ئىشتا يارىلانغانلارغا

qiwer02

	ئالدىنقى ھەپتە ئىككى دېلوغا يولۇقتۇم، تەپسىلاتى مۇنداق: 1. ئالىمجان ئاقسۇ شەھرىدىكى بىر ۋېۋىسكا ياساش دۇكىنىدا ئىشلىگەن بولۇپ، ياسىغان ۋېۋىسكىنى ئاسقىلى ئاقچى ناھىيىسىگە ئاسقىلى بېرىپ، ئىشنى تۈگىتىپ قايتىپ كېلىۋاتقاندا قاتناش ھادىسىسىگە ئۇچراپ، بىر پۇتى سۇنۇپ كەتكەن. ئۇ دوختۇرخانىدىن چىققاندىن كېيىن ئەدلىيەلىك باھالاش ئورنىدا مېيىپلىق دەرىجىسىنى باھالاتقان، نەتىجىدە مېيىپلىق دەرىجىسى 10-دەرىجە دەپ باھالانغان. ئادۋوكاتخانىمىزغا بۇنىڭدىن كېيىنكى تۆلەم مەسىلىسىنى قانداق ھەل قىلىش ھەققىدە مەسلىھەت سوراپ كەلگەن. 2. داۋۇتجان ئاۋات ناھىيىدىكى بىر شىركەتنىڭ توكچىسى بولۇپ، 2011-يىل 2-ئايدا شىركەتتە توك ئەسلىھەلەرىنى رېمۇنىت قىلىۋاتقاندا توك سوقىۋېتىپ، دوختۇرخانىدا داۋالانغان. 2012-يىل 3-ئايدا ئەدلىيەلىك باھالاش ئورنىدا مېيىپلىق دەرىجىسىنى باھالاتقان، نەتىجىدە مېيىپلىق دەرىجىسى 4-دەرىجە دەپ باھالانغان. ئادۋوكاتخانىمىزغا ئوخشاشلا بۇنىڭدىن كېيىنكى تۆلەم مەسىلىسىنى قانداق ھەل قىلىش ھەققىدە مەسلىھەت سوراپ كەلگەن. يۇقارقىلارنىڭ تۆلەم مەسىلىسى زادى قانداق يول بىلەن ھەل قىلىنىدۇ؟ ئۇلارنىڭ ماڭغان تەرتىپى توغرىمۇ؟ 1. ئالىمجان ۋېۋىسكا ياساس دۇكىنىغا ياللىنىپ ئىشلىگەن، بەلگىلەنگەن ۋەزىپىنى ئورۇنداپ قايتىش يولىدا قاتناش ۋەقەسىگە يولۇقۇپ يارىلانغان، ج خ تارماقلىرى ئۇنىڭدا سەۋەنلىك يوق دەپ ئېتىراپنامە چىقارغان. دېمەك، ئالىمجان ئىش ئۈستىدە يارىلانغان بولىدۇ. ئۇنىڭ تۆلەم تەلەپ قىلىش تەرتىپى <ئىش ئۈستىدە يارىلىنىش سۇغۇرتا نىزامى> بويىچە بولىدۇ. ئەدلىيەلىك باھالش ئورنىدا مېيىپلىقىنى باھالىتىشنىڭ ھىچقانداق زۆرۈرىيىتى يوق. 2. داۋۇتجانمۇ ئىش ئۈستىدە يارىلانغان. ئۇنىڭمۇ تۆلەم تەلەپ قىلىش تەرتىپى <ئىش ئۈستىدە يارىلىنىش سۇغۇرتا نىزامى> بويىچە بولىدۇ. ئەمما ئۇنىڭ ئىش ئۈستىدە يارىلىنىشنى بېكىتىپ بېرىشنى ئىلتىماس قىلىش سۈرۈك چېكى ئاللىقاچان ئېشىپ كەتكەن. شۇڭا داۋۇتجاننىڭ تۆلەم ئېلىشى تەلىپىنى قانۇن ئورۇنلىرى قوللىمايدۇ. يۇقارقىلاردىن بىر قىسىم ئەمگەكچىلەردە تەرتىپنى چۈشەنمەسلىك مەسىلىسىنىڭ مەۋجۇتلىقىنى كۆرىۋالغىلى بولىدۇ . شۇڭا بۇ ھەقتە ئازراق چۈشەنچە بەرمەكچىمەن: ئىش ئۈستىدە يارىلانغاندىن كېيىن (مەيلى سىز يەككە سودا سانائەتچىگە ياللىنىپ ئىشلىگەن ياكى شىركەت، كارخانا، ھۆكۈمەت ئورۇنلىرىدا ئىشلىگەن بولۇڭ)، ئەگەر ئادەم ئىشلەتكۈچى ئورۇن ۋەقە يۈز بېرىپ بىر ئاينىڭ ئىچىدە ئەمگەك مەمۇرىي تارماقلىرىغا ئىش ئۈستىدە يارىلانغانلىقنى بېكىتىپ بېرىشنى ئىلتىماس قىلمىسا، ئەمگەكچى ياكى يېقىن تۇققانلىرى چوقۇم 1 يىل ئىچىدە ئىلتىماس قىلىشى كېرەك. بۇ 1 يىل ئىچىدە سۈرۈكنىڭ توختاپ تۇرۇش، ئۈزۈلۈپ تۇرۇش ئەھۋاللىرى بولمايدۇ، 1 يىلدىن 1كۈن ئۆتكۈزىۋەتسىڭىز ئەمگەك مەمۇرىي تارماقلىرى ئىلتىماسىڭىزنى قۇبۇل قىلمايدۇ. سوت مەھكىمىسىگە جىسمانىي زىيان تۆلەم دەۋاسى قىلسىڭىز سوت مەھكىمىسى ئىش ئۈستىدە يارىلىش بويىچە بىر تەرەپ قىلىش كېرەك دەپ دەۋانى رەت قىلىدۇ. ئىش ئۈستىدە يارىلانغانلىقنى بېكىتىپ بېرىشنى ئىلتىماس تەرتىپى مۇنداق (ئاقسۇدا): ئۆزىڭىز تۇرۇشلۇق جايدىكى ناھىيىلىك ئەمگەك مەمۇرىي تارمىقىغا بېرىپ جەدۋەل ئېلىپ، جەدۋەلنى تولدۇرغاندىن كېيىن، كېسەللىك دېئاگنۇز ئىسپاتى، كېسەللىك ئارخىپى، ئەمگەك مۇناسىۋېتى بارلىقىنى ئىسپاتلايدىغان يازما ماتىرياللار، ئادەم ئىشلەتكۈچى ئورۇننىڭ سودا-سانائەتنى مەمۇرىي باشقۇرۇش ئورۇنلىرى تىزىملىغان ئاساسىي ئۇچۇرلىرى، كىملىك قاتارلىقلارنى يەنە شۇ ناھىيە دەرىجىلىك ئەمگەك مەمۇرىي تارمىقىغا تاپشۇرىسىز. سىز تاپشۇرغان ماتىرياللار تولۇق بولسا، ئۇلار سىزگە قۇبۇل قىلىش ئۇقتۇرىشى بېرىدۇ. ئاندىن 60 كۈن ئەتراپىدا ساقلايسىز. ئەگەر ئىش ئۈستىدە يارىلانغان دەپ بېكىتىلسە (بۇنى ۋىلايەتلىك ئەمگەك مەمۇرىي تارمىقى بېكىتىدۇ)، ئىككىنچى قەدەمدە ئەمگەك مەمۇرىي تارمىقىغا ئەمگەك ئىقتىدارىڭىزنى باھالاپ بېرىشنى ئىلتىماس قىلىسىز. ئەمگەك ئىقتىدارىنى باھالاش ئەمگەك ئىقتىدارىنىڭ ئاجىزلىق دەرىجىسى ۋە تۇرمۇشتا ھاجىتىدىن چىقالماسلىق دەرىجىسىنى كۆرسىتىدۇ. ئۈچىنچى قەدەمدە ئەمگەك ماجىرالىرىنى كېسىم قىلىش كومىتىتىغا كېسىم قىلىپ بېرىشنى ئىلتىماس قىلىسىز (سىزنى ئىشلەتكۈچى ئورۇن سىزنى ئىشتا يارىلىش سۇغۇرتىسىغا قاتناشتۇرمىغان بولسا). ئىشتا يارىلىنىشنىڭ تۆلەم سوممىسى بىر قەدەر كۆپ بولۇپ، ھىساپلاش ئۇسۇلىمۇ ئادەتتىكى تۆلەپ دېلولىرىغا ئوخشىمايدۇ. شۇڭا، سىز ئىشتا يارىلانغان بولسىڭىز، ھەرگىز مېيىپلىقىڭىزنى باھالىتىپ يۈرمەڭ، بۇنىڭ سىزگە ھىچقانداق پايدىسى يوق. ئەگەر سىز دوختۇرخانىدا يېتىۋاتقان بولسىڭىز، تۇققانلىرىڭىزغا ھاۋالىنامە يېزىپ بەرسىڭىز، تۇققانلىرىڭىز ئىلتىماس قىلىپ قويسۇن. ئۇ چاغدا سىز ھوقۇقىڭىزنى قوغداپ قالالايسىز. تېلفۇن:13779800483

nazurgum

	ئىش ئۈستىدە يارىلانغانلىقنى بېكىتىپ بېرىش ئىلتىماس تەرتىپى گە  مەلۇمات بەرگىنىڭزگەرەھمەت! لىكىن بالاقازا ھەممىمىزنىڭ بىشىدىن نىرى كەتسۇن!

ئۇيۇنچى

	مەن بەك بىلىپ كەتمەيدىكەنمەن   ماتىريال كۇروپ ئاندىن جاۋاپ بىرەي جۇمۇ1~~~~~~~~~~~~```

ئۆل

	ھە بۇنى كۆرۈپ قويغۇلۇق .بەزىدە مۇشۇنى ئۇقماسلىق سەۋەبدىن ئارتۇق يول ،ئارتۇق چىقىپ قىلدىغانلا بار . قانۇن ۋە پۇقرا پىروگرامسدىنمۇ جىق نەرسلەرنى ئۈگەنگلى ،چۈشۈنۋالغلى بولدىكەن . مۇشۇ پىروگراممىنىمۇ كۆرۈپ قويۇڭلا ،بىركۈنى بولماي بىر كۈنى بىر يەرلەردە پايدىسى بولۇپ قالىدۇ .

qiwer02

	ئەگەر سىز ئەمگەك ئىقتىدارىنى باھالاش كومىتىتى تەرىپىدىن باھالىنىپ، 1-دەرىجىلىك مېيىپ دەپ بېكىتىلگەن بولسىڭىز تۆۋەندىكى تەمىناتتىن بەھرىمەن بولىسىز: 1. ئادەم ئىشلەتكۈچى ئورۇن بىلەن بولغان ئەمگەك مۇناسىۋىتىڭىز ساقلاپ قېلىنىدۇ. 2. 27 ئايلىق مۇئاشىڭىز مېيىپلىق تۆلىمى قاتارىدا بېرىلىدۇ. 3.ھەر ئايدا مۇئاشىڭىزنىڭ %90 بويىچە ئىشتا يارىلىنىش سۇغۇرتا فۇندىدىن مېيىپلىق قوشۇمچە پۇلى بېرىلىدۇ. 4. سىز پىنسىيە يېشىغا توشقاندا مېيىپلىق قوشۇمچە پۇلى توختىتىلىپ، ئاساسىي كۈتۈنۈش سۇغۇرتا تەمىناتىدىن بەھرىمەن بولىسىز.

alabag

	ئىش ئۇستىدە يارلىنىش ۋە قاتناش ۋەقەلىرگە يۇلۇقسىڭىز ئامال بار ئىقتىدارلىق يا خشى ئادۇۋكاتتىن بىرنى تىپىڭ، سىز بۇئىشلارنى بىجىرىپ كىتەلمەيسىز . خەلىق ئادۇۋكاتى سىزگە شۇنى ئەسكەرتىدۇكى .قانۇن ئۆلچەم، پاكىت ئاساس .