جانابى ئاللاھ ! رىزىق بەرگۈچىلەرنىڭ ئاڭ ياخشىسىدۇر .

arzuumut

	ئەسسىلامۇ ئەلەيكۇم مۇنبەرداشلار  ! ناھايىتى شەپقەتلىك ۋە مېھرىبان ئاللاھ نىڭ نامى بىلەن سۆزلەيمەن . ئىسلامدا ئىشلار ئۇنداق بىز ئىنسانلار  تەسەۋۇر قىلغاندەك ئىنسانلارنىڭ نەپسى خاھىشلىرغا باقمايدۇ .دىمەك پەقەت يالغۇز  ئاللاھ نىڭلا خاھىشىغا باقىدۇ . يەنى ئىنسانلارنىڭ دىلىنى جانابى ئاللاھ ئۇلارنىڭ نەپسى خاھىشلىرى بۇيىچە ئەمەس بەلكى ئۆز خاھىشى بۇيىچە باشقۇرۇپ تۇرىدۇ . يەنى [ئى مۆمىنلەر!ئاللاھ ۋە ئۇنىڭ پەيغەمبىرى سىلەرنى تىرىلدۈرىدىغان (يەنى ئەبەدى ھاياتقا ئېرىشتۈرىدىغان) ئىمانغا دەۋەت قىلسا، ئۇنى قوبۇل قىلىڭلار. بىلىڭلاركى، ئاللاھ  كىشى بىلەن ئۇنىڭ قەلبى ئارىسىدا توسالغۇ بولالايدۇ (يەنى كىشىنىڭ دىلىنى ئىگىسىنىڭ خاھىشى بويىچە ئەمەس، بەلكى ئۆز خاھىشى بويىچە تەسەررۇپ قىلىدۇ). (قىيامەت كۈنى) سىلەر ئاللاھ نىڭ دەرگاھىغا يىغىلىسىلەر]8-سۈرە (24). دىمەك بىز ئاللاھ نىڭ دىللىرىمىزنى ھەقتىن بۇرىۋەتمەسلىكى ئۈچۈن تەقۋادارلىقىمىزنى پەقەت يالغۇز ئاللاھ غىلا قىلىپ .رىزىق يوللىردىكى تىجارىتىمىزدە پەقەت يالغۇز ئاللاھ غىلا تەۋەككۇل قىلايلى ! چۈنكى جانابى ئاللاھ بىزگە رىزىق بەرگۈچىلەرنىڭ ئەڭ كاتتا ياخشىسى بۇلۇپ . قۇرئان كەرىمدە بىزگە ئايەتلىرنى ئارزان باھادا سېتىۋەتمەسلىككە ، قۇرئاننى ئىنكار قىلماسلىققا ، ئۆزىگىلا تەقۋادارلىق قىلىپ ، رىزىقنى پەقەت يالغۇز ئۆزىدىنلا تىلەشكە تەۋسىيە قىلىپ قۇرئان كەرىمدە مۇنداق دىگەن: يەنى[مەن نازىل قىلغان تەۋراتنى تەستىق قبلغۇچى قۇرئانغا ئىمان كەلتۈرۈڭلار، قۇرئاننى بىرىنچى بولۇپ ئىنكار قىلغۇچى بولماڭلار، ئايەتلىرىمنى ئەرزان باھادا سېتىۋەتمەڭلار، ماڭىلا تەقۋادارلىق قىلىڭلار]2-سۈرە(41). ھەقىيقەتلەر شۇنداق يۇقارقىدەك بولغان ئىكەن يەنى ئىنسانلارنىڭ ئۆز نەپسى خاھىشلىرىغا ئەگىشىپ ئاللاھ نىڭ ئايەتلىرنى مەيلى ئۇ قايسى يوللار بىلەن بولسۇن كىشىلەرگە تەبلىق قىلىپ بىرىپ بۇنىڭ ئۈچۈن ھەق ئالىدىكەن ئۇ ئاللاھ نىڭ ئايەتلىرنى ئەرزان باھادا سېتىۋەتكەنلىك بۇلۇپ ،  ئۇلارنىڭ شۇ يىگەن  مېلى ھارامدۇر . يەنى[ئاللاھ كىتابتا (يەنى تەۋراتتا) نازىل قىلغان نەرسىلەرنى يوشۇردىغان ۋە ئۇنى ئازغىنا پۇلغا ساتىدىغانلارنىڭ قارنىغا يېگىنى پەقەت ئوتتۇر(چۈنكى ئۇلارنىڭ يېگەن شۇ ھارام مېلى ئۇلارنى دوزاخقا ئىلىپ بارىدۇ)، قىيامەت كۈنى ئاللاھ ئۇلارغا (ئۇلارنى خوشال قىلىدىغان) سۆز قىلمايدۇ، ئۇلارنى گۇناھلىرىدىن) پاكلىمايدۇ، ئۇلار قاتتىق ئازابقا دۇچار بولىدۇ]2-سۈرە (174). چۈنكى پەيغەمبىرىمىزمۇ ئۈممەتلەرگە : قۇرئاننى تىلاۋەت قىلىپ بىرەتتى ، نامازنى باشلاپ ئۇقۇپ بىرەتتى .  دىمەك شۇ ئاللاھ نىڭ ئەلچىلىرىمۇ دىن يۇلىدا كەتكەن ئەجىرلىرى ئۈچۈن ، ئەجىرنى مەخلۇقاتلاردىن تىلىمەستىن ئاللاھ دىنلا تىلىگەن  . بۇ ھەقتە جانابى ئاللاھ قۇرئان كەرىمدە يەنى مۇنداق دىگەن : يەنى[تەبلىغ قىلغانلىقىمغا سىلەردىن ھېچقانداق ھەق تەلەپ قىلمايمەن، ئۇنى پەقەت ئالەملەرنىڭ پەرۋەردىگارىدىن تىلەيمەن]26-سۈرە (109). يەنى[ئېيتقىنكى، «سىلەردىن ھېچقانداق ھەق تەلەپ قىلغىنىم يوق، ئۇ سىلەرگە بولسۇن؛ ئەجرىمنى پەقەت ئاللاھ  دىن تىلەيمەن.ئاللاھ ھەممە نەرسىنى كۆزىتىپ تۇرغۇچىدۇر»]34-سۈرە (47). دىمەك يۇقارقىدەك ھەقىيقەتلەر شۇلارنى ئىسپاتلايدۇكى ، نىكاھلاش ئىشىغا كەلسەكمۇ بۇ ھەقتە قۇرئان كەرىمدە ئىمان ئېيتقانلارنى- ئىمان ئېيتقانلارغا نىكاھلاش . ئەگەردە ئىمان ئېيتمىغۇچىلار بولىدىكەن ئۇلارنى نىكاھلىغان بىلەنمۇ ئۇلارغا نىكاھنىڭ چىشلىمەيدىغانلىقى ، بۇنىڭ ئۈچۈن ھەممە ئادەم ئالدى بىلەن ياراتقۇچىسىسىغا ئىمان كەلدۈرۈشنىڭ زۆرۈرلىكىنى تەكىتلەش توغرىسىدا ئاللاھ نىڭ تەۋسىيەلىرى بار بۇلۇپ ، ئەنە شۇلارغا ئاللاھ نىڭ رىزالىقى ئۈچۈن ئىنسانلارنى دەۋەت قىلىش كىرەك!  بىز مۇشۇنداق ھەقىيقەتلەردىن  ئەنە شۇنداق دىن يۇلىدا قىلىنغان دەۋەتلەرگىمۇ ئەجىرنى مەخلۇقلاردىن تەلەپ قىلماستىن ، بەلكى ئاللاھ دىنلا تەلەپ قىلىشنىڭ  كىرەكلىكىنى .  شۇنداقلا جانابى ئاللاھ نىڭ رىزىق بەرگۈچۈلەرنىڭ ئاڭ ياخشىسى ئىكەنلىكىنى بىلىۋالغىلى بولىدۇ .  شۇڭلاشقا بىز قۇرئان كەرىمدە بايان قىلىنغان ئاللاھ نىڭ ھەق تەۋسىيەلىرگە ئاساسەن :يەنى[ېدمەريەم ئوغلى ئىسا: «ئى پەرۋەردىگارىمىزئاللاھ ! بىزگە ئۈستىدە تاماق بار داستىخان چۈشۈرگىن، بۇ كۈن بىزلەرگە ۋە كېيىنكىلەرگە بايرام بولۇپ قالسۇن، ئۇ داستىخان سەندىن بىزگە (قۇدرىتىڭنى ۋە پەيغەمبەرلىكىمنى كۆرىسىتىدىغان) بىر مۆجىزە بولۇپ قالسۇن. بىزگە رىزىق بەرگىن، سەن رىزىق بەرگۈچىلەرنىڭ ياخشىسىسەن» دى]5-سۈرە(114). يەنى[ئاللاھ  نىڭ يولىدا ھىجرەت قىلغانلارغا، ئاندىن (جىھاد قىلىپ) ئۆلتۈرۈلگەنلەرگە ياكى (كېسەل بىلەن) ئۆلگەنلەرگە ئاللاھ چوقۇم ياخشى رىزىق (يەنى جەننەتنىڭ مەڭگۈلۈك نېمەتلىرىنى) ئاتا قىلىدۇ. رىزىق بەرگۈچىلەرنىڭ ئەڭ ياخشىسى ھەقىقەتەن يالغۇز ئاللاھ دۇر]22-سۈرە (58). دىمەك يۇقارقىدەك ئاللاھ نىڭ ھەق تەۋسىيەلەرگە ئاساسەن ؛ بىز دىن يۇلىدا نىمىش قىلىدىكەنمىز ئاللاھ نىڭ رىزالىقىنى كۆزلىگەن ھالدا قىلىشىمىز كىرەك ! راسلا شۇنداق قىلىدىكەنمىز بۇنىڭ ئۈچۈن ئەجىرمىزنى ئاللاھ دىنلا تىلەيلى ! دىمەك بىز پەيغەمبۈىرىمىزنىڭ دىگەنلىرنى دەيمىز قىلغانلىرنى قىلىمىز دەيدىكەنمىز چۇقۇم شۇنداق قىلىشىمىز كىرەك ! چۈنكى پەيغەمۈبىرىمىزمۇ شۇنداق قىلغان .  يەنى[ ياكى سەن ئۇلاردىن (ئەلچىلىكنى يەتكۈزگەنلىكىڭگە) ھەق تەلەپ قىلامسەن؟ (يەنى ئۇلار شۇنداق گۇمان قىلامدۇ؟) پەرۋەردىگارىڭنىڭ (ساڭا بەرگەن) ئەجرى ياخشىدۇر، ئاللاھ  رىزىق بەرگۈچىلەرنىڭ ياخشىسىدۇر]23-سۈرە (72). يەنى[ئېيتقىنكى، «ھەقىقەتەن، پەرۋەردىگارىم قايسى بەندىسىنىڭ رىزقىنى كەڭ قىلىشنى خالىسا ئۇنى كەڭ قىلىدۇ، (قايسى بەندىسىنىڭ رىزقىنى تار قىلىشنى خالىسا ئۇنى) تار قىلىدۇ، (ئاللاھ نىڭ يولىدا) بەرگەن نەرسەڭلارنىڭ ئورنىنى ئاللاھ تولدۇرۇپ بېرىدۇ، ئۇ رىزىق بەرگۈچىلەرنىڭ ياخشىسىدۇر»]34-سۈرە(39). دىمەك دىن يۇلىدا ۋاختىمىزنى سەرەپ قىلىپ ، بۇنىڭ ئۈچۈن ئەجىر قىلىدىكەنمىز ،جانابى ئاللاھ چۇقۇم بۇنىڭ ئەجىرنى ئۆز ھوزۇرىدىن تۇلۇقلاپ بىرىدۇ . شۇڭلاشقا بىز مۆمىنلەر جان بېقىش ئۈچۈن قىلماقچى بولغان تىجارىتىمىزنى مەخلۇقاتلار بىلەن ئەمەس . بەلكى رىزىق بەرگۈچىلەرنىڭ ئەڭ ياخشىسى بولغان ، شۇنداقلا بىزنى ئازابتىن قۇتۇلدۇرالايدىغان  ئاللاھ بىلەنلا قىلىشىمىز كىرەك ! يەنى[ئى مۆمىنلەر! سىلەرگە سىلەرنى قاتتىق ئازابتىن قۇتۇلدۇرىدىغان بىر تىجارەتنى كۆرسىتىپ قويايمۇ؟]61-سۈرە (10). يەنى[ئاللاھ غا ۋە ئۇنىڭ پەيغەمبىرىگە (چىن) ئىمان ئېيتقايسىلەر،ئاللاھ نىڭ يولىدا مېلىڭلار بىلەن، جېنىڭلار بىلەن جىھاد قىلغايسىلەر، ئەگەر بىلسەڭلار، سىلەر ئۈچۈن بۇ ياخشىدۇر]61-سۈرە (11). دىمەك تىجارىتىمىزنى ئىمان ئېيتقان ۋە ياخشى ئەمەللەرنى قىلغانلارنى ۋەدىسىگە ئاساسەن كۇپۇرنىڭ قاراڭغۇلىقىدىن ئىماننىڭ يۇرۇقلىقىغا چىقىرالايدىغان رەببىمىز بىلەن قىلىش كىرەك !   يەنى[ئىمان ئېيتقان ۋە ياخشى ئەمەللەرنى قىلغانلارنى قاراڭغۇلۇقتىن نۇرغا چىقىرىش ئۈچۈن سىلەرگە ئاللاھ  نىڭ روشەن ئايەتلىرىنى تىلاۋەت قىلىپ بېرىدىغان پەيغەمبەرنى ئەۋەتتى، كىمكى ئاللاھ غا ئىمان ئېيتىدىكەن ۋە ياخشى ئەمەل قىلىدىكەن، (ئاللاھ) ئۇنى ئاستىدىن ئۆستەڭلەر ئېقىپ تۇرىدىغان جەننەتلەرگە كىرگۈزىدۇ، ئۇلار جەننەتلەردە مەڭگۈ قالىدۇ،ئاللاھ ئۇلارغا ئېسىل رىزىق (يەنى جەننەتتىكى رىزىق ۋە نېمەتلەرنى) بېرىدۇ]65-سۈرە (11). شۇڭلاشقا بىز ئىككىلا دۇنيانىڭ نىجاتلىقى ئۈچۈن تىجارىتىمىزنى بىزگە بۇ دۇنيادا رىزىق بىرىدىغان ، ھەم ئاخىرەتتە بۇنۇڭدىنمۇ كاتتا بولغان جەننەتتىن ئىبارەت رىزىق ،ھەم  نازۇ نېمەتلەر بىلەن تەمىنلىيەلەيدىغان كاتتا جىمى پادىشاھلارنىڭ پادىشاھى بولغان رەببىمىز ئاللاھ بىلەنلا قىلىشىمىز كىرەك ! مەنبە: قۇرئان كەرىمگە ئاساسلىنىپ ئۆز ئىلھامىمدىن يېزىلدى .

مارشال

	قەلب -تەقۋادارلىق يولى بىلەن گۈزەل بولىدۇ،توغرا يول تۇتۇپ،ئىسلامدىكى گۈزەل ئەخلاق-پەزىلەت،ھېكمەت خەزىنىسىگە تولغان بۇ قامۇسنى ئۆز تەپەككۇر ئاساسىدا،توغرا يول بىلەن ئاۋامغا يەتكۈزۈش ئىنتايىن ساۋابلىق ئىش. ھەر قېتىم يوللىغان تېمىڭىزنى كۆرۈپ كېلىۋاتىمەن،ئەجىرنىڭ تېگى ئالتۇن،ئەقىل-پاراسەتنى جايىدا ئىشلىتىپ قىلغان ھوسۇلنىڭ تەمى ھەقىقەتەن تەملىك بولىدىكەن،ئەجرىڭىزگە رەھمەت.

turmux.net

	ھاياتتا، ئۆزىگە توغرا بولغان يولنى تاللىيالىغان كىشىنىڭ يولۇققان دىشۋارچىلىقلىرى ئاز، كۆڭلى خاتىرجەم بولىدىكەن، تۇرمۇشىمىزغا نەزەر سالىدىغان بولساق، بەزى كىشىلىرىمىز قانداقتۇر مەنپەئەتلەر ئالدىدا ئۆزىنىڭ ئادىمىيلىكىندىنمۇ يىراقلىشىپ ، گويا يىرگىنىشلىك مەخلوق كەبى ياشاۋاتقانلىقىنى ئۇچرىتىمىز، مۇشۇنداق يازمىلىرىڭىزنىڭ شۇ كىشىلەر دىلىغا تەسىر كۆرسىتىپ، توغرا يولغا قايتىشىغا تۈرتكە بولىشىغا تىلەكداشمەن. ئەجرىڭىزگە رەھمەت !

kurax114

	ئاللاھ دىللىرىڭىزنى  تېخىمۇ رۆشەن  قىلسۇن  ئىمانىڭىزنى مۇكەممەل  قىلسۇن ..بۇ ئىسىل تىمىڭىزدىن  بەكمۇ سۈيۈندۈم  ،

kaitmas

	ئەجرىڭىزگە رەھمەت. ئۇلۇغ اللە قەلبىمىزنى شەيتاننىڭ ۋەسۋەسىسىدىن ساقلىغىن، بىزگە ھەق يولدا مۇستەھكەم تۇرىدىغان ئىمان ئاتاقىلغىن! http://kuznak.com

tumurkala

	تىمىڭىزدىن ئىنتايىن خۇرسەن بولدۇم!داۋاملىق ئىسىل تىمىلارنى يوللاپ تۇرارسىز قىرىندشىم!

adil2052103

	تېمىللىرىڭىزنى   بىرنىمۇ قالدۇرماي ئۇقىۋاتىمەن   مارشال يۇرتېشىم دىگەن دەك ئەجىرنىڭ تىگى ئالتۇن

sabinur

	تىمىنىڭ ماۋزۇسىدا خاتالىق بارمۇ قاندا؟ئەڭ خېتى‹‹ئاڭ››بولۇپ يېزىلىپ قالغاندەك تۇرىدۇ.

yultuz518

	ۋە ئەلەيكۇم ئەسسالام ! كۇفرى ئەقدىىسى ئىنسانلارغا ئۈزلۈكسىز تەھتىت ئېلىپ كىلۋاتقان بۈگۈنكىدەك كۈندە ئسلام ئەقىدىسى ئۈچۈن قىلغان بۇ ياخشى تېما ۋە ئىشلىرىڭىزغا ئاللاھ سىزنى ياخشىلىق بىلەن مۇكاپاتلىسۇن!

arzuumut

	ئەپسۇس مەن بۇ تىمىنى كىچە سائەت بىرلەردە يزغانلىقىم ئۈچۈ ن  شۇنداق  ھەمشىرىمىزsabinur ئېيتقاندەك تىمىدا ئىملا خاتالىقى كۆرلىپ قاپتۇ . ئەمما مەزمۇنىدا خاتالىق يوققۇ دەيمەن . شۇڭا توغرىسىنى چۈشۈنىپ ئۇقارسىلەر .