كوچا ئاپتوبۇسىدا كۆرگەنلىرىم

tograkmalikisi

	(ھەقىقى كۆرگەن ئىش) كوچا ئاپتوبۇسىنىڭ ئالدىنقى رەتتە خىيالغا پېتىپ دەرىزىدىن سىرىتقا قاراپ ئولتۇراتتىم. ئاپتۇبۇس شەھەر كوچلىرىنى ئارىلاپ پويىز ئىستانىسىغا قاراپ كېتىۋاتاتتى. ئاپتۇبۇس توختىغان ھەربىر بىكەتتە ئادەملەر چىقىپ- چۈشۈپ تۇراتتى.... -مانا پۇل!!! ئەمدى قويۇپ بېرىڭ- تۇيۇقسىز ئارقا تەرەپتىن يۇقىرى ئاۋازدا قوپال ئاڭلانغان بۇ سۆزلەردىن خىيالىمدىن ئويغىنىپ كەينىمگە بۇرۇلدۇم. ئاپتۇبۇسنىڭ كەينى تەرەپتە 70كە يېقىنلاپ قالغان بىر بوۋاي پۇت قوللىرى تىتىرگىنىچە چىرايى قارىمۇتۇق كەلگەن، بېشىغا دوپپا كېيىۋالغان، ماڭلاي چاچلىرى مايلشىپ چاپلىشىپ كەتكەن بىر يىگىتىنىڭ ياقىسىغا ئېسلىۋالغانتى. يىگىت ھەدەپ بوۋاينى سىلكىپ بۇلقۇيتى. بوۋاي يەتكىچە تىتىرەپ ھاسىرايتى. يەردە 100يۈەنلىك پۇلدىن بەش- ئالتىسى چېچىلىپ تۇراتتى. ئاپتۇبۇستا مەندىن باشقا يەنە 10غا يېقىن كىشنىڭ ھەممىسى ئەر كىشى بۇلۇپ، بىر مەنلا يالغۇز قىز بالا ئىكەنمەن. ئۇلارنىڭ ئىچىدە كۆزەينەك تاقىغان زىيالى سۈپەت بىر كىشى، باشقىلىرى يامان ئەمەس كېينگەن، شەھەر كىشلىرى بولسا كېرەك. ئۇلارمۇ ماڭا ئوخشاش ئۇ ئىكىسىگە قاراپ ئولتۇرشاتتى. -ما ياقامنى قويۋىتىڭ، پۇلنى بەردىمغۇ،- بوۋاينىڭ قولىنى بوشاتمىغانلىقىنى كۆرگەن يىگىت- قويۋەت دەيمەن، مانا ئەمىسە- دەپلا بوۋاينى بىر سىلىكپلا ياقىسدىن قولىنى ئاجىراتتى، بۇۋاي ئولتۇرۇپ قالدى. دەل شۇ چاغدا ئاپتۇبۇس بىر بېكەتكە كەلگەن بۇلۇپ، ئاپتۇبۇس توختىشىغىلا يىگىت ئاپتۇبۇستىن سىرىتقا ئۆزىنى ئاتتى. بوۋايمۇ يەردىكى پۇللارنى ھاپلا- شاپلا يىغىشتۇرۇپ:- توختا نۇمۇسسىز ئوغىرى-، دېگىنىچە ئاپتۇبۇستىن چۈشۈپ كەتتى. ئاپتۇبۇس قوزغالدى.... مۇنازىرە باشلاندى.... -ھەي دوپپا كېيىپ، گېزىت كۆرۈپ ئولتۇرسا كىم يانچۇقچى دەيدۇ ئاۋۇ دەيۈزنى؟-، دېدى غەزەپ بىلەن ھېلىقى كۆزەينەكلىك. - قاراپ تۇرسام بوۋاينىڭ يانچۇقدىن پۇلنى ئېلۋاتمامدۇ ئۇ نۇمۇسسىز...- دەيتى يەنە بىرى. - كۈپكۈندۈزدە قارىڭا ما خۇمسىنى....- يەنە بىرى شۇنداق دەيتى... - بوۋاي سېزىپ قالمىغان بولسا پۇلنى ئەپلا چۈشۈپ كەتمەكچىدى بۇ ھايۋان، بوۋايمۇ پۇلنى ئالغاندىن كېيىن نېمە قىلىدۇ كەينىدىن قوغلاپ؟-، يەنە بىرسى يۇقارقى گەپلەرنى دېدى. - ئۇ نۇمۇسسىز ئوغىرى پۇلنى تۇلۇق قايتۇرمىغان گەپ،- دېدى يەنە بىرى. - مانا مۇشۇنداق نېمىلەر مىللەتنىڭ يۈزىنى تۆكۈپ بولدى-، دېدى كۆزەينەكلىك. -........ ........... مەن شۇندىلا بايىقى يىگىتنىڭ يانچۇقچى ئىكەنلىكى، بوۋاينىڭ پۇلنى ئوغىرىلغاندا بوۋاي تەرىپىدىن بايقىلىپ قالغانلىقىنى بايقىدىم. ئەمما ئابتۇبۇستىكى ئادەملەر بۇنى بايقاپ تۇرۇپ نېمىشقا بوۋايغا ياردەم قىلمىدى؟ - باشقا مىللەتلەر كۆرسە نىمە دەيدۇ ھە؟- يەنە بېرى تېخىمۇ قايناپ شۇ گەپلەرنى قىلدى. قايناشلار ئەۋجىگە چىقىشقا باشلىدى. - ۋوي، بىزنىڭ مىللەت نېمە بۇلۇپ كېتىپ بارىدۇ- ھە؟- دەيتى يەنە بىرلىرى .......... بايا نەقمەيدا بىر ئېغىز <بۇ ياققا ئۆت، ئوغىرى- يانچۇقچى....> دىيەلمىگەن 10غا يېقىن ئەركەك ھازىر ئۇ ئوغىرىنى دەھشەت تىللاپ كۆپىشىپ كەتكەن ئىدى. ئۇلار دەيتى: <ئۇ بىر خۇمىسى، ئۇ بىر يانچۇقچى- ئوغىرى، نۇمۇسسىز.......> ئاپتۇبۇس مەن چۈشىدىغان بىكەتكە كەلگەچكە چۈشۈپ قالدىم. ئاپتۇبۇس ئاشۇ تىللىغۇچىلارنى ئېلىپ كېتىپ قالدى. بەلكىم ئۇلار مەنزىلىگە بارغۇچە يەتكۈچە تىللىغاندۇ، ۋە بەلكىم ئۆيلىرىگە، ئىش ئورنىلىرىغا بېرىپ ئۇرۇق- تۇققان، دوسىت- يارەنلىرىگە تىللاپ بەرگەندۇ.... ئەمما بۇنىڭ نېمە پايدىسى؟ ئاشۇ ئەرلەر نەقمەيداندا يانچۇقنى ئوبدانراق ئوچۇقداپ قويغان بولسا بەلكىم ئۇ كېيىنكى قېتىم ئوغىرلىق قىلماقچى بولغاندا ئىككىلىنىپ قالار ئىدى. ۋە بەلكىم يالىتيىپمۇ قالار ئىدى. مەن ئويلىدىم: مېنىڭچە ھېلىقى بوۋاي پۇلنىڭ كەملىكىدىن ئەمەس، بەلكى نۇمۇسسىز ئوغرىدىن غەزەپلىنىپ، ئۇنى قوغلاپ چۈشۈپ كەتكەن. چۈنكى ئوغىرنىڭ قېچىپ كېتىشىنى خالىمغان. ئاپتۇبۇستىكى ئادەملەر ۋاقتىدا ياردەم قىلغان بولسا ئۇ يانچۇقچىمۇ تېگىشلىك جازاسى تارتار ئىدى. لىكىن ئۇلار تىللاشىقىلا يارىدى. يەنە كېلىپ كەينىدىن..... بۇ مېنىڭ ئويلىغانلىرىم، قالغىنىنى مۇنبەرداشلار كۆرۈپ بىر نەرسە دەرسىلەر....

yidayat164

	ئەسسلامۇ-ئەلەيكۇم! بۇئوغۇرلارنىڭ خورىكىنى ساقچىلار يوغانتىۋەتتى.ئۇياقتىن تۇتۇپ بەرسە بۇياقتىن قۇيۇپ بەرگەن. ئۇسا ئوغرىغا يانبېسىپ ئۇرغۇچىنى سوتلىغان. بۇدېگىنىم 10كىشىگە يان باسقىنىم ئەمەس.بولسا ئۇرۇپ شالاقشىۋىتىپ قېچىپ كەتكەن ئەۋزەل.

sabinur

	ئەركىشى بولغاندىكىن شۇ غەيۋەتنىڭ ئوينىغا ،ئىككى ئېغىز ئۆتكىدەك گەپ قىلىپ قويغان بولسا ئا نۇمۇسسىز يانچۇقچىمۇ ‹‹ئادەم ››بولغاندىكىن  ئازراق بولسىمۇ قىلغان ئىشى ئۈستىدە ئويلانغان بولاتتى. ھەــــــــي دەيدىغان گەپ تولىتى ئەمما

rustorahbar

	ھەي..............تاڭ جۇما شۇ ئوغرىلارنىڭ جازاغا تارتلشى چۈنكى يانچۇقچى دىگەن بۇياندىن كىرىپ بولغىچە ئۇياندىن چىقىدۇ شەخسەن مەن رابىيە داسانىڭ ئالدىدا تۇرغان چاغلىرىمدا ئۆز كۈزۈم بىلەن كۆرگەن نەچچە ئوغرىنى شۇ يەردىكىى ئاتۇشلۇق دوسلار بىلەن ئۇرۇپ تۇتۇپ بەرگەن تەغدىردىمۇ ئەتسىلا يەنە پەيدا بولىدۇ بۇ ئىشنىڭ سەۋەبىنى كېم بىلدۇ دەيسىز  .ئەمما  ئوغرىلارغا يول قويماسلىقمىز كېرەك كۈرۈپ تۇرۇپ گەپ قىلماسلىق بۇ بىر دىندىن سۆزلىمەي تۇراي  ئۈزمىزنىڭ ئىنسانى ئەخلاقىغا زىت ئىش

fatima

	ئوغرىنى كۆرۈپ تۇرۇپ قورقۇپ گەپ قىلالماي،ئۇرۇشتىن كىيىن قەھرىمان بۇپتىغۇ بۇخەق.بۇلارغا قارغاندا ئاۋۇ بۇۋاينىڭ يۈركى باركەن.

ئۆل

	توۋا دىمەكتىن باشقا ئامال يوق ..

Abdul

	بۇ ۋەقەنى ئۈرۈمچىدە كۆرگەن ئوخشىمامسىز ؟ بۇ خىل ئەھۋال جەنۇپ تەرەپتە ئاز ئۇچرايدۇ ، چۈنكى ھامان بىر ئادەم چىقىپ ئوغرىنى توسىدۇ . بۇ دەل ئىچكىرىدىكى ئۇيغۇر ئوغرىلارنىڭ شىنجاڭدىكىدىن كۆپ بولىشىنىڭ سەۋەبى ، چۈنكى ئىچكىردە ھىچكىم بىلەن ھىچكىمنىڭ كارى يوق ، ئوغرىلار كۆزىڭىزگە كۆرسىتىپ تۇرۇپ ئوغرىلىق قىلىۋىرىدۇ .

sargarda

	18   ـ  يولنىڭ  ئاپتۇبۇسىىدىمۇ  ؟

turmux.net

	بۇنداق ئىشلار بىزدىلا ئەمەس، نۇرغۇن ئەللەردە باركەن. بۇ ئىشلارغا نېمە دىگۈلۈك... « ئەل قوغدىساڭ ئۆسەرسەن، قوغدىمىساڭ ئۆچەرسەن » دېگەن سۆز ھەقىقەتەن توغرا ئېيتىلىپتىكەن، جەمئىيەتكە مەسئول بولمىغان كىشىلەر توپى ئەنە شۇنداق قىسمەتلەرگە باي بولىدىكەن...

تازىمۇ

	بۇ ئىشلارغا قانۇننىڭ پۈتۈن بولماسلىقى ھەم ساقچىلارنىڭ پارىخۇرلىقى سەۋەبچى. راس ھە باللا!  مەنمۇ ئوغرىنى راسا ئۇرۇپ بولۇپ، ساقچىخانىغا ئىلىپ بارسام، چۈشنىڭ ئالدىدا تۇتقان ئوغرىنى، چۈشتىن كىيىن قويىۋىتىپتۇ. شۇنىڭدىن بىرى ئوغرىنى ئۇرمايدىغان بولدۇم. بۇنىڭ سەۋەبى بار جۇمۇڭلار! ئوغرى ئادەمگە قەس قىلىپ قويىدۇ، بىراۋ كۆرمىگەندە، سەزمىگەندە. بىر سالسا پىچاقنى، جان تاتلىقمۇ يا پۇلمۇ دەپ؟