سۇلتان يۇنۇسخاننىڭ قىزىغا قىلغان نەسھىتى

aㄒaｍaη

	ئون بەشىنچى ئەسىردىكى بۈيۈك موغۇلىستان تەسەررۇپىنىڭ ( ھازىرقى شىنجاڭ ئۇيغۇر ئاپتونۇم رايونى ) سۇلتانى يۇنۇسخاننىڭ قىزى مىھرىنىگار خىنىمنى ياتلىق قىلىش ئالدىدا قىلغان نەسىھەتى     ھازىردىن باشلاپ ئارىلىقىمىز چەكسىز ئۇزىرايدۇ ، مەيلى سىلى مەندىن قانچىلىك يىراقتا تۇرسىلا ، يۈرەكلىرى ھەرقاچان يۈرىكىمگە ھەراھ بولۇپ تۇرىدۇ . سىلى ھازىردىن باشلاپ مىنىڭ قىزىملا ئەمەس  ،ئاياللىق سۈپەتلىرى بىلەن بىر ئەرنىڭ خوتۇنى . خانىشلىق مەرتىۋىلىرى بىلەن بىر ئەلنىڭ ئانىسى بولدىلا . ھەرقاچان ئاياللىق پەزىلەتلىرىنى ساقلاپ كۆيۈلىرىگە ساداقەتمەن ، ئىتائەتمەن بولسىلا . ئۇنىڭغا ئاتا- ئانىلىرىغا كۆيۈنگەندىنمۇ زىيادە كۆيۈنسىلە . ئاتا- ئانىلىرىنى سۆيگەندىنمۇ زىيادە سۆيسىلە . ئاياللىق پەزىلەتلىرىگە زىنھار داغ چۈشمىسۇن . ناۋادا ئاياللىق پەزىلەتلىرىگە تىرناقچىلىك داغ چۈشىدىكەن ، ئاتا-ئانىلىرىنىڭ شەنىگە ئۇنىڭدىن نەچچە ھەسسە داغ چۈشىدۇ . سىلىنى ساپ ھاۋاسى ، شەربەتتەك سۈيى ، ھالال نازۇ نىمەتلىرى بىلەن پەپىلەپ ئۆستۈرگەن ئەل- يۇرتلىرىنىڭ شۆھرىتى يەكسان بولىدۇ  .غەيۋەت- شىكايەتتىن يىراق تۇرسىلا . ئىنسان ئۆزىنى ئۇششاق سۆزلۈك ، ئاداۋەتخورلۇق ، داغۋازلىق ، ھاكاۋۇرلۇق ، ئىچى تارلىق ، ۋاپاسىزلىق ، ساداقەتسىزلىك ئىللەتلىرىدىن خالىي قىلىپ چىقمىغۇچە شۇ خىل ئىپلاس ۋە پەسكەش خاراكتىردىن ئازاد بولالمايدۇ . مەن سىلىنى كۈي ئوغلۇم سۇلتان ئەھمەد مىرزىغا ئۇسسۇزلۇق ، غىزا ، ئۇيقۇ قىلىپ بەردىم . سۆزۈمنىڭ تېگىگە يەتسىلە ، سىلىنى كۈي ئوغلۇمنىڭ ئۇسسۇزلۇقى دىگىنىم: ئەر دىگەن ھەر قاچان ئەل غېمى بىلەن يۈرىدۇ . غەم ئۇنى ھاردۇرىدۇ ، تالدۇرىدۇ ، جىسمانىي ۋە ئەقلىي قۇۋۋىتىنى خورىتىدۇ . بۇنداق ھالەت مىسالى كىشىنىڭ چاڭقىغىنىغا ئوخشايدۇ . ھەر قاچان ئۇنىڭ غېمىگە غەمخان بولالىسىلا ، غېمىنى ئازراق بولسىمۇ يەڭگىللەتسىلە ، خۇددى چاڭقىغاندا ئۇسسۇزلۇق شەربەت بەرگەنگە ئوخشاش بولىدىلا . سىلىنى كۈي ئوغلۇمنىڭ غىزاسى دىگىنىم: بىر ئەلنىڭ سۇلتانى تەسەررۇپىدىكى ئاۋام- رەئىيەتنى ئاچ- زىرىنلىقتا قويماسلىقى كىرەك . قايسى ئەلدە قەلەندەر- تىلەمچى كۆپىيىدىكەن ، شۇ ئەلنىڭ سەلتەنەتى ئاسان زاۋاللىققا يۈز تۇتىدۇ . ئېسىل مەئىشەتلەردىن يىراق تۇرۇپ ، ئاددىي- ساددا ياشاشنى ئادەتلەندۈرسىلە . غەزىنىنى تىجىسىلە ، سىلىنىڭ تىجىگەن غەزىنىلىرى بىلەن مىڭلاپ ئاۋامنى تويۇندۇرۇش مۇمكىن . ئاۋام- رەئىيەت ئاچ قالسا ، ئاشۇ ئاۋامنىڭ ھۆكۈمدارىمۇ ئاچ قالىدۇ . ھەرقاچان ئاۋام-رەئىيەتنىڭ قورسىقىنىڭ غېمىنى يىسىلە ، كۈيۆلىرىگە ئېسىل غىزا بەرگەن بولىدىلا . سىلىنى كۈي ئوغلۇمنىڭ ئۇيقۇسى دىگىنىم: ئادەم غەم- قايغۇدىن ، كۆڭۈلسىزلىكلەردىن ، رەنجىشلەردىن خالىي بولسا خاتىرجەملىككە ئېرىشىدۇ . ئاددىي ئاۋامغا سېلىشتۇرغاندا بىر ئەلنىڭ پاسى بانىنىڭ غەم- قايغۇسى ، باش ئاغرىق ى، قىلىدىغان ئىشلىرى ، ئويلايدىغان ئويى نەچچە مىڭ ھەسسە ئارتۇق بولىدۇ . ئەرنىڭ غېمىنى يەڭگىللىتىدىغانمۇ ئايال ، كۆپەيتىدىغانمۇ ئايالدۇر . سىلى كۆيۈلىرىگە نەپەسداش بولۇپ خاتىرجەملىككە يۈزلىنىشىگە كۈچ چىقارسىلا ئۇنىڭغا شېرىن ئۇيقۇ ئاتا قىلغان بولىدىلا . چۈنكى  خاتىرجەملىك ، كۆڭۈل ئازادىلىك شېرىن ئۇيقۇغا ئوخشاش راھەتلىكتۇر ...................................... مەنبە : باھادىرنامە رومانى

~dana~

	جاھاندىكى پۈتۈن ئاتا-ئانىلار قىزىغا مۇشۇنداق تەربىيە قىلالىسا، قىزىمۇ ئاتا-ئانىسىنىڭ دىگىنى بويىچە يولدۇشىنى رازى قىلالىسا، يولدىشىمۇ ئايالىنىڭ قىلغانلىرىغا لايىق جاۋاب قايتۇرالىسا....پاھ..پاھ...

~dana~

	جاھاندىكى پۈتۈن ئاتا-ئانىلار قىزىغا مۇشۇنداق تەربىيە قىلالىسا، قىزىمۇ ئاتا-ئانىسىنىڭ دىگىنى بويىچە يولدۇشىنى رازى قىلالىسا، يولدىشىمۇ ئايالىنىڭ قىلغانلىرىغا لايىق جاۋاب قايتۇرالىسا....پاھ..پاھ...

stars0998

	بۇ روماننىڭ ئاۋازلىقى قايسىڭلاردا بار؟

gvlqay

	ھەي ،شۇنداق قىلىشنى ئويلايمەن ھەم تىرىشىۋاتىمەن،لېكىن بۇنىڭدا ئايال كىشى قاتتىق سەۋرچان ھەم كۆتۈرۈشلۈك بولىشى كېرەككەن............ ئۇلۇغ ئاللا ،ئاياللىرىمىزنىڭ كۆڭلىگە ئىنساب بەرگىن!

abdukeram

	stars0998 يوللىغان ۋاقتى  2012-5-8 10:44 AM بۇ روماننىڭ ئاۋازلىقى قايسىڭلاردا بار؟ بۇ يەردىن چۈشۈرۋېلىڭ  : http://aqkepter.blogbus.com/logs/194120089.html

ئۆل

	stars0998 يوللىغان ۋاقتى  2012-5-8 10:44 AM بۇ روماننىڭ ئاۋازلىقى قايسىڭلاردا بار؟ http://www.xarar.cn  بۇ  مەخسۇس ئاۋازلىق ئەسەرلەر تۇربىتى ..ئىزدىگىنڭىزىنى تاپالايسىز ..چۈشۈرۈمەن دەپ ئاۋارە بولۇشىنىڭ ھاجىتى يوق ..بۇ تور ئادرسىنى ساقلاپلا بىكار بولغاندا  ئېچىپ ئاڭلسڭىز بۇلىدۇ .

ئۆل

	~dana~ يوللىغان ۋاقتى  2012-5-8 10:36 AM جاھاندىكى پۈتۈن ئاتا-ئانىلار قىزىغا مۇشۇنداق تەربىيە  ... ھازىرقلار بەزى ئانلار ھە : قىزىم ئۇنىڭ ئاتا -ئانسىنى كۈتىمەن دەپ ئۆزىڭىزنى بەك ئۇپۇرتىپ كەتمەڭ .ھېلگەرلكىنى ئۈگۈنۈپ قويۇڭ . كۈيئوغۇل تېپىپ ،ئەكلىپ بەرسە يە ،بولمسا پۇلۇڭىنى تىقىپ قوي ،كېيىن ئاجىرشىپ كەتسەڭ پايدسى تىگىدۇ .  ئاتا -ئانسى بىلەن بىر ئۆيدە تۇرماي ،بۆلۈنۋال ..ۋاي سەن باقامتىڭ ئۇلارىنى .خەقىنىڭ ئاتا -ئانسىنى ...دەيدۇ شۇنىڭ بىلەن ئاخىرى قىزى بېشىنى يەيدۇ

nurluk28

	ئەھمىيەتلىك ياخشى تېماكەن. ھەر بىر ئاتا - ئانا بولغۇچى دەل ئاشۇنداق تەربيە بىرىش كېرەك.

306398168

	مەن مۇ نەخ مۇشۇ يەرنى ئاڭلاپ بولغان ھازىر ... كۆپچىلىك مۇمكىن بولسا بىر ئۇقۇپ قوساڭلار بولىدىكەن ،،ھەقىقەتەن ياخشى بىر تارىخى رومانكەن.