مىسرانىم مۇنبىرى توغرىسىدىكى سانلىق تەتقىقات

Azizan

	1. ئەزا سانى جەھەتتە : (1) بۇ ماقالە يېزىلغان ۋاقىتتا ( 2012-يىلى 5-ئاي ) مىسرانىم مۇنبىرى ئەزا سانى 107700 گە يەتكەن بولۇپ ، 2011-يىلى 1- ئايدىكى 21000 غا قارىغاندا ، 86700 نەپەر ئەتراپىدا ئەزا كۆپەيگەن . دېمەك ، مىسرانىم مۇنبىرىگە ئەزا بولغان تورداشلارنىڭ %81 ى 2011-يىلىدىن كېيىن ئەزا بولغان . 2011-يىلى 6-ئايدىكى 30000غا سېلىشتۇرغاندا ، 77700 نەپەر ئەزا كۆپەيگەن بولۇپ ، دېمەك مۇشۇ 1 يىلدا ئەزا بولغان تورداش سانى %72 پېرسەنتنى ئىگەللەيدۇ . بۇنىڭدىن مىسرانىم مۇنبىرىنىڭ يېڭىيارچىلارغا توشۇپ كەتكەن مۇنبەر ئىكەنلىكىنى كۆرۈۋېلىشقا بولىدۇ . (2) مۇنبەر قۇرۇلۇپ ( تور ئېچىلىپ ) يېرىم يىلغا يەتمىگەن ۋاقىتتا ، 2010-يىلى 10-ئاينىڭ ئاخىرىغىچە 8000 ئەزا ئىشقا ئاشقان بولۇپ ، ھازىرقى ئەزا سانىنىڭ %7.4 ىگە توغرا كېلىدۇ . بۇنىڭدىن 2009-يىلىدىن بۇرۇنقى مۇنبەرداش ئەزالارنىڭ مىسرانىم مۇنبىرىدىكى ئىگەللىگەن نىسبىتىنى غۇۋا كۆرۈۋېلىشقا بولىدۇ . (3) مىسرانىم مۇنبىرى ئۇيغۇر يېزىقىدىكى مۇنبەرلەر ئارىسىدا ئەزا سانى جەھەتتە 1- ئورۇندا ، تارىخىي رېكورت جەھەتتە سەلكىن مۇنبىرىنىڭ 2009-يىلى 2-ئايدىكى 79000 ئەزالىق رېكورتى ۋە شەبنەم مۇنبىرىنىڭ 2008-يىلى 12-ئايدىكى 63000 ئەزالىق رېكورتىنى بۇزۇپ تاشلاپ ھازىرقى رېكورتنى ساقلاپ يېڭىلاپ كەلمەكتە . (4) مىسرانىم مۇنبىرى ئەزا سانى 107700 گە يەتكەن بولۇپ ، بۇ سان ئۇيغۇر ئومۇمىي نوپۇسىنىڭ تەخمىنەن 0.893 پېرسەنتىگە توغرا كېلىشى مۆلچەرلىنىدۇ . (5) مىسرانىم مۇنبىرى ئەزا ئومۇمىي سانى ئىچىدە ، چەكلىنىپ قايتا تىزىملاتقان ، كىچىك id زاپاسلىغان ئەھۋاللار رۇشەن مەۋجۇد بولۇپ ، ip كۆرۈش ئىقتىدارى بولمىغاچقا ، بۇ قېتىملىق ستاتېستىكىدا ئېنىق ئەكس ئەتتۈرۈش مۇمكىن بولمىدى . 100 تىمىغا قارىتا ئۈلگە سۈپىتىدە ئېلىپ بېرىلغان تەخمىنىي ستاتېستىكىدىن كۆرە ، ھەقىقىي ئەزا سانى 93000 ئەتراپىدا مۆلچەرلەنمەكتە ، دېمەك ھەر بىر كىشى تەخمىنەن 1.15 تىن id غا ئىگە . بۇنىڭدىن ، ساختا ئەزا مىسرانىم مۇنبىرىدە 0.15 ئۈلۈش ، يەنى %15 كە يەتكەنلىكىدەك خەتەرلىك سېگنالنى كۆرۈۋېلىشقا بولىدۇ . 2. تىما جەھەتتە : (1) مىسرانىم مۇنبىرىدە جەمئىي تىما سانى  37000  دىن ئارتۇق بولۇپ ، مۇنبەر ئېچىلىپ ھازىرغىچە بولغان ئىككى يىلدا ، ئوتتۇرا ھېساب بويىچە تەخمىنەن ھەركۈنى 50 تىمىلىق سۈرئەت بىلەن يېڭىلىنىپ ماڭغان . بۇ مىسرانىم مۇنبىرىنىڭ تىما يېڭىلىنىش سۈرئىتىنىڭ ئىنتايىن تېزلىكىدىن بىشارەت بېرىدۇ . (2) مىسرانىم مۇنبىرى ئومۇمىي تىما سانى بىلەن ئومۇمىي ئەزا سانىنى نىسبەتلەشتۈرگەندە ، ھەر بىر ئەزا ئوتتۇرا ھېساب بىلەن 0.34 تىن تىما يازغان بولۇپ ، بۇنىڭدىن تىما يازمايدىغان ئەزالارنىڭ سانى يەنىلا كۆپ ئىكەنلىكىنى كۆرۈۋېلىشقا بولىدۇ . (3) 2011-يىلى 6- ئايدىن بۇرۇن تىزىملاتقان 200 ئەزا ۋە شۇنىڭدىن كېيىن تىزىملاتقان 200 ئەزاغا قارىتا ئېلىپ بېرىلغان ستاتېستىكىدىن كۆرە ، 2011-يىلى 6- ئايدىن بۇرۇن تىزىملاتقان ئەزالار يازغان تىما سانى كىشى بېشىغا ئوتتۇرا ھېساب بىلەن 0.81 ، شۇنىڭدىن كېيىن تىزىملاتقان ئەزالار يازغان تىما سانى كىشى بېشىغا ئوتتۇرا ھېساب بىلەن تەخمىنەن 0.26 . دېمەك ، بۇنىڭدىن 2011 -يىلى 6- ئايدىن كېيىن تىزىملاتقان ئەزالار كۆپىنچە ھالدا تىما يازماي كۆرىدىغان ياكى ئىنكاس يازىدىغان ئەزالار ئىكەنلىكىنى كۆرۈۋېلىشقا بولىدۇ . (4)  نادىر تىما سانى جەھەتتە ، مۇنبەر ئېچىلىپ دەسلەپكى 1 يىل ئىچىدىكى نادىر تىما سانى ۋە كېيىنكى 1 يىل ئىچىدىكى نادىر تىما سانىنىڭ ئومۇمىي نادىر تىما سانى ۋە ئومۇمىي يازما سانىدىكى نىسبىتى 0.61 گە قارشى 0.39  نىسبەتتە بولۇپ ، بۇ مىسرانىم مۇنبىرىنىڭ ئەزا بىلەن يازما كۆپىيىپ نادىر تىما نىسبىتى ئازىيىۋاتقانلىقىدىن دېرەك بېرىدۇ . 3. ئىنكاس جەھەتتە : (1) مىسرانىم مۇنبىرىدىكى ئىنكاس سانى جەمئىي 929000 غا يەتكەن بولۇپ ، ئەزا بېشىغا تەخمىنەن 8.63 تال ئىنكاستىن توغرا كېلىدۇ . بۇ سان ئەزا بېشىغا توغرا كېلىدىغان تىما سانىدىن 25.4 ھەسسە يۇقىرى بولۇپ ، دېمەك مىسرانىم مۇنبىرىنىڭ ئىنكاسقا بولغان قىزغىنلىقى كۈچلۈك ، ئوتتۇرا ھېساب بىلەن بىر ئەزا بىر تىما يازغۇچە 25.4 ئىنكاس يېزىپ بولىدۇ دېگەندىن دېرەك بېرىدۇ . (2) ھەربىر تىمىغا تەخمىنەن 26 دىن ئىنكاس توغرا كېلىدىغان بولۇپ ، بۇ نىسبەت يەنىمۇ ئىلگىرىلىگەن ھالدا يۇقارقى نۇقتىئىنەزەرنى ئىسپاتلاپ تۇرماقتا . (3) 300 تىمىغا قارىتا ئىختىيارىي تاللىنىپ ئېلىپ بېرىلغان ستاتىستىكىدىن كۆرە ، 73 تىمىنىڭ ئىنكاس سانى 10 دىن ئاشمىغان ، 10 ئىنكاس چۈشمىگەن تىما ئومۇمىي تىما سانىنىڭ %24.3 ىنى ئىگەللەيدۇ ؛ 183 تىمىغا 10دىن20 گىچە ئىنكاس چۈشكەن ، ئومۇمىي تىما سانىنىڭ %61 ىنى ئىگەللەيدۇ ؛ 44 تىمىنىڭ ئىنكاس سانى 20دىن ئېشىپ كەتكەن بولۇپ ، %14.7 ىنى ئىگەللەيدۇ . بۇ ساندىن مەلۇم بولغىنى ، مىسرانىم مۇنبىرىگە يوللانغان تىمىلار ، گەرچە تىما ئىگىسىنىڭ تىما يوللاشتىكى گۈزەل ئارزۇ-ئارمانلىرى باشقىچە بولسىمۇ ، لېكىن يەنىلا %85.3 تىما 20 ئىنكاستىن ئاشماي ئارقا سەپكە تاشلىنىش تەقدىرىگە گىرىپتار بولىدۇ . ئاۋات تىمىلارنىڭ نىسبىتى تولىمۇ تۆۋەن بولۇپ ، ئىنكاس سانى 20دىن ئاشقان تىمىلار 14.7 پېرسەنت دەپ ھېسابلانغاندا ، 50تىن ئاشقان تىمىلار بۇنىڭدىن تېخىمۇ تۆۋەن بولۇشى مۇقەررەر . ( داۋامى بار ، تولۇقلىنىپ ئىنكاس شەكلىدە يوللىنىلىدۇ )

ئۇيۇنچى

	جاپا  چىكىپسز      ئاخىرغا  تەشنا مىز ~~~~~~~~~~~`

خېلىل1

	مىنىڭچە قارشى ئىنكاسلار، بەس-مۇنازىرىگە ئەھمىيەت بىرىش كېرەك. تەكرار ،پۇچەك ئىنكاسلارنى كىچىك خەت شەكلىدە چىقىرىپ قويسىمۇ بولىدۇ. تىما تەستىقلىغاندىمۇ ھەرقانداق تىمىنى تەستىقتىن ئۆتكۈزىۋەرمەسلىك كېرەك. باشقۇرغۇچىلار ياخشى تىما چىققاندا تەشۋىقاتىنى ياخشى قىلىش كېرەك . شۇندىلا ئىنكاسنى جانلاندۇرغىلى بولىدۇ.

=MakiT=

	بۇ سىتاتسىتكىلار خېلى ئۇيغۇن بولۇپتۇ ، ئەمما مىسرانىمنىڭ ھەقىقىي ئەزاسى 50000 دىن ئاشماسلىقى مۇمكىن ، چۈنكى ھازىرقى ئومۇمى ئەزا 80231 بولۇپتۇ. بۇنىڭ ئىچىدىن يۇقارقىدەك سىتاتسىتكا قىلىنسا ھەقىقىي ئەزا ئومۇمىي سانى تۆۋەنلەپ كېتىشى مۇمكىن، مىسرانىم مۇنبىرى ھازىر ھەقىقەتەن ئالدىنقى قاتاردا تۇرىدۇ ، ئەمما بۇ خىل ساختا نىقابلىنىشنىڭ زۆرۈريىتى يوق دەپ قارايمەن، قالغان ئەھۋال ئىچكى قىسىمدىكىلەرگە ئىنتايىن ئېنىق. «ھەق گەپ ئاچچىق»

~dana~

	نادىر تىما سانى جەھەتتە ، مۇنبەر ئېچىلىپ دەسلەپكى 1 يىل ئىچىدىكى نادىر تىما سانى ۋە كېيىنكى 1 يىل ئىچىدىكى نادىر تىما سانىنىڭ ئومۇمىي نادىر تىما سانى ۋە ئومۇمىي يازما سانىدىكى نىسبىتى 0.61 گە قارشى 0.39  نىسبەتتە بولۇپ ، بۇ مىسرانىم مۇنبىرىنىڭ ئەزا بىلەن يازما كۆپىيىپ نادىر تىما نىسبىتى ئازىيىۋاتقانلىقىدىن دېرەك بېرىدۇ . بۇ ئىستاستىكىڭىزغا ئىشىنىمەن ،چۈنكى سىزنىڭ‹‹سەت›› قىز ناملىق رومانىڭىز بۇنى ئىسپاتلاپ تۇرۇپتۇ. بۇرۇنقى ئەزالار تىمىنىڭ سۈپىتىگە ئىتىبار بىرەتتى، ھازىر بولسا سانىغا...ھىسابتا سىزنىڭ <<سەت>> قىز ناملىق شىئىرىي يۇمۇرىڭىزمۇ نادىر تىمىنىڭ ئازىيىپ كىتىشىگە خىلى چوڭ ياردەم بىرىۋاتىدۇ ئەمەسمۇ... https://uyghur-archive.com/misranim/forum.ph ... 510&page=2#lastpost

azizgul

	جاپالىق مىھنەتلىرىڭىزگە كۆپ تەشەككۈر !

guzelim

	نۇرغۇنلىغان كونا -ئىسىل ئەزالەر بارتتى! ئۇلار ئەجەپ يوقاپ كەتتى دىسە... بەزىلەرنىڭ4~5 ئىسىم ئىشلىتىدىغۇ دەيمەن! چەكلەنگەن ئەزالارنى پاك-پاكىز تازلىۋەتكەن بولسا، بۇ سانلىق مەلۇماتلاردا  زور دەرىجىدە ئۆزگىرىش بولاتتى!

ATAX8714

	ئەلكۈيى تورىمۇ  بوش ئەمەس ....ئۇيغۇرلارنىڭ توربەت ئارسدا كۈندىلىك زىيارەت 1750669بۇلۇپ بۇ توربەتنى چەتئەللەردىكى ئۇيغۇرلىرىمىزمۇ زىيارەت قىلىدىكەن،، ئەلكۈيى دىگەن يازماققىمۇ ئاسان ..ھەم مەنىسى چوڭقۇر،،، بۇ مىسرانىمنىڭ تورغا كىرگۈزمەكچى بۇلساق بەك ئۇزۇن ،،مەن ئۇيغۇر پۇرىقىى يوق بۇ ئسىمدا

azrat705

	خېلى تەپسىلى ئانالىز قىپسىز جۇمۇ !!