قومۇلنىڭ يېڭىچە سانائەتلىشىشى يەرلىككە خىرىسمۇ پۇرسەتمۇ؟

agah

	ئەسسالامۇ ئەلەيكۇم كۆپچىلىك پارتىيەنىڭ دانا رەھبەرلىكىدە ،قومۇلدا ئىشسىزلىق مەسىلىسى ھەل قىلىنىپ،پەقەت ئىشلەيمەنلا دەيدىغان ئادەم بولسا ئىش بولۇش كەيپىياتى شەكىللەندى .قومۇلدا توشمۇ توشتىن قۇرۇلىۋاتقان ئېغىر سانائەت كارخانىلىرى ھەدەپ يەرلىكتىن ئادەم قوبۇل قىلىۋاتىدۇ .بۇ يەرلىكنىڭ ئىقتىسادىنى كۆتۈرۈشكە پايدىلىق ئەلۋاتتە .پارتىيە ھۆكۈمەت قومۇلدىكى كان بايلىقلىرىنى تېخىمۇ ياخشى ئېچىپ ،بايلىق ئەۋزەللىكىنى ئىقتىسادىي ئەۋزەللىككە ئايلاندۇرۇش ئۈچۈن دىھقانچىلىققا ئىشلىتىدىغان يەرلەرنى قىسقارتىۋاتىدۇ .دىھقانچىلىققا بىرىلىدىغان سۇلارنى ئازلىتىۋاتىدۇ .ئەنئەنىۋى زىرائەتلەرنىڭ كۆلىمىنى قىسقارتىپ ،باغۋەنچىلىككە ۋە تېمىتىپ سۇغۇرۇشقا ئۆزگەرتىۋاتىدۇ .بۇ تەدبىرلەر ياخشى ئۈنۈم بىرىپ، تېخىمۇ كۆپ كارخانىلارنىڭ قومۇلغا ئورۇنلۇشۇپ كان بايلىقلارنى ئېچىشقا تۈرتكىلىك بولىۋاتىدۇ .يەنە بىر ياخشى سىياسەت شۇكى ئىلگىرى شەھەر ئەتراپىدىكى يەرلىك ئاھالىلەر توپلىشىپ ئولتۇراقلاشقان كەپىلىكلەر رايونى ئاساسىي ئېچىش ئوبىكتى قىلىنىپ ،شەھەر قۇرۇلۇش پىلانى بويىچە ئۆزگەرتىپ قۇرۇلىۋاتقان ئىدى . دۆلەتنىڭ قۇرلۇشقا يەر ئېشلىتىش قانون نىزاملىرىنىڭ تېخىمۇ مۇكەممەللىشىگە ئەگىشىپ كەپىلىك رايونلىرىنى ئۆزگەرتىش بىر ئاز تەسلەشتى . لېكىن قومۇلنى سانائەت رايونىغا ئۆزگەرتىش  ،ئەڭ موھىمى قومۇلنى ئوتتۇرا دەرىجىلىك شەھەرگە ئايلاندۇرۇش ئۈچۈن كۆپلەپ نوپوسقا مۇھتاجمىز .سانائەتكە ئىھتىياجلىق بولغان مەلىكىلىك ئىشچىلارنىڭ كەمچىل بولىشى قومۇلنىڭ ھالقىما تەرەقىياتىدىكى بىر ھەل قىلىشقا تىگىشلىك بىر مەسىلە .قانداق قىلىش كىرەك ؟دانا پارتىيە ھۆكۈمەت يەنىلا ئادىل قارار چىقىرىدۇ .تەننەرخىنى تېخىمۇ تىجەش ،يەرلىك مەدەنىيىتىنى قوغداپ قېلىش ،يەرلىكنى تېخىمۇ بېيىتىش ئۈچۈن نىشاننى شەھەرگە يېقىن بولغان ئاقار بوزيەر رايونىغا قارىتىش ئەڭ ئاقىلانىلىق .ھازىر ئاقار رايونىنى يېڭى شەھەر رايونى قىلىش سىتراتىگىيەسى بىكىتىلىپ ،دەسلەپكى خىزمەتلەر ۋە پىلانلار ئورۇندۇلۇپ بولىندى .ئاقاردىكى نەچچە تۈمەن مو زىرائەت ئېتىزلىرى يېپيېڭى شەھەر قۇرۇشقا بوشۇتۇلۇپ بىرىلدى .نەچچە يۈزلىگەن ئاھالىلەر بىر كىچىدىلا بېيىپ كەتتى .گەرچە بۇ ئورۇنلاشتۇرۇش دۆلەتنىڭ دېھقانچىلىق رايونلىرىنى قوغداش سىياسىتىگە مەلۇم دەرىجىدە خىلاپ بولسىمۇ لېكىن قومۇلنىڭ پارلاق كەلگۈسى ئۈچۈن بۇنچىلىك قۇربانلىق بىرىش ھەقىقەتەن ئەرزىيدىغان بىر ئورۇنلاشتۇرۇش ئەلۋەتتە .كەلگۈسىدە بۇ رايوندا يېپيېڭى بىر شەھەر قۇرۇلۇپ ،ئون تۈمەنلىگەن مەلىكىلىك ئىشچىلار بۇ رايونغا ئورۇنلىشىدۇ -دە قومۇل سانائىتىگە ئادەم يىتىشمەسلىك مەسىلىسى ھەل قىلىنىدۇ .شۇ ۋەجىدىن ئاقاردىكى تېرىلغۇ يەرلەرگە بىرىلىدىغان سۇنى تىجەپ ئىشلىتىش ۋە سۇ ئىشلىتىش ئەسلىھەلىرىنى ئۆزگەرتىش قۇرۇلۇشلىرى ماس قەدەمدە ئېلىپ بېرىلماقتا . پارتىيەنىڭ دانا رەھبەرلىكىدىكى بۇ پىلانلار ئاساسىدا كەلگۈسىگە نەزەر سالىدىغان بولساق ،كەلگۈسىدە قومۇل بۇرۇنقى قالاق دېھقانچىلىققا تايىنىدىغان ھالەتتىن ،كۆككە تاقاشقان بىنالار قەد كۆتەرگەن ،ئاۋاتلاشقان ۋە يەرلىك خەلىقلەر ھاللىق سەۋىيەگە يەتكەن ھالەت كۆز ئالدىمىزغا كىلىدۇ . لېكىن بەزى سەلبى ھالەتلەرگە قانداق تاقابىل تۇرۇش بىزنىڭ ئويلىنىشىمىزغا ئەرزىيدۇ . 1.ئېكلوگىيەلىك تەڭپۇڭلۇقنىڭ بۇزۇلىشى ،مۇھىتنىڭ ناچارلىشىشى بۇنىڭ بىلەن دېھقانچىلىق مەھسۇلاتلىرىنىڭ سۈپىتىنىڭ تۆۋەنلىشى .كىشىلەرنىڭ سالامەتلىكىنىڭ ناچارلىشىشى . 2.سۇ قىسچىلىقى تۈپەيلىدىن مەيدانغا كېلىدىغان يەرلىك بىلەن كارخانىلار ئوتتۇرسىدىكى زىددىيەت . 3.كۆچمە نوپوسنىڭ كۆپىيىشى  بىلەن يەرلىك مەدەنىيەتنىڭ سۇسلىشىشى ،مىللى رايونلارنىڭ تەبىئىي شەكىللەنگەن مەدەنىيىتى يوقىلىشقا قاراپ مېڭىشى. 4.دېھقانچىلىق رايونلىرىنىڭ قىسقىرىش بىلەن يەرلىكنىڭ ئاشلىق ،كۆكتات قاتارلىق زۆرۆر يىمەكلىكلەرنى تەمىنلەشتە بىڭتۈەن،ئاقار زامانىۋى دېھقانچىلىق رايونىغا ھەددىدىن زىيادە تايىنىۋېلىش ،ئۆز ئۆزىنى قامدىيالماسلىق . 5.شەھەر نوپوسىغا ئۆزگەرتىلگەن دىېھقانلارنىڭ تۇرمۇش ۋە ياكى باشقا ئامىللار سەۋەپلىك  بىردىن ئارتۇق  پەرزەنتلىك بولالماسلىق .بۇنىڭ بىلەن نوپوس تەڭپۇڭلىقىنىڭ بۇزۇلىشى قاتارلىقلار. 6.ئېغىر سانائەت كارخانىلىرىدا ئىشلەۋاتقان يەرلىك كىشىلەرنىڭ سالامەتلىك جەھەتتە چىكىنىشى . كۆپچىلىك ئومومىي ۋەزىيەتكە ئېتىبار قىلغان ئاساستا ئۆزىمىزنىڭ بۇ ھەقتىكى قاراشلىرىمىزنى ئوتتۇرغا قويۇپ باقساق .كۆپنىڭ ئەقلى كۆپچە بولغىنىدەك تەرەققىيات جەريانىدا مەيدانغا كېلىدىغان مەسىلەرنى ھەل قىلىش ئوسوللىرىنى تېپىپ قېلىشىمىز مۇمكىن . مەنبە:مەن

burkut106

madonna

	ھازىر پۈتكۈل جوڭگودىكى بارلىق مۇھىت بۇلغۇغۇچى زاۋۇتلارنى شىنجاڭغا يۆتكەۋاتىدۇ . ئىچكىرى ئۆلكىلەردە يىشىل سانائەتلا قالدى . ئويلىنىشقا تىگىشلىك مەسىلە ......................................؟؟؟؟؟؟؟

adil820

	دوپپا تۇرامدۇ باشتا ،ئوسما تۇرامدۇ قاشتا . بىر بالاسى بولمىسا، قۇيرۇق تۇرامدۇ تاشتا .

ئەلشاھ

	سىرتتىن كەلگەن ئىشلەمچىلەر يەرلىك ئىشچىلارغا تەسىر كۆرسىتىدۇ. يەرلىك خەلق ھەر قانچە قىلسىمۇ تىلدىن قىينىلىدۇ،  ئىشقا قۇبۇل قىلغۇچى ئېنىقكى ئېغىر سانائەتكە ‹قوشتىللىقنى ئالدىن قۇبۇل قىلىش› سىياسىيتىنى قۇبۇل قىلمايدۇ، چۈنكى ئۇلارغا گېپىنى چۈشىندىغان ئىشچىلار كىرەك، كۆپ قىسىم كارخانىلاردىكى مىللى ئىشچىلار قانداقتۇر ‹ئىشقا ئورۇنلىشىش پۇرسىتى يارىتىپ بەرگەنلىك› ئەمەس، باشقا ئىشچىلار ئىشلەشنى خالىمىغانلىقتىن(ئېغىر ياكى تۈۋەن كىرىملىك)  ئامالسىز ئىشلىتىۋاتقانلاردۇر. زاۋۇت كارخانا دىگەن تېرىلغۇ يەرلەر ئۈستىگە ئەمەس، شەھەر سىرتىغا ، تاشلىق ياكى سايلىققا ئورۇنلاشتۇرىلىشى كىرەك ئىدى، بىراق دىيارىمىزدىكى ناھىيىلەرگە قارايدىغان بولساق سانائەتنىڭ ھەممسىى دىگۈدەك شەھەر بىقىنىدا . مۇئاشى تۈۋەن بولغان تۇقۇمىچىلىك فابرىكىسى دىگەندەك ئورۇنلاردا قەيەرگىلا بارماڭ ئازسانلىق مىللەت ئىشچىلىرى كۆپ. ھۆكۈمەت شىنجاڭغا ئېقىپ كېلىدىغان ئىشچى ياكى كۆچمە نۇپۇسنى قاتتىق كونترول قىلىشى كىرەك. ئاز سانلىق مىللەت ئاپتۇنۇمىيىلىك رايۇنىدا كۆپلەپ ئاساسى مىللەت كۆچۈرۈپ ئەكىلىش ئاپتونومىيە قانۇنىغا خىلاپ . يەنە كىلىپ يەرلىك كىشىلەرنى شەھەر سىرتىغا قوغلاپ كۆپلىگەن بىنالارنى سېلىشمۇ قاملاشمىغانلا بىر ئىش، خەقنىڭ مەدەنىيەتلىك شەھەر قىلغۇسى بولسا شۇ كىشىلەرنى كۆچىرىۋەتمەي شەھىرىنى شەھەر  سىرتىغا سېلىۋېرىپ شۇ يەرنى شەھەر قىلىۋالسا بولماسمىدى. ئىچكىردىن نۇپۇس يۆتكەش بىلەن شەھەر ئەتراپىدىكى يەرلىك ئاھالە ئۆيلىرىنى كۆچۈرۈش، سانائەتلەشتۈردۇق دەپ مۇنبەت ئېتىزلارنى يوقىتىش تىرەمنى سويىۋەتسىمۇ قايىل بولمايدىغان تۈزۈم ...  مەركەزنىڭ يوليورىقىنىمۇ كۆزگە ئىلمايدىغان بۇلۇپ كەتتى ھازىر بۇ خەق... خالىغانچە چېقىپ، خالىغانچە سېلىپ، خالىغانچە ئېقىپ كىلىپ، بۇ يەردىكى مىللى مەدەنىيەتمۇ قۇتقۇزۇش تۈرىگە بارايلا دەپ قالدى. بارغانسىرى ئۇيغۇر تىلىنى كۆزگە ئىلماي ھەتتا بەزى ھۆكۈمەت ئورونلىرىنىڭ ۋىۋىسكىلىرىدىمۇ ئۇيغۇرچە خەت تاپقىلى بولمايدۇ، ئاخىرى بىزمۇ مانجۇ، خۇيزۇلارغا ئوخشاش تىل ـ يېزىقلىرىمىزدىن ئايرىلىپ قالغاندا ئىسىت دەپ قاراپ تۇرىمىز ...

kurax114

	شىنجاڭدىن ئىشكىرگە بېرىپ ئىشلەپ ئىشكىردىن  شىنجاڭغا كىلىپ ئىشلەپ نىمىمۇ قىلىا  ،جاپپا تارتىمىسىمۇ  شىنجاڭدا ئىش جېق تۇرسا  ،مۇھىت بۇلغۇنىشنى ئويلايدىغانغا جۇڭگۇدا  پۇرسەت كۆپ  تېخى  ھازىر بالدىر

ئەلشاھ

	kurax114 يوللىغان ۋاقتى  2012-5-11 04:27 PM شىنجاڭدىن ئىشكىرگە بېرىپ ئىشلەپ ئىشكىردىن  شىنجاڭغا ك ... شىنجاڭدىن ئىچكىرگە يۆتكەپ ئاۋارە، ئىچكىردىن بۇيەرگە ئەكىلىپ ئاۋارە ... شىنجاڭدىن ئىچكىرگە بارغانلار كۆپ بولسا 1000-1500 يۈەنگىچە ئىشلەيدۇ، ئىچكىردىن بۇ يەرگە كەلگەنلەر 1500 يۈەنگە قاراپمۇ قويمايدۇ . مانا بۇ ھالقىما تەرەققىيات .

meqset

	بۇ شۇنداق ئىش ، ئاۋال بۇزىدۇ ، كىيىن ئوڭشامىز دەپ يەنە بۇزىدۇ . جۇڭگودا بۇنداق ئىشلار ئاجايىپ نۇرغۇن . سەنشىيا نىمۇ دەسلەپ ياسايدىغاندا نۇرغۇن مۇتەخخەسسىسلە قارشى چىقسا ئاڭلىماي زورلاپ سېلىپ ، ھازىر توۋېنكى ئېقىمنىڭ قۇرغاقلىشىشىنى كەلتۇرۇپ چىقاردى . بۇ تىگى يوق ھاڭدەك قۇرلۇش تا ھازىرغىچە بۇتمەي دولەتنىڭ غايەت زور مەبلىغىنى خۇرىتىۋاتىدۇ . باشلىقلار شۇنداق . يىراقىنى كۆرەلمەيدۇ . شۇئار خارەكىرلىك سىيەسەتلەرنىڭ بازىرى ئىشتىك . مەنچە يىلغىچە پالانى شەھەرنى مانداق ياسىۋىتىمىز دەيدۇ لىكىن كىيىن قارىسا ئۇ ئاتالمىش شەھەر پەقەت ئىگىز بىنالار ئاينىپ قالغان ،ھەچقانداق ئۆزەگىچىلىكى يوق ، بۇلغانما شەھەر بولۇپ قالىدۇ . تەرەقىياتنىڭ ئۆلچىمى ئىگىز بىنالارلا ئەمەس . بۇخىل چوڭ سەكرەپ ئىلگىرلەش كوپنچە ئەھۋالدا تەتۇر تاناسىپلىق نەتىجە ھاسىل قىلىدۇ .

obul21c

	ھامان بىر كۈنلەردە تارتىمىزغۇ بۇ بۇزۇقچىلىقلارنىڭ جاجىسىنى،شۇنى ئويلىسام بەدىنمگە تىترەك ئولىشىپ كېتىدۇ.توۋا دەيمەن بىزنىڭ يۇرت بىر جاڭگاللىق،يېرى كەڭ،كىچىك بىر ناھىيە،مۇشۇ يەردىمۇ ھازىر گاۋسىڭ(ئىگىز قەۋەتلىك ئولتۇراق ئۆي)مودا دەيمەن،بۇ ئەمەليەتتە يەر قىس يەرلەردە ئامالنىڭ يوقلىغىدىن قىلنىدىغان قۇرلۇش تۇرسا.

kurax114

	elijan يوللىغان ۋاقتى  2012-5-11 04:30 PM شىنجاڭدىن ئىچكىرگە يۆتكەپ ئاۋارە، ئىچكىردىن بۇيەرگە  ... نىمىشقا مۇشۇ سىياسەتكە تۆۋەن قاتلامدىكى كادىرلار دىققەت قىلمايدۇ ، ئىشقىلىپ بۇمۇ  نادانلارنى ئازدۇردىغان بىر يىلە ،،،ئاللاھ  ئاسان قىلسۇن