بىلنۇرى مېھرىبان ئوقۇغۇچىلار ئۇيۇشمىسىغا ئەزا بولامسىز ؟

bilnur

	دۇنيا مېھىر-مۇھەببەت ئىللىقلىق بىلەن گۈزەلدۇر. سەمىمىي ياردەم قەلىبلەرنى ئىللىتىدۇ .مېھرىبان ،شەپقەتلىك ساخاۋەتچىلىرىمىز ،ئەنە شۇ ياردەمگە موھتاج ئاز ساندىكى ئاجىزلار توپىغا يېڭىدىن كۈچ ،ئۈمىد بەخىش ئەتكۈچىلىرىمىزدۇر. مېھرىبان ئانىلار ۋەكىلى رەيھان ئاپپاي ،مېھرىبان ئاتىلار ۋەكىلى ھەسەنجان ئاكىلار باشچىلقىدا مېھرىبان ئاتىلار ئانىلار گۇرۇپپىلىرىمىز ھەرقايسى شەھەر ،ناھىيە ھەتتا يېزىلىرىمىزدىمۇ قۇرۇلۇپ جەمىيىتىمىزدىكى ئىقتىسادى قىيىنچىلىقتا قالغان نۇرغۇن كىشىگە مېھىرلىك قەلبىنى سۇنۇپ جەمىيەتنىڭ ئىلىقلىقىنى يەتكۈزدى . ئىقتىسادى قىيىنچىلىق سەۋەبىدىن ئوقۇشقا ئامالسىز قالغان ،ئوقۇشتىن چېكىنىش گىردابىغا بېرىپ قالغان نەچچە يۈزلىگەن ئوتتۇرا ۋە ئالى مەكتەپ ئوقۇغۇچىلىرىغا ياردەم قولىنى سۇنۇپ ،ئىلىمگە تەشنا قەلبىنى ، ئوقۇشقا بولغان ئوتتەك ئىستىكىنى قاندۇردى . ھەممىمىز بۇ شەپقەتلىك ئانىلىرىمىز ،ئاتىلىرىمىزنىڭ ئىش ئىزلىرىدىن سۆيۈندۇق ،ئۇلارنىڭ مېنەتسىز ياردىمى بىلەن سان -ساناقسىز قەلىبلەر ئىللىدى. ئۇلار ئۆز ھەركىتى ئارقىلىق ئىتتىپاقلىق ئۆز-ئارا ياردەمنىڭ تەسۋىرلىگۈسىز سېھرى كۈچىنى نامايەن قىلدى . مېھرىبان ئانىلىرىمىز،مېھرىبان ئاتىلىرىمىزنى قانداق تەرىپلىسەك ،ئىش ئىزلىرىنى قانچىلىك يازساق تۈگىمەيدۇ.بىزمۇ بىر بىر ئالى مەكتەپ ئوقۇغۇچىسى بۇلۇش سۈپىتىمىز بىلەن جەمىيىتىمىزنىڭ ساخاۋەت ئىشلىرىغا ئاز -تولا بولسىمۇ تۆھپە قۇشۇشنى ئويلىدۇق ،قارايدىغان بولساق ئالى مەكتەپ ئوقۇغۇچىلىرىمىز دىكى ئېيتىپ تۈگەتكۈسىز ئىسراپچىلىقلارغا ئادەمنىڭ ئىچى سىيرىلىدۇ ،ئورۇنسىز پۇل ئىشلىتىش ، ھەرەڭ- سەرەڭ قىممەت باھالىق كىيىملەرنى كىيىش ،ئۇنۋېرىستىتدا ئوقۇۋاتقان بىر قىسىم ئوقۇغۇچىلىرىمىزغا ھېچقانداق غەيرى تۇيۇلمايدىغان ئادەتتىكى بىر ھادىسىگە ئايلاندى .بۇ توپمۇ بارغانسىرى كۆپىيىشكە يۈزلىنىۋاتىدۇ. تۇترۇقسىز ساۋاقداشلار ئولتۇرۇشى ۋە ھەرخىل كۆڭۈل ئېچىش سورۇنلىرىغا خەجلىنىۋاتقان ئاشۇ پۇللارغا قاراپ چىداپ تۇرغىلى بولمايدۇ ، ،ئۆزىنىڭ ۋاقتى ،پۇلى ،زېھنىنى خورىتۋاتقان تور مەستانىلىرىمىز مۇ بارغانسىرى كۆپىيۋاتىدۇ .مەكتەپ ھويلىسىغا قارايدىغان بولساق باھاسى بەش يۇەن ھەتتا باھاسى ئۇنىڭدىنمۇ يۇقىرى ئىچىملىكلەرنى ئۇسسىمىسىمۇ بىر بىرى بىلەن بەسلىشىپ دېگۈدەك كۆتۈرۋالغان ئوقۇغۇچىلىرىمىزنى ، تاماكىسىنىڭ ماركىسىنى داڭلاپ چىكىۋاتقان ئوغۇللىرىمىزنى، كۆز-كۆز قىلىش ئۈچۈن يېرىم يالىڭاچ ،تار كىيىملەرگە پۇلنى سۇدەك خەجلەۋاتقان قىزلىرىمىزنى ماڭدامدا بىر ئۇچرىتىمىز ، بۇنداق ئىسراپچىلىقنى سۆزلىسەك يەنە نۇرغۇن . ئەمدى ھەقىقى گەپكە كەلسەك يۇقارقىدەك قىلمىشلارنى قىلۋاتقان ئوقۇغۇچىلىرىمىز ئىسراپچىلىقنى تاشلايلى ،ئىقتىسادى قىيىنچىلىقتىن ئوقۇشسىز قالغان ئوقۇغۇچىلىرىمىزنى ئويلاپ باقايلى ،ئەنە شۇ ئوقۇغۇچىلىرىمىز ئوقۇشقا شۇنداق ئىنتىلەتتى ، ئىلىمگە بولغان ئوتتەك قىزغىنلىقى ئۇلارنى ئوقۇشقا ئۈندەيتتى ئەمما رەھىمسىز تەقدىر ،ئىقتىسادى قىيىنچىلىق ئۇلارنىڭ بۇ قىزغىنلىقىنى كۆپۈككە ئايلاندۇرۋاتىدۇ،شۇڭا دېمەككىم ئەنە شۇ ئىلىمگە تەشنا قەلىبلەرنىڭ مەكتەپ قوينىغا قايتىشى،ئالىي مەكتەپتە نورمال ئوقۇيالىشى ئۈچۈن بىز ئالى مەكتەپ ئوقۇغۇچىلىرىمۇ ئاۋاز قوشايلى !قولنى قولغا تۇتۇشۇپ ھەركەتكە كېلەيلى !بىر ياشنىڭ ئوقۇش قىيىنچىلىقىنى ھەل قىلالىساق مىللىتىمىز ،جەمىيىتىمىز ئۈچۈن بىر ئقتىساد ئىگىسىنى يېتىشتۈرۈشكە تۆھپە قوشقان بولىمىز . بىز چەكمەكتىمىز ، ئېسىل ئىچىملىكەرنى ئىچمەكتىمىز ، مودا كىيىملەرنى كىيمەكتىمىز ،تور خانىلاردا سائەتلەپ ئولتۇرماقتىمىز ، ھەرخىل سورۇنلاردا يەپ ئېچىپ ئوينىماقتىمىز ،لېكىن قايسى بىر قېرىندىشىمىز كېسەل ئازابىدا ئېڭىراپ ياتماقتا ،قايسى بىر قېرىندىشىمىز ئوقۇشسىز قېلىپ ھەر يەرلەردە سەرسان بولماقتا ،قايسى بىر قېرىندىشىمىز ئامالسىزلىقتىن بەزى ناتوغرا يوللارغا ماڭماقتا .نېمىشقا بىز ئاشۇ ئىشلارنى قىلىشنىڭ ئورنىغا ئازغىنە پۇلىمىزنى تېجەپ ،شۇ قېرىنداشلىرىمىزغا ياردەم قىلمايمىز ؟ نېمىشقا ئۆزلۈكىمىزدىن تەشكىللىنىپ ئۆز قۇرداشلىرىمىزنىڭ مەكتەپتە كىرىشى، نورمال ئوقۇيالىشى ئۈچۈن كۈچ چىقىرالمايمىز ؟ نېمىشقا .......ئۆيدىن ئايرىلىپ پۇلنى بۇلۇشىچە خەجلەپ ئاق سۆڭەكلەرچە ياشايدىغان تۇرمۇشىمىزنى ئەمدى تاشلايلى،بۇنداق تۇرمۇش بىزگە ياراشمايدۇ. ئەمىليەتتە،ھەر ئايدا بىر قۇتا ئىچىملىكنى ئاز ئىچسەكلا ،بىر قۇر كىيىمنى ئاز كىيسەكلا ،كۇندە نەچچە مو پۇلنى ئاز خەجلىسەكلا ،بىز ئالىي مەكتەپ ئوقۇغۇچىلىرىمۇ قانچىلىغان ئوقۇغۇچىنىڭ ئوقۇش ئارزۇسىنى قاندۇرالايمىز .ئاتا -ئانىمىز بىزدىن پەخىرلىنىدۇ،جەمىيىتىمىز بىزدىن سۈيۈنىدۇ، شۇندىلا بىزدىكى ئىتتىپاقلىق ،ئىلىقلىق مارشى مەڭگۈ ياڭرايدۇ! ئۇيۇشمىمىزۋە ئۇيۇشمىمىزغا  ئەزا بولغۇچىلارغا قۇيۇلدىغان شەرتلەر ئۇيۇشمىمىزنىڭ خاراكتىرى : مېھىر -شەپقەت، ئىللىقلىق يەتكۈزۈش ئۇيۇشمىمىزنىڭ مەقسىتى: ئاساسلىقى ئىقتىسادى قىيىنچىلىق سەۋەبىدىن ئوقۇشسىز قېلىۋاتقان ،شۇنداقلا ئوقۇشىنى داۋاملاشتۇرۇشغا ئامالسىز قېلىۋاتقان ئوتتۇرا ۋە ئالى مەكتەپ ئوقۇغۇچىلىرىغا ياردەم قىلىش ، ئېغىر كېسەل سەۋەبىدىن داۋالىنىشتا قىينىلۋاتقان قېرىنداشلىرىمىزغا ياردەم قىلىش . جەمىيەتنىڭ ئىللىقلىقنى يەتكۈزۈش . نىشانى : ئوقۇغۇچىلىرىمىزدا تىجەشلىك بۇلۇش ئىدىيىسىنى ئورنىتىپ ،مېھىر-شەپقەت ئىللىقلىق يەتكۈزۈشنى خۇشاللىق دەپ بىلىدىغان بىر تۈركۈم ئوقۇغۇچىلارنى بارلىققا كەلتۈرۈش ،مېھرىبان ئوقۇغۇچىلار توپىمىزنى تېخىمۇ تەرەققى قىلدۇرۇپ ھەر قايسى مەكتەپلىرىمىزدە ئومۇملاشتۇرۇش . ياردەمنى يەتكۈزۈش:ھەر ئايلىق يىغىلغان بەدەل پۇلى شۇنداقلا ياردەم قىلىنغان پۇل ئاشكارا ئېلان قىلىندۇ ئەزالار ئوبىكتى: كەڭ ئوقۇغۇچىلار (ھازىرچە ئالىي مەكتەپ ئوقۇغۇچىلىرىنى ئاساس قىلىدۇ) ئۇيۇشمىمىزغا ئەزا بولغۇچىلارغا قويۇلدىغان شەرتلەر: (ئۇيۇشمىمىزغا ئەزا بۇلۇشنىڭ ھېچقانداق مەجبۇرلاش خاراكتىرى يوق ،ئۆز ئىختىيارىڭىز بىلەن ئەزا بولغاندىن كېيىن ،چۇقۇم تۆۋەندىكى شەرتلەرنى ئاڭلىق ئادا قىلىشىڭىز كېرەك . ) 1. ئويۇشمىمىزغا ئەزا بولغۇچىلار ئەڭ ئالدى بىلەن دۆلىتىمىزنىڭ قانون نىزاملىرىغا ئاڭلىق بويسۇنۇشى كېرەك. 2. تۇرمۇشتا ئىقتىسادچان، تېجەشلىك بۇلۇشى ، مېھىر-شەپقەت، ئىللىقلىق يەتكۈزۈشنى خۇشاللىق دەپ بىلىشى كېرەك( چۈنكى بىزنىڭ نىشانىمىز ، مەقسىتىمىز پەقەت ئىلقلىق يەتكۈزۈشلا ،ياردەم بېرىشلا ئەمەس ،ئىقتىسادچانلىق ، تىجەشچانلىقنى ئومۇملاشتۇرۇش،ئىسراپخورلۇقنى تۈگۈتۈش ) 3. ئەزا بولغۇچىلار ئەزا بۇلۇشتىن بۇرۇن ھەققى ئىسىم ، مەكتەپ ،ئالاقلىشىش ئادرېسىنى تەمىنلىشى كېرەك . 4.ياردىمىمىزنى ئۈزۈلدۇرۇپ قويماسلىق ئۈچۈن ئەزالىق بەدەل پۇلنى ۋاقتىدا تاپشۇرۇشى كېرەك. 5. ياردەم ئوبىكتىنى تاللاشتا نازارەتنى كۈچەيتىشى ،ياردەم پۇلىنىڭ دەل جايىغا تېگىشى ئۈچۈن ياردەمدە بۇلۇشى كېرەك. ئەزالارنىڭ بەھرىمان بولدىغانلىرى: (1) ئۇيۇشمىمز نىڭ ئەزالىرى كەڭ ئالى مەكتەپ ئوقۇغۇچىلىرىدىن تەركىپ تاپقان بولغاچقا ئۆگۈنۈش جەھەتتە قىيىنچىلىققا ئۇچرىسىڭىز بىز بىلەن ئالاقلاشسىڭىز سىز يۇلۇققان مەسلىلەرنى مۇناسىۋەتلك كەسىپتە ئوقۇغان ئوقۇغۇچىلىرىمىز بىلەن ئورتاقلىشىڭىزغا ئەڭ تېز سۇرئەتتە يۇلۇققان مەسلىلىرىڭىزگە جاۋاب تېپىپ بېرىشكە ياردەم بېرىمىز .(2) ئىقىتىسادى جەھەتتە قىيىنچىلىققا ئۇچرىسىڭىز بىلنۇرى مېھرىبان .ئوقۇغۇچىلار ئۇيۇشمىمىزغا ئىلتىماس قىلسىڭىز ھەققىي ئەھۋالنى تەكشۈرگەندىن كېيىن بىز ئىمكانىيەتنىڭ بارىچە سىز گە ياردەمدە بولىمىز . (3)يۇقىرى ئۆرلەپ ئوقۇماقچى بولغان ئوقۇغۇچىلارغا كەسىپ مەكتەپ ئۇچۇرلىرى بىلەن تەمىنلەيمىز ، (4).ئەدىبىياتقا يېزىقچىلىققا قىزىققۇچىلار ئۈچۈن بلوگىمىزدىن ئايرىم سەھىپە ئاجرىتىپ بېرىمىز ئاپتورلۇققا تەكلىپ قىلىمىز .ئۆز ماھارىتىنى جارى قىلدۇردىغان سەھنە ھازىرلاپ بېرىمىز (5).تىل ئۆگۈنۈش جەھەتتە ماتىريال مەنبەسى ئىزدىسىڭىز سىزگە يەنە ياردەمدە بولىمىز . ئاخىرىدا: بىز قېرىنداشلىرىمىز ئارىسىدا ساخاۋەتلىك يۈرەك ئىگىلىرى كۆپ دەپ قاراپ بۇ ئىشقا تۇتۇش قىلدۇق ، ئەگەر سىزنىڭ بۇ ئىشىمىزغا نىسبەتەن تېىخىمۇ ياخشى تەكلىپ پىكىرلىرىڭىز بولسا ئايىماي ئوتتۇرىغا قۇيۇشىڭىزنى ،جەمئيتىمىزدە ساخاۋەت ئىشلىرىنىڭ ئوموملىشىشى ئۈچۈن بىزنى قوللاپ ،يىقىندىن ياردەمدە بۇلىشىڭىزلارنى چىن كۆڭلىمىزدىن ئۈمىد قىلىمىز . ئالدى بىلەن بۇ پائاليىتىمىزنى مەكتىپىمىزدە يولغا قويغاندىن كېيىن 30نەچچە نەپەرئوقۇغۇچى ئەزا بولدى! تۇنجى ئايلىق ئىئانە پۇلى قىيىنچىلىقا موھتاج قېرىندىشمىزغا يەتكۈزۈلۈش ئالدىدا تۇرىۋاتىدۇ . ئەگەر ئەزا بولماقچى بولسىڭىز ، تەكلىپ پىكىرلىرىڭىز بولسا ئالاقلاشسىڭىز بولىدۇ.باشقا تەپسىلى مەزمونلىرى داۋاملىقhttp://bilnur.com دا داۋاملىق ئېلان قىلندۇ . ئالاقلاشقۇچى : شەرقى شىمال پىداگوگىكا ئۇنۋېرىستىتىدىن ئابلىز ئەخمەت bilnur@126.com

bilnur

	ئىلى پىداگوگىكا ئىنىستۇتىدىكى 20 نەپەر سىتۇدىنتىمىزمۇ بۇ توپىمىزغا قۇشۇلدى ،خەيىر -ساخاۋەت ئىشلىرىمىزنى قوللايدىغان قەلىب ئىگىلىرنىڭ داۋاملىق كۆپىيدىغانلىقىغا ئىشىنىمەن!

دىيارىم

	ياخشى ئىشقا تۇتۇش قىلىپسىلەر  ئىشلىرىڭلارغا ئۇتۇق تىلەيمەن

zulayha

	بۇ ئىشىڭلاردىن تولىمۇ سۆيۈندۈم ئەزىزلەر. سىزلەر شۇ مەكتەپتە ، بولۇپمۇ ، ئالى مەكتەپلەردە نومۇرى شۇنچە ياخشى بولمىسىمۇ ئائىلە قىيىنچىلىقى سەۋەپلىك ئوقۇيالمايۋاتقانلارنى تېپىپ ئۇلارنىڭ بۇ جەھەتتىكى قىيىنچىىلىقىنى ھەل قىلساڭلار تولىمۇ چوڭ مىللەت ئۈچۈن ياردەم بولاتتى. چۈنكى ، دىل نامراتلىقى تۈگۈسە ، ھەممە نامراتلىق تۈگەيدۇ . اللە ئىشلىرىڭلارغا روناق ئاتا قىلسۇن . شۇنداقلا ھەر-بىر ئېسىل قەلبلىكلەرنى خاتىرجەم ھەم سالامەت ،ئۈگۈنىشىنى ئىلگىرى قىلسۇن.

aynuri--15061

	ئوقۇغۇچى بولمىسا قەتئىي بولمامدىغاندۇ؟

yawagul10

	ئەسسالامۇ -ئەلەيكۇم! مەن  ئەزا   بۇلاي  دىگەن   كىم  بىلەن  ئالاقىلشىمەن؟

Nawruzay

	كىيىنچە ئەزا بولۇش ئويبىكتىلىرىنى تولۇق ئوتتۇردىكى ئوقۇغۇچىلارغا قاراپ كېڭەتسەڭلارمۇ ياخشى بولاتتى!ھەقىقەتەن ياخشى ئىشقا تۇتۇش قىپسىلەر! ئاللاھ ئەجرىڭلارنى بەرسۇن!

bilnur

	Nawruzay يوللىغان ۋاقتى  2012-5-13 05:03 PM كىيىنچە ئەزا بولۇش ئويبىكتىلىرىنى تولۇق ئوتتۇردىكى ئو ... تولۇق ئوتتۇردىكى ئوقۇغۇچىلار بولسىمۇ بولىدۇ ،تولۇق ئوتتۇردىكى ئوقۇغۇچىلار نىڭ ئۆگۈنۈشىنىڭ ئالدىراشلىقى شۇنداقلا ھازىرقى ئەھۋالدىكى  ئقتىسادنىڭ ئاساسەن ئاتا-ئانىغا قاراشلىق ئىكەنلىكىنى  كۆزدە تۇتۇپ مۇشۇنداق بېكىتكەن .لېكىن بولىدۇ بىزنىڭ مەخسىتىمىز ئىلىلىق يەتكۈزۈش  ،ئىسراپچىلىقنى ئازيتىش.

bilnur

	yawagul10 يوللىغان ۋاقتى  2012-5-13 04:59 PM ئەسسالامۇ -ئەلەيكۇم! مەن  ئەزا   بۇلاي  دىگەن   كىم  بىلەن ... قوللىغىنىڭىزغا رەھمەت قېرىندېشىم ،http://bilnur.com/?p=343ما ئادرېسغا كىرسىڭىز يازما ئاخىردا ئالاقلىشىش ئادرېسى بار . تېلفون نۇمۇرىمۇ قالدۇرۇلغان !

samsaq

	من بىر شەرتكە توشمايدىغانلىقىم سەۋەبىمدىن ۋاقتىنچە يالغۇز ھەرىكەت قىلىشنى قارار تىپ قالدىم...لىكىن بۇ ئىشىڭلارنى مەن بەكمۇ قوللايمەن ...