ئانىلارغا ئەسسالام

ghayur~bag

	ئانىلارغا ئەسسالام (مەرھۇم ئانامغا ئوخشاش دۇنيادىكى بارلىق  ئۇلۇغ ئانىلارنىڭ  بايرىمىغا ھۆرمەت بىلەن بېغىشلايمەن.) ھاياتلىقنىڭ يىلتىزى، ھاۋا ئانام ئىزناسى، دىلىستاننىڭ  سۇلتانى، پەرىشتىلەر سىماسى، بىر تامچە سۈت ھەققىگە تۈمەن جاننىڭ پىداسى، ئۆچۈپ قالغان كۆزلەرنىڭ چولپان نۇرى-زىياسى، بارچە ئۇزلۇق جۇلاسى ئانىلارغا ئەسسالام. ۋەتەن ئۈچۈن،ئەل ئۈچۈن تۇغقان باتۇر ئوغلاننى، چاۋا تېرىپ ئېتەككە ياققان ئەلگە گۈلخاننى، قىينىسىمۇ مۇھتاجلىق يوقاتمىغان ۋىجداننى، چىڭ ساقلىغان ئىمانى، ھايا- نۇمۇس قورغاننى، تۇغقان ئېسىل ئىنساننى ئانىلارغا ئەسسالام. قىلساق ياخشى بىر ئەمەل خوشال بۇلۇپ يايرىغان، ئەسقاتمىساق ئەل ئۈچۈن ئار-نۇمۇستىن قاينىغان، ھەق-ناھەقنى دىيانەت تارازىسىدا ئايرىغان، ئۆزى زاغرا يىسىمۇ گۆشنى بىزگە چاينىغان، بىز بېغىدا سايرىغان ئانىلارغا ئەسسالام. 2012-يىل4-ئاينىڭ2-كۈنى كۇچا

kurash117

	ئانىلارنى قانچە كۈيلىسەكمۇ شۇنچە ئازلىق قىلىدۇ، ئەڭ مۇھىمى ئۇلار ھايات ۋاقتىدا ئۇلارنىڭ رازىلىقىنى ئېلىش كىرەك !

aㄒaｍaη

	نىمىشقا ئاپا دەيمىز ! جەننەتكە ئاپاساڭمۇ ئاپا ، دوزاققا ئاپاساڭمۇ ئاپا... شۇڭا ئاپا دەپ قۇلىغا ئېسىلىپ ماڭىمىز ، نەگە ئاپارسا شۇ يەرگە بارىمىز ، قېرىنداشلىرىم شۇ جاپاكەش ئانىلىرىمىزغا دۇئا قىلايلى !                                                                    ئۇلارنى رەنجىتمەيلى !

nazurgum

	ئانامدەك غەم گۇزار بار مۇ ،ئانام دەك دىل كۇيەربارمۇ؟ ...جاپاكەش ئانىلىرىمىزغا كويۈنەيلى! ئانىلىرىمىزسالامەت بولسۇن!ھەرۋاقىت ئۇلارنىڭ چېھرىدە شاتلىق جىلۋەقىلسۇن!

mahatjan

	ئالەمنىڭ گۈزەللىگى ئادەملەر بىلەن، ئادەمنىڭ گۈزەللىگى ئانىلار بىلەن.

xawki0998

	ئەسسالامۇ ئەلەيكۇم قىرىندىشىم .    ئانىلارنىڭ ھۆرمىتىگە قەلەم تەۋرەتكىنىڭىزگە كۆپ رەھمەت .

ardamay

	ھاياتلىقىمىزدا تۈۋرۈك،روھىمىزغا مەنىۋى ئۇزۇق بولغان ئەشۇ مېھرىبان ئانىلىرىمىز ھەققىدىكى مىسرالىرىڭىز ئۈرۈلمىسۇن~~~~~~~