پاكىز، رەتلىك كىيىنمىگەنلەر كىرىشكە بولمايدۇ...

alabag

	پاكىز، رەتلىك  كىيىنمىگەنلەر كىرىشكە بولمايدۇ... دۇكان، ئاشخانا، رىستۇرانلارنىڭ پاكىز كىيىنمىگەنلەرنى كىرىشكە بولمايدۇ دەپ ئىلان چاپلىشى ۋە شۇنداق ھەركەتنى قىلىشى خىرىدارلارنىڭ قانۇنلۇق ھوقۇق مەنپەتىگە چىقىلغانلىق بۇلامدۇ؟ بۇ ھەقىقەتەن ئويلىنىپ بىقىشقا ئەرزىيدىغان مەسىلە . ئىستىمالچىلارنىڭ ھۇقۇق مەنپەتىنى قۇغداش قانۇنىنىڭ 10-ماددىسى ۋە 14-ماددىسىدا ئىستىمالچىلارنىڭ ئادىل سودىلىشىش ھوقۇقى بىلەن ھۆرمەت قىلىنىش ھوقۇقى بەلگىلەنگەن .بۇ ئىككى ھوقۇق تۆۋەندىكى مەزمۇنلارنى ئۆز ئىچىگە ئالىدۇ. 1.ئىستىمالچىلار ئادىل سودىلىشىش ھوقۇقىدىن بەھرىمەن بولىدۇ، ئىستىمالچىلار تاۋار سېتىۋىلىش ۋە مۇلازىمەتنى قۇبۇل قىلىشتا ،سۇپىتى ئىشەنىچلىك ،باھاسى مۇۋاپىق ،مىقدارى توغرا بۇلۇشتەك ئادىل سودىلىشىش شارائىتىغائىرىشىش ھوقۇقىغا ئىگە.تىجارەتچىلەرنىڭ زورلاپ سېتىشقىلمىشىنى رەت قىلىشقا ھوقۇقلۇق. 2. ئىستىمالچىلار تاۋار سىتىۋىلىش ۋە ،ئىشلىتىش ۋە مۇلازىمەتنى قۇبۇل قىلىشتا ،ئۆزىنىڭ ئىنسانى ئىززەت ھۆرمىتى ،مىللى ئۇرۇپ ئادىتىگە ھۆرمەت قىلىنىش ھوقۇقىغا ئىگە .ئىستىمالچىلارنىڭ ھوقۇق مەنپەتىنى قۇغداش قانۇنىدا بۇ ئىككى ھوقۇقنىڭ بەلگىلىنىشى ئىستىمالچىلار بۇ ئىككى ھوقۇقنى يۇرگۇزگەندە چەكىلىمىگە ئۇچرىمايدۇ دىگەنلىك ئەمەس .ئىستىمالچىلار بىلەن تىجارەتچى باراۋەر بولغان ھەق تەلەپ سوبىكتى بۇلۇپ ئىستىمالچىلار تىجارەتچىلەرنى تاللاشقا ھوقۇقلۇق. شۇنىڭغا ئۇخشاشلا تىجارەتچىلەر ئۆزىنىڭ تىجارەت مۇھىتىنى ،ئورنىنى، شارائىتىنى تاللاشقا ھوقۇقلۇق. ھەر قانداق ھوقۇق مەنپەت مەجبۇريەتنىڭ چىكى بولىدۇ.  ئىستىمالچى ھۇقۇقىنى يۇرگۇزگەندە تىجارەتچىنىڭ ھۇقۇقىغا چىقىلىشقا بولمايدۇ. يۇقۇرقى قانۇن ماددىللىرغا قارىغاندا دۇكان، ئاشخانا ،رىستۇرانلارنىڭ پاكىز كىيىنمىگەنلەرنى كىرىشكە بولمايدۇ دەپ ئىلان چاپلىشى ۋە شۇنداق ھەركەتنى قىلىشى خىرىدارلارنىڭ قانۇنلۇق ھۇقۇق مەنپەتىگە چىقىلغانلىق بولمايدۇ. سائەت قانۇندىن ھەقسىز مەسلىھەت بىرىش قىزىق لىنىيەلىك تىلفۇنى ؛    18299819854(ئادۇۋكات بەختىيار)                                                                                         چ چ: 1471561935 توردا ماتىريال يوللاش ئۇچۇن بۇ نۇمۇرقالدۇرۇلدى،چ چ دا مەسلھەت بىرىش قولايسىز، دوسلارنىڭ ئامال بار تىلفۇن بىرىشنى تەۋسىيە قىلىمىز. بىزنىڭ مۇلازىمەت ۋەدىمىز: باراۋارلىك، ئادىللىق ، ئىتتىپاقلىق ،تىنىچلىق ۋەتەرەققىيات، بىزنىڭ ئەڭ ئالى نىشانىمىز . خەلق ئادۇۋكاتى.

hokumran

	مېنىڭچە ‹‹پاكىز ، رەتلىك  كىيىنمىگەنلەر كىرىشكە بولمايدۇ›› دېگەن خەتنى يوغان قىلىپ ئاشخانا، يىغىن زالى، جامائەت سورۇنلىرىنىڭ ھەممىلا يېرىگە چاپلاش كېرەك. بۇ يەردىكى پاكىز ، رەتلىك سۆزى ھەرگىزمۇ ئېسىل، داڭلىق ماركىلىق كىيىم كىيىشنى ئەمەس، بەلكى كونا بولسا پاكىز ، رەتلىك كىيىنىشنى كۆرسىتىدۇ. بىر كىشىنىڭ تاشقى قىياپىتىنىڭ رەتلىك، پاكىز بولۇشى باشقىلارغىمۇ ياخشى تەسىر بېرىدۇ. شۇنداقلا پاكىزە ، رەتلىك كىيىنگۇچىمۇ ئۆزىنى ئازادە، يېنىك ھېس قىلالايدۇ. ئىنكاسنى يېزىپ بولغىچە بىر تورداش << دېھقانلىرىمىزمۇ شۇنداق قىلالامدۇ؟ >> دەپ ئىنكاس قالدۇرۇپتۇ. جاۋابىم شۇكى، دېھقانلىرىمىز نېمىشقا قىلالمىغۇدەك. ئۇلارمۇ قىلالايدۇ.  ھازىر شەھەر ۋە ناھىيە بازىرىغا سودىلىق ۋە باشقا ئىش بېجىرىش ئۈچۈن كىرگەن دېھقانلىرىمىزغا قارايدىغان بولساق 95% تىن كۆپرەك دېھقانلىرىمىز مودا، يېڭى بولمىسىمۇ پاكىز، رەتلىك كىيىنىپ كىرىدۇ. ئۇلار پاكىزە ، رەتلىك يۈرۈشنىڭ ئۆزى ۋە باشقىلار ئۈچۈنمۇ ياخشى ئىكەنلىكىنى ئاللىقاچان چۈشىنىپ يەتتى. پەقەت ئاز ساندىكى دېھقانلىرىمىزلا << بىز دېگەن دېھقان>> دېگەننى باھانە قىلىپ ئېتىز- ئېرىق بىلەن جامائەت سورۇنىنىڭ پەرقىنى ئايرىماي يۈرۈۋاتىدۇ، شۇنىڭ بىلەن ئىش بېجىرىشتىمۇ بەزى ئاۋارىچىلىقتىن خالىي بولالماي كېلىۋاتىدۇ. شۇڭلاشقا، مەينەت ، جاپالىق ئىشلارنى قىلغان چېغىمىزدا شۇ مۇھىتقا ماس ھالدا كىيىنسەكمۇ جامائەت سورۇنىدا پاكىزە، رەتلىك كىيىنىشكە ئەھمىيەت بېرەيلى.

kaLGundi

	ئۇنداق خەتنى كۆزدىن يۇقۇتۇش كېرەك.    قانداق كىرىش شەخسنىڭ ئەركىنلىكى.

nazila998

	بۇنداق قىلسا دىھقانلىرىمزچۇ ؟ ئۇلار ھەمىشە رەتلىك ، پاكىز يۈرۈپ بولالامدۇ  ؟

ئايچىن

	nazila998 يوللىغان ۋاقتى  2012-5-12 06:14 PM بۇنداق قىلسا دىھقانلىرىمزچۇ ؟ ئۇلار ھەمىشە رەتلىك ، پ ... شۇ ئەمەسمۇ ، بىر يەرگە كىرىشنى كىيىمنىڭ كونا يىڭىلىقىغا باغلاپ قويساق تازا قاملاشماس، ئۇ دىگەن شەخسى ئەركىنلىگى تۇرسا

sabaat

	kaLGundi يوللىغان ۋاقتى  2012-5-12 06:05 PM ئۇنداق خەتنى كۆزدىن يۇقۇتۇش كېرەك.    قانداق كىرىش شەخس ... توغرا، قانداق كىيىنىش خەقنىڭ ئەركىنلىگى. بۇ ئارقىلىق يەنەباي-كەمبىغەللەرنىڭ پەرقىنى  ئىككى قۇتۇبقا ئايرىماقچىمۇ؟ ئاشۇ پاكىز كىيىنىپ يۇرەلمەيدىغان كەمبىغەللەرنىڭمۇ بەزىدە ئالاھىدە تاماق سۇرۇنلىرىغا كىرىپ تاماق يەپ باققىسى كىلىپ قېلىشى مۇمكىن.  كىمنىڭ شۇنداق پاكىز يۇرگىسى يوق. ھەممە ئادەم ئاشۇنداق پاكىز  رەتلىك كىيىنىپ يۇرۇشنى قوغلاشسا كۈندىلىك تۇرمىشىمىزدىكى قىلمىسا بولمايدىغان نۇرغۇن مەينەت ئىشلار بار، بۇنى قىلدىغانغا ئادەم چىقماي قالسا ...............ئۇنداقتا    يەنە قانداق مەينەتچىلىك بۇلۇپ كىتەر ھە؟

uqkun500

	بۇ ئىلاننى ھەر قايسى ناھيەلەردىكى پارتىكۇملارنىڭ مەخسۇس مىھمان كۇتىدىغان ئاشخانىسى بار ئەمەسمۇ ،شۇنىڭغىلا ماس كىلىدىكەن. يېزا بازاردىكى ئاشخانا -رىستۇرانلار شۇ دېھقانلارغا مۇلازىمەت قىلىمىز دەپ ئولتۇرمامدۇ..

hokumran

	كاللا دېسە پاچاق دەيدىغان تورداشلار يىغىلىپ قالدىمۇ نېمە؟ بۇ يەردە ھەرگىزمۇ يېڭى - كونىنىڭ گېپى ئەمەس بەلكى پاكىزە ، رەتلىك كىيىنىشنىڭ گېپى بولۇۋاتىدۇ. بۇ گەپنىمۇ ئۇيغۇرچىگە تەرجىمە قىلىپ بېرەي: پاكىزە كىيىنىش - كىيىم كونا بولسىمۇ يۇيۇپ كىر- داغلارنى چىقىرىۋېتىپ، پاكىزلاپ كىيىشنى كۆرسىتىدۇ. رەتلىك يۈرۈش _ كىيىم كېچىكىمىز كونا بولسىمۇ پاكىزە يۇيۇپ ماسلاشتۇرۇپ كىيىش، ساقال- بۇرۇتىمىزنى ئۆز چىرايىمىزغا ماس قىلىپ چىرايلىق ياسىتىپ يۈرۈشنى كۆرسىتىدۇ. تورداشلار ئىنكاس يېزىشتىن ئىلگىرى تېمىنى كاللىمىزنى سىلكىۋېتىپ ئوقۇپ ئاندىن ئىنكاس يازايلى.

ئىلنازە

	بۇ نىمە گەپتۇ ئۆزى؟ مىنىڭ تۇنجى كۆرۈشۈم

tumurkala

	hokumran يوللىغان ۋاقتى  2012-5-12 06:30 PM كاللا دېسە پاچاق دەيدىغان تورداشلار يىغىلىپ قالدىمۇ ن ... مەن مۇشۇ ئىنكاسقا ئەگەشتىم!پاكىزلىك ئىماننىڭ جۈملىسى!