبەيرىن) 25. تاھارەتتە ئايال كىشىنىڭ بېشىغا مەسىھ قىلىشى، ئەر كىشىنىڭ مەسىھ قىلىشغا ئوپمۇ – ئوخشاش. ئايال كىشى بېشىنىڭ ئۇمۇمىسىغا چاچ چىققان يەرنىڭ ئاخىرغىچە مەسىھ قىلىشى كېرەك. چاچنىڭ ئۆرەلگەن قىسمىغا مەسىھ مۇستەھەپ. (شەيخ ئىبنى جۇبەيرىن) 26. رەڭ ياكى لاي ۋە ياكى ئوت چۆپ ئارىلىشىپ قالغان سۇ ئۆز تەبىئىتىنى ساقلاپ قالغانلار بولسا، تاھارەت ئېلىشقا جائىز. (شەيخ ئىبنى باز) 27. ھەر قېتىم تاھارەت ئالغاندا ئىستىنجا قىلىش شەرت ئەمەس، ئىستىنجا قىلىش چوڭ - كىچىك تاھارەت سۇندۇرغان ۋە ئۇ ئىككىسى يۇقۇپ قالغاندا ۋاجىپ. ئەمما ئۇنىڭدىن باشقا يەل قويۇپ بېرىش، ئەۋرەت تۇتۇش ۋە ئۇخلاش قاتارلىقلارغا ئىستىنجا قىلىش شەرت ئەمەس، يۇقىرىقىلارغا شەرئى تاھارەتلا كۇپايە. (شەيخ ئبنى باز ) 28. تاھارەت ۋە ناماز ئۈچۈن نىيەتنى تەلەپپۇز قىلىش بىدئەت، چۈنكى نىيەتنى تەلەپپۇز قىلىش نە پەيغەمبەر ئەلەيھىسسالامدىن، نە ساھابە كىراملارىدىن نەقىل قىلىنغان ئەمەس. نىيەتنىڭ ئورنى دىل (تاھارەت ئېلىشنى ياكى ناماز ئوقۇشنى نىيەت قىلدىم) دېيىشنىڭ ھاجىتى يوق. (شەيخ ئىبنى باز) 29. مۇگۇدەش تاھارەتنى سۇندۇرمايدۇ: ئەمما ئەتراپتىكى كىشىلەرنى ۋە بولغان ئىشلارنى سەزمىگۈدەك دەرىجىدە ئېغىر ئۇخلاش تاھارەتنى سۇندۇرىدۇ. (شەيخ ئىبنى باز) 30. پاكلىقىغا شەك بار يەرگە جايناماز سېلىشنى ھۆكمى: مۇبادا يەر نىجىس بولۇپ قالسا ئۈستىگە بىرەر نەرسە سېلىپ ئاندىن ناماز ئوقۇش كېرەك، چۈنكى ئۇ نىجاسەت بىلەن ناماز ئوتتۇرىسىدا پاك بىر توسالغۇ شەكىللەندۈرىدۇ. (شەيخ ئىبنى فەۋزان) 31. تاھارەتنىڭ دۇرۇس بۇلىشى ئۈچۈن ئەۋرەتنى يېپىش شەرتىمۇ؟ تاھارەتنىڭ دۇرۇس بۇلىشى ئۈچۈن ئەۋرەتنى يېپىش شەرت ئەمەس. (شەيخ ئىبنى باز) 32. مېيىت يۇيۇش تاھارەتنى سۇندۇرامدۇ ؟ تاھارەتنى سۇندۇرمايدۇ ، بىراق مېيىت يۇغۇچى مېيىتنىڭ ئەۋرىتىنى تۇتسا تاھارەت سۇنىدۇ. يۇغۇچى مېيىتنىڭ ئەۋرىتىنى بىۋاسىتە تۇتماسلىقى كېرەك . (شەيخ ئىبنى باز) 33. چاچقا خېنە يېقىش تاھارەتنى سۇندۇرامدۇ؟ تاھارەت ئېلىپ بولغاندىن كېيىن ياقسا تاھارەتنى سۇندۇرمايدۇ. چاچقا خېنە ئۈستىدىن مەسىھ قىلىنسىمۇ ھېچ ۋەقەسى يوق. (شەيخ ئىبنى باز) 34. ساقلىق ساقلاش سايمانلىرىنى تۇتۇش ۋە مۇنچىنىڭ تىگىگە يالاڭ ئاياق دەسسەش قاتارلىقلار تاھارەتنى سۇندۇرمايدۇ . (شەيخ ئىبنى باز ) 35. چىش ئارلىقلىرىدا قېلىپ قالغان تاماق قالدۇقلىرىنى تاھارەت ئالدىدا ئېلىۋىتىشنىڭ ھۆكمى نېمە؟ تاھارەت ئېلىشنىڭ ئالدىدا چىش ئارىلىقلىرىدىكى قالدۇق تاماقلارنى ئېلىۋېتىش ۋاجىپ ئەمەس. بىراق تاماقدىن كېيىن چىش ئارلىقلىرىنى تازىلاش ياخشى خىسلەت ۋە چىش، ئېغىز كېسەللىكلەرنىڭ ئالدىنى ئېلىشتىكى ئەڭ ياخشى ئۈسۈل. (شەيخ ئىبنى فەۋزان ) مەنبە   :   نۇرلۇق  ئىسلام  تورى   .

akgvlvm

	تىما ئىگىسىگە تەشەككۈر، مەن بەزىلىرىنى بىلمەيدىكەنمەن ئەمدى بىلىۋالدىم، اللاھ ھەممىمىزنىڭ كۆڭلىگە ئىمان، ئنساپ، ھايا، ئاتا قىلغاي!

insan.

	ۋە ئەلەيكۇم ئەسسالام تۈۋەندىكى ئادرىستا ئاياللارغا دائىر تۈرلۈك پەتىۋالار بارhttp://takwalar.com/?cat=5

arkin.jan

	بەك ياخشى تىمايوللاپسىز اللاھ ئەجىرڭىزنى بەرگەي

nurjula

	قانداق رەھمەت ئىيتسام بولار، بەك خوش بولدۇم رەھمەت سىزگە! بۇنىڭ ئىچىدىكى 18- گە گۇمانىم بار، ئاللاھ سىزگە رەھمەت قىلسۇن! 100مۇنبەر پۇلى مۇكاپات قىلاي!

pazilat2004

	ئاياللار ۋە غۇسلى توغرىسىدا 27- جاۋاب بار 1 - ھەيزدار ئايال، ھەيزدىن پاك بولغاندىن كېيىن غۇسلە قىلىش ئۈچۈن چېچىنى چۇۋۇش ۋاجىپ ئەمەس، لېكىن ئېھتىيات يۈزىسىدىن ۋە ئىختىلاپتىن يىراق بولۇش ئۈچۈن چېچىنى چۇۋۇش ياخشى. [پەتىۋا كومىتېتى] 2 - جىنابەتتىكى ئايال چېچىنىڭ پەقەت ئۈستى قىسمىنىلا يۇيۇپ قويۇش كۇپايە قىلمايدۇ، بەلكى چاچنىڭ تېگىگە چوقۇم سۇ يەتكۈزۈش لازىم. ئەلى رەزىيەللاھۇ ئەنھۇ رىۋايەت قىلغان بىر ھەدىستە: «كىمكى جىنابەت ئۈچۈن غۇسلە قىلغاندا چېچىنىڭ ئورنىنى يۇماي تاشلاپ قويسا مۇنداق - مۇنداق قىلىنىدۇ» دېيىلگەن. ئەبى ھۇرەيرە رەزىيەللاھۇ رىۋايەت قىلغان ھەدىستە پەيغەمبەر ئەلەيھىسسالام: «ھەربىر تال چاچنىڭ ئاستى جىنابەتتۇر»، دېگەن. [شەيخ ئىبنى فەۋزان] 3 - ئەگەر چاچ ئۆرۈپ قويۇلغان بولسا، غۇسلى قىلىش ئۈچۈن ئۇنى چۇۋۇشنىڭ زۆرۈرىيتىى يوق، لېكىن چاچنىڭ ھەممىگە سۇ يەتكۈزۈش ۋاجىپ. [شەيخ ئىبنى ئۇسەيمىن] 4 - ئايال كىشى ئېھتىلام بولۇپ ئويغاندىن كېيىن بىرەر ھۆللۈكنى بايقىمىسا غۇسلى ۋاجىپ بولمايدۇ. 5 - ئەگەر بىرەر ھۆللۈكنى بايقىسا غۇسلى قىلىش ۋاجىپ. ئەنەس رەزىيەللاھۇ ئەنھۇ رىۋايەت قىلغان بىر ھەدىستە، پەيغەمبەر ئەلەيھىسسالام، چۈشىدە ئەرلەر كۆرگەننى كۆرگەن ئاياللار ھەققىدە: «غۇسلە قىلىدۇ» دېگەن. [شەيخ ئىبنى ئۇسەيمىن] 6 - ئىلگىرى ئېھتىلام بولغان كىشى: ئەگەر بىرەر ھۆللۈكنى بايقىمىغان بولسا ھېچ گەپ يوق. مۇبادا بىرەر ھۆللۈكنى بايقاپ قالغاندا بولسا، غۇسلىسىز ئوقۇغان نامازلىرىنى ھېسابلاپ قايتا ئوقۇيدۇ. [شەيخ ئىبنى ئۇسەيمىن] 7 - جىنسىي ئالاقەسىزمۇ مەنىي ھۇزۇر بىلەن چىقسا غۇسلى قىلىش ۋاجىپ. [پەتىۋا كومىتېتى] 8 - ئەگەر بىرەر ئايال باشقا بىر ئەر بىلەن جىنسىي ئالاقە قىلپ چۈش كۆرسە ئۇنىڭغا گۇناھ بولمايدۇ. چۈنكى ئۇيقۇلۇق كىشىدىن تەكلىپ كۆتۈرۋېتىلگەن. [پەتىۋا كومىتېتى] 9 - ئايال كىشى ئىستىنجا قىلىش ئۈچۈن ياكى مەلھەم قويۇش ئۈچۈن ياكى ئاياللار كېسەللىكىنى بىلىش ئۈچۈن ۋە ياكى تەكشۈرۈش ئۈسكۈنىلىرىنى سېلىش ئۈچۈن جىنسىي يولىغا قولىنى كىرگۈزسە غۇسلى ۋاجىپ بولمايدۇ، پەقەت تاھارەت ئېلىش ۋاجىپ. [پەتىۋا كومتېتى] 10 - بىرەر ئايال ئۆزىنىڭ جۇنۇپ ئىكەنلىكىدىن شەكلەنسە: ئۇ ئايالغا نوقۇل شەكلىنىش بىلەنلا غۇسلى ۋاجىپ بولمايدۇ. چۈنكى ئۇ ئايالدا ئەسلىدىنلا جىنابەت مەۋجۇت ئەمەس. [پەتىۋا كومىتېتى] 11 - جۇنۇپ ئادەم تاھارەتسىز ئۇخلىسا گۇناھ بولمايدۇ، لېكىن ئۇخلاشتىن ئىلگىرى تاھارەت ئېلىۋتكىنى ئەۋزەل، چۈنكى پەيغەمبەر ئەلەيھىسسالام شۇنداق قىلغان ۋە شۇنىڭغا بۇيرۇغان. [پەتىۋا كومىتېتى] 12 - بىرەر ئادەمگە بىر قانچە قېتىم غۇسلى قىلىش ۋاجىپ بولۇپ قالسا، غۇسلىنىڭ ۋاجىبلىرىنى ئادا قىلىشنى نىيەت قىلىپ تۇرۇپ بىرلا قېتىم غۇسلى قىلسا كۇپايە. [پەتىۋا كومىتېتى] 13 - جۇنۇپ ئادەمنىڭ بەدىنى پاك، ئۇنداقكەن قازان - قۇمۇچ، كىيىم – كېچەك قاتارلىق نەرسىلەرنى تۇتسا بولىدۇ، ئۇ نەرسىلەرمۇ جۇنۇپ ئادەمنىڭ تۇتۇپ قويۇشى بىلەن ناپاك بولۇپ قالمايدۇ. ھەيزدارۋە نەپاسدارلارمۇ شۇنىڭغا ئوخشاش. [پەتىۋا كومىتېتى] 14 - غۇسلى تاھارەتكە كۇپايە قىلامدۇ؟ - غۇسلى قىلغۇچى چوڭ تاھارەتسىزلىكتىن ۋە كىچىك تاھارەتسىزلكتىن پاكلىنىشنى نىيەت قىلسا ھەر ئىككىسىگە كۇپايە قىلىدۇ، لېكىن پەيغەمبەر ئەلەيھىسسالامغا ئەگىشىش يۈزىسىدىن ئاۋۋال ئىستىنجا قىلىش ئاندىن تاھارەت ئېلىش ئاندىن كېيىن غۇسلى قىلىش ئەۋزەل، ھەيزدا ۋە نىپاسدار ئاياللارمۇ شۇنىڭغا ئوخشاش. 15 - ئەر- ئال جىنسىي ئالاقە قىلىپ مەنىي تۆكمىگەن بولسىمۇ غۇسلى قىلىش ۋاجىب بولامدۇ؟ - شۇنداق، مەنىي تۆكسۇن تۆكمىسۇن، غۇسلى قىلىش ۋاجىب. پەيغەمبەر ئەلەيھىسسالام: «ئايالىنىڭ ئىككى قول، ئىككى پۇتىنىڭ ئارىسىدا ئولتۇرۇپ كۈرەش قىلغان بولسا، غۇسلە قىلىش ۋاجىب»، دېگەن. [شەيخ ئۇسەيمىن] 16 - جىنابەت غۇسلىسنىڭ غەيرى (جۇمئىنىڭ، پاكىزلىقنىڭ ۋە سالقىنداشنىڭ) تەرتىپسىز بولغانلىقى ئۈچۈن تاھارەتكە كۇپايە قىلمايدۇ، چۈنكى تەرتىپ تاھارەتنىڭ بىر پەرزى. [شەيخ ئىبنى باز] 17 - قۇچاقلاشقان ياكى سۆيۈشكەن سەۋەبلىك غۇسلى ۋاجىب بولامدۇ؟ - ئەر- ئايال ھەرئىككىلىسىگە نوقۇل قۇچاقلاشقان ياكى سۆيۈشكەن سەۋەبلىك غۇسلە ۋاجىب بولمايدۇ، بىراق مەنىي كەلگەن بولسا غۇسلى قىلىش لازىم. [شەيخ ئۇسەيمىن] 18 - ئەر- ئايالنىڭ جىنسىي ئەزالىرى ئۆزئارا تېگىشكەن بولسا- يۇ، زەكەرنىڭ خەتنىلىكى پېتىپكەتمەستىن، ئايالنىڭ جنسىي ئەزاسىنىڭ سىرتىدا مەنى تۆكسە،ئەر- ئايال ھەر ئىككىلىسىگە غۇسلى ۋاجىپ بولامدۇ؟ - پەقەت ئەرگىلا غۇسلى قىلىش ۋاجىپ، مۇبادا زەكەرنىڭ خەتنىلىكى پېتىپلا قالسا ئەر- ئايال ھەر ئىككىلىسىگە غۇسلى قىلىش ۋاجىپ. [شەيخ ئۇسەيمىن] 19 - جىنابەتتىن ۋە جىنابەتنىڭ غەيرىدىن كامىل غۇسلى تاھارەت ئېلىشنىڭ ئۇسۇلى: نىيەت قىلىش، بىسمىللاھ دېيىش، قولنى ئۈچ قېتىم يۇيۇش، ئەۋرەتنى ۋە مەنىي يوقۇپ قالغان ئەزالارنى يۇيۇش، كامىل تاھارەت ئېلىش، غۇسلى قىلغاندا ئاۋۋال باشلاپ بېشىنى ئۈچ قېتىم يۇيۇش، چاچنىڭ تېگىنى قېتىرقېنىپ يۇيۇش، ئاندىن كېيىن قالغان ئەزالارنى يۇيۇش، ئاۋۋال ئوڭ تەرەپنى ئاندىن سول تەرەپنى سىلاپ- سىيپاشتۇرۇپ يۇيۇش. 20 - جۆمەك ئاستىدا غۇسلى قىلىش جايىز، پۈتۈن بەدەنگە بىر قېتىم بولسىمۇ ئومۇمىيۈزلۈك سۇ يەتكۈزۈش. [شەيخ ئىبنى جۇبەيرىن] 21 - تۇخۇم، لىمون ۋە باشقا يېمەكلىكلەردىن ياسالگان سوپۇنلارنى ئىشلىتىپ غۇسلى قىلىشنىڭ ھۆكمى نېمە؟ - چاچنى ياخشىلاش ۋە داۋالاش مەقسىتىدە ئىشلەتسە كېرەك يوق. تۇخۇم، بۇغداي ۋە باشقا يېمەكلىكلەر بىلەن داۋالىنىشتىن چەكلەيدىگان بىرەر ھۆكۈممۇ يوق. [شەيخ ئىبنى باز] 22 - ئۆرىگەن چېچىنى چۇۋىماي غۇسلى قىلسا بولامدۇ؟ -چېچىنىڭ تېگىگە تولۇق سۇ يەتكۈزۈپ ئۈچ قېتىم يۇسا كۇپايە، ئۆرۈلگەن چاچنى چۇۋۇشنىڭ ھاجىتى يوق. ئۇممە سەلەمە رەزىيەللاھۇ ئەنھا دىن رىۋايەت قىلىنىدۇكى، ئۇ مۇنداق دېدى: مەن ئى اﷲ نىڭ پەيغەمبىرى! مىنىڭ چېچىم يىرىك، شۇڭا جىنابەتنىڭ غۇسلىسى ئۈچۈن – يەنە بىر رىۋايەتتە ھەيزنىڭ غۇسلىسى ئۈچۈن - چېچىمنى چۇۋامدىم؟ دېسەم، پەيغەمبەر ئەلەيھىسسالام: «ياق، بېشىڭىزغا ئۈچ ئۇچۇم سۇ قۇيسىڭىز كۇپايە» دېدى. [شەيخ ئىبنى باز] 23 - جىنابەتتىن غۇسلە قىلىپ بولغاندىن كېيىن مەنىي چىقسا قايتا غۇسلى قىلىش كېرەكمۇ؟ - غۇسلى قىلىپ بولغانلا بولسا قايتا غۇسلى قىلىشنىڭ ھاجىتى يوق، كېيىن چىققان مەنىي ئېتىبارغا ئېلىنمايدۇ، چۈنكى ئۇ شەھۋەتسىز چىققان، ئۇنىڭ ھۆكمى سۈيدۈكنىڭ ھۆكمىگە ئوخشاش، ئىستىنجا قىلىپ تاھارەت ئېلىۋەتسىلا كۇپايە. 24 - ئەمما قۇچاقلىشىش ۋە سۆيۈشۈش سەۋەبلىك مەنىي شەھۋەت بىلەن ئېتىلىپ چىقسا قايتا غۇسلى قىلىش ۋاجىپ. [شەيخ ئىبنى باز] 25 - ھەيزنىڭ ياكى جىنابەتنىڭ غۇسلىسىنى كۈن چىققۇچە كېچىكتۈرۈشكە بولامدۇ؟ -ئايال كىشى تاڭ يورۇشتىن بۇرۇن ھەيزدىن پاك بولسا روزا تۇتۇش كېرەك، غۇسلىنى تاڭ يۇرۇغىچە كىچىكتۈرسە ھېچقىسى يوق، لېكىن كۈن چىققۇچە كەينىگە تارتىشقا بولمايدۇ، ۋاقتىدا غۇسلى قىلىپ كۈن چىقىشتىن بۇرۇن بامدات نامازىنى ئوقۇپ بولۇشى كېرەك. [شەيخ ئىبنى باز] 26 - ئۆرۈلمىگەن ئۇزۇن چاچلىق، ئۆرۈمە چاچلىققا قىياس قىلىنامدۇ؟ -ئايال جۇنۇپ بولسا ياكى ھەيزدىن پاك بولسا، پاك بولۇش نىيىتى بىلەن مەيلى ئۇزۇن چاچلىق بولسۇن، مەيلى قىسقا چاچلىق بولسۇن، مەيلى چېچى ئۆرۈلگەن بولسۇن، مەيلى ئۆرۈلمىگەن بولسۇن، پۈتۈن بەدىنى ۋە چېچىنى ئومۇمىي يۈزلۈك يۇيۇش ۋاجىپ. [پەتىۋا كومىتېتى] 27 - كىشى غۇسلىنىڭ باش – ئاخىرىدا نېمە دەيدۇ؟ -غۇسلىنىڭ ئەۋۋىلىدە ”بىسمىللا“ دەيدۇ. ئاخىردا ”‹اللە دىن باشقا ھەقىقىي مەبۇد يوق ۋە ئۇنىڭ شېرىكى يوق، مۇھەممەد ئەلەيھىسسالام اللە نىڭ بەندىسى ۋە ئەلچىسى دەپ گۇۋاھلىق بىرىمەن. ئى اللە! مىنى تەۋبە قىلغۇچىلاردىن ۋە پاكلانغۇچىلاردىن قىلغىن“ دەيدۇ. [شەيخ زان ئىبنى فەۋزان] 28 - جۇنۇپنىڭ ۋە ھەيزدارنىڭ قۇرئان كەرىم ئايەتلىرى يېزىلغان گېزىت، ژورناللارنى تۇتىشى ھارام ئەمەس، چۈنكى ئۇ، قۇرئان ھېسابلانمايدۇ. [شەيخ ئابدۇرراھمان ئبنى ناسىر سەئۇدى] ئۆتۈككە مەسھى قىلىش توغرىسىدا يەتتە جاۋاب بار 1 - ئۆتۈككە مۇقىم بىر كىچە كۈندۈز، مۇساپىر ئۈچ كېچە- كۈندۈز مەسھى قىلسا بولىدۇ. 2 - مەسھىنىڭ مۇددىتى، ئۆتۈكنى كىيىپ تۇنجى قىلغان مەسھىدىن باشلىنىدۇ. 3 - ئۆتۈككە مەسھى قىلىشنىڭ شەرتى: ئۆتۈك ئىشلىتىشكە رۇخسەت قىلىنغان تىرىدىن تىكىلگەن بولۇش. ئۆزى پاك، مەقسەتنى ياپالايدىغان بولۇش. ئۆزى چىداملىق، تاھارەت ئۈستىگە كىيىلگەن بولۇش. 4 - ئۆتۈككە مەسھى قىلىشنىڭ شەكلى: قولنى سۇغا تىقىدۇ، ئاندىن ئۈستىگە مەسھى قىلىدۇ. 5 - ئۆتۈككە قىلىنغان مەسھى تۆۋەندىكى تۆت ئىشنىڭ بىرى بىلەن سۇنۇپ كىتىدۇ: 1) پۇتتىن سېلىنىش. 2) جۇنۇپ بولۇپ قېلىش. 3) چوڭراق يىرتىلىپ كېتىش. 4) بەلگىلەنگەن ۋاقىت توشۇش. 6 - ياز كۈنلىرى ئۆزرىسىز پايپاققا مەسھى قىلىشنىڭ ھۆكمى نېمە؟ - ئۆتۈك ۋە پايپاق قاتارلىقلارغا مەسھى قىلىشنىڭ دۇرۇسلىقىنى كۆرسىتىدىغان ھەدىسنىڭ ئومۇم بولغانلىقى ئۈچۈن، مەيلى ياز بولسۇن، مەيلى قىش بولسۇن مەسھى قىلىش جايىز. [شەيخ ئىبنى باز] 7 - پايپاققا مەسھى قىلىشنىڭ شەرتى: مەسھى قىلىنىدىغان پايپاق قېلىن، ئۆلچەملىك ياپالايدىغان بولۇش. مۇبادا نىپىز بولۇپ قالسا مەسھى قىلىش جايىز ئەمەس. [شەيخ ئىبنى باز] ئۈچىنچى ئاياللار ۋە ھەيز توغرىسىدا 66 جاۋاب بار 1 - ھەيز دېگەن: مۇئەييەن چاغلاردا بەچچىداندىن كېلىدىغان بىرتۈرلۈك قان. [شەيخ ئىبنى جۇبەيرىن] 2 - ھەيزنىڭ مۇددىتى: توغرىسى، ھەيزنىڭ ئەڭ ئېزى ۋە ئەڭ كۆپىنىڭ مۇئەييەن مۇددىتى يوق. [شەيخ ئىبنى ئۇسەيمىن] 3 - يەنە بىر قاراشتا: قىزلار توققۇز ياشتىن بۇرۇن ھەيز كۆرمەيدۇ، چۈنكى قىزلار ئۇنىڭدىن بۇرۇن ھامىلىدار بولالمايدۇ، ئەگەر توققۇز ياشقا توشۇپ قان كەلسە ئاز بولسىمۇ ھەيز دەپ قارىلىدۇ. [شەيخ ئىبنى جۇبەيرىن] 4 - قائىدە: قاچان ھەيز كۆرسە، ھەيزنىڭ ھۆكمى تەتبىقلىنىدۇ، قاچان ھەيزدىن پاك بولسا ئۇنىڭ ھۆكمىمۇ ئاخىرلىشىدۇ. [شەيخ ئىبنى ئۇسەيمىن] 5 - ھەيز توچتاپ بەش كۈندىن كېيىن يەنە قان كەلسە: ھەيز دەپ قارالمايدۇ، بەلكى ئۇ بۇزۇق قاننىڭ ھۆكمىدىدۇر، ئۇنداق ئايال نامىزىنى ئوقۇۋېرىشى، روزىنى تۇتىۋېرىشى لازىم. [شەيخ ئىبنى باز] 6 - ھەيز قېنىنىڭ خۇسۇسىيىتى: پۇرىقى بەتبۇي، رەڭگى قارا ۋە قويۇق. [شەيخ ئىبنى ئۇسەيمىن] 7 - ھەيز باشلىنىشنىڭ ھۆكمى: ھەيز كۆرۈش مۇمكىنچىلىكى بار چاغدا قان كەلسە، قان توختىغانغا قەدەر كۈتۈپ تۇرىدۇ. چۈنكى ئۇنىڭ ھەممىسى ھەيزنىڭ قېنى، تەكرار كېلىشىنى كۈتۈش ھاجەتسىز. 8 - كەلگەن قان شۈبھىلىك بولۇپ قالسىچۇ؟ ئەسلىدە ئاياللارنىڭ جىنسىي يولىدىن كەلگەن قان، ئىستھازەنىڭ قېىنى ئىكەنلىكى ئېنىقلانغىچە ھەيزدۇر. [شەيخ ئىبنى ئۇسەيمىن] 9 - ھەيزدىكى داۋالغۇش: ھەيزنىڭ قېنى بىر كۈندىن ئازراق توختىسا ئېتىبارغا ئېلىنمايدۇ، چۈنكى قان بىردەم كېلىپ بىردەم توختايدۇ، شۇ ڭا قاننىڭ توختىشى بىلەنلا پاك بولغانلىقىنى ئىسپاتلىغى بولمايدۇ، ئەگەر قان بىرەر سائەتتىن ئازراق توختىسىمۇ شۇنداق. [شەيخ ئىبنى باز] بەزى چاغلاردا ھەيزنىڭ قېى توختاپ غۇسلە قىلىپ بولغاندىن كېيىن يەنە قان كېلىدۇ: ئەگەر پاكلىنىپ بولغاندىن كېيىن كەلگەن سۇيۇقلۇق سېرىق رەڭدە ياكى تۇتۇق دۇغرەڭدە بولسا ھەيز ئەمەس، ئۇنىڭ ھۆكمى سۈيدۈكنىڭ ھۆكمى بىلەن ئوخشاشتۇر. ئەگەر ئۇ ئېنىق قان بولسا ھەيز دەپ قارىلىدۇ. قايتا غۇسلى قىلىشى لازىم. ئۇممۇ ئەتىيە رەزىيەللاھۇ ئەنھا دىن رىۋايەت قىلىنىدۇكى، ئۇمۇنداق دېدى: «پاك بولغاندىن كېيىن دوغ رەڭلىك ۋە سېرىق رەڭگە پەرۋا قىلمايتتۇق». ‹بۇخارىدىن› [شەيخ ئىبنى باز] 10 - كۆپۈنچە ئاياللاردا ئاق كىر ھەيزدىن پاك بولغانلىقىنىڭ ئالامىتىدۇر. [شەيخ ئىبنى ئۇسەيمىن] 11 - بەزى چاغلاردا ئايال كىشىدىن سېرىق ۋە ئاق رەڭلىك سۇيۇقلۇق كېلىدىغان ئىش بولمايدۇ. ئۇ پەقەت يەنە بىر ھەيز كەلگۈچە قۇرۇق تۇرىدۇ، ھەر بىر ئايالنىڭ ھۆكمى باشقا. [شەيخ ئىبنى باز] 12 - ئۈمىد ئۈزۈشنىڭ مەنىسى: قاچان ئايال كىشىنىڭ ھەيزى توختىسا ۋە قايتا ھەيز كۆرۈش ئېھتىماللىقى بولمىسا ئەنە شۇ ئۈمىد ئۈزۈشتۇر. [شەيخ ئىبنى ئۇسەيمىن] 13 - ھەيزدىن پاك بولۇپ تېخى غۇسلى قىلمىغان ئايال بىلەن جىنسىي ئالاقە قىلىش دۇرۇس ئەمەس. اﷲ تائالا بۇ ھەقتە: «ئۇلارغا - ھەيزدىن - پاك بولغىچە يېقىنچىلىق قىلماڭلار» دېگەن. تەپسىر شۇناسلارنىڭ كۆپۇنچىسى: «پاك بولغىچە» دېگەننى «غۇسلى قىلىپ بولغىچە» دەپ تەپسىر قىلىشقان. [شەيخ ئىبنى ئۇسەيمىن] 14 - ھەيزدار ئايالنىڭ قۇرئان كەرىم ئايىتى يېزىلغان كىتابلارنى تۇتۇشى جايىز. [شەيخ ئىبنى ئۇسەيمىن] 15 - ھەيزدار ئايالنىڭ قول - پۇتلىرىغا خېنە يېقىشى جايىز. [شەيخ ئىبنى ئۇسەيمىن] 16 - ئەگەر دوختۇرلار ئەكس تەسىرى يوق دەپ يەكۈن چىقارسا، ھەيز كەلتۈرۈش دورىلىنى ئىستېمال قىلىش جايىز. [پەتىۋا كومىتېتى] 17 - ھەيز چەكلەش دورىلىرىنى ئىشلىتىشنىڭ زىيانلىرى: بالا ياتقۇنىڭ زەخىملىنىشىنى كەلتۈرۈپ چىقىرىدۇ، قاننىڭ ئۆزگىرىشىگە ۋە قالايمىقان كېلىشىگە سەۋەب بولىدۇ. كەلگۈسىدە بوۋاقنىڭ كۆرۈمسىز بولۇپ قېلىشىغا سەۋەب بولىدۇ، تېخى توي قىلمىغان بولسا تۇغماس بولۇپ قېلىشقا سەۋەب بولىدۇ. 18 - رامىزان مەزگىلىدە ۋە ھەج پائالىيىتى قىلىۋاتقاندا، ھەيز چەكلەش دورىلىرىنى ئىشلىتىش جايىز. [پەتىۋا كومىتېتى] 19 - دورا ئىستېمال قىلىپ كەلگەن ھەيز: دوختۇر ھەيز دېسە ھەيز، دورىنىڭ ئاسارىتى دىسە ھەيز ئەمەس. 20 - ھەيز كېلىشكە سەۋەب قىلغانلىقتىن كەلسە: نامازنىڭ قازاسىنى قىلمايدۇ. چۈنكى ھەيزنىڭ قېىنى قاچان كۆرۈلسە ئۇنىڭ ھۆكمىمۇ شۇئان تېپىلىدۇ. شۇنىڭدەك ھەيز چەكلەش دورىلىرىنى ئىستېمال قىلپ ھەيز كەلمىسە نامىزىنى ئوقۇپ روزىسىنى تۇتىۋېرىدۇ. ھۆكۈم ئۆز ئىللىتىنى چۆرىدەپ بولىدۇ. [شەيخ ئىبنى ئۇسەيمىن] 21 - ھەيزدار ئايالنىڭ ئەتتىگەن - كەچتە، ئۇخلاش ئالدىدا، ئۇيقۇدىن ئويغانغاندا ئوقۇلىدىغان دۇئا تەسبەلەرنى ۋە ئىلىم - پەن، پىقھى، ھەدىس، تەپسىر ۋە باشقا كىتابلارنى ئوقۇشى جايىز. [شەيخ ئىبنى فەۋزان] 22 - ئېغىر- يېنىك ئەمگەك قىلىش نەتىجىسىدە كەلگەن قاننىڭ ھۆكمى: ھەيزنىڭ ھۆكمىدە ئەمەس. بۇ ھەقتە دوختۇرغا مۇراجەت قىلىش كېرەك. [شەيخ ئىبنى ئۇسەيمىن] 23 - دوختۇرنىڭ ھەيزدار ئاياللارغا بەرگەن كۆرسەتمىسى: ئىمكانىيەتنىڭ بارىچە تىنچلىقنى ساقلاش، ئۆزىنى ئازادە تۇتۇش، يەڭگىل ئاسان ھەزىم بولدىغان تاماقلارنى ئىستېمال قىلىش، قورساقنى ئۇۋ لاشتىن ساقلىنىش، شەخسىي تازلىققا ئالاھىدە دىققەت قىلىش، جىنسىي ئالاقە قىلىشتىن ساقلىنىش (بۇ شەرئى جەھەتتىن ھارام) ئىچكى ئەزالارنى يۇيۇپ تۇرۇش. ئىمكان قەدەر دورا ئىشلەتمەسلىك، ئاسپىرىنغا ئوخشاش تىنچلاندۇرغۇچى دورىلارنى ئىستېمال قىلماسلىق، ئېغىز ۋە چىش تازىلىقىغا ئەھمىيەت بېرىش. 24 - ئاياللارنىڭ ھەيز چەكلەش دورىلىرىنى ئىستېمال قىلىشى تۆۋەندىكى ئىككى شەرت ئاستىدا جايىز: بىرىنچى، ئۆزىگە زىيان يېتىش ئەندىشىسى بولماسلىق، ئىككىنچى ئېرىنىڭ ئىجازىتىنى ئېلىش. [شەيخ ئىبنى ئۇسەيمىن] 25 - ھەيز كەلتۈرۈش دورىلىرىنى ئىستېمال قىلىشتا ناماز ۋە روزىدىن ئۆزىنى قاچۇرۇش نىيىتىدە بولماسلىق، شۇنىڭ بىلەن بىرگە ئېرىنىڭ ماقۇللىقىنى ئېلىش شەرت، ئەمما ناماز، روزا قاتارلىق ئىبادەتلەردىن قېچىش ۋە تالاق قىلغان ئېرىنىڭ يېنىۋېلىش ھوقۇقىنى ياكى جىنسىي مەنپەتىنى چەكلەش مەقسىتىدە بولسا ھەيز چەكلەش دورىلىنى ئىشلىتىش جايىز ئەمەس [شەيخ ئىبنى ئۇسەيمىن] 26 - ھەيزدار ئايالنىڭ پەرز، نەپلە نامازلارنى ئوقۇشى ھارام، ئەگەر ئوقۇغان بولسا نامىزى ناماز ئەمەس. ھەيز مەزگىلىدە تاشلىنىپ قالغان نامازنىڭ قازاسىنىمۇ قىلمايدۇ. [شەيخ ئىبنى ئۇسەيمىن] 27 - ھەيزدار ئايالنىڭ پەرز – نەپلە روزالارنى تۇتۇشى ھارام، بىراق ھەيزدىن پاك بولغاندا پەرز روزىنىڭ قازاسىنى بىر كۈنگە بىركۈن تۇتىدۇ. ئەبى سەئىدىلخۇدۇرى رەزىيەللاھۇ ئەنھۇ دىن رىۋايەت قىلىنىدۇكى، ئۇ مۇنداق دېدى: پەيغەمبەر ئەلەيھىسسالام مۇنداق دېگەن: «ئايال كىشى ھەيز كۆرۇپ قالسا ناماز ئوقۇيالمايدۇ ۋە روزا تۇتالمايدۇ ئەمەسمۇ؟» بىرلىككە كەلگەن ھەدىس. [شەيخ ئىبنى ئۇسەيمىن] 28 - ھەيزدار ئايالنىڭ بەيتۇللاھنى تاۋاپ قىلىشى ھارام. ئەمما ساپا مەرۋەنىڭ ئارىسىنى سەئيى قىلىشى، مۇزدەلىپەدە توختىشى ۋە باشقا ھەج پائالىيەتلىرىنى قىلىشى بۇنىڭدىن مۇستەسنا. بۇ ھەقتە پەيغەمبەر ئەلەيھىسسالام ئائىشە رەزىيەللاھۇ ئەنھاغا: «ھەيزدىن پاك بولغىچە بەيتۇللاھنى تاۋاپ قىلغاندىن باشقا ھاجىلار قىلىدىغاننى قىلىۋېرىڭ» دېگەن. [شەيخ ئىبنى ئۇسەيمىن] 29 - ئايال ھەج پائالىيىتىنى تولۇق تۈگەتكەندىن كېيىن، يۇرتىغا چىقىپ كېتىشتىن ئىلگىرى، ھەيز كۆرۈپ قالغان بولسا، ئۇنىڭدىن ۋىدالىشىش تاۋاپى ساقىت، ۋىدالىشىش تاۋاپىنى قىلمايلا چىقىپ كەتسە بولىدۇ. [شەيخ ئىبنى ئۇسەيمىن] 30 - ھەيزدار ئايالنىڭ مەسجىدتە تۇرىشى ھارام ھەتتاكى ھېيت نامىزى ئوقۇلىدىغان جايلاردا تۇرۇشىمۇ ئوخشاشلا ھارام. ئائىشە رەزىيەللاھۇ ئەنھادىن رىۋايەت قىلىنىدۇكى، ئۇ مۇنداق دېدى: پەيغەمبەر ئەلەيھىسسالام: «مەن مەسجىدنى ھەيزدار ۋە جۇنۇپ كىشىلەرگە ھالال قىلمايمەن» دېگەن. [شەيخ ئىبنى ئۇسەيمىن] 31 - ھەيزدار ئايالنى ئېرىنىڭ جىما قىلىشى ھارام، ئايالنىڭ ئىمكانىيەت يارتىپ بېرىشىمۇ ئوخشاشلا ھارام. ئەنەس رەزىيەللاھۇ ئەنھۇدىن رىۋايەت قىلىنىدۇكى، يەھۇدىيلار ئاياللىرى ھەيز كۆرۈپ قالسا بىرگە ئولتۇرپ تاماق يېمەيتتى، پەيغەمبەر ئەلەيھىسسام: «جىنسىي ئالاقىدىن باشقا ھەممە ئىشنى قىلىڭلار» دېدى. [شەيخ ئىبنى ئۇسەيمىن] 32 - ئەرنىڭ ئايالنى ھەيزدار مەزگىلدە تالاق قىلىش ھارام. [شەيخ ئىبنى ئۇسەيمىن] 33 - ھامىلىنىڭ يەرگە چۈشكەنلىكى بەچچىداننىڭ پاك بولغانلىقىدۇر. [شەيخ ئىبنى ئۇسەيمىن] 34 - ھەيزدار ئايالنىڭ ھەيزى توختىغاندا پۈتۈن بەدىنىنى يۇيۇپ غۇسلى قىلىشى ۋاجىپ. [شەيخ ئىبنى ئۇسەيمىن] ھەيزگە ئالاقىدار تۈرلۈك مەسىلىلەر 35 - كەم زىيادە بولۇش: بىر ئايالنىڭ نۇرمال ھەيز مەزگىلى ئالتە كۈن بولۇپ يەتتە كۈنگە سوزۇلۇپ كەتسە، ياكى نۇرمان ھەيز مەزگىلى يەتتە كۈن بولۇپ ئالتە كۈندە ھەيزنىڭ قېىنى توختىسا: توغرىسى؛ قاچان قان كۆرسە شۇ چاغدا ھەيزدار ھېسابلىنىدۇ. قاچان ھەيزنىڭ قېنى توختىسا شۇچاغدا پاك بولغان بولىدۇ، مەيلى ئادەتتىكىدىن كەم بولسۇن مەيلى ئارتۇق بولسۇن. [شەيخ ئىبنى ئۇسەيمىن] 36 - ئىلگىرى – كېيىن بولۇش، مەسىلەن: بىر ئايال ئاي ئاخىرىدا ھەيز كۆرۈپ ئادەتلەنگەن بولۇپ، ئاينىڭ بېشىدا ھەيز كۆرگەن بولسا، ياكى ئاينىڭ بېشىدا ھەيز كۆرۈپ ئادەتلىنىپ ئاي ئاخىرىدا ھەيز كۆرگەن بولسا. توغرىسى: مەيلى ئىلگىرى بولسۇن، مەيلى كېيىن بولسۇن، قاچان قان كۆرگەن بولسا شۇ چاغدا ھەيزدار، قاچان قان توختىسا شۇ چاغدا پاك بولغان بولىدۇ. [شەيخ ئىبنى ئۇسەيمىن] 37 - سېرىق ياكى تۇتۇق رەڭ: بىرەر ئايال، يارا ئېغىزىدىن چىققان سۇغا ئوخشاش سېرىق رەڭلىك سۇيۇقلۇقنى، ياكى سېرىق بىلەن قارا ئوتتۇرسىدىكى تۇتۇق (دوغ) رەڭلىك سۇيۇقلۇقنى كۆرسە، ھەمدە ئۇ ھەيز مەزگىلىدە بولسا ھەيزدۇر، ئەگەر ھەيزنىڭ قېنى توختىغاندىن كېيىن بولسا ھەيز ئەمەس. [شەيخ ئىبنى ئۇسەيمىن] 38 - ھەيز ئۈزۈلۈپ قېلىش: مەسىلەن ھەيزنىڭ قېنى بىر كۈن كېلىپ بىر كۈن كەلمىسە، ئۇنىڭ ئىككى خىل ھالىتى بولىدۇ، بىرى: بۇ ئايالدا دائىم كۆرلىدىغان بولۇپ ئىستىھازە دەپ قارىلىدۇ. ۋە ئىستىھازە نىڭ ھۆكمى تەتبىقلىنىدۇ. يەنە بىرى: داۋاملىق بولمايدۇ، يەنى بەزى چاغلاردا كېلىدۇ، بەزى چاغلاردا كەلمەيدۇ. بۇنىڭ توغرىسى: قاچان ھەيزنىڭ قېىنى بىر كۈندىن ئازراق توختاپ، ئاق كىردىن ئىبارەت پاك بولغانلىق ئالامىتى كۆرۈلمىسە ھەيزدىن پاك بولغان بولمايدۇ. [شەيخ ئىبنى ئۇسەيمىن] 39 - قاندىكى قۇرۇقلۇق: ھەيز مەزگىلىدە ياكى ھەيزدىن پاك بولۇشنىڭ ئالدىدا پەقەت ھۆللۈكنىلا كۆرگەن بولسا ئۇ ھەيزدۇر. ئەگەر پاك بولغاندىن كېيىن كۆرسە ھەيز ئەمەس. چۈنكى ئۇنىڭ ئەھۋالىنىڭ ئاداققى چېكى سېرىق رەڭ بىلەن تۇتۇق رەڭگە قوشۇلۇش، مانا بۇ ئۇنىڭ ھۆكمى. [شەيخ ئىبنى ئۇسەيمىن] 40 - ئايالنىڭ ھەيزى كېلىۋاتقان مەزگىلدە قان توختاپ قېلىپ كېيىن ئېغىر- يېنىك ئەمگەك ۋە باشقا ئىشلار تۈپەيلىدىن قايتا قان كەلسە ئۇ ھەيزنىڭ قېىنى ئەمەس، بەلكى بۇزۇق قاندۇر، ئۇ ناماز ۋە روزىدىن توسمايدۇ. [شەيخ ئىبنى باز] 41 - كىمكى ئادەت مەزگىلىنىڭ غەيرىدە قان نوكچىلىرىنى كۆرسە، ئۇ ناماز ۋە روزىنى تەرك ئەتمەيدۇ. چۈنكى ئۇ بۇزۇق قان، ھەيز ئەمەس. [شەيخ ئىبنى ئۇسەيمىن] 42 - ئەگەر مەسجىد بىر قانچە قەۋەتلىك مەسجىد بولسا، ئاستى ياكى ئۈستى قەۋەتلىرىدىكى جامائەت ئىمامىنىڭ ئاۋازىنى ئاڭلىيالىسا ئۇلارنىڭ نامىزى دۇرۇس، ھەيزدار ئايالنىڭ ئۇ يەرگە كىرىش دۇرۇس ئەمەس. چۈنكى ئۇ مەسجىدكە تەۋە. [شەيخ ئىبنى باز] 43 - ئاياللار ھەيز ياكى نەپاس مەزگىلىدە قان توختىتىش دورىلىرىنى ئىستېمال قىلىپ قان توختىسا ۋە غۇسلە قىلىپ بولسا، پاك ئاياللار ئۆتىگەن ئەمەللەر ئۆتىيەلەيدۇ. ئۇنىڭ نامىزى ۋە روزىسى دۇرۇس بولىدۇ. [شەيخ ئىبنى باز] 44 - ئايلىق ھەيز كۆرۈش مەزگىلىدىن بەش كۈن بۇرۇن رەڭلىك سۇيۇقلۇق كېلىدۇ. شۇنداق ئەھۋال ئاستىدىمۇ ناماز ئوقۇپ روزا تۇتامدۇ؟ -ئەگەر ئۇ كۈنلەر ئادەتتە ھەيز كەلمەيدىغان كۈنلەر بولسا كەلگەن سۇيۇقلۇق ھەيز ئەمەس. سىز نامىزىڭىزنى ئوقۇپ، روزىڭىزنى تۇتىۋېرىشىڭىز لازىم. بىراق ھەر نامازغا بىر قېتىم تاھارەت ئېلىشىڭىز كېرەك. چۈنكى ئۇ ھەيزنىڭ ئەمەس سۈيدۈكنىڭ ھۆكمىدە. ئەمما ھېلىقى بەش كۈن ئادەتتە ھەيز كۆرۈدىغان مەزگىلدە بولسا ھەيزنىڭ جۈملىسىدىندۇر. [شەيخ ئىبنى باز] ئاياللاردىكى ئادەت ئۆزگىرىشنىڭ سەۋەبلىرى 45 - ھەيز چەكلەش دورىلىرىنى ئىستېمال قىلىش: ئۇنداق دورىلار ئاياللار ئادەتنىڭ ئىلگىرى كېيىن، كەم - زىيادە كېلىشكە تەسىر كۆرسىتىدۇ. 46 - ھامىلىدارلىقنىڭ ئالدىنى ئېلىش ھالقىسى: ئادەتنىڭ مىقدارىنى ئازايتىۋېتىش بىلەن بىرگە ۋاقتىنى ئۇزارتىۋىتىدۇ. نەتىجىدە يەتتە كۈن ھەيز كۆرۈشنىڭ ئورنىغا ئون كۈن ھەيز كۆرىدۇ. [شەيخ ئىبنى جۇبەيرىن] 47 - ماڭا ئادەت كېلىدىغان كۈندىن ئۈچ كۈن بۇرۇن ھەيز كېلىدۇ، بۇنىڭ ھۆكمى نېمە؟ - ئايال كىشى ئۆز ئادىتىنى «سان ياكى رەڭ بىلەن ۋە ياكى ۋاقىت » بىلەن بىلەلىسە، ئادەت مەزگىلىدە نامىزىنى تەرك ئېتىدۇ، ئادەت كۆرگەن كۈنلىرى ئۆتۈپ كەتكەندىن كېيىن غۇسلە قىلىپ ناماز ئۆتەيدۇ. ئادەتتىن ئىلگىرى كەلگەن قان، بۇزۇق قان دەپ ئاتىلىدۇ. بۇزۇق قان سەۋە بلىك ناماز بىلەن روزىنى تەرك ئەتمەيدۇ، نامازنىڭ ۋاقتى كىرسە، قان داغلىرىنى يۇيۇۋېتىپ تاھارەت ئالىدۇ. ئەمدى ھېلىقى قانغا كەلسەك، ئۇ ئىستىھازە دەپ قارىلىدۇ. (شەيخ ئىبنى جۇبەيرىن) 58 - ئايلىق ئادەت كۈنلىرىدە ئىككى كۈن ھەيز كېلىپلا توختاپ قالىدۇ، تۆتىنچى كۈنى يەنە كېلىدۇ، ئارلىقتا قان توختاپ قالغان ئۈچىنچى كۈننىڭ ھۆكمى نېمە؟ - ئايال كىشى ئۆزىگە تونۇش بولغان ئادەت كۈنلىرىنىڭ ئىچىدىلا بولىدىكەن بەزى كۈنلىرى قان توختاپ قالغان تەقدىردىمۇ، ئۇنىڭدىن ناماز ۋە روزا ساقىت بولىدۇ، كۆپۈنچە ئاياللار پاك بولغاندا كۆرۈدىغان ئاق كىرنى كۆرمىگىچە بىرەر يېرىم كۈن قان توختاش بىلەن ھەيزدىن پاك بولدى دېگىلى بولمايدۇ. [شەيخ ئىبنى جۇبەيرىن] 49 - جۇنۇپ، ھەيزدار ۋە نېپاسدار ئادەملەرنىڭ ئارىسىدىكى پەرق: ھەيزدار ۋە نىپاسدار ئادەملەرنى جۇنۇپ ئادەمگە قىياس قىلغىلى بولمايدۇ، چۈنكى ھەيزدار ئايال بىلەن نېپاسدار ئايالنىڭ ۋاقتى جىنابەتتىكى ئادەمنىڭ ۋاقتىدىن ئۇزاقراق بولىدۇ، جىنابەتتىكى ئادەم قىسقا ۋاقىت ئىچىدىلا غۇسلى قىلىپ پاك بولالايدۇ. [شەيخ ئىبنى باز] 50 - ئادەت ۋاقتىدا ۋە باشقا چاغلاردا كېلىدىغان ئازغىنا قاننىڭ ھۆكمى نېمە؟ - ئەگەر بۇ ئەھۋال ئۆزىگە مەلۇملۇق بولغان ئادەت كۈنلىرىنىڭ ئىچىدە بولۇپ قالسا ھەيز دەپ قارىلىدۇ. [شەيخ ئىبنى ئۇسەيمىن] 51 - ئاينىڭ ئۆزىدە كەلگەن ۋە ئۈزۈلۈپ قالغان قاننىڭ ھۆكمى نېمە؟ - ھەيز قاچانلا كەلسە ھەيزدۇر، مەيلى ئۇنىڭدىن ئىلگىرىكى ھەيزنىڭ ئارىلىقىدىكى ۋاقىت ئۇزىراپ كەتسۇن، مەيلى كېمىيىپ كەتسۇن. ئەگەر ھەيز كېلىپ توختاپ (پاك بولۇپ) بەش ئالتە كۈنىدىن كېيىن، ئىككىنچى قېتىملىق ھەيز كەلسە ناماز ۋە روزىنى تەرك ئېتىدۇ، چۈنكى ئۇ ھەيزدار. [شەيخ ئىبنى ئۇسەيمىن] 52 - مۇددىتى ئېشىپ كېتىپ رەڭگى ئۆزگۈرۈپ كەتسىچۇ؟ - ئايال پاك بولغاندىن كېيىن ناتونۇش قان كەلسە ئۇ ھەيزنىڭ قېىنى ئەمەس. پەقەت ئۇ «سېرىق ياكى تۇتۇق ۋە ياكى بەزى چاغلاردا قارا» رەڭلىك سۇيۇقلۇق بولۇپ ھەيز دەپ قارالمايدۇ. ئۇنداق ئايال ناماز ۋە روزىدىن قالمايدۇ. [شەيخ ئىبنى ئۇسەيمىن] 53 - ئادەت مەزگىلدە ئىككى كۈندىن كېيىن پاك بولۇپ بىر - ئىككى كۈندىن كېيىن قايتا قان كەلسە: ھەيز مەزگىلى ئىچىدە قان كۆرگەن ئىككى كۈندە تۇرۇپ تۇرىدۇ. شۇ ئىككى كۈندە ناماز ئوقۇش، روزا تۇتۇش توغرا ئەمەس. ئەمما پاك بولغانلىقىنى كۆرگەن ئىككى كۈندە غۇسلى قىلغاندىن كېيىن ناماز ئوقۇيدۇ ۋە روزا تۇتىدۇ. [پەتىۋا كومىتېتى] 54 - بىرەر ئايال ئاينىڭ بېشىدا ئالتە كۈن ھەيز كۆرۈپ كېيىن داۋاملىق قان كەلسە ئۇنىڭ ھۆكمى قانداق بولىدۇ؟ - ھەر ئاينىڭ بېشىدا ئالتە كۈن تۇرۇپ تۇرىدۇ، ئۇنىڭغا ھەيزنىڭ ھۆكمى تەتبىقلىنىدۇ. ئۇنىڭدىن كېيىنكىسى ئىستىھازە بولۇپ غۇسلى قىلىپ ناماز ئوقۇيدۇ، كەلگەن قانغا پەرۋا قىلمايدۇ. [شەيخ ئىبنى ئۇسەيمىن] 55 - بىرەر ئايال قان كۆرۈپ نامازنى تەرك ئەتسە - يۇ، بىر قانچە كۈندىن كېيىن ھەقىقى ئادەت كەلسە: ئاۋۋالقى كۈنلەردە تەرك ئەتكەن نامىزىنى ئوقۇسا ئەۋزەل، ئەگەر ئوقۇمىسا ھېچ ۋەقەسى يوق. [شەيخ ئىبنى ئۇسەيمىن] 56 - بىرەر ئايال ئېغىر- يېنىك ئەمگەك قىلغانلىق سەۋەبىدىن ئادەتتىن بۇرۇن قارا رەڭلىك قان كۆرسە، كېيىن ئۇنىڭ ئادىتى كەلسە: ئەمگەك قىلىش نەتىجىسدە كەلگەن قان ھەيز ئەمەس، بۇ توغرىلىق دوختۇرغا مۇراجەت قىلغان ياخشى. [شەيخ ئىبنى ئۇسەيمىن] 57 - ياشتا چوڭىيىپ قالغان سەۋەبلىك قان توختىغان ئايالدىن سەپەر جەريانىدا قان كەلسە ۋە ئۇ قاننىڭ كېلىشى داۋاملاشسا: ئېنىقى ئۇ ھەيزنىڭ قېنى ئەمەس، ئۇنداق ئايال نامىزىنى ئوقۇشى ۋە روزىسىنى تۇتۇشى كېرەك، چۈنكى كۆپۈنچە ئالىملار 50 ياشلىق ئايالدىن ھەيزنىڭ قېنى توختايدۇ دەپ مۇقىمدىغان. [شەيخ ئىبنى ئۇسەيمىن] 58 - بىرەر ئايالنىڭ ئادىتى توققۇز - ئون كۈن كەلگەندىن كېيىن پاك بولۇپ، ئۈزۈك مەزگىلدە يەنە قان كەلسە: ئېغىر - يېنىك ئەمگەك ۋە باشقا سەۋەبلەر تۈپەيلىدىن ئادەت مەزگىلى ئۆتۈپ كېتىپلا قان كەلسە ئۇ ھەيزنىڭ قېنى بولماستىن بەلكى ئۇنىڭ ھەممىسى بۇزۇق قاندۇر. ئۇ سىزنى ناماز، روزىدىن توسمايدۇ. [پەتىۋا كومىتېتى] 59 - ھەيزدار ئۈچۈن ئەڭ ياخشى ئىش: ئۆز تەبىئىتىنى ساقلاپ قېلىش اللە نىڭ ئورۇنلاشتۇرۇشىغا رازى بولۇش ۋە ھەيز چەكلەش بۇيۇملىرىنى ئىشلەتمەسلىك. 60 - بىرەر ئايال ئادەت مەزگىلىدە بىر كۈن قان كۇرۇپلا ئەتىسى كۆرمىسىچۇ؟ -ئوچۇقىنى ئېيتقاندا: ئەگەر ئۇ ئايال ھەيز مەزگىلىدە بىرەر كۈن تۇرۇپ قالغان بولسىمۇ يەنىلا ھەيزگە مەنسۇپتۇركى پاك دەپ قارالمايدۇ. [شەيخ ئىبنى ئۇسەيمىن] 61 - ھامىلىدارلىقتىن ساقلىنىش دورىسى ئىشلەتكەن ئىدىم، كېيىن ھەيزنى بۇزىدىغان تۇتۇق - دوغ رەڭلىك سۇيۇقلۇق كەلدى؟ - دوختۇردىن سوراڭ، دوختۇر ھەيز دېسە ھەيز، ئەگەر ھېلىقى دورىنىڭ ئاسارىتى دېسە ھەيز ئەمەس. مانا بۇ ھازىرچە مېنىڭ بېرىدىغان جاۋابىم. [شەيخ ئىبنى ئۇسەيمىن] 62 - ئايال كىشى قان كۆرمەسلىك بىلەن پاك بولامدۇ؟ - ئەگەر ئۇ ئاق كىر كۆرۈپ ئادەتلەنمىگەن بولسا پاكدۇر، نامىزنى ئوقۇپ، روزىسىنى تۇتىۋېرىدۇ، ئەگەر ئۇ كۆپۈنچە ئاياللاردەك ئاق كىر كۆرۈپ ئادەتلەنگەن بولسا، ئاق كىر كۆرگۈچە ناماز ۋە روزىدىن توختايدۇ. چۈنكى ئۇ تېخى پاك ئەمەس. [شەيخ ئىبنى ئۇسەيمىن] 63 - مېنىڭ ئايلىق ئادىتىم يەتتە كۈن بىلەن سەككىز كۈن ئارىلىقىدا بولاتتى، بەزى چاغلاردا يەتتىنچى كۈنى قان كۆرمەيدىغان ياكى پاك بولغىنىمنى بىلمەيدىغان بولۇپ قالدىم؟ - ئاياللار پاك بولغانلىقنىڭ بەلگىسىى دەپ تونۇيدىغان ئاق كىر كۆرگۈچە ئالدىرىماڭ. قاننىڭ توختىغانلىقى پاك بولغانلىقتىن ئەمەس. پاك بولۇش پەقەتلا ئاق كىر كۆرۈش ۋە ۋاقىتنىڭ توختىشى بىلەن بولىدۇ. [شەيخ ئىبنى جۇبەيرىن] 74 - ئايال كىشى ھەيز چەكلەش دورىسى ئىستېمال قىلغانلىق ياكى ھامىلىدارلىقدىن ساقلىنىش ھالقىسى سالغانلىق سەۋەبىدىن ئادەت ئېشىپ كەتسىچۇ؟ - بىز دەيمىز: قان ھەيزنىڭ قېىنى بولسىلا، گەرچە ئادەتتىن ئېشىپ كەتكەن بولسىمۇ نامازنى تەرك ئېتىدۇ. ئەگەر ئۇ ھەيزنىڭ قېنى بولماي قالسا پاكنىڭ ھۆكمىدە بولىدۇكى، ھەيز دەپ قارالمايدۇ. [پەتىۋا كومىتېتى] 75 - ئالمىلىرىمىزنىڭ ئىچىدە: ھەيز مۇددىتى ئاۋۋالقى ئادەتتىن ئېشىپ كەتمەيدۇ. ئەگەر بىرەر ئايالنىڭ ئادىتى دەسلەپتە يەتتە كۈن بولسا كېيىنمۇ يەتتە كۈن بولىدۇ، ئۇنىڭدىن ئېشىپ كەتمەيدۇ، چۈنكى ئېشىپ كەتكىنى باشقا سەۋەبلەر تۈپەيلىدىن بولىدۇ، ئۇ سەۋەبلىك نامازدىن قالمايدۇ، دەيدۇ. بۇئېھتىيات يۈزىسىدىن چىقىرىلغان يەكۈن. [شەيخ ئىبنى جۇبەيرىن] 66 - ھەيز، ھەيز چەكلەش دورىسى ئىستېمال قىلغان سەۋەبلىك كېچىكسە، گەرچە بۇ كېچىكىش ئىككى ئايغا سوزۇلۇپ كەتكەندىمۇ، نامازنى توختاتمايدىغانلىقىدا شەك يوق. [شەيخ ئىبنى جۇبەيرىن] ئىسلام يۇلتۇزى توردىن ئېلىندى

vqkun

	ئەھمىيەتلىك  تىمىغىزغا   تەشەككۇر!

stars0998

	22. ئايال كىشىنى تۇتۇش: توغرىسى تاھارەت سۇندۇرمايدۇ، مەيلى ئۇ يات ئايال بولسۇن، مەيلى ئۆز ئايالى بولسۇن، مەيلى شەھۋەت بىلەن بولسۇن، مەيلى شەھۋەتسىز بولسۇن، مەزى چىقمىسىلا تاھارەت سۇنمايدۇ. (لۇجنەتۇتدائىم) بۇ نىمە گەپ ئەمدى؟ ئۆز ئايالىنىغۇ تۇتسۇن يات ئايالنى تۇتۇپ نىمە قىلىدۇ؟

insan.

	ئاياللارغا دائىر بۇ بىلىملەر جەمئى 28 قىسىم بۇلۇپ ئىتتىقاتتىن باشلىنىپ ئىبادەت كىىيىم كىچەك تۇغۇت ۋە كىسەللىك ئاشىقلىق قاتارلىق مەزمۇنلارنى ئۆزئىچىگە ئالدۇ 28 قىسىمنىڭ ھەممىنى كۆرمەكچى بولساڭلار مۇشۇ ئادرىسقا كىرىڭلار http://takwalar.com/?cat=5

rizwangul0995

	ھەممىمىز بىلۋىلىشقا تىگىشلىك تېيمىدىدن بىرنى يوللاپسڭز رەھمەت سىزگە.