ئابابەكرى مۇختەر مەركىزىي خەلق رادىئو ئىستانسىدا

Misranim2

	ئەسسالامۇ ئەلەيكۇم تور بېكىتىمىزنىڭ ئىخلاسمەن كۆرۈرمەنلىرى. مىسرانىم ئىشچى - خىزمەتچىلىرىدىن سىلەرگە ئوتلۇق سالاملار بولسۇن. يېقىندا مەركىزىي خەلق رادىئو ئىستانسى تۇرمۇش قانىلىدا بېكەت قۇرغۇچىمىز ئابابەكرى مۇختەر ئەپەندىم بىلەن سۆھبەت ئېلىپ باردى. رادىئونى شۇ ۋاقىتتا ئاڭلىغانلارمۇ بولدى.يېقىنقى بىر نەچچە كۈندىن بۇيان تورداشلارنىڭ كۈچلۈك تەلەپ قىلىشى بىلەن رادىئودىكى زىيارەت تەپسىلاتى تور بېكىتىمىزگە چىقىرىلدى. زىيارەتتە مىسرانىم ئەپەندىنىڭ قانداق بولۇپ مىيىپ بولۇپ قالغانلىقى ،مىيىپلىق يولىدىكى ئەگرى - توقايلىقلار ،يەنە شۇنداقلا قانداق بولۇپ ئېنتېرنىت تور ساھەسىنى تاللىغانلىقلىرى،. بۇ جەرياندا تارتقان جاپا مۇشەققەتلىرى تەپسىلىي بايان قىلىنىدۇ. يۇقارقى مەزمۇنلارنى چۈشەنمەكچى بولسىڭىز مەركىزىي خەلق رادىئو ئىستانسى 2 كۈن ئۇلاپ ئاڭلاتقان تۇرمۇش پىروگراممىسىدا بولسۇن. ئەگەر نورمال قويۇلمىسا چۈشۈرۈپ ئاڭلاڭ... چۈشۈرۈش ئەگەر بۇنىڭدىمۇ مۇۋەپپىقىيەتلىك ئاڭلىيالمىسىڭىز http://www.uycnr.com/wqhg/shdh/ بۇ توبەتكە كىرىپ ياندىكى تۇرمۇش دىگەننى تاللاپ  5 - ئاينىڭ 4- كۈنى ۋە 5- كۈندىكى پروگراممىسىنى تاللاپ ئاڭلىسىڭىز بولىدۇ بۇ سۆھبەت 2012- يىلى 5- ئاينىڭ 4- كۈنى جۈمە ،5- ئاينىڭ 5- كۈنى شەنبە ئەتتىگەن ۋە كەچتە ئۈرۈمچىدە 90.6 رادىئو چاستوتىسىدا ئاڭلىتىلغان.

篮球美女

	مەن مىسرانىم تورى قۇرغۇچىسىنىڭ نېفىتتىن ئىكەنلىكىنى ئەشۇ يەردىكى ساۋاقداشلىرىمدىن بىلگەن ئىدىم . ھەمدە ئەمدىلەتىن بۇ مۇنبەرنى ئاچقان ۋاقىتتا مەن مىسرانىم قۇرغۇچىسى ئابابەكرى مۇختار   ھەققىدە خىلى ئاڭلىغان . شۇ ۋاقىتتىلا ھەيران قالغان ھەم قايىل بولغان ئىدىم . مانا بۈگۈن ئۆز قۇلىقىم بىلەن ئاۋازنى ئاڭلاپتىمەن ھەمدە ئۇنىڭ بالىلىق دەۋرىدىن تاكى ھازىرىغا قەدەر بولغان كېشىلىك تۇرمۇش جەرىيانىدىكى ھىكايىسىنى ئاڭلاپتىمەن . مەن بۇ رادىئونى ئاڭلاپ شۇنداق تەسىرلەندىم ھەمدە ئۆزۈمگە  ئۈلگە قىلدىم . مىنىڭ مۇشۇ تېما بىلەن  شۇنى دېگۈم كېلىۋاتىدۇ : سىز ھەر قانچە ئوڭۇشسىزلىققا ئۇچىرسىڭىزمۇ ، ھايات ، ياشاش يەنىلا گۈزەل ! مەن سىزنىڭ ئوتتۇرا مەكتەپ باسقۇچىدىكى ئۆگىنىشتىكى تىرىشچانلىقىڭىزغا ئەڭ قايىل بولدۇم . مۇشۇ مۇناسىۋەت بىلەن سزنىڭ بۇندىن كىيىنكى ئىشلىرىڭىزغا ئوڭۇشلۇق ، تۇرمۇشىڭىزغا بەخىت تېلەيمەن ! ئاللاھ ئىگەم سىزنى ئامان قىلغاي ! ئەڭ ئەپسۇسلاندۇرغىنىڭىز بولسا ئالي مەكتەپتە ئوقۇشنى رەت قىلغىنىڭىز . ئەگەر ئالي مەكتەپتە ئوقۇغان بولسىڭىز ، بەلكىم ھازىرقىدىنمۇ كۆپ نەتىجىلەرگە ئىرشكەن بولار ئىدىڭىز . لېكىن ھازىرقى مۇشۇ ھالىتىڭىزنىڭ ئۆزىمۇ ھەممەيلەنى شۇنداق تەسىرلەندۈردى ھەم بىزنى سەل ئوڭايسىزلاندۇرۇپ قويدى . تۇرۇپ كۆپ ۋاقتىمنىڭ بىكارغا ئۆتۈپ كېتىۋاتقانلىقىدىن سەل نۇمۇس قىلىپ قالدىم . ئەڭ ئاخىرىدا سىزنى بېقىپ چوڭ قىلغان ھەم ئىشلىرىڭىغا يار يۆلەكتە بولۇپ سىزنى قوللىغان ئاتا - ئانىڭىزغا ، قىرىنداشلىرىڭىز ، دوسىت - ساۋاقداشلىرىڭىزغا ئاللاھنىڭ سالامنى يوللايمەن !ئاللاھ ئىگەم سىزنى يامان كۆز يامان تىللاردىن نىرى قىلغاي !

kalamiy

	جىسمانىي مىيىپلىقتىن روھى مىيىپلىق يامان ....ھەقىقەتەن ئۆگىنىشكە تېگىشلىك ئېسىل روھ   ..بولۇپمۇ نىمە قىلارىنى بىلەلمەي تېڭىرقاپ قالغان ياشلىرىمىز ئۈچۈن ھەركەتلەندۈرگۈچ كۈچ ..

Nawruzay

	مىسرانىم ئاكىنىڭ شۇنچىلىك جەزبىدار قەيسەر ئىكەنلىكىدىن تولىمۇ سۆيۈندۈم،ئۇنىڭ روھىيىتى ساغلام كىشىلەرنىڭكىدىنمۇ گۈزەل مۇكەممەل ئىكەن،ئۇنىڭ سۆزلىرىگە دىققەت قىلسام ئۇ بەك كۆتۈرەڭگۈ،بەك شادخۇرام ياشايدىكەن...توۋا دەيمەن ئۇ يىللاردىكى ئوقۇغۇچىلار نېمانداق ياخشى!ئۇ ئوقۇغۇچىلىق دەۋرىدە بىرەر قېتىممۇ كەمسىتىلىشكە ئۇچرىماپتىكەن،ئەكسىچە قىزغىن قوللاشلارغا،باراۋەر مۇئامىلىگە ئېرىشىپتىكەن!ئابابەكرى ئاكىغا ھەقىقەتەن قايىل بولدۇم،ئۇنىڭ روھىيىتىدە مەن ئۆگەنمىسەم بولمايدىغان نۇرغۇن نەرسىلەر بار ئىكەن! ئابابەكرى ئاكا سىز تېخىمۇ تىرىشىڭ،ئاللاھ سىزدەك ئۈمىدۋار ياشلارغا يار-يۆلەك بولىدۇ!ئائىلىڭىز بەخىتلىك،تېنىڭىز سالامەت بولسۇن،ئىگىلىكىڭىز تېخىمۇ گۈللەنسۇن!

ARKZAT

	مىسرانىم ئەپەندىنىڭ ئېگىلمەس -سۇنماس ئىرادە بىلەن ئىزچىل تىرىشچانلىقلارنى كۆرسىتىشى نەتىجىدە، مىسرانىم مۇنبىرى مانا بۈگۈنكىدەك ئۇيغۇر مۇنبەرچىلىكىدە ئەڭ ئالدىدا تۇرىۋاتقان نوپۇزلۇق مۇنبەر بولۇپ قالدى. بۇنىڭدىن كۆرۈشكە بولۇدۇكى، تىرىشچانلىق، ئىرادە ، جاسارەت بولسىلا، چوقۇم كۆزلىگەن گۈزەل ئىقبال مەنزىلىگە يەتكىلى بولىدۇ.      مەن شىجائەتلىك ياش ئابابەكرىنىڭ بۇنىڭدىن كېيىنكى بارلىق ئىشلىرىغا ئۇتۇق تىلەيمەن. مۇنبەرداشلارنىڭ مىسرانىم ئەپەندى ھەققىدە تېخىمۇ ئەتراپلىق چۈشەنچىگە ئىگە بولۇشىنى كۆزلەپ، مىسرانىم ئەپەندىنىڭ ھاياتلىق كەچۈرمىشلىرى  ھەققىدىكى مۇنۇ ئادرېسنى ئۇلانما قىلىپ قويدۇم. قېنى، مەرھەمەت! https://uyghur-archive.com/misranim/thread-50469-1-1.html

zohran1

	مىسرانىم ئەپەندى ھەممىمىزنىڭ قايىللىقىنى قوزغايدۇ،ئۇنىڭ تىرىشچان ،ئىرادىلىك روھىغا ئاپىرىن ئوقۇيمەن.

137166676

	مەن ئابابەكرى دىگەن ئىسىمنى مىسرانىم دەسلەپكى قۇرۇلغان چاغلاردىكى ناخشىلار ئارسىغا چىقىدىغان «دابىليو دابىليو دابىليۇ ئابابەكرى مۇختەر مىسرانىم چىكىت كوم »دىگەندىن ئاڭلاپتىكەنمەن ....ە

narkos

	تىرىشچانلىقىڭىزغا بارىكاللا  ئابابەكرىكا.ئىشىنىمىزكى تىرىشچانلىقىڭىز نەتىجىسىدە مىسرانىم تورى  تېخىمۇ گۈللەپ ياشنىغۇسى.

xaxboy

	ئاۋال ئورۇن ئىلىپ ئاندىن كۆرەيچۇ ! ...