جانابى ئاللاھ ! تەقۋادارلار بىلەن بىللەدۇر !!!!

arzuumut

	ئەسسىلامۇ ئەلەيكۇم : ناھايىتى شەپقەتلىك ۋە مېرىبان ئاللاھ نىڭ نامى بىلەن باشلايمەن . جانابى ئاللاھ ! شۆبھىسىسكى ، تەقۋادارلىقنى ئۆزىگىلا قىلغان تەقۋادار كىشىلەر بىلەن داۋاملىق بىللىدۇر . دىمەك جانابى ئاللاھ ! ئۆز رەھمىتى بىلەن تەقۋادارلارنىڭ مەدەتكارىدۇر ، تەقۋادارلارنىڭ گۇناھلىرنى مەغپىرەت قىلغۇچىدۇر . بۇ ھەقتە ئاللاھ قۇرئان كەرىمدە مۇنداق دىگەن : يەنى[(ئۇرۇش) ھارام قىلىنغان ئاي (ئۇرۇش) قىلىنغان ئايغا تەڭدۇر (يەنى ئۇرۇش ھارام قىلىنغان ئايلاردا دۈشمىنىڭلار سىلەرگە چىقىلسا، شۇ ئايلاردا سىلەرمۇ ئۇلارغا چېقىلساڭلار بولىدۇ). ھۆرمىتى ساقلىنىشقا تىگىشلىك نەرسىلەرنى باشقىلار دەپسەندە قىلسا، ئىنتىقام ئىلىش يۈزسىدىن، سىلەرمۇ ئۇلارنى دەپسەندە قىلساڭلار ھىچ يامىنى يوق). بىراۋ سىلەرگە قانچېلىك چېقىلغان بولسا سىلەرمۇ ئۇنىڭغا شۇنچېلىك چېقىلىڭلار؛ ئاللاھ  غا تەقۋادارلىق قىلىڭلار، بىلىڭلاركى ئاللاھ تەقۋادارلار بىلەن بىللىدۇر]2-سۈرە 194-ئايەت. دىمەك يۇقارقى ئاللاھ نىڭ ھەق تەۋسىيەلىردىن شۇ ھەقىيقەتلەرنى بىلىۋالغىلى بۇلۇدىكى ، جانابى ئاللاھ نىڭ  ئۆزىنىڭ ھەق تەۋسىيەلىردىن  ھالقىپ كەتمىگەن (يەنى ئۇ كىشى مەيلى بىزنىڭ دۈشمىنىمىز بولغان تەغدىردىمۇ ئۇ بىزگە چېقىلمايدىكەن بىزمۇ ئۇنىڭغا چېقىلماسلىق ، ئەگەردە بىزگە چېقىلىدىكەن بىزمۇ چېقىلىشتەك )ھەق تەۋسىيەلىرنى قۇبۇل قىلىپ تەقۋادارلىقنى ئۆزىگىلا قىلغان تەقۋادارلار بىلەن بىللە ئىكەنلىكىنى بىلىۋالغىلى بۇلىدۇ . شۇنداقلا جانابى ئاللاھ !  ئۆزلىرگە قىلىنغان ۋەز -نەسىيئەتلەرنى قۇبۇل قىلىپ ، ئۆزىنىڭ ئەمىرىنى بىجا كەلدۈرۈ ش ، مەنى قىلىنغان ئىشلاردىن ساقلىنىش بىلەن ئۆزىگە تەقۋادارلىق قىلغانلار بىلەن بىللە بۇلىدىغانلىقى بىلەن ، دىمەك تەقۋادارلارغا : ئۆزىنىڭ  ياردىمىدىن ئۈمۈدۋار بۇلىدىغانلىقى بىلەن خوش خەۋەر بىرىپ قۇرئان كەرىمدە مۇنداق دىگەن :  يەنى[شۈبھىسىزكى، ئاسمان ۋە زىمىن يارىتىلغاندىن تارتىپ (قەمەرى)ئايلارنىڭ سانىئاللاھ نىڭ دەرگاھىدا (يەنى لەۋھۇلمەھپۇزدا) 12دۇر، ئۇلاردىن تۆتى (يەنى زۇلقەئدە، زۇلھەججە، مۇھەررەم، رەجەپ) ئۇرۇش قىلىش ھارام قىلىنغان ئايلاردۇر، بۇ توغرا دىندۇر (يەنى مەزكۇر تۆت ئايدا ئۇرۇشنىڭ ھارام قىلىنىشى ئاللاھ نىڭ توغرا دىنىدۇر)، بۇ ئايلاردا(ئۇلارنىڭ ھۈرمىتىنى ساقلىماسلىق بىلەن، ئاللاھ  چەكلىگەن گۇنا ئىشلارنى قىلىش بىلەن) ئۆزەڭلارغا زىيان سالماڭلار، مۇشرىكلار سىلەرگە بىرلىكتە ھۇجۇم قىلغاندەك، سىلەرمۇ ئۇلارغا قارشى بىرلىكتە ئۇرۇش قىلىڭلار. بىلىڭلاركى،ئاللاھ تەقۋادارلار بىلەن بىللىدۇر (يەنى ئاللاھ  نىڭ ئەمرىنى بەجا كەلتۈرۈش، مەنئى قىلغان ئىشلىرىدىن چەكلىنىش بىلەن ئاللاھ دىن قورققۇچىلارغا ئاللاھ نىڭ ياردەم بېرىدىغانلىقىغا ئىشەنچىدە بولۇڭلار)]9-سۈرە (36). شۇنداقلا جانابى ئاللاھ !  دوس تۇتۇشتىمۇ يەنىلا شۇ ئەھتىگە ۋاپا قىلىپ  ، خىيانەت قىلمىغان ،  قۇرقۇشتا پەقەت يالغۇز ئۆزىدىنلا قورقۇپ ، مەيلى ئۇ كىملەر بىلەن مۇئاھىدە تۈزسۇن  شۇ تۈزگەن مۇئاھىدىگە ئۇنىڭ  ۋاختى توشقۇچە رىئايە قىلالىغان تەقۋادارلارنىلا دوس تۇتىدىغانلىقى بىلەن خوشخەۋەر بىرىپ يەنى قۇرئان كەرىمدە مۇنداق دىگەن :  يەنى[ئەمما مۇشرىكلار ئىچىدىكى سىلەر بىلەن مۇئاھىدە تۈزىگەن، مۇئاھىدىگە ھېچقانداق خىلاپلىق قىلمىغان، سىلەرگە قارشى ھېچقانداق ئادەمگە ياردەم بەرمىگەنلەرگە كەلسەك، ئۇلار بىلەن تۈزگەن بۇ مۇئاھىدىگە ئۇنىڭ ۋاقتى توشقانغا قەدەر رىئايە قىلىڭلار، شۇبھىسىزكى، ئاللاھ  تەقۋادارلارنى دوست تۇتىدۇ]9-سۈرە (4). يەنى[ئاللاھ  نىڭ ۋە ئۇنىڭ پەيغەمبىرىنىڭ قارىشىچە، (ئەھدىگە ۋاپا قىلمايدىغان) مۇشرىكلاردا قانداقمۇ مۇئاھىدە دېگەن نەرسە بولسۇن؟ ئەمما مەسجىدى ھەرام قېشىدا سىلەر بىلەن ئەھدە تۈزۈشكەن مۇشرىكلار ئەگەر ئەھدىسىگە ۋاپا قىلىدىكەن، سىلەرمۇ ۋاپا قىلىڭلار، شۇبھىسىزكى،ئاللاھ تەقۋادارلارنى (يەنى پەرۋەردىگارىدىن قورققان، ئەھدىسىگە ۋاپا قىلغان، خىيانەت قىلمىغانلارنى) دوست تۇتىدۇ]9-سۈرە (7). جانابى ئاللاھ ! تەقۋادارلارنىڭ شۇ تەقۋادارلىقى ئۈچۈن  ئۇلارغا  مۇشۇ ھاياتى دۇنيادىلا خاتىرجەملىك ئاتا قىلىش بىلەن ، ئاخىرەت يۇرتىدا جەننەتتىن ئىبارەت كاتتا ئىنئام بىلەن مۇكاپاتلايدىغانلىقى توغرىسىدا  خوش خەۋەر بىرىپ قۇرئان كەرىمدە مۇنداق دىگەن: يەنى[ئۇلار ئاستىدىن ئۆستەڭلار ئېقىپ تۇرىدىغان ئەدنى جەننەتلىرىگە كىرىدۇ، ئۇ يەردە ئۇلارنىڭ كۆڭلى خالىغان نەرسىلەر تېپىلىدۇ، ئاللاھ تەقۋادارلارنى ئەنە شۇنداق مۇكاپاتلايدۇ]16-سۈرە (31). يەنى[شۈبھىسىزكى، سېنىڭ پەرۋەردىگارىڭ خالىغان ئادەمنىڭ رىزقىنى كەڭ قىلىدۇ، خالىغان ئادەمنىڭ رىزقىنى تار قىلىدۇ، ئاللاھ  ھەقىقەتەن بەندىلىرىنىڭ (ئەھۋالىنى، مەنپەئىتىنى) بىلىپ تۇرغۇچىدۇر، كۆرۈپ تۇرغۇچىدۇر]15-سۈرە (30). يەنى[ ئاندىن ئەڭ تەقۋادارلارنى (جەھەننەمدىن) قۇتقۇزىمىز، زالىملارنى جەھەننەمدە تىزلىنىپ ئولتۇرغان ھالدا قويىمىز]19-سۈرە(72). يەنى[شۇ كۈندە (يەنى قىيامەت كۈنىدە) تەقۋادارلارنى مەرھەمەتلىك پەرۋەدىگارنىڭ دەرگاھىغا ئىززەت- ئىكرام بىلەن يىغىمىز19-سۈرە (85). يەنى[تەقۋادارلارغا: «پەرۋەردىگارىڭلار (پەيغەمبىرىگە) نېمىلەرنى نازىل قىلدى؟» دېيىلسە، ئۇلار: «ياخشى سۆزلەرنى نازىل قىلدى» دېيىشىدۇ. ياخشى ئىش قىغۇچىلار بۇ دۇنيادا مۇكاپاتلىنىدۇ، ئاخىرەت يۇرتى (ئۇلار ئۈچۈن تېخىمۇ) ياخشىدۇر. تەقۋادارلارنىڭ يۇرتى راستلا نېمىدېگەن گۈزەل!]16-سۈرە (30). شۇڭلاشقا ھەي ئىنسانلار ! تەقۋادارلار ھەققىدىكى ئاللاھ نىڭ ھەق تەۋسىيەلىرى شۇنداق بولغان ئىكەن ، شۇ ھەقىيقەتلەر ئىسىمىزدە بولسۇنكى ، ئاللاھ نىڭ رەھمىتىگە ئىرىشىپ  ، ئاللاھ نىڭ  دوسلۇقىنى قولغان كەلدۈرۈپ ، ئىككىلا دۇنيانىڭ نىجاتلىقىنى قولغا كەلدۈرۈشىمىز ئۈچۈن . جانابى  ئاللاھ نىڭ قانۇن  پىرىنسىپلىردىن ھالقىپ كەتمەي تەقۋادارلاردىن بۇلۇش ئۈچۈن قۇرئان كەرىمنى ساھەلىرىمىزنىڭ ھەر بىر ساھەلىرگە قانۇن قىلىپ ماڭايلى ! مەنبە : قۇرئان كەرىمگە ئاساسلىنىپ ئۆز ئىلھامىمدىن يېزىلدى .

nurjula

	ئىنشائاللا قەلىمىڭىز بەرىكەتلىك بولسۇن! ئادەم قۇرئان كەرىمنى قانچە چۈشىنىپ ئوقۇغانچە شۇنچە زېھنى ئېچىلىدىكەن! سەھەردە قۇرئان كەرىمدىكى مۇنۇ قۇرلارنى ئوقۇۋىتىپ شۇنداق يىغا تۇتۇپ كەتتى. يىگىرمە تۆتىنجى پارە: (ئى مۇھەممەت مىنىڭ تىلىمدىن) ئېيىتقىنكى، »گۇناھلارنى قىلىۋىرىپ) ئۆزلىرىگە جىنايەت قىلغان بەندىلىرىم! اللە نىڭ رەھمىتىدىن ئۇمىتسىزلەنمەڭلار، اللە ھەقىقەتەن ( خالىغان ئادەمنىڭ ) جىمى گۇناھلىرىنى مەخپىرەت قىلىدۇ،شۈبىھسىزكى اللە ئىنتايىن مەغپىرەت قىلغۇچىدۇر، ناھايتتى مېھىرباندۇر(53) سىلەرگە ئازاپ كېلىپ، ياردەمگە ئېرىشەلمىگىنىڭلاردىن بۇرۇن پەرۋەردىگارىڭلار تەرەپكە قايىتىڭلار ۋە ئۇنىڭغا ئىتائەت قىلىڭلار(54) سىلەر تۇيمىغان ھالەتتە سىلەرگە ئازاپنىڭ ئۇشتۇمتۇت كېلىشىدىن ئىلگىرى سىلەرگە نازىل قىلىنغان ئەڭ گۈزەل قۇرئانغا ئەگىشىڭلار(55) شۇنى ئويلاپ قالدىمكى جانابى ئاللاھ بىزگە شۇنچلىك كۆپ نىمەتلەرنى ئاتاقىلىپ، يەنە گۇناھلىرىمىزنى يۇيىۋىلىش ئۈچۈن شۇنچە كۆپ پۇرسەتلەرنى بېرىۋاتسا بىز نىمىمۇ قىلىپ يۈرىۋاتىدىغاندىمىز ھە!   54- 55- ئايەتلەر ئارقىلىق، بىزنى شۇنچىلىك ئىنىق ھالدا ئاگاھلاندۇرۇپ تۇرىۋاتسىمۇ  بىز يەنە نىمشىقا ھوشىمىزنى تېپىپ بولالمايدىغاندىمىز ھە!   مەن دەل ھازىر شۇ بىئارامچىلىقتا! تېمىڭىزغا رەھمەت ئارزۇ ئۇمىت! بىزنى پات پات سەگەكلەشتۈرۈپ تۇرغىنىڭىزغا رەھمەت!

10101010BAHAR

	قىرىندىشىم ئەجرىڭىزگە رەخمەت.ئاللا رەخمەت ئاتا قىلغاي.ھەممىمىزگە ئۇلۇغ ئاللانىڭ ھىدايەەت ئاتا قىلىشنى،ھەر ئىككىلا دۇنيادا سائادەتمەن بەندىلىرىدىن قىلىشىنى تىلەيمەن.

jassurman

	ئەجىرىڭىزگە تەشەككۈر! جانابى ئۇلۇغ ئاللاھتىن نامازنى ۋاقتىدا ئوقۇيالايدىغان تەقۋادار مۆمىنلەر قاتاردىن قىلىشنى تىلەيمەن!

alimjan1231

	«خۇشۇئ»نى ھاسىل قىلىشنىڭ چارىلىرى تۆۋەندىكىچە: 1. «خۇشۇئ»نى ھاسىل قىلىشنىڭ ئەڭ ئالدىنقى چارىسى نامازدا تۇرىۋاتقان كىشى ئۆزىنىڭ نېمە دەۋاتقانلىقى ۋە نېمە قىلىۋاتقانلىقىنى بىلىشى، خۇددى ئاللاھ تائالانى كۆرۈپ تۇرىۋاتقاندەك ھېس – تۇيغۇ بىلەن ئۇنىڭغا مۇناجات قىلىشتىن ئىبارەتتۇر. ئىنسان نامازنىڭ ھالاۋىتىنى قانچىلىك كۆپ تېتىغانسېرى ئۇنىڭ نامازغا بولغان ئىشتىياقى شۇنچىلىك زور ئاشىدۇ. بۇ ئىماننىڭ كۈچىگە قاراپ بولىدۇ. شۇڭا پەيغەمبەر ئەلەيھىسسالام: «ناماز مېنىڭ كۆڭۈل شادلىقىم قىلىندى»دېگەن. شۇڭا ئۇ مۇئەززىن بىلال رەزىيەللاھۇ ئەنھۇغا: «ئى بىلال! بىزنى ناماز بىلەن راھەتلەندۈرگىن»دېگەن. 2. نامازدىكى رۇكۇ ۋە سەجدىلەر ئارىسىدىكى يۆتكىلىشلەرنى ئالدىرىماستىن تەمكىنلىك بىلەن قىلىش، ھەر بىر يۆتكىلىشتە ئورگانلار ئۆز ئورنىغا تولۇق كېلىپ بولغىچىلىك ئارام ئېلىش. « پەيغەمبەر ئەلەيھىسسالام (نامازدىكى ھەر بىر يۆتكىلىشتە) ھەر بىر سۆڭەك ئۆز ئورنىغا كېلىپ بولغىچىلىك ئارام ئالاتتى»([1]). ئەبۇ قەتادە رەزىيەللاھۇ ئەنھۇدىن رىۋايەت قىلىنىدۇكى: « پەيغەمبەر ئەلەيھىسسالام ”ئوغرىلارنىڭ ئەڭ يامىنى ئۆزىنىڭ نامىزىنى ئوغۇرلايدىغانلاردۇر“ دېگەندە، ساھابىلار، ”يارەسۇلەللاھ! بىراۋ نامىزىنى قانداق ئوغۇرلايدۇ؟“ دەپ سورىشىدۇ، پەيغەمبەر ئەلەيھىسسالام ئۇلارغا جاۋاب بېرىپ: ” نامازنىڭ رۇكۇ ۋە سەجدىلىرىنى تولۇق قىلمايدىغانلار ئۆزلىرىنىڭ نامازلىرىنى ئوغۇرلىغۇچىلاردۇ“ دەيدۇ»([2]). نامازنى ئالدىراپ ئوقۇغان كىشىنىڭ «خۇشۇئ» نى ھاسىل قىلىشى مۇمكىن ئەمەس. چۈنكى نامازدىكى تېزلىك «خۇشۇئ» غا پۇرسەت بەرمەيدۇ. 3. نامازدا ئۆلۈمنى ياد ئېتىش. پەيغەمبەر ئەلەيھىسسالام بىر ساھابىگە مۇنداق دېگەن: « نامىزىڭدا ئۆلۈمنى ياد ئەتكىن، چۈنكى نامىزىدا ئۆلۈمنى ياد ئەتكەن كىشى نامىزىنى ياخشى ئادا قىلالايدۇ. نامىزىڭنى خۇددى ئۆمرىنىڭ ئەڭ ئاخىرقى قېتىملىق نامىزىنى ئوقۇغان كىشىدەك ئوقۇغىن»([3]). تەبىئىيكى، ئۆلۈش ئالدىدىكى ئەڭ ئاخىرقى قېتىملىق نامازنى ئوقۇغان ئادەم بۇ نامازنى چوقۇم ۋايىغا يەتكەن« خۇشۇئ»بىلەن ئوقۇيدۇ. 4. نامازدا ئوقۇلغان قىرائەت، دۇئا ۋە تەسبىھلەرنى بىلىپ، ئويلاپ ئوقۇش ۋە بۇلار ئۈستىدە پىكىر يۈرگۈزۈش. قۇرئان كەرىم پىكىر يۈرگۈزۈپ ئىبرەت ۋە ۋەز – نەسىھەت ئېلىش ئۈچۈن چۈشكەن ئىلاھىي كىتاب.: «(بۇ) ئۇلارنىڭ ئايەتلەرنى تەپەككۇر قىلىشلىرى ئۈچۈن، ئەقىل ئىگىلىرىنىڭ ۋەز – نەسىھەت ئېلىشلىرى ئۈچۈن بىز ساڭا نازىل قىلغان مۇبارەك كىتابتۇر»([4]). قۇرئان كەرىم ئايەتلىرى ئۈستىدە تەپەككۇر قىلىش ئۈچۈن بۇ ئايەتلەرنىڭ مەنىسىنى بىلىش شەرت. شۇڭا ئايەتلەرنىڭ مەنىسىنى بىلمەيدىغانلار نامازدا ئوقۇلىۋاتقان قىرائەتكە «مەن ئاللاھ تائالاغا مۇناجات قىلىۋاتىمەن، ئۇ ماڭا خىتاب قىلىۋاتىدۇ» دېگەن ھېس – تۇيغۇ بىلەن قۇلاق سالسا يېتەرلىكتۇر. ئۆزى يالغۇز ناماز ئوقۇغان كىشىمۇ، ئۆزى ئوقۇغانلىرىنى شۇنداق ھېس – تۇيغۇ بىلەن ئوقۇشى تەلەب قىلىنىدۇ. قۇرئان كەرىمنى قانداق ئاڭلاش كېرەك؟ قۇرئان كەرىمنى مۇنۇ ئايەتتە سۈپەتلەنگەن مۆمىنلەرگە ئوخشاش ئاڭلاش كېرەك: «ئاللاھنىڭ رەھمىتىگە ئېرىشىشىڭلار ئۈچۈن، قۇرئان ئوقۇلغان چاغدا، ئۇنى دىققەت بىلەن ئاڭلاڭلار ۋە جىم تۇرۇڭلار»([5]). 5. نامازدا ئوقۇلغان قۇرئاننى ئايەت – ئايەت ئوقۇش. ئۇممۇ سەلەمە رەزىيەللاھۇ ئەنھا (پەيغەمبەر ئەلەيھىسسالامنىڭ ئايالى) پەيغەمبەر ئەلەيھىسسالامنىڭ قىرائىتىنى بايان قىلىپ مۇنداق دېگەن: »پەيغەمبەر ئەلەيھىسسالام قىرائەت قىلغاندا ھەر بىر ئايەتنى ئوقۇپ بولغاندىن كېيىن توختايتتى، ئاندىن ئىككىنچى ئايەتنى باشلايتتى. ﴿بِسْمِ اللَّهِ الرَّحْمنِ الرَّحِيمِ﴾دىن كېيىن توختاپ، ئاندىن﴿الْحَمْدُ للّهِ رَبِّ الْعَالَمِينَ﴾ نى ئوقۇپ توختايتتى، ئاندىن يەنە ﴿الرَّحْمنِ الرَّحِيمِ﴾نى ئوقۇپ توختايتتى، ئاندىن﴿مَالِكِ يَوْمِ الدِّينِ﴾نى ئوقۇپ بولۇپ توختايتتى، سۈرىنىڭ ئاخىرىغىچە شۇنداق ئوقۇيتتى»([6]). ھەر بىر ئايەتنىڭ بېشىدا توختاش سۈننەتتۇر. گەرچە ئالدىنقى ئايەتنىڭ مەنىسى كېيىنكى ئايەت بىلەن مۇناسىۋەتلىك بولسىمۇ، بۇ ئىككى ئايەت ئوتتۇرىسىدا توختاش ئەۋزەلدۇر. ھەر بىر ئايەتتىن كېيىن توختاپ ئوقۇش « خۇشۇئ» نىڭ ھاسىل بولىشى ئۈچۈن پايدىلىقتۇر. 6. قۇرئاننى ھەر بىر ھەرپنى دانە – دانە چىقىرىپ تەرتىل بىلەن ئوقۇش.« پەيغەمبەر ئەلەيھىسسالام قىرائەتنى ھەرپ –ھەرپ تەپسىر قىلغاندەك ئوچۇق ئوقۇيتتى»([7]). «پەيغەمبەر ئەلەيھىسسالام بىرەر سۈرىنى قىرائەت قىلغاندا، ئۇنى ئەڭ ئۇزۇن ئوقۇغان ھەر قانداق كىشىدىنمۇ ئۇزۇن ئوقۇيتتى»([8]). چۈنكى قىرائەتنى تەرتىل بىلەن قىلىش شۇ ئايەت ئۈستىدە تەپەككۇر قىلىشقا تۈرتكە بولىدۇ، تەپەككۇر «خۇشۇئ» غا تۈرتكە بولىدۇ. 7. نامازدا ئاللاھ تائالا ماڭا سۆز قىلىۋاتىدۇ، دېگەن ھېس – تۇيغۇ بىلەن تۇرۇش. پەيغەمبەر ئەلەيھىسسالام ھەدىس قۇدسىدا مۇنداق دېگەن: «ئاللاھ ”نامازنى مەن بىلەن بەندەمنىڭ ئارىسىدا ئىككىگە بۆلدۈم. بەندەم ئۈچۈن سورىغىنىنى بېرىمەن“ دېدى. بەندە ﴿الْحَمْدُ للّهِ رَبِّ الْعَالَمِينَ﴾ دېگەندە، ئاللاھ «بەندەم مېنى مەدھىيەلىدى» دەيدۇ. ئۇ ﴿الرَّحْمـنِ الرَّحِيمِ﴾ دېگەندە، ئاللاھ: « بەندەم ماڭا ھەمدۇ سانا ئېيتتى» دەيدۇ. ئۇ ﴿مَالِكِ يَوْمِ الدِّينِ﴾ دېگەندە، ئاللاھ: «بەندەم مېنى ئۇلۇغلىدى»دەيدۇ. ئۇ﴿إِيَّاكَ نَعْبُدُ وإِيَّاكَ نَسْتَعِينُ﴾دېگەندە، ئاللاھ: «بۇ مەن بىلەن بەندەم ئوتتۇرىسىدىكى ئىش، بەندەم ئۈچۈن سورىغىنى بار» دەيدۇ. ئۇ ﴿اهدِنَــــا الصِّرَاطَ المُستَقِيمَ. صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ﴾ دېگەندە، ئاللاھ: «بەندەمنىڭ بۇ تىلىگىنى قوبۇل قىلدىم. بەندەم ئۈچۈن سورىغىنىنى بېرىمەن» دەيدۇ»([9]). نامازدا تۇرغان ئادەم فاتىھە سۈرىسىنى ئاللاھ تائالا ماڭا سۆز قىلىۋاتىدۇ مەن ئۇنىڭغا مۇناجات قىلىۋاتىمەن، ئاللاھ تىلىگەنلىرىمنى بېرىدۇ، دېگەن ھېس – تۇيغۇ بىلەن ئوقۇيدىكەن، چوقۇم «خۇشۇئ» نى ھاسىل قىلالايدۇ ۋە تىلىگەنلىرىگە ئېرىشىدۇ. مەنبە:http://www.ineyat.com/?p=2253

cholpan

	ياخشى تىمىلىرىڭىز ئۈزۈلمىسۇن.

axek13999649893

	رەھمەت قەلىمىڭىزگە  دەرت كەلمىسۇن

arkin.jan

	ئۇلۇق اللاھ تىنىڭىزنى سالامەت ئىشلىرڭىزنى كۇڭۇللۇك قىلغاي قوللىرڭىزداۋاملىق مىدىرلاپ تۇرغاي.

hiyal0097

	ئەجرىڭىگە رەھمەت قېرىندىشىم ، بەك ياخشى تېما ئىكەن .

dolantograk004

	nurjula يوللىغان ۋاقتى  2012-5-6 11:57 AM ئىنشائاللا قەلىمىڭىز بەرىكەتلىك بولسۇن! ئادەم قۇرئان  ... ئۆزىنى تۇنۇغان ئادەمدىنمۇ ياخشى ئادەم بولمىسا كىرەك خالىس تەۋبە قىلسىڭىزلا ناھايىتى كەڭىيىپ قالغندەكلا ھىس قىلىسىز