فرانسىيىنىڭ يېڭى زۇڭتۇڭى ھوللاندې تېخىچە بويتاقكەن

siyitnoqi

	فرانكويىس .ھوللاندې 1954-يىلى 6-ئاينىڭ 12-كۈنى رۇئېندا تۇغۇلغان بولۇپ ،فرانسىيىدىكى ھەممەيلەنگە تونۇشلۇق بولغان داڭلىق شەخس . ئۇ فرانسىيە «زۇڭتۇڭ مەنبەسى»دەپ نام ئالغان دۆلەتلىك مەمۇرىيەت  ئىنستىتۇتىدا ئوقۇغان . گەرچە ئۇ ئەزەلدىن فرانسىيە ھۆكۈمىتىدە ۋەزىپە ئۆتەپ باقمىغان بولسىمۇ لېكىن كۆپ يىللاردىن بۇيان سوتسىيالىستلار پارتىيىسىنىڭ يولباشچىسى بولۇپ كەلگەن . بۇ شەخس ئىنتايىن سوغۇق چىراي كۆرۈنسىمۇ لېكىن ئۇ ئىش بېجىرگەندە ناھايىتى ئېغىر بېسىق، تەمكىن ئۆزىنى تۇتۇۋالغان ئېسىل ئادەم بولۇپ، نۇتۇق  قابىلىيىتىمۇ ئالاھىدە ئۈستۈن . سۈرەت 1981-يىلى 5-ئاينىڭ 26-كۈنى تارتىلغان .     1981-يىلى مېتتىراند زۇڭتۇڭ بولۇپ سايلانغاندا ، ھوللاندې زۇڭتۇڭ مەھكىمىسىنىڭ مەسلىھەتچىسى بولۇپ ، زۇڭتۇڭ مەھكىمىسىنىڭ ئىقتىساد بەنزىسى بولۇپ قالغان . سۈرەت ئوڭ تەرەپتىكى فرانسىيىنىڭ ئىلگىرىكى زۇڭتۇڭى مېتتىراند، سول تەرەپتىكى ھوللاندې      2012-يىللىق فرانسىيە زۇڭتۇڭ سايلىمىدا ، مۇتەخەسسىسلەرنىڭ تەھلىل قىلىشىچە ، ھوللاندې ھەر قايسى تەرەپلەردىن سوتسىيالىستلار پارتىيىسىنىڭ ئالدىنقى زۇڭتۇڭى مېتتىراندنى دوراش ئارقىلىق سايلام رىقابىتىدە تېخىمۇ كۆپ بېلەت سانىغا ئېرىشىشنى ئارزۇ قىلغان .   سۈرەتتە 1997-يىلى 4-ئاينىڭ 21-كۈنى ، ھوللاندې سوتسىيالىستلار پارتىيىسىنىڭ ئاخبارات ئېلان قىلىش يىغىنىدا مۇخبىرلارنىڭ سوئالىغا جاۋاب بەرمەكتە .       1997-يىلىدىن 2008-يىلىغىچە ،ھوللاندې سوتسىيالىستلار پارتىيىسىنىڭ سېكرېتارى ۋەزىپىسىنى ئۆتىگەن بولۇپ ، سوتسىيالىستلار پارتىيىسىدىكى ۋەزىپە ئۆتۈش مۇددىتى ئەڭ ئۇزۇن سېكرېتار بولۇپ قالغان . ئەمما بۇ 11 يىلدا ،ھوللاندې ھەر ۋاقىت ئۆزىنىڭ پارتىيە ئىچىدىكى ئابرۇيىنى قوغداپ، ئۆزىنىڭ رەھبەرلىك ھوقۇقى ۋە كۈچىنى  نامايان قىلغان . سۈرەتتە ،1997-يىلى 5-ئاينىڭ 10-كۈنى ، سوتسىيالىستلار پارتىيىسىنىڭ سېكرېتارى ھوللاندې تاللانغان رايونلارنى كۆزدىن كەچۈرمەكتە .       ھوللاندېنىڭ سىياسىي تارىخىنى بەك ئوڭۇشلۇق بولدى دېگىلى بولمايدۇ . ئۇ ۋەزىپە ئۆتىگەن ئالدىنقى 5 يىلدا ، زۇڭلى جوسپىننىڭ سىياسىي تەسىرى ئۇنىڭ ئۆزىنى كۆرسىتىشىگە تەسىر قىلدى  ، 2002-يىللىق سوتسىيالىستلار پارتىيىسىنىڭ زۇڭتۇڭ سايلىمىدا مەغلۇبىيەتكە ئۇچرىدى .كېيىن يەنە جوسپېن سىياسىي سەھنىدىن چېكىنىپ چىققانلىقىنى ئېلان قىلىپ بىر كېچىدىلا ھوللاندېنى سىياسىي ساھەنىڭ ئالدىنقى سېپىگە چىقىرىپ قويدى .   2007-يىلى سوتسىيالىستلار پارتىيىسى زۇڭتۇڭ سايلىمىدا يەنە مەغلۇپ بولدى . بۇ سوتسىيالىستلار پارتىيىسىنىڭ زۇڭتۇڭ سايلىمىدا ئارقا-ئارقىدىن ئۈچ قېتىم مەغلۇپ بولۇشى بولۇپ، بەزى كىشىلەر سوتسىيالىستلار پارتىيىسىنى زۇڭتۇڭ سايلىمىغا كىرەلىشى مۇمكىن ئەمەس، ھوللاندې ئورتاق تونۇش ئىزدەشكە زىيادە كۆڭۈل بۆلۈپ كەتكەن ، كەسكىن ئەمەس دەپ قارىغان . ھوللاندې دۆلەتلىك مەمۇرىيەت ئىنستىتۇتىدا ئوقۇۋاتقان مەزگىلىدە ، سېگوۋىيا كارولىنا .رويال (سۈرەتتىكى قىزىل كىيىملىك ئايال) بىلەن تونۇشۇپ ، توي قىلىش مەقسەت قىلىنمىغان بىللە تۇرۇش تۇرمۇشىنى باشلىغان . 30 يىلغا يېقىن ۋاقىتتىن  بۇيان بىرلىكتە 4 بالىنى بېقىپ چوڭ قىلغان . 2007-يىلى رويال فرانسىيە زۇڭتۇڭ سايلىمى نامزاتىغا كىرگەن . بۇ يىل 2-ئايدا ھوللاندې سايلام رىقابىتىگە قاتناشقاندا ئۇنىڭ ئىلگىرىكى قىز  دوستى رويال بىلەن ھازىرقى قىز دوستى ۋالىيېر قول تۇتۇشۇپ ھوللاندېنى قوللايدىغانلىقىنى بىلدۈرگەن . سۈرەتتىكى ھوللاندې بىلەن ئۇنىڭ چوڭ ئوغلى تۇماس       ھوللاندې 4 بالىنىڭ دادىسى ، بۇ بالىلارنىڭ ئاپىسى ھوللاندېنىڭ ئىلگىرىكى قىز دوستى رويال. ھوللاندې بىلەن رويال 25 يىللىق مۇھەببەت مۇناسىۋىتىنى ساقلىغان ، لېكىن ئىزچىل توي قىلماي ئاشىق-مەشۇق بولۇپ ئۆتكەن . 2007-يىلى 6-ئايدا رويال زۇڭتۇڭ سايلىمىدا ساركوزىغا ئۇتتۇرۇپ قويۇپ بىر ئايدىن كېيىن ،ھوللاندې بىلەن رويال رەسمىي ئايرىلىپ كەتكەنلىكىنى ئاشكارىلىغان . سۈرەتتە ھوللاندې ھازىرقى قىز دوستى ۋالىيېر بىلەن بىرگە        ھوللاندې بىلەن ساركوزى رىقابەتلىشىۋاتقان فرانسىيە زۇڭتۇڭ سايلىمىنىڭ كىشىنى جەلپ قىلىدىغان يەنە بىر تەرىپى شۇكى فرانسىيە «بىرىنچى خانىمى»ئورنىغا ئېرىشىشنى ئارزۇ قىلغان برۇنى بىلەن ۋالىيېرنىڭ رىقابىتىدۇر. برۇنىنىڭ ئوچۇق ئاشكارىلىقى بىلەن سېلىشتۇرغاندا ۋالىيېر ھوللاندېنىڭ ئارقىسىدا تۇرۇپ قوللاشقا رازى ، شۇنداقلا فرانسىيە بىرىنچى خانىمى بولۇشقا قارىغاندا مۇخبىر بولۇشنى بەكرەك ئارزۇ قىلىدۇ. ھوللاندې 2008-يىلى سوتسىيالىستلار پارتىيىسىنىڭ يولباشچىسى بولغاندىن باشلاپ ئاستا-ئاستا كۆتۈرۈلۈشكە باشلىغان . كۆپلىگەن  فرانسىيە خەلقى شۇنداقلا سوتسىيالىستلار پارتىيىسىنىڭ يۇقىرى دەرىجىلىك ئەمەلدارلىرى «ھوللاند ھەممەيلەننى ئىتتىپاقلاشتۇرالايدىغان سىياسىيون »دەپ تەكىتلىگەن. ئۇنىڭ كۆچمەنلەر سىياسىتى ئىنتايىن ئورۇنلۇق، ئۇ ئوتتۇرىغا قويغان ئىجتىمائىي ئادىللىق ئىدىيىسى فرانسىيە خەلقىنى ئىتتىپاقلاشتۇرۇشقا پايدىلىق .    2012-يىلى 2-ئاينىڭ 1-كۈنى ھوللاندې تۇرالغۇ مەسىلىسى توغرىسىدا سۆز قىلغاندا ، تۇيۇقسىز «ئۇن چېچىش ھۇجۇمى»غا ئۇچراپ ،يۈزى ، كۆزى ، چاچ ۋە كىيىملىرى ئاپئاق ئۇنغا چۆمۈلۈپ كەتكەن . بۇ ئۇن چېچىش ھۇجۇمىنى پەيدا قىلغان ئايال ئۆزىنىڭ ئادىل ۋە مۇۋاپىق بولمىغان مۇئامىلىگە ئۇچرىغانلىقىنى ئېيتقان لېكىن زادى قانداق ئىش ئىكەنلىكىنى تەپسىلىي ئېيتىپ بەرمىگەن . ھوللاندې تۇيۇقسىز كەلگەن بۇ ھۇجۇمدىن قاتتىق ھەيران قالغان ، لېكىن ناھايىتى تېزلا ئەسلىگە قايتىپ ئۆزىنى تۇتۇۋالغان . ئۇ بۇ ئىش تۈپەيلى ئامانلىق ساقلىغۇچىنى ئىشتىن بوشىتىۋەتمەيدىغانلىقىنى ، ئۇنىڭ «كەسپىي خېيىم - خەتەر »ئىكەنلىكىنى ئېيتقان . ھوللاندې فرانسىيە زۇڭتۇڭى ساركوزى بىلەن يېرىم يىل رىقابەتلىشىش جەريانىدا نۇرغۇن جاپالارنى بېشىدىن كەچۈرگەن . سايلام رىقابىتىدە بېلەت سانى جەھەتتە ئۈچىنچى ئورۇندا تۇرىدىغان مارىي.لىپون قۇرۇق بېلەت تاشلايدىغانلىقىنى بىلدۈرگەن شۇنداقلا سايلىغۇچىلارنى مۇستەقىل  بېلەت تاشلاشقا چاقىرغان ، ساركوزىمۇ ھەدەپ سايلىغۇچىلارنى ئۆزىگە قاراتقان . خەلق رايىنى سىناشتىن مەلۇم بولىشىچە «تىنچ ئەر» ھوللادېنىڭ 8 پىرسەنتتىن كۆپرەك ئەۋزەللىك بىلەن ئېلىسې قەسرىگە كىرىش ئېھتىماللىقى يۇقىرى ئىكەن . شۇ يەر ۋاقتى 2012-يىلى 5-ئاينىڭ 6-كۈنى كەچ سائەت 8دە ، فرانسىيە تېلېۋىزىيە ئىستانسىسى ئېلان قىلغان زۇڭتۇڭ سايلىمىنىڭ ئىككىنچى باسقۇچلۇق سايلام بېلىتى نەتىجىسىدىن مەلۇم بولىشىچە ، سوتسىيالىستلار پارتىيىسىنىڭ نامزاتى ھوللاندې فرانسىيە زۇڭتۇڭى بولۇپ سايلىنىپ ، 5-جۇمھۇرىيەتنىڭ سوتسىيالىستلار پارتىيىسىدىن چىققان ئىككىنچى زۇڭتۇڭى بولۇپ قالدى . فرانسىيە ئىلگىرىكى  زۇڭتۇڭى ساركوزى شۇ كۈنى كەچتە ھوللاندېغا تېلېفون قىلىپ ، ئۇنىڭ سايلامغا غەلىبە قىلىپ زۇڭتۇڭ بولغانلىقىنى تەبرىكلىدى .          ھوللاندې مىنىستىرلىق ۋەزىپىسىنى ئۆتەپ باقمىغان . ئۇنىڭ جاننى ئالغۇدەك ئاجىزلىقىمۇ يوق ، لېكىن دەل مۇشۇنداق ئادەم  فرانسىيە ئىلگىرىكى زۇڭتۇڭى ساركوزى يولۇقۇشتىن ئەڭ قورقىدىغان نامزات . نۇرغۇن فرانسىيىلىكلەر ساركوزىنىڭ ئۆزىنى بەك كۈچلۈك دەپ قارىشىنى ياقتۇرمايدۇ . ھوللاندنىڭ «ئالاھىدىلىكى بولماسلىقى» ئۇنىڭغا يۇقىرى ئەۋزەللىك ئېلىپ كەلدى .       ساركوزى ھەقىقەتەنمۇ ئەڭ كۈچلۈك  رىقابەتچىگە  ئۇچراپ مەغلۇپ بولدى . مەنبە ؛ نور تورى

mollekez

	ۋاي  -بۇ زوڭتوڭنىڭ تىخچە توي قىلماي موھەبەتلىششى بەكلا ھەيران قالارلىقكەن

alamat1

	سوتسىياللار پارتىيسى ھاكىيمىيەت بېشىغا چىقسا فىرانسىيە سوتسىيالستىك دۆلەت بولامدا؟ ئۇنداق بولمايدۇ .لېكىن دۆلەت ئىگىلىكىنى كۈچەيتىشكە باشلايدۇ

uqkun500

	بەك خوشمۇ نىمە ،باشلىق بولغىنىدىن ،توي قىلماي ئولتۇرۇپ 4بالنى بېقىپ چوڭ قىلدى ،  ئۇ يەردە ئۇنداق ئىشلارغا قانۇن يول قۇيامدۇ نىمە.

~dana~

	ساركوزى زوڭتۇڭ بولغاندىن كىيىن كونا خوتۇننى قويىۋىتىپ بىر مودىلنى خوتۇنلۇققا ئالغان، بەلكىم زوڭتۇڭلۇق ماڭا مەڭگۈ ھەمرا، شۇنىڭ ئۈچۈن مۇشۇ ئىناۋەتكە لايىقراق خوتۇن ئالاي،دەپ قالغان چىغى... مانا ئەمدى زوڭتۇڭلۇق 4 يىلدىن كىيىن باشقىلارنىڭ قولىغا ئۆتتى، ھىلىقى بىر مەزگىل فىرانسىيە بىرىنجى خانىمى دىگەن نام ئالغان مودىل پۇشايمان قىلىپ ئۈلگۈرگەن بولغۇيتتى نىمە دەپ بۇنداق ھوقۇقنى تۇتالمايدىغان نىمىگە تىگىپ قالغاندىمەن،دەپ...ھا..ھا...سابىق خوتۇنى تازا خۇش بولدى،دىسەم-دىمىسەم... ئەمدى ماۋۇ يىڭى زوڭتۇڭ بويتاقكەن، يەنە نىمە قىزىق ئىشلار چىقار... تاماششىبىن بولغانمۇ ياخشى ئىش ئىكەن جۇمۇ...ۋەقەلىكنىڭ داۋامىنى ساقلايمەن....

yk077

	فىرانسىيەمۇ  قىزىللىشىپتۇ ، كومونسلىشىپتۇ.

arkinlk

	بۇ زۇڭتۇڭنىڭ ئەخلاقى ئانچە ياخشى ئەمەسكەن؟

zapar

	بويتاق زوڭتۇڭ خۇتۇننىڭ كوتۇلدىشىدىن ساقلىنالايدىكەن،