نوچىلىق قىلالايمەن (مەخمۇت ئاۋۇت)

ongmas

	نوچىلىق قىلالايمەن (ساتىرا) (بىر زوراۋان ئەر تىلىدىن) (ongmas) خوتۇن خەق كېيىم-كېچەك، تەڭگۈشلەپ تۇرالايمەن، كونىنى  پۇرلاپ  تاشلاپ يېڭىنى ئالالايمەن؛ ئىشىدىن قۇسۇر تېپىپ ، ئەدەپلەپ تۇرالايمەن، ئېغىز ياندۇرۇپ قالسا، كەشىنى توغۇرلايمەن. شەرىئەتنى قالقان قىپ، قورقۇتۇپ تۇرالايمەن، ئىسكەنجىگە ئېپ ئۇنى تۈزۈك باشقۇرالايمەن؛ ياتلارغا چىراي ئاشسا قىسماققا ئالالايمەن، گەر خۇشۇم كېلىپ قالسا ئالداپ ئىشلىتەلەيمەن. سىرىتتا كەيىپ قىلىپ، تۈن تەڭدە كېلەلەيمەن، ئىشىك ئېتىلىپ قالسا  تېپەكتە ئاچالايمەن؛ خوتۇننى سۆرەپ چىقىپ تالاغا ئاتالايمەن، قېينئاتام كېلىپ قالسا  شۇ بەدەر قاچالايمەن. ئۆيدە شاھ-خوجايىنمەن، ئۇنى قۇل قىلالايمەن، كېرەك بولسا ئىشلىتىپ  ياكى قوغلىيالايمەن؛ تاياقچى خۇمارىم بار، مۇشتۇمزور بولالايمەن، شىردەك ھۆكىرەپ يۈرۈپ، ئۆينى باشقۇرالايمەن. باشقىلار سالا قىلسا، تىللاپ تويغۇزالايمەن، چېپىلغانغا پۇشايمان قىپ، قولمۇ قويغۇزالايمەن؛ ئەركەك بولغاچ زەردەم بار، تۈرمىگە كىرەلەيمەن، بولغاچ ئۇ مېھمانخانام، قەرەلدە چىقالايمەن. چېنىقىپ-تاۋلاندىم، تىك-مەزمۇت تۇرالايمەن، قورقۇشۇم يوق ھېچكىمدىن، نوچىلىق قىلالايمەن؛ بىرەرسى قاراپ قويسا مۇشىت-پەشۋا بېرەلەيمەن، ئۆزگەرمەيدۇ بۇ خۇيۇم، شىر-يولۋاس بولالايمەن. شېئىرىنىڭ ئاپتورى : باي ناھىيىسىدىن : مەخمۇت ئاۋۇت(ongmas)

ongmas

	ئەمەلدارلىق ياراشتى (ساتىرىك شېئىرى) (بىر چېرىك ئەمەلدارنىڭ بايانى) (ongmas) رەھبەر بولۇپ ئۆسكەچ ھەممە قاراشتى، ھەسەت قىلىپ ھەر تەرەپتىن ماراشتى، كۆرەلمەسلەر تاپىنىمنى تاراشتى، ئەل ئىچىدە ھۆرمىتىممۇ راست ئاشتى، كېلىپ ئامەت ، ئەمەلدارلىق ياراشتى. كۆپ ئىشلىمەي باشقىلارنىڭ قولىدا، خوشامەتنى قاملاشتۇرغاچ يولىدا، پۇختىلانغاچ مەنسەپدارلىق ئۇلىدا، تېزلا ئۆستۈم نەپ ئېلىشنىڭ يولىدا، كېلىپ ئامەت، ئەمەلدارلىق ياراشتى. چىڭ تۇتتۇممەن پۇرسىتىمنى ئۆتكۈزمەي، ئېلىۋەتدىم كەلسە سوۋغا كەتكۈزمەي، قالمىدىم ھەم، نەپكە نەپنى يەتكۈزمەي، يەڭ ئىچىدە باپلىدىم ھەم ئۆتكۈزمەي، كېلىپ ئامەت، ئەمەلدارلىق ياراشتى. ھاجەتمەنلەت‹‹ئېپ قويسىلا››دېگەچكە، يەپ ئۆگەندىم بۇنى پۇرسەت بىلگەچكە، نەپلا بولسا ئىلغىماستىن يىگەچكە، قۇرساق سالدىم يىگەنلىرىم سىڭگەچكە، كېلىپ ئامەت، ئەمەلدارلىق ياراشتى. نەپ بەرمەسنى پىرىنسىپقا تاقايمەن، سالا قىلىپ نەپ بېرىشكە نوقۇيمەن، يول كۆرسۈتۈپ، دەرس بېرىمەن-ئوقۇيمەن، نەپسىم ئۈچۈن يالغاننى ھەم توقۇيمەن، كېلىپ ئامەت، ئەمەلدارلىق ياراشتى. ھوقۇق بولغاچ يوللىرىممۇ ئېچىلدى، ئەپنى تاپقاچ ئارقا ئىششىك ئېچىلدى، اچۆپقىتىم كۆپ ، بۇندا بەختىم ئېچىلدى، ئايىقىمدىن ئۈنچە-مارجان چېچىلدى، كېلىپ ئامەت، ئەمەلدارلىق ياراشتى. ھاجەتمەننى قارىتىمەن ئۆزۈمگە، تۇرالمىسام بولماس لەۋزى-سۆزۈمگە، چېنىپ قالسا سەت ئەمەسمۇ يۈزۈمگە، مۇپەتتىشلەر سەت كۆرۈنەر كۆزۈمگە، كېلىپ ئامەت،ئەمەلدارلىق ياراشتى. بولۇپ مېھمان يەۋەرگەچكە بىكاردىن، ئولتۇرۇشقا ماشىناممۇ‹‹پىكا››دىن، تېپىۋالغاچ مەشۇقۇمنى‹‹دىبا››دىن، ئايال رەنجىپ ئاجىراشتى نىكاھدىن، ئەركىن بولدۇم، بەختىم كۈلۈپ كۆز ئاچتى. پاختىدا ئوت ساقلىماقمۇ قىيىنكەن، پاش قىلىپتۇ خوتۇن ناكەس پەس دېگەن، تەكشۈرۈلدۈم، پۇتۇمغا كىردى تىكەن، ئەيىپلەندىم، يىگەنلىرىم ھارامكەن، ئەمدى مېنى ۋاي دېگەنلەر تاراشتى. پۇشايماننىڭ نېمە كېلەر ئورنىغا، نەپسانىيەت باشلاپ كىردى تۇرمىغا، چەكتىن ئاشسا يەتدىكەن ئۆز بۇرنىغا، لەنەت ئوقار، ئەل ئالماس ئىچ قوينىغا، ياقام يىرتىپ يىغلىغانغا قاراشتى. ئاپتورى : باي ناھىيىسىدىن : مەخمۇت ئاۋۇت(ongmas)

ongmas

	ئەر ئەمەس (مۇخەممەس) مەخمۇت ئاۋۇت(ongmas) ئىسمى ئەرچە، تۇرقى دۇرۇس بولمىغانلار ئەر ئەمەس، ئەردەپ يۈرۈپ، ئەرلەرگە خاس بولمىغانلار ئەر ئەمەس، ئەرچە غۇرۇر،چىدام، ۋىجدان بولمىغانلار ئەر ئەمەس، ۋەدە قىلىپ ، ئۆز لەۋزىدە تۇرمىغانلار ئەر ئەمەس، ئەر تۆرۈلۈپ، ئەردەك مەغرۇر بولمىغانلار ئەر ئەمەس. كۆز چاقنىتىپ پاقىرىغاننىڭ ھەممىسىلا زەر ئەمەس، زىمىندىكى شور تۇپراقنىڭ ھەممىسىلا يەر ئەمەس، مېھنەت قىلماي تۆكۈلگەننىڭ ھەممىسىلا تەر ئەمەس، ھىد چېچىپ پۇرىغاننىڭ ھەممىسىلا ئەنبەر ئەمەس، ئەلدە ياشاپ، ئەلگە سادىق بولمىغانلار ئەر ئەمەس. ئەركەك تۇرۇپ، ئائىلىدە سەركىچىلىك بولالماس، ئەر سانىلىپ، ئەرچە ئىشنى ئۆز ئالدىغا قىلالماس، قەسەمخور بوپ، قەسىمىدە ھېچ پەقەتلا تۇرالماس، ئەرلىك غۇرۇر، ۋىجدانى كەم ئەلگە ئۈلگە بولالماس، نە ئار-نومۇس،ئىنساپ،ئەخلاق بولمىغانلار ئەر ئەمەس. ئائىلىدە، جەمئىيەتتە ئۆز قەدرىنى ھېچ بىلمەس، ھەسەتخورلۇق ئاڭا تالىق يوق تەبەسسۇم ھېچ كۈلمەس، تەرسالىقى تۇتسا گاھى، نومۇس قىلاي ھېچ دېمەس، بەخىت-ئامەت نە تۇرۇپتۇ، يېقىنلاشماس- ھېچ كەلمەس، تۇرقى ئىنسان ، ئۆزى ئۇنداق بولمىغانلار ئەر ئەمەس. باردۇر يەنە بەزىلىرى خېنىم مىجەز، ساز ئەمەس، قىلىقلىرى خاس ئايالچە زىبۇ-زىننەت ئار ئەمەس، تۇرقىدىن ئەرلىك چىقماس، ئەمما خۇلقى-ناز ئەمەس، ئايرىماق تەس جىنسىنى ھېچ، ياكى ئۆردەك-غاز ئەمەس، ئىسمى ئەرچە ، جىسمى ئۇنداق بولمىغانلار ئەر ئەمەس. بولساڭ ئەركەك تۈزۈك بولغىن، ئاتىما ئەر بولمىسا، ساقال-بۇرۇت ئەرلىك زىننەت قاملاشمايدۇ بولمىسا، ئاتىلىسەن خېنىم مىجەز،  ناۋا بولساڭ ناركۇسا، بولماس ھۆرمەت ئۆيدە،سىرىتتا ئەرلىك غۇرۇر بولمىسا، شۇڭا دەيمەن، تۇرقى ئەرچە بولمىغانلار ئەر ئەمەس! شېئىرىنىڭ ئاپتورى: باي ناھىيىسىدىن : مەخمۇت ئاۋۇت(ongmas)

ongmas

	مۇئەللىم (نەسرىي شېئىرى) (مەخمۇت ئاۋۇت) (ongmas) مۇئەللىم ، ئۇ غەپلەتلىك دىللارغا نۇر بەرگەن چىراق، مۇئەللىم ، ئۇ زۇلمەتلىك تۈنلەرنى قوغلىغان يىراق؛ مۇئەللىم، ئۇ مەرىپەت ئوتىنى ئۇلغايتقان شۇنداق، مۇئەللىم، ئۇ مىللەتنىڭ غۇرۇرى،پاسىبان شۇنداق. مۇئەللىم،بىز سەن بىلەن كامال تېپىپ يېتىلدۇق، مۇئەللىم، بىز سەن بىلەن ئادىمىيلىك سەپكە قېتىلدۇق؛ مۇئەللىم، سەندۇرسەن بۇ جاھاندا ئىنسان بىر ئۇلۇق، مۇئەللىم ، بىزدىكى بارلىق ئالقىش پەقەت ساڭا تەئەللۇق. مۇئەللىم، شام بولۇپ كۆيۈسەن ئەل،بىلىم ئىشقىدا، مۇئەللىم،خىزمەتتىسەن، ياتقاندا ئەل شىرىن ئۇيقۇدا؛ مۇئەللىم،ئاۋامغا مېھرىڭ ئوت كۆيەر جىسمىڭدا، مۇئەللىم، مىللەتكە سادىقسەن، بارلىقىڭ پىدا. مۇئەللىم، ئون مېتىر يىراقتىن سالامغا لايىقسەن، مۇئەللىم، ئىسمى ۋە جىسمىڭ ئاۋامغا تالىقسەن؛ مۇئەللىم، سەبىيلەر ئاغزىغا ئىلىمدىن زەم-زەم سالىسەن، مۇئەللىم، بارچىغا ھاياتلىق نىشانى ئاتا قىلىسەن. تەرىپىڭ تۈگىمەس بىر ئۇلۇق ئىنسان مۇئەللىم! شەپقىتىڭ تەڭداشسىز بىر سېخى ئىنسان مۇئەللىم! ئەمما كىبىرسىز بىر ئاددى ئىنسان مۇئەللىم! تاپالماس ھېچ كىشى بىر سەندىن نۇقسان مۇئەللىم!!! ئاپتورى: مەخمۇت ئاۋۇت(ongmas)

axek13999649893

	پاختىدا ئوت ساقلىماقمۇ قىيىنكەن، پاش قىلىپتۇ خوتۇن ناكەس پەس دېگەن، تەكشۈرۈلدۈم، پۇتۇمغا كىردى تىكەن، ئەيىپلەندىم، يىگەنلىرىم ھارامكەن، ئەمدى مېنى ۋاي دېگەنلەر تاراشتى.

bekarqiman

	قىززىپكىتىپتىغۇ

tax1

	شېئىرىي تىل كەمچىل بولۇپ قاپتۇ. تىلىغا ئازراق ئىشلىسىڭىز بولاتتىكەن.

nigar`

	قالتىس!!!!!!!!!!!     ياخشىكەن .............. ئاپتورنىڭ قولىغا دەرت بەرمىسۇن !

nazaratqi

	شۇنداق، شېئىرلارنىڭ ھەممىسىدە  شېئىرىي پۇراق كەمچىل، سۆز ئويۇنى تۈسى قويۇق بوپ قاپتۇ... يەنىمۇ تىرىشىڭ...