ئانا (ھېكايە)

musab0991

	ئانا ھېكايە(مۇسئەب) ئەرەپچىدىن ئۇيغۇرچىلاشتۇرغۇچى: مۇھەممەد بىر ئوغۇل ئانىسى بىلەن ئۆزى ئوتتۇرىسىدا بولغان ھەقىقى چىن ۋەقەنى سۆزلەپ مۇنداق دەيدۇ:    ئەقلىمنى بىلسەم ئانامنىڭ بىر كۆزى يوق ئىدى. ئانام كۆزۈمگە سىغماي يامان كۆرەتتىم، چۈنكى ئىچىم سىقىلىپ تۈۋەنلىك ھېس قىلاتتىم. ئىقتىسادى  تۇرمۇشىمىز  تۆۋەن بولغاچقا ئانام تازلىق ئىشچىسى ئىدى. كۈنلەرنىڭ بىرىدە مەكتەپتىكى ۋاقتىمدا ساۋاقداشلىرىم بىلەن بىرگە تۇرسام مېنى كۆرگىلى كەپتۇ، لېكىن بەكمۇ ئىزاغا ئۆلدۈم. ئاچچىغلاپ: نېمە قىلغىنىڭ بۇ دەپ ۋارقىرىدىم. شۇ ۋاقىتتا ئانام كۆزۈمگە شۇنداق سەت كۆرۈنۈپ كەتكەنىدى، ئۆزۈمنىڭ شۇنداق ئانامنىڭ بولۇپ قالغانلىقىدىن بەكمۇ ئېچىندىم. نومۇس ھېس قىلدىم. ئەتىسى بىر ساۋاقدىشىم: ئاناڭنىڭ بىر كۆزى يوقكەن ھە دەپ مازاق قىلدى. شۇندىن باشلاپ ئانامنىڭ ھاياتىمدىن غايىب بولىشنى ئارزۇ قىلدىم. ئۆيگە بېرىپ ئاچچىقىمدا ئانامغا: سەن مىنى دوستلىرىمنىڭ ئالدىدا كۈلكىگە قويدۇڭ، سەن ئۆلمەمسەن؟ دىدىم.    لېكىن ئانام جاۋاب بەرمەي جىم تۇرۇپ قالدى. ئانامغا دېگەن سۆزۈمدىن ئۆكۈنمىدىم، بەك ئاچچىقىم كەلگەنلىك سەۋەبىدىن ئانامغا دېگەن سۆزۈم توغرىلىق ئويلىنىپمۇ كەتمىدىم. ئانامنىڭ ھېسسىياتى مەن ئۈچۈن بەرىبىر ئىدى.    مەن ئانام بار يەردىن كەتمەكچى بولۇپ سىنگاپورغا كەتتىم. تىرىشىپ ئوقۇپ سىنگاپۇردا ئەلا نەتىجىنى قولغا كەلتۈردۈم. توي قىلدىم.. ئۆي سېتىۋالدىم.. بالىلىرىم بولدى..ئىشقىلىپ مەن ھاياتىمدىن بەك خۇشال ئىدىم. مەن كېتىپ ئۇزۇن مەزگىل ئۆتكەندىن كىيىن ئانام مېنى سېغىنىپ مېنى ئىزدەشكە باشلاپتۇ. كۆپ ۋاقتىنى مېنى ئىزدەشكە سەرىپ قىلىپتۇ. ئاخىرى مىنىڭ تۇرۇشلۇق ئورنۇم توغرىلىق يىپ ئۇچىغا ئېرىشىپتۇ. بىر كۈنىتۇيۇقسىز ئۆيۈمگە كەلدى، مىنى كۆرمىگىلى نەچچە يىل بولغانىدى، ھەم نەۋرىلىرىنىمۇ كۆرۈپ باقمىغانىدى. ئانامنىڭ سىماسىنى كۆرۈپ بالىلىرىم ئانامنىڭ ئۈستىدىن كۈلۈشكە باشلىدى. مەن ۋارقىرىدىم: ئۆيۈمگە كېلىپ بالىلىرىمنى قورقۇتۇشقا قانداق پېتىندىڭ؟ دەرھال چىق ئۆيۈمدىن!!! ئانام تەمكىنلىك بىلەن: كەچۈرۈڭ مەن خاتا كىرىپ قاپتىمەن دەپ چىقىپ كەتتى.    بىر كۈنى كىچىك ۋاقتىمدا ئوقۇغان مەكتەپتىن يىغىنغا قاتنىشىش چاقىرىقىنى تاپشۇرىۋالدىم.ئايالىمغا: مەن كاماندروپكىغا چىقماقچى دەپ يالغان سۆزلىدىم.شۇنداق قىلىپ ۋەتىنىمگە يىتىپ كەلدىم، يىغىنمۇ ئوڭۇشلۇق ئاخىرلاشتى. يىغىندىن كېيىن بىز بۇرۇن تۇرغان كونا ئۆيىمىزگە مۇنداقلا بېرىپ باقتىم. ئۆيگە  بارسام ئۆي تاقاق قوشنىلاردىن سۈرۈشتۈرسەم،  ئانامنىڭ ئاللىبۇرۇن ۋاپات بولغانلىقى مەلۇم بولدى!!!. ئەمما ئەجەبلىنەرلىكى مەن ۋىجدانسىزنىڭ كۆزىدىن بىر تامچىمۇ ياش ئاقمىدى. قوشنام: بۇ خەتنى ئانىڭىز ئاخىرقى كۈنلىرى سىز گە بېرىپ قويىشىمنى تاپىلاپ بەرگەنىدى دەپ بىر لىپاپىنى قۇلۇمغا تۇتقۇزدى. خەت مۇنداق يېزىلغانىدى:   سۆيۈملۈك ئوغلۇم! سەن توغرىلىق كۆپئويلاندىم، سىنگاپورغا بېرىپ بالىلىرىڭنى قورقۇتىۋەتكىنىمگە تولىمۇ ئەپسۇسلاندىم، مېنى كەچۈر ئوغلۇم. سېنىڭ يىغىنغا كېلىدىغانلىقىڭنى ئاڭلاپ بەك خوش بولدۇم لېكىن سېنى كۆرۈش ئۈچۈن كارۋاتتىن ئايرىلالمايتتىم. ھاياتىڭدا سېنى نۇرغۇنلىغان قېتىم ئۇسال ئەھۋاغا چۈشۈرۈپ قويغانلىقىم ئۈچۈن سەندىن كەچۈرۈمسورايمەن ئوغلۇم. بىلەمسەن ئوغلۇم كىچىك ۋاقتىڭدا ھادىسىگە يولۇقۇپ بىر كۆزۈڭدىن ئايرىلىپ قالغان ئىدىڭ. باشقا ئانىلارغا ئوخشاش مەنمۇ سېنىڭ بىر كۆز بىلەن چوڭ بولىشىڭنى خالىمىدىم شۇڭا ساڭا ئۆزۈمنىڭ بىر كۆزۈمنى بەردىم. سېنىڭ مىنىڭ كۆزۈم بىلەن دۇنيانى كۆرەلىگەنلىكىڭدىن مەن شادلىناتتىم، پەخىر ھىس قىلاتتىم.               مۇھەببىتىم بىلەن:                                                                                                             ئاناڭدىن. ئېزىزقېرىنداشلار ئاتا ئانىمىزنىڭ قەدرىنى قىلايلى. بىزنىڭ ئۇلاردا قىلچىمۇ ھەققىمىز يوق، ئۇلار بۇ دۇنيادىن ئايرىلغاندىن كېيىن مىڭ پۇشايمان قىلغان بىلەن بىكار. ئاللاھ تائالا ھەممىمىزنى ئاتا ئانىمىزنىڭ قەدرىنى بىلىدىغانلاردىن قىلسۇن. ئامىن.

istanbuln

	قولىڭىزغا دەرت بەرمىسۇن . ئۆزىڭىز يازدىڭىزمۇ يا ؟ كۆچۇردىڭىزمۇ ؟

kurax114

	ھەي ئانىلار پەرزەنت لەر ئۈچۈن يۈرەك لىرىنى  بىرىشتىن يانمايدۇ .... ئاللاھ شۇنداق  ئىسىل ئانىلارغا جەننەت ئاتاقىلسۇن

ئەنسار

	بەك ۋىجدانسىز كەنجۇمۇ ئاۋۇ ئوغۇل.  شۇنداقمۇ قىلامدۇ دەيمەن.

dolantograk004

	ئانىلار ئۇلۇغ

bayhenim

	قولىڭىزغا دەت كەلمىسۇن ئاتا ئانىلارنى توغرىسىدىكى مۇشۇنداق ياخشى تىمىلىرىڭىز ئۈزۈلۈپ قالمىسۇن ئاتا ئانىلار ھەقىيقەتەنمۇ ئۇلۇغ بىر ئىنسان ئۇلارنى بەكمۇ سېغىندىم

musab0991

	istanbuln يوللىغان ۋاقتى  2012-5-19 08:34 AM قولىڭىزغا دەرت بەرمىسۇن . ئۆزىڭىز يازدىڭىزمۇ يا ؟ كۆچۇ ... قېرىندىشىم ئۆزۈم يازمىدىم. تەرجىمە قىلدىم دەپ ئەسكەرتىپ قويغانتىم

梦幻水晶

	قولىڭىزغا دەرت بەرمىسۇن . ئاللاھ شۇنداق  ئىسىل ئانىلارغا جەننەت ئاتاقىلسۇن..................

musab0991

	梦幻水晶 يوللىغان ۋاقتى  2012-5-19 02:28 PM قولىڭىزغا دەرت بەرمىسۇن . ئاللاھ شۇنداق  ئىسىل ئانىلار ... رەھمەت!!!    ھەمشىرەم باش سۈرىتىڭىز سەل بىر قانداقمۇ

nazila998

	جەننەت ئانىلارنىڭ ئايىغى ئاستىدا دەيدۇ ئەمەسمۇ ، ياخشى تىمىڭىزغا رەخمەت