سىزگە دەيدىغان بىر مەخپىيەتلىك!

forever1

	مەن سۆزلىمەكچى بولغان مەخپىيەتلىك  تۆۋەندىكىدەك باشلىنىدۇ. مەلۇم بىر مۇنبەرداشنى يېنىككىنە يۈك-تاقلىرىنى كۆتۈرۈپ، ئوزۇن يوللۇق ئاپتۇبۇستىن چۈشتى دەپ پەرەز قىلىپ تۇرايلى... بەلكىم بۇ مۇنبەرداش سىز بۇلۇشىڭىز مۇمكىن.( ھازىرچە سىز دەپ ھېكايەمنى باشلاۋېرەي بولدى!)    بەلكىم سىز ئاپتۇبۇستىن چۈشۈپ، يۈك -تاقلىرىڭىزنى ئېلىپ چوڭ يولغا چىقىسىز.ئەگەردە  خالىسىڭىز  تاكسىدىن بىر نى تۇسۇسىز- دە،ئۇدۇل كۈن چىقىشقا قاراپ سەپىرىڭىزنى باشلايسىز. ئەمما، بۇنداق قىلسىڭىز نۇرغۇن ياخشى يەرلەرنىڭ كۆزىڭىزدىن چۈشۈپ قېلىشى تۇرغانلا گەپ. شۇڭىلاشقا،يەنىلا ئادەتتىكى ئۈچ چاقلىق  كىراموتوسىكىلتىدا ئايلانغىنىڭىز ياخشى.ئەسلى گەپكە كەلسەك، بېكەت ئالدىدا يولۇچى كۈتۈپ تۇرغان بىر كىرا موتوسىكىلىتىغا چىقىسىز -دە مەلۇم بىر قىززىق بازارغا قاراپ يول ئالىسىز.ئوزۇن ئۆتمەي كۈن پېتىش تەرەپتە ھەيۋەت بىلەن قەد كۆتۈرۈپ تۇرغان ئېگىز بىر بىنا كۆزىڭىزگە چېلىقىدۇ. تەخمىنەن 5مىنۇت ماڭسىڭىز ئۆمرىڭىزدە تولىمۇ ئاز ئۇچرايدىغان ،ئىنتايىن قىززىپ كەتكەن بىر بازار نىڭ ئالدىدىن ئۆتۈسىز.يەنە ئازراق ماڭسىڭىز جەنۇپ تەرەپتە تارىخى بىر مەسجىد يىراق بولمىغان جايدىن كۆرۈنۈپ تۇرىدۇ.ئوخشاشلا سەپىرىڭىزنى داۋاملاشتۇرۇڭ،بەلكىم 30مىنىۇتقىچە ماڭسىڭىز چوڭ بىر كۆۋرۈك،ئوزۇن كەتكەن بىر دەريا بىلەن دەريادا ئالدېراش بىرنېمىلەرنى قىلىۋاتقان كىشىلەر چېلىقىدۇ.دەل مۇشۇ يەرگە كەلگەندە سىز تېخى ئاران4 كىلومېتىرلىق مۇساپىنى بېسىپ ئۆتتىڭىز.يەنە مۇشۇنچىلىك يول يۈرۈشكە مەجبۇرسىز...        مۇساپىغا ئازلا قالغاندا يەنە بىر ئاۋات بازارنى ئۇچرىتىسىز. بىر بېكەت مىقدارى مېڭىپ ،يەنە جەنۇ پقا ماڭىدىغان كىرا موتوسىكىلىتىغا ئالمىشپ تەخمىنەن بىرە كىلومىتىر مېڭىپ چۈشۈپ قالىسىز.ئاندىن يۈك-تاقلىرىڭىزنى ئېلىپ 200مېتىرچە مېڭىپ چىرايلىق سىرلانغان چوڭ بىر دەرۋازىنى چېكىسىز ،شۇنىڭ بىلەن خۇش تەبەسسۇملۇق مەلۇم بىر يېگىت سىزنى قىزغىن قارشى ئېلىپ كۈتۈۋالىدۇ... كېيىنىكى ئىشلارنى مۇنبەرداشلار ئۆزى يازغان ئىنكاسلىرىدا بايان قىلىۋالسۇن!   سىز گە دەيدىغان مەخپىيەتلىك شۇكى : سىز تۇنجى چۈشكەن بىكەت خوتەن ئوزۇن يوللۇق باش بېكىتى،كۆرۈنگەن ئېگىزمۇنار- خوتەن خەلىقئارا ساياھەت مۇنارى. ئادەم دېڭىزىغا ئايلانغان قىززىق بازار بولسا خوتەن بويىچە كۆلىمى ئەڭ چوڭ ،ئەڭ ئاۋات قەدىمى " چۇققۇ بازار". مۇساپىڭىزنىڭ يېرىمىدىكى دەريا خەلىقئاراغا داڭلىق- يۇرۇڭقاش دەرياسى.كۆۋرۈك ئاستىدا بىر نېمىلەرنى قىلىۋاتقانلار ياكى ساياھەتچىلەر ياكى تاش قېزىۋاتقانلار ياكى تاش سودىسى قىلىۋاتقانلار بۇلىشى مۇمكىن . ئىككىنجى قېتم كۆرگەن بازار مەيلى گىلەمچىلىك كەسپى بىلەن بولمىسۇن ياكى تاش سودىسى ئىشلىرى بىلەن بولمىسۇن ۋە ياكى گۆشگىردە نانلىرى بىلەن بولمىسۇن ھەممىگە تونۇشلۇق "يۇرۇڭقاش بازىرى" . سىز دەرۋازىسىنى چەككەن ئۆي- دەل مېنىڭ ئۆيۈم، سىزنى قىزغىن كۈتۈۋالغىنى بولسا دەل" مەن"  ...     قەدېرلىك مۇنبەرداش خوتەنمۇ شۇنداق گۈزەل ،شۇنداق تارىخى ،شۇنداق مىھرى ئوتلۇق ساياھەتچىلىكى مول زېمىن ، خوتەن خەلقىمۇ شۇنداق قىزغىن،شۇنداق سەمىمى ،شۇنداق مېھمان دوست خەلىق. ياز كەلدى! قانچىلىغان مۇنبەرداشلارنىڭ شۇنداق يېقىشلىق جايلارغا بېرىپ يازلىق ساياھەتكە چىققۇسى بۇلىشى مۇمكىن.ئانا (ئەزىز) دىيارىم خوتەن ۋە خوتەن خەلقى ھەربىرىڭلارنىڭ كۆڭۈللۈك ساياھىتى ئۈچۈن كەڭ قۇچاق ئاچقۇسى! جۈملىدىن مەنمۇ ھەم! مەنبە :  ئۆزۈمنىڭ ئويلىغانلىرىدىن.

sirlikmalika

	توغرا دەيسىز خوتەن تولىمۇ گۈزەل!!!

ad0903

	بۇ تېمىنى كۆرۈپ ئەزىز يۇرتۇم خوتەننى شۇنداق سېغىنىپ كەتتىم .گۆشگىردە ،تاۋا كاۋاپلىرىنى تېخىمۇ سېغىندىم

0999nazuk

	بۇ تىمىنى خاتىرەمگە كۆچۈرىۋىلىپ خوتەنگە بارغاندا سىز دىگەندەك ساياھەت قىلىپ باقايچۇ، ئاخىرى قانداق بولىدىكىن..........ھى ھى ھى.......

ئۆل

	دوپىغا مىلەنگۈڭىز بولسا چوققا  بازارغا بېرىپ ئايلىنىڭ ئەمما بۇ يەردە نەرسە -كېرەك ئەرزان ھەم بەك كۆپ ئىزدىگەنلا نەرسە تىپلامدىكىن دەيمەن

Pinhangul

	خاخا...ئىلانما بۇ؟ خوتەنگە 5 يىلنىڭ ئالدىدا بارغانتىم،كۆپ ئۆزگىرىپ كەتكەندۇ ھازىر...

mollekez

	بىز  خوتەنلەرگە بىرىپ باقمىغاشقا ئۇ يەرنىڭ قانچىلىك گۈزەللىگىنى بىلمەيمىز  ۋاي-ئىسىت مەنمۇ بىر بىرىپاقسام بولغىدەكتە.

subihan

	خوتەننى شۇنداق ئاددىي تىللار ئارقىلىق ، گۈزەل تەسۋېرلەپسىز !

saltanat

	شۇنداق بىزنىڭ خوتەن بەكمۇ گۈزەل قارشى ئالىمىز........ خوتەنگە كەلمىگەنلەر شىنخاڭنىڭ قەدىمىنى بىلمەيدۇ.............