يىراق قىرلاردىكى غىرىپ تۇيغۇلار

hope202430

	رەڭسىز گۈللەر ئۇخلار ئىكەن مىسكىن نەپەستە، سىغىنغانمىش باھار،يازنىڭ ئىللىق ھىدىنى، كۈلۈپ يۈردۈم،چۈشلىرىمدە،مەنمۇ بىر پەستە، كۆرۈپ قالغاچ،مەن دۆڭكۆۋرۈك ھەم ھىيتگاھىمنى. ئانام ياققان شىرىن ناندەك چۈشلەرنى ھەيدەپ، قايتىپ قالدىم رىئاللىققا،ئەمەلىيەتكە، يەنە شۇنچە غەيرەت قىلسام بولاي باتۇر دەپ قىتىپ قالدى كۆزلىرىمدە يىغلاڭغۇ كۈلكە. گاھ سورايمەن ئۆزگىلەردىن شەرق قايان دەپ، ئۇندا بولغاچ كىندىك قىنىم تۆكۈلگەن تۇپراق. گەر بىراۋلار كۈلۈشسىمۇ،سەۋدايىكەن دەپ، نە قىلارمەن، مەن مۇساپىر، كۆڭلۈمدە پىراق... سەھەرلىكى تاڭ ئاتاركەن،ئەرزانسىز بىراق، باشلىنىدۇ بىر كۈن يەنە بولكا،سۈت بىلەن، ئىسسىق نان ھەم تونۇر قالغان تولىمۇ يىراق، ياشىدىم مەن يەنە مەغرۇر،"شۈكۈرلەر"بىلەن. ماي ئىيىدا چۈشلىرىمدە ،قىپقىزىل گۈللەر، سىغىنغاچقا مەن يۇرتۇمنىڭ باھار ھىدىنى . ئەسكە كىرەر،شۇ تىپتىنچ ھەم جىمغۇر كۆللەر، ئوخشىماس گەر،كۈندە كۆرسەم،دىڭىز بويىنى. بۈگۈن يەنە ھېيت،ئايىمىم،خۇشالمەس بىراق، ئاتا-ئانام،ۋەتىنىمسىز،نە قىلاي ئەمدى. سۇناي،ساما ھەم دۆڭكۆۋرۈك تولىمۇ يىراق، يۇرتۇم تامان خىيال بىلەن ئۆتەرمەن ئەمدى. نەچچە كىچە كۆز ئۇيقۇسىز،خەيرسىز چۈشتىن، كۆڭلۈم ئېغىپ،يۈردۈم خامۇش،نىمىدۇر تەقدىر. ئەسلى ئىكەن بۇ بىشارەت،بىر مۇسىبەتتىن، جان دوستۇمدىن ئايرىغانكەن،مىنى شۇم تەقدىر. جەينامازدا تىلەپ سەبىر،ئۇلۇغ ئىگەمدىن، چىدىمىغاچ ئۇشبۇ يۈرەك،بۇ جۇدالىققا. ئۈنسىز يىغا،نالىلەرگە،يوقتۇر بىر ھەمراھ، خەير،يەنە كۆنگەنكەنمىز،"ئەلھەكمۇلىلا". يۈرەر ئىكەن غىرىپ بالا،يالغۇز يىگانە، نە ئانىسى،نە ئاتىسى،غەمگۇزارى يوق. ئوخشاتتىم مەن ئۇ بالىنى،ئۆزۈم ئەكسىگە. گەر بولسىمۇ غەمگۇزارىم،لىكىن ياندا يوق. قايتماق بولۇپ،قايتا قايتا تەرەددۇت قىلىپ، بىرىپ باقتىم،بىر قانچە رەت،ھاۋا يولىغا. ئاتا ئانام نەسىھەتى ئىسىمگە كىلىپ، ۋە ئامالسىز،قايتىپ كەلدىم،غىرىپ كۈلبەمگە، شۇ تەرىقە ئۆتۈپ كۈنلەر،قالدىم ھەم كۆنۈپ، يەتتە باھار،يەتتە قىشنى ئۆتكۈزۈپ يالغۇز. بەندىلەر ھەم ياشارئىكەن،بارچىگە كۆنۈپ، يالغۇز كەلدىم،ھەم كىتەرمەن،ئاخىرەت يالغۇز. مۇز شەھەرنىڭ مۇز خەلقىگە ئەسىرا بولۇپ، سوغۇق سىنىپ،سوغۇق تاماق،سوغۇق چىرايلار. مەنمۇ بىر چاغ يۈرگەن ئىدىم،ئەتىۋار بولۇپ. مىھرى ئىللىق شۇ يۇرتۇمدا،سۆيۈملۈك چاغلار. بالىلىقىم سىڭىپ كەتكەن يۇرتۇم ئۈرۈمچى، مەھمۇد بوۋام ئىزى سىڭگەن سۆيۈملۈك قەشقەر. يىتىشتۈرگەن موللا زەيدىن،يەنە ئۈزۈمچى، تۇرپان كارىز،قۇملىرى ھەم ئۈزۈمى شەربەت. يىتىشتۈرگەن ئۇلۇغ ئالىم،ئۆتكۈر بوۋامنى، قۇمۇل خەلقى مىھنەت بىلەن،ئۇندا بىر تارىخ. يىتىشتۈرگەن مەرىپەتچى،ئۇلۇغلىرىمىزنى، ۋە نىھايەت چىقىلاركەن بىر مەكتەپ ئۇندا... ھىسام ئاكا،سىزگە ئۇزۇن ئۆمۈر تىلەيمەن، سالام سىزگە،غۇلجا خەلقى، يىراق قىرلاردىن. يەنە قاچان كۆرەركەنمەن،ئۆزۈم بىلمەيمەن، قاشتىشىدەك كۆڭلى ئاپئاق،خوتەن خەلقىنى. بىلمەس ئىكەن يۇرت قەدرىنى ئايرىلمىغانلار، ئايرىلغاندا سىغىناركەن،ئۇيغۇر مىھرىنى. قەدرىگە يەت، جۈپ قاناتى ھەم سۇنمىغانلار، ھەم قەدىرلە دوستلۇقۇڭنى،بىلىپ مىھرىنى...   مەنبە: ئۆزۈم. بۇ مىنىڭ تۇنجى قىتىم شىئىر يىزىشىم بولغاچقا شىئىرنىڭ تەلەپلىرىگە ئۇيغۇن بولماي قالغان بولۇشى مۇمكىن،شۇنداقتىمۇ ئۆزۈمنىڭ كۆڭلىدىكى گەپلىرىم سۈپىتىدە يىزىپ چىقتىم.تورداشلارنىڭ يەنە كىيىنكى ئىجادىيەتلىرىم ئۈچۈن بولسىمۇ تەنقىدىي پىكىرلىرى بولسا ئايىماسلىقىنى سورايمەن...

dolaniy

	داۋاملىق تىرىشىڭ

insan.

	يەنىمۇ تىرشىڭ

yfkopjfn

	يىراق قىرلاردىن ئانا يەرگەسالام!!

vqkun

	بارىكاللا  !  تۇنجى  قېتىم   بۇنچىلىك  يازالاپسىز      .  كىيىنكى  تەرەققىياتىڭىزنى  كورىۋالماق  تەس  ئەمەس!    داۋاملىق  تىرشىڭ!

توقماق

	مىنىڭچە،ھىسسىيات - شېئىىردىكى موھىم ئامىل.سىزدە بۇ شەرىت يىتەرلىككەن.تىخنىكىغا ئائىت تەلەپلەرنى ئاستا-ئاستاتولۇقلاپ كەتسىڭىز بولىدۇ.ئەنئەنىۋى شىئىرىيەت تەلەپلىرى نوقتىسىدىن قارىغاندا رادىفلارنى قاپىيە ئورنىدا قويۇشقا بولمايدۇ.شېئىرىڭىزدىكى گەۋدىلىك كەمچىلىك قاپىيەدەئىكەن.لىكىن،رېتىم،تۇراقلارغا ياخشى دىققەت قىلىپسىز.قاپىيەسىگە بىر ئىشلىۋەتسىڭىز بۇ ياخشى ئەسەر بولغىدەك.مەن سىزنىڭ كىلەچەكتە بىر ياخشى شائىرە بولۇپ چىقىشىڭىزغا تىلەكداشمەن ۋە ئىشىنىمەن. رەڭسىز گۈللەر ئۇخلار ئىكەن مىسكىن نەپەستە، سىغىنغانمىش باھار،يازنىڭ ئىللىق ھىدىنى، كۈلۈپ يۈردۈم،چۈشلىرىمدە،مەنمۇ بىر پەستە، كۆرۈپ قالغاچ،مەن دۆڭكۆۋرۈك ھەم ھىيتگاھىمنى. 1-كوبلىتتىن كۈرۈۋىلىشقا بولىدۇكى،سىز ئالماش قاپىيەلىك شېئىر يازماقچى بولغان.1-3-مىسرالار بۇ شەرىتنىڭ يىرىمىنى قانائەتلەندۈرگەن،لىكىن ئەڭ مۇھىم بولغان يىرىمى يەنى2-4-مىسرالار قاپىيەسىز قالغان.«ھىدىنى»دىگەن سۈز بىلەن«ھىيىتگاھىمنى»دىگەن سۈز قاپىيە شەرتىنى قانائەتلەندۈرمەيدۇ.ئاخىرىدىكى«...نى»دىگەن پەقەت تاۋۇش شەكلىدىكى رادىفتىن ئىبارەت.ئەڭ ئاخىرقى مىسرادا قاپىيە شەرتىنى قانائەتلەندۆرۈش ئۈچۈن بۇ مىسرادىكى پىكىر-تىندىسىيە،ھىسسىياتلارنى باشقا بىر شەكىل-ۋارىيانىتتا ئوتتۇرىغا قويۇپ باقسىڭىز بولىدۇ.قالغان كوبلىتلارغىمۇ شۇ تەلەپ بىلەن نەزەر سىلىپ بىقىڭ. ئەگەر سىزبۇ شېئرنى ئالماش قاپىيەقىلىپ يازمايمەن دىسىڭىز مىنىڭچە ئىش بىر ئاز ئاسانغا چۈشەتتى ،بۇ ھالدا 1-كوبلىتنى تۇۋەندىكىچە ئورۇنلاشتۇرۇشقا بولاتتى: سىغىنغاچقا باھار،يازنىڭ ئىللىق ھىدىنى، رەڭسىز گۈللەر ئۇخلار ئىكەن مىسكىن نەپەستە. كۆرۈپ قالغاچ،مەن دۆڭكۆۋرۈك ھەم ھىيتگاھىمنى، كۈلۈپ يۈردۈم،چۈشلىرىمدە،مەنمۇ بىر پەستە. بۇھالدائاخىرقى مىسرانى: كۈلۈپ يۈردۈم،چۈشلىرىمدە،زۇقتا-ھەۋەستە. دىسەك بىر ئاز ياخشى بولامدىكىن.ماڭا«مەنمۇ»دىگەن سۈز تەكرارىدەك،بوغۇم تولدۇرۇش ئۈچۈنلا يىزىلغاندەك بىلىنىپ قالدى.بۇنىڭدىن ياخشى ۋارىيانىت بولسا تىخى ياخشى. تەكلىپلىرىمنى ئورۇنلۇق دەپ قارىسىڭىز قايتا ئىشلەپ بېقىڭ.مەشىقنى كۈپ قىلىڭ.بىر ئىشلىۋەتسىڭىز ھەقىقەتەن ياخشى شېئىر بولىدىكەن.

ئامىلە

	مەن بۇ شېئىرىڭىزنى بەكمۇ ياقتۇردۇم، شېئىرىڭىزدىكى پىكىر تەپەككۇرلار بەكمۇ ئەتراپلىقكەن، يۇرتۋازلىق پۇرىقى يوق.

aptap104

	ياخشى يىزىپسىز . ئەدىبىيات كەسپىدە ئوقۇمسىز ؟  داۋاملىق يىزىشىڭىزغا تىلەكداشمەن .

Gittarqi

	مەن بۇ شىئېرىڭىزنى گىتتاردا ناخشا قىلىپ ئېيتىپ باقسام بۇلغۇدەك````` سىزنىڭچە ئاھاڭنىى قايسى ئاھاڭغا سالسام بۇلار````

hope202430

	vqkun يوللىغان ۋاقتى  2012-5-22 04:47 AM بارىكاللا  !  تۇنجى  قېتىم   بۇنچىلىك  يازالاپسىز      .  كى ... رەھمەت