5-ئاينىڭ 5-كۈنى (ئۇيغۇر دوپپا مەدەنىيەت بايرىمىغا بېغىشلايمەن)

jenggiwar

	ئەسسالامۇ-ئەلەيكۇم تورداشلار ! ھەممەيلەنننىڭ دوپپا مەدەنىيەت بايرىمىغا مۇبارەك بولسۇن !ئاز بولسىمۇ بۇ شېئىرىمنى ھوزۇرىڭلارغا سۇندۇم، تەلىم بەرگەيسىلەر ... 5-ئاينىڭ 5-كۈنى ( ئۇيغۇر دوپپا مەدەنىيەت بايرىمىغا بېغىشلايمەن) بىلەمسىلەر بۈگۈن قانداق كۈن ؟ 5-ئاينىڭ 5-كۈنى ، "جەڭگىۋار"نىڭ تۇغۇلغان كۈنى . بىلەمسىلەر زادى قانداق كۈن؟! ئاڭلانمىدى ھېچكىمنىڭ ئۈنى . كۆرۈپتىمەن تۈنۈگۈن كېچىدە ، شۇنچە تاتلىق ئاجايىپ بىر چۈش . ... دوپپا كېيگەن ئۇيغۇرۇم بىلەن ، گۈلزارلىققا ئايلانغان دۇنيا . ھەممە يەردە بايرام قاينىمى ، شوخ يىگىتلەر سالماقتا ساما . دېدىم شۇنداق ھاياجان بىلەن ، يەنە كىمدە  بۇنداق بايرام بار . ماڭا ئاتاپ تىككەن دوپپاڭنى ، شوخ ناز بىلەن ئېلىپ كەلگىن يار . ... كۆرگەنلىرىم چۈش ئىكەن ئەسلى ، قاچان كېلەر شۇ دوپپا پەسلى . تۇرار ئىدى شۇ توپىلىق يولدا ، دوپپا كېيگەن نەۋرىسى بىلەن ، بەكمۇ مىسكىن بىر ئۇيغۇر بوۋاي . چۈنكى ئوغلى دوپپىنى تاشلاپ ، مەدەنىيەتلىك بوپ كەتتى ھاي-ھاي! قاتنىمىسا بوپتۇ ترامۋاي ، كۈلۈپ تۇرغىن سۆيۈملىك بوۋاي . مەنمۇ سېنىڭ ئۆز ئوغلۇڭغۇ ، ئانام تىككەن شۇ دوپپام بىلەن ، مەن ئۆيۈڭگە ئۇيغۇرچە باراي . ئۇيغۇر دېگەن ئۇيغۇرغا مېھمان ، چىن سۆزۈمنى ئاڭلا ،قىز-ئوغلان . گۈل چېكىلگەن شۇ بادام دوپپا ، گىلەم دوپپا ، چىمەن دوپپا ، چىكەن دوپپا ، ... شۇنچە مەيۈس تامغا ئېسىلغان ، تامغا ئەمەس دارغا ئېسىلغان . دوپپا ئەمەس تامنىڭ زىننىتى ، دوپپا دېگەن ئۇيغۇر قىممىتى . ياڭراپ كەتتى شۇنداق بىر سادا ، دوپپا دېگەن ئۇيغۇرنىڭ ئەسلى . قەيەردىسەن ؟زادى قەيەردە ؟! ئوغۇز ئەۋلادى ئۇيغۇرنىڭ نەسلى ! 5-ئاينىڭ 5-كۈنى ، ئانام تىككەن دوپپامنى كېيىپ ، ئايلانماقچى بولدۇم دۇنيانى . بىلەمسىلەر بۈگۈن قانداق كۈن ؟ 5-ئاينىڭ 5- كۈنى ، «ماركىس»نىڭ ھەم تۇغۇلغان كۈنى . بىلەمسىلەر زادى قانداق كۈن ؟! ئاڭلىنارمۇ ئۇيغۇرنىڭ ئۈنى . 2010- يىلى 5-ئاينىڭ 5- كۈنى ،(شاڭخەي) مەنبە:جەڭگىۋار (ئۆز قەلىمىم ) ）(ئىلگىرى يازغان شېئىرىم ئىدى، بۈگۈنكىدەك قۇتلۇق كۈندە ھوزۇرىڭلارغا سۇنۇشنى لايىق كۆردۈم، تەلىملىرىڭلارنى ئايىمىغايسىلەر...)

Asman

	ئەسسالامۇ ئەلەيكۇم ، ئالدى بىلەن ھەممىڭلارنىڭ دوپپا مەدەنىيەت بايرىمىنىڭ خۇشال-خۇرام ئۆتۈشىنى ئۈمۈد قىلىمەن! 2010-يىلى مۇشۇ كۈندە داڭلىق مۇنبىرىدە ئوقۇغان ئىدىم بۇ شېئىرىڭىزنى ، ئىككى يىلدىن كىيىنكى مۇشۇ خۇشاللىق كۈنلەردە قايتا كۆرۈشكە نېسىپ بولغىنىدىن خۇشاللىنىۋاتىمەن. نادىر ئىجادىيەتلىرىڭىز ئۈزۈلمىسۇن!

axek13999649893

	بىز  ئۇيغۇرلارنىڭ  بايررىمى      مۇبارەك بولسۇن  مۇبارەك بولسۇن مۇبارەك بولسۇن  ەي  مۇبارەك بولسۇن

othor

	مونالىساغا  دوپپابىلەن ئەتلەس كۆينەك ئەجەپ يارىشىپتۇ.

mahliya

	تۇغۇلغان كۈنۈمنىڭ مۇشۇنداق قۇتلۇق بايرام قىلىپ بىكىتىلگىنىگە خۇشال بولۇۋاتىمەن.

tax1

	ھەممىڭلارنىڭ قۇتلۇق بايرىمىڭلارغا مۇبارەك بولسۇن!!

uyghur0908

	بىزنىڭ مەدىنىيىتىمىز ھەممە يەردە قەدىرلىنىۋاتسا  ئۆزىمىزنىڭ ئىچىدە ئۇنى بۇزالماي ئاۋارە~~

Tatar-Oghli

nurjula

	مەنمۇ بۈگۈن چىمەن دوپپا كىيىپ دوپپا بايرىمىمىزنى تەبىرىكلەپ قوياي دەپ ئويلىغان، بىراق ئۆيدىن سىرىتقا چىقىش نىسىپ بولمىدى دىسە! شۇنداق ئوبدان شېئىر ئىكەن!

zapar

	مۇبارەك ، مۇبارەك مۇبارەك بولسۇن.