تاسادىپى قولغا چۈشۈپ قالغان دوكلات كۇپىيىسى

mustafabag

	ئەرشىدىن تاتلىق 1957 - يىلى باﻫار ئايلىرى ئىدى . ئىدارە بويىچە ئومۇمىي تازىلىق يۈرگۈزمەكچى بولۇپ ، ﻫەممە ئىشچى - خىزمەتچىلەر گۇرۇپپىلارغا بۆلۈندى . مەرﻫۇم تېيىپچان ئېلىيوپ ، ئابدېكىرىم خوجا ، ئەخمەت زىيائى ، روزى قاسىم ۋە مەن بىلەن بەش - ئالتە كىشى بىر گۇرۇپپا بولغاندۇق . خىزمەت تەقسىماتى بويىچە بىز شۇ چاغدىكى رۇس كۇلۇبى ( ﻫازىرقى دوستلۇق كۇلۇبى ) بىلەن شىنجاڭ ئەدەبىيات - سەنئەتچىلەر بىرلەشمىسى ( ﻫازىرقى شىنجاڭ خەلق نەشرىياتى ئائىلىكلەر قوراسى ) ئارىلىقىدىكى لاپاسلىق كارىدورنى تازىلاشقا كىرىشتۇق . بۇ كارىدورغا 40 - يىللاردا چىققان ئۇيغۇر يېزىقىدىكى گېزىت ژورناللار توپ - توپى بىلەن باغلاپ تاشلانغان . بىز ئۇلارنىڭ كارغا كېلىدىغان ( سېسىپ - چىرىمىگەن ) لىرىنى بىرلەشمىنىڭ قىرائەتخانىسىغا توشۇپ ، كېرەكسىزلىرىنى ئەخلەت دۆۋىسىگە تاشلىدۇق . ئۇنى تۈگىتىپ كارىدورنىڭ يەر يۈزىنى سۈپۈرۈپ تازىلىغاندىن كېيىن ، تورۇستىكى لىم ياغاچلار بىلەن چەنزىلەرنىڭ ئارىسىغا قىستۇرۇلغان گېزىت - ژورناللار ۋە خەت - چەكلەرنى يىغىشتۇرۇشقا كىرىشتۇق . شۇ ئارىدا قولىمىزغا مەشنىڭ كانىيدەك چوڭلۇقتا ، ئىككى بېشى يىلىملاپ چاپلانغان بىر توپ قەغەز چىقىپ قالدى . بىز ئۇنىڭغا قىزىقىپ ، " بۇنىڭ ئىچىدە چوقۇم قىممەتلىك ماتىرىيال بولۇشى مۇمكىن دەپ ، ئۇنى پىچاق بىلەن كېسىپ ئاچتۇق ، ئۇنىڭ ئىچىدىن يىپ بىلەن تىكىلگەن خەنزۇچە يېزىقتىكى ئىككى توپ ماتىرىيال چىقتى . مەرﻫۇم ئابدېكېرىم خوجا ئۇنى قولىغا ئېلىپ ئوقۇپ ، بىزگە مۇنداق دەپ بەرگىنى ﻫازىرقىدەك ئېسىمدە : " بۇ ئىچكىرىدىن شىنجاڭغا شېڭشىسەينىڭ ئىشىنى مەخپى تەكشۈرگىلى كەلگەن بىر خىزمەت ئۆمىكى يازغان دوكلاتنىڭ كۇپىيىسى ئىكەن . بۇنىڭدا شېڭشىسەي تۈرلۈك بەدناملار بىلەن قەتل قىلغان ئادەملەرنىڭ سانى جەدۋەللەشتۈرۈپتۇ . بۇنىڭ يەكۈنىدە مۇنداق دىيىلگەن : 1 . جاي - جايلاردىن تۇتقۇن قىلىپ ئەكىلىپ ئۆلتۈرۈلگەنلەر 57000 دىن ئارتۇق . بۇلار ئاساسەن يەرلىك خەلقنىڭ مۆتىۋەرلىرى ، يۇرت چوڭلىرى ۋە ئوقۇمۇشلۇق كىشىلەر ، بۇلارنىڭ ئىچىدە ، كومۇنىست دەپ ئۆلتۈرۈلگەنلەردىن باشقا خەنزۇلاردىن شېڭشىسەينىڭ ئۆزىنىڭ ئىنىسىمۇ بار . 2 . 1933 - يىلى ماخوسەننى قوغلاش باﻫانىسى بىلەن جەنۇبىي شىنجاڭنىڭ مارالبېشى ناﻫىيىسىگىچە ئەۋەتىلگەن ئاق ئورۇسلار تەرىپىدىن ئۆلتۈرۈلگەنلەر ۋە 1937 - يىلى " شىنجاڭدا كۆتۈرۈلگەن قوزغىلاڭغا قاتناشقان " دەپ ئۆلتۈرۈلگەنلەر 30000 دىن ئارتۇق 3 . " ئالتايغا ئالتۇن كولاشقا بارىدۇ " دەپ ، جەنۇبىي شىنجاڭنىڭ ﻫەرقايسى جايلىرىدىن ئېلىپ كېلىنىپ ، ئالتايغا بارغىچە بولغان چۆل - جەزىرىلەردە سۇسىزلىق ، ئاچلىق ۋە يۇقۇملۇق كېسەللىكلەر بىلەن ئۆلگەنلەر ۋە ئالتايغا ئېلىپ بېرىلغاندىن كېيىن مىلتىقنى ئوڭلاپ ئاتالماي ئۇرۇشتا نابۇت بولغانلارنىڭ سانى 40000 ، بۇلارنىڭ جۇغى - جەمىئىي 127000 دىن ئارتۇق . ﻫەرقايسى ۋىلايەت - ناﻫىيەلەرنىڭ قاماقخانىلىردا ئۆلتۈرۈلگەنلەرنىڭ سانى بۇنىڭ سىرتىدا . چۈنكى ، بىز بۇ ﻫەقتە ئېنىق ۋە ﻫەقىقى سانغا ئېرىشەلمىدۇق . بۇ ماتىرىيال ئارىمىزدا بىر ئاز غۇلغۇلا قوزغىدى . ئاخىر ، ئابدۇكېرىم خوجا بۇ ماتىرىيالنى بىرلەشمىنڭ پارتىيە گۇرۇپپىسىغا ئېلىپ كىرىپ كەتتى . بۇ ئىشقا بۈگۈنكى كۈندە 36 يىل بولدى . بۇ ئىش ﻫەر بىر ئېسىمگە كەلسە ، پاجىئەلىك ئۆتمۈشنىڭ قانلىق ، خۈنۈك ۋە يىرگىنچلىك كۆرۈنۈشى كۆز ئالدىمدا گەۋدىلەنگەندەك بولىدۇ . ئەسلى مەنبە : شىنجاڭ تارىخ ماتېرىياللىرى 35 - سان

kurax114

	كۈلۈۋەرمەس كۈلگەنلەر ،كۈلەنلەرمۇ ئۈلەر ھامان بىركۈنى يىغلاۋەرمەس يىغلىغان كۈلۈپ كىتەر مىز بىزمۇ ھامان بىركۈنى ئاللاھ  جاجىسىنى بەسۇن   ،

hiyal0097

	بۇ شىڭ دىگەن ھايۋاننىڭ قولىدا ئۈلۈپ كەتكەن قېرىنداشلىرىمىز نىمانداق كۆپ ؟ مۇشۇنداق ئەھمىيەتلىك يازمىلار بولسا يەنە يوللاپ قويساڭلار .

kaitmas

	رخمەت بۇنىمۇ بىلۋالدىم! http://www.kuznak.com/

umak88

	ئەجەپ يۈرۈكۈم ئاچچىق-ئاچچىق سۇقۇپ كەتتى دىسە.......

adil2052103

	جاللات خېنىمنى ئۇقۇپ بولغىچە    تاسقالغان   قان تۈكۈرگىلى    ببۇنىمۇ بىلۋاغۇلۇق

ئايچىن

	يائاللا ، ئۆلتۇرۇلگەنلەرنىڭ سان  سىتاتىستكىسىنى قۇشخانىدىكى ئۆلتۇرۇلگەن قوي كالىلارنىڭ سانىدەكلا يېزىۋىتىپتىغۇ بۇلار ، ھەجەپ ئىچىم ئاچچىق بولدى... ھەي بىھۇدە ئاققان قانلار

sarsan1117

	ھازىر تارىخىمىزغا ئائىت كىتابلارنى ئانچە خالاپ كەتمەيدىغان بوپقالدىم، بولۇپمۇ يېقىنقى زامان تارىخىنى ، ئەمىلىيەتتە تارىخقا قىزىقمىغىنىم ئەمەس. ئىچىم ئېيچىشىپ تېخىمۇ ئۆچلۈكۈم كېلىدىكەن ماۋۇلارغا

ümütqilimen

	ھەر بىر تامچە قاننىڭ، ھەر بىر تامچە ياشنىڭ ھېساۋى بولىدۇ....

52arslan

	تارىخ ئارسلان قەغەزلەرگە يازىدۇ كىملەر ، تارىخ دەپ خاننى ماختىشىپ . ئېقى قەغەز ، قارىسى سىياھ ، قايدا قالدى چىنلىق ، ساپلىقنىڭ ھىدى . مالتىلىساڭ تارىخ دىگەننى ، چۇۋۇلۇپ چىقىدۇ ، ئەسكى چاپاننىڭ مېزىدەك . شۇڭلاشقا خاقانلار ئۈچۈن ، ئۇنىڭ جىم تۇرغىنى ياخشى، ئەينى چاغلاردا ، تىنىچ كۆلدىكى پېتىق سۇدەك . تارىخ دىگەننى بىلەي دىسەڭ ، پەقەت بىر ئېغىز سۆز : ھەقىقى تارىخ: قىلىچ بىلەن قان !