پۇل بولمىسا روزغارچىلىق قىلغىلى بولمامدۇ؟

سەردار566

	پۇلدار بولمىغاچقا روزغارچىلىق بىلەن مۇناسىۋىتىم يوق دەپ ئويلامسىز؟ ياكى روزغارچىلىق مۇرەككەپ ئىش دەپ قاراپ، روزغارچىلىق پىلانىڭىزنى تۈزمەمسىز؟ ھەممە كىشى باي بولۇشنى ئويلايدۇ، لېكىن، ھەممە كىشىدە توغرا روزغارچىلىق ئىدىيەسىنىڭ بولۇشى ناتايىن، بەزىلەر ھەتتا خاتا قاراش شەكىللەندۈرۈۋالىدۇ. 　　بانكا خادىمى روزغارچىلىق جەريانىدىكى بەش خاتا قاراشنى كۆرسىتىپ، توغرا روزغارچىلىق ئىدىيەسى تىكلەشنى تەۋسىيە قىلدى. 　　بىرىنچى، پۇل بولمىسا روزغارچىلىق قىلغىلى بولمايدۇ، دەپ قاراش 　　مۇتەخەسسىسلەر مۇنداق دەيدۇ: پۇلى يوق كىشىلەر روزغارچىلىقنى كىرىمىنى ئاشۇرۇپ، چىقىمىنى تېجەشتىن باشلىشى كېرەك. بەزى كىشىلەرنىڭ مائاشى تۆۋەن بولۇپ، ئايلىق كىرىمى تۇرمۇشىغا ئارانلا يېتىدۇ، بۇنداق كىشىلەر قوشۇمچە كىرىم قىلىش يوللىرى ئۈستىدە ئىزدىنىشى كېرەك. 　　يەنە بەزى كىشىلەرنىڭ كىرىمى كۆپ، لېكىن، ئۇلاردا ئۇزاق مەزگىللىك پىلان كەمچىل، ئۇلار پەرزەنتلىرىنى تەربىيەلەش، پىنسىيەگە چىققاندىن كېيىنكى ئىشلارنى پىلانلاش قاتارلىقلارغا ئانچە كۆڭۈل بۆلمەيدۇ. بۇنداق كىشىلەر يىراق كەلگۈسى پىلانى تۈزۈشكە كۆڭۈل بۆلۈپ، ئىستېمالىنى ئازايتىشى، ئاشقان مەبلەغنى روزغارچىلىققا ئىشلىتىشى كېرەك. 　　ئىككىنچى، روزغارچىلىقنى مەبلەغ سالغان بىلەن باراۋەر دەپ قاراش 　　مۇتەخەسسىسلەر مۇنداق دەيدۇ: كەڭ مەنىدىكى روزغارچىلىق مەبلەغ سېلىشنى ئۆز ئىچىگە ئالىدۇ، مەبلەغ سېلىش پىلانى روزغارچىلىق پىلانىنىڭ بىر تەرىپى. روزغارچىلىق ئادەتتە بىر قاتار پۇل مۇئامىلە مەھسۇلاتلىرىدىن پايدىلىنىش ئارقىلىق روزغارچىلىق نىشانىغا يېتىشتۇر، مەبلەغ سېلىشتا بايلىقنىڭ تېز ئېشىشىغىلا ئەھمىيەت بېرىلىپ، شەخسلەرنىڭ خەۋپ - خەتەرگە تاقابىل تۇرۇش، باج، كۈتۈنۈش سۇغۇرتىسى، پەرزەنتلەرنى تەربىيەلەشكە سەل قارىلىدۇ. 　　ئۈچىنچى، روزغارچلىقنى ئاۋارىچىلىك، خەتەرلىك دەپ قاراش 　　مۇتەخەسسىسلەر مۇنداق دەيدۇ: ھازىر روزغارچىلىق مەھسۇلاتلىرىنىڭ تۈرلىرى كۆپەيدى، پۇل مۇئامىلە بازىرىنىڭ بارا - بارا ئېچىۋېتىلىشىگە ئەگىشىپ سېلىنما تۈرلىرىمۇ كۈنسېرى كۆپەيدى، ئادەتتىكى مەبلەغ سالغۇچىلارغا نىسبەتەن روزغارچىلىق ھەقىقەتەن مۇرەككەپلىشىپ كەتتى. بۇنداق ئەھۋالدا خىزمىتى ئالدىراش كىشىلەر ئامال بار مۇتەخەسسىسلەرنىڭ ياردىمىگە تايىنىشى، ئۆزىنىڭ خەۋپكە بەرداشلىق بېرىش كۈچى ۋە ئىقتىسادىي كۈچىنى مۆلچەرلەپ، ئاندىن روزغارچىلىققا مەبلەغ سېلىشى كېرەك. 　　تۆتىنچى، روزغارچىلىق مەھسۇلاتلىرى پۇلدارلار ئۈچۈن لايىھەلەنگەن دەپ قاراش 　　مۇتەخەسسىسلەر مۇنداق دەيدۇ: روزغارچىلىق بىر خىل ھەرىكەت ئادىتى ۋە ئۆزلۈكىدىن شەكىللىنىدىغان ئاڭ، پۇلنىڭ ئاز - كۆپلۈكى بىلەن مۇناسىۋەتسىز. ھازىر پۇل مۇئامىلە ئاپپاراتلىرى تەمىنلەيدىغان روزغارچىلىق مەھسۇلاتلىرىمۇ ئوخشىمىغان كىرىمدىكى خېرىدارلارغا قارىتىلغان بولۇپ، مەبلەغ سېلىشنىڭ باشلىنىش نۇقتىسىدا يەنىمۇ ئىنچىكە تەقسىملەندى، شۇڭا، مەبلەغ سالغۇچىلار ئۆزىنىڭ ئەمەلىي ئەھۋالىغا قاراپ تاللىسا بولىدۇ.شۇڭا، روزغارچىلىق ھەممە كىشى قىلالايدىغان ئىش. 　　بەشىنچى، چوڭ ياشلىقلار روزغارچىلىق بىلەن شۇغۇللىنىشى كېرەك دەپ قاراش مۇتەخەسسىسلەر مۇنداق دەيدۇ: ھەممە ئىشنى بالدۇر باشلاش كېرەك، روزغارچىلىقنىڭ پايدىلىق ئىكەنلىكىنى بىلىپ تۇرۇپ يەنە كۈتۈپ تۇرۇشنىڭ نېمە ھاجىتى؟ قانچە بالدۇر باشلىسا كېيىنكى تۇرمۇش شۇنچە ئازادىلىك ئىچىدە ئۆتىدۇ. 　　مەنبەسى:شىنجاڭ گېزىتى

muzat505

	يېڭى ئۇقۇمما بۇ ؟چۇشەنمىدىم.نىمۇ روزغارچىلىق دىگەن .ئالدى كەينىنى ئۇقۇپ ھىس قىلىپ باقساممۇ تازا ئاڭقىرالمىدىم.بىلدىغانلار يىشىپ بەرسەڭلار بۇلاركەن.

muzat505

	پايچەك فونت دىگەندەك گەپ ئوخشىمامدۇ؟

ئۇيۇنچى

	رۇزىغارچىلىق  دىگەن  نىمە گەپ  ئەمدى `؟؟

blueleaf

	روزىغارچىلىق دېگىنىڭىز خەنزۇچىدىكى 理财   دېگەن شۇما ؟ بىر ئويلىسام توغرا كېلىدىكەن ، يەنە بىر ئويلىسام ئانچە ئۇدۇل كېلىپمۇ كەتمەيدىغاندەك ......

azizgul

	مەنمۇ بۇ ئاتالغۇنى تازا ئاڭقىرالمىدىم .

Abdul

	روزغارچىلىق دېگەن شۇ تىجارەتچىلىك

adj

	تىجارەتچىلىك كەن!

izqel

	ھازىر كۆپىنچە كىشىلەر ئىككىنجى ئۈچۈنچى كەسىپ بىلەن شۇغۇللانغىلى خىلى بولدى.ئىشلەۋاتقانلارمۇ قۇش بىسلىق بوپ ئىشلەۋاتىدۇ.

nurjula

	روزىغارچىلىق دىگەن جان بېقىش دىگەن گەپ يولداشلار! بۇ تولۇق ئۇيغۇرچە گەپقۇ! روزىغارچىلىق- جېنىنى جان ئېتىش، تۇرمۇش كۆچۈرۈش، مەنىسى بەك كەڭ! بىراق تېمىدىكى مەنىسى سەل ئۆزگۈرۈپ كەتتىمۇ قانداق، باشقىچە بىر مەنىنى ئىپادىلەپ، تورداشلارنى قايمۇقتۇرۇپ قويۇپتۇ. ئەگەر ئىشەنمىسەڭلار پېشقەدەم تېلشۇناسلاردىن سوراپ بېقىڭلار!