مىنى ئىزدەپ ھېندىستانغا بارماڭلار

zulum

	مىنى ئىزدەپ ھېندىستانغا بارماڭلار (ھېندىستان كىنو چولپىنى شارۇلخاننىڭ ئۇيغۇر قىزلىرىغا ئېيتقانلىرى...) تاڭ قالماڭلار، مەن سۆزلىگەن ھېكايەتكە، سەۋەب بولار بەلكىم نۇرغۇن شىكايەتكە، نەپرىتىم كۆپ، ۋىجدانسزلىق، خىيانەتكە، مېنى ئىزدەپ ھېندىستانغا،ياق،بارماڭلار؟! مەن بىر ئارتىس، كىنولاردا «باش رولچى» مەن، ھىلى جانباز، ھىلى ماھىر «پۇتبۇلچى»مەن. ھىلى ئاشىق، ھىلى يەكتەن «ئۇسسۇلچى»...مەن؟ مېنى ئىزدەپ ھېندىستانغا،ياق،بارماڭلار؟! سىلەر كۆرگەن بەلكىم رەڭلىك شاتۇتىنى، كۈندۈرگەچكە، تەكرارلايدۇ «ئۇنى – بۇنى». مېنىڭ كەيگەن«تون»ۇم ئەسلى خەقنىڭ تونى...؟ مېنى ئىزدەپ ھېندىستانغا،ياق،بارماڭلار؟! ھىلى بىر قىز ئۈچۈن «جاننى پېدا» قىلسام، «ھەق – ئادالەت»ئۈچۈن سۆزلەپ «نېدا» قىلسام، «رەزىللەرنى كاللىسدىن جۇدا» قىلسام؟ مېنى ئىزدەپ ھېندىستانغا،ياق،بارماڭلار؟! ۋىسال ئەمەس قىز لېۋىگە، لەۋياققىنىم، چەۋەندازلىق ئەمەس «ئۇچقۇر ئات» چاپقىنىم، راست ئەمەستۇر، ئوت ئاچقىنىم... قان چاچقىنىم، مېنى ئىزدەپ ھېندىستانغا،ياق،بارماڭلار؟! تارىم بويى خىلۋەت، گۈزەل ماكان ئېكەن، مۇقام، مەشرەپ يۇرتى، ئېسل جاھان ئېكەن، مۇقام – سەنئەت دۇنياسىدا خاقان ئىكەن، مېنى ئىزدەپ ھېندىستانغا،ياق،بارماڭلار؟! يۇرتۇڭلاردا پەيدا بولدۇم (ئېكرانلاردا)، ئىشلىتىلدى، سۈرەتلىرىم «ئېلان»لاردا، مەن بىلمىدىم، سىلەر قانداق «پىلان»لاردا، مېنى ئىزدەپ ھېندىستانغا،ياق،بارماڭلار؟! تارقالمىسۇن، ئەمدى ھەرخىل سۈرەتلىرىم، ماختالمىسۇن، باتۇرلۇقۇم... «جۈرئەت»لىرىم، ياش تۆكمەڭلار، «خېرىدارىم، چۆپقەت»لىرىم، مېنى ئىزدەپ ھېندىستانغا،ياق،بارماڭلار؟! مەن كۆرمەيمەن (ماڭا كۈلۈپ باقساڭلارمۇ) – خانەڭلەرگە سۈرىتىمنى ئاسساڭلارمۇ، پېنھانلاردا لېۋىمگە، لەۋ ياقساڭلارمۇ... مېنى ئىزدەپ ھېندىستانغا،ياق،بارماڭلار؟! قىممىتىڭلار – قىزلىق ئىپپەت، ھايا، ئەدەپ، مەنچۈن ئۇنى يۇقاتساڭلار قىزىق ئەجەپ، چۈشەنسەڭلار ھەممە ئىشنى «ئەركىنلىك»دەپ... مېنى ئىزدەپ ھېندىستانغا،ياق،بارماڭلار؟! ئۇيغۇر قىزى – ئۇيغۇرلارغا لايىق ئۆزى، يېگىتلەرنىڭ، مېنڭدىن ھەم شىرىن سۆزى، ئويغا سالار، كېچلەردە (ئوتلۇق كۆزى)، مېنى ئىزدەپ ھېندىستانغا،ياق،بارماڭلار؟! ھەركىم ئۆزى ئالسۇن «ھەقلىق ئامانەت»نى، «كۆچەت»  قويغان كۆرسۇن ئۇندىن «ھالاۋەت»نى، باشباشتاقلىق تىزلىتىدۇ قىيامەتنى، مېنى ئىزدەپ ھېندىستانغا،ياق،بارماڭلار؟! سەممىي ئەسكەرتىش: شېئىر ماۋزۇسى تاشمۇھەممەت باتۇر ئىجراسىدىكى «مېنى يوقلاپ قەبرىستانغا بارماڭلار» دېگەن ناخشنىڭ ماۋزۇسىدىن پايدىلىنىلدى. ئاپتۇرى: يېڭىشەھەر ناھىيە چاقىلىق كەنتتىن قاسىمجان غۇپۇر(دېھقان)

qq.tarkan

	ھا ھا ھا ھاھ اھ     نىم  دىيشىمنى بىلەلمىدىم  لىكىن ئوقۇغۇچە كۈلۈپ تىلقىپ كىتىپتىمەن

adil2052103

	ھازىر قىزلا   ۋايشاۋۇلخان دەپمۇ كەتمەيدىكەنغۇ

mollekez

	ۋاي نىمىنداق كۈلكىلىك شىئىر بۇ

taxbala

	شائىر بۇ رۇماننى شۇنداق ئىسىل يېزىپتۇكى ... مۇشۇ نەخ ھېلىقى قىززىق يىرى

~dana~

	شارۇلخان...ھا..ھا...ما ماۋزۇنىڭ كەپ كەتكىنىنى، يازغان شىئىرىڭلار بەك قاملىشىپتۇ جۇما... شارۇلخان قارىۋاينى ئاھ-ۋاھ دەپ كەتكەنلەر مىنى كۆرسە تويمۇ قىلغۇزمايدىغان ئوخشايدۇ (چاقچاق جۇما! مىنى ئىزدەپ ئۈرۈمچىگە كەپ يۈرمەڭلا يەنە -ھە قىزلا!)

كارۋان

	ھەجەپ قا قا قا قاملىشىپتۇ

foormat

	تۇلۇق ئوتتۇردا ئوقۇغاندا سىنىپىمىزدىكى بىر قانچە قىز شارولخان دېسە جېنىنى بېرەتتى ، بىزنىڭ مۇئەللىم قەستەن شۇ قىزلارنى تىرىكتۈرۈش ئۈچۈن ، ئەتىگەنكى خەۋەرنى كۆرسەم شارولخان قاتناش ۋەقەسىدە ئۆلۈپتۇ دەپ يالغان سۆزلەپ قويسا ، بىر قىز شۇ ھامانلا ھوشىدىن كەتتى ، يەنە ئىككى قىزمۇ نەچچە كۈنگىچە ئاغىرىپ يېتىپ قالدى . شۇنىڭ بىلەن ھېلقى قىزلارنىڭ ئاتا ئانىسى مەكتەپكە كېلىپ ئۇ مۇئەللىمنىڭ ياققىسىغا ئېسلىغانتى

mostafa

	foormat يوللىغان ۋاقتى  2012-5-8 04:06 PM تۇلۇق ئوتتۇردا ئوقۇغاندا سىنىپىمىزدىكى بىر قانچە قىز  ... ۋاي خۇدايىم، بۇ گىپىڭىز تەنە ئەمەستۇ ھە؟

xawki0998

	foormat يوللىغان ۋاقتى  2012-5-8 04:06 PM تۇلۇق ئوتتۇردا ئوقۇغاندا سىنىپىمىزدىكى بىر قانچە قىز  ... ماۋۇ گەپ چاقچاقمۇ يا.