بۈگۈن سىز نىمە ئىش قىلدىڭىز ؟

elqut

	ئەسسالامۇ ئەلەيكۈم   ئەزىز قېرىنداشلىرىم ، بۈگۈن 2011- يىلى 5- ئاينىڭ 5- كۈنى ئۇيغۇر دوپپا مەدەنىيەر بايرىمى، بايرمىڭىزغا موبارەك بولسۈن ! سىز بۈگۈنكى بايرامدا نىمە ئىش قىلدىڭىز ؟ نىمە ئىشلارنى قىلىشنى ئويلىشىۋاتىسىز ؟ سىز بۈگۈنكىدەك مىللىي مەدەنىيەت بايرام كۈنىدە سىز ئۆزىڭىزنىڭ ئۇيغۇر قەۋمىنىڭ بىر ئەزاسى ئىكەنلىگىڭىزنى ئەسكە ئالدىڭىزمۇ ؟ سىز بۇگۈن دوپپا كىيدىڭىزمۇ ؟ ئۇنتۇلۇپ قېلىۋاتقان دوپپىڭىزنى قولىڭىزغا ئېلىپ، توپا چاڭلىرىنى سۇرتۇپ،  ئويغا چومدىڭىزمۇ ؟ سىز بۈگۈنكى كۈندە، مىللىتىمىزنىڭ ئەنئەنىسى بويىچە ئالدى بىلەن مىھرىبان ئاتا - ئانىڭىزنى ئەسكە ئالدىڭىزمۇ ؟ ئۇلارنىڭ قېشىغا بېرىپ ، ياكى تېلفوندا بولسىمۇ ئەسسسالامۇ ئەلەيكۈم ئەزىزانە ئاتا - ئانىلىرىم دىدىڭىزمۇ؟ ئۇلارنىڭ قولىدىكى سۈپۇرگۈنى ئېلىپ ئۇلارنىڭ ھويلا ئارمىنى بىر كۈن بولسىمۇ سۇپۈرۈپ بەردىڭىزمۇ ؟ ئاتىڭىزنىڭ قولىدىكى كەتمەننى ئېلىپ، باشتېن ئېگىز كۆتۈرۈپ ! يا ئاللاھ ! دەپ يەرگە چوڭقۇر بىر قېتىم پاتۇرۇپ باقتىڭىزمۇ ؟ ....... ئەي ئانا !سىز بۇگۈن قىزىڭىز بىلەن مۇڭداشتىڭىزمۇ؟ ئۇنىڭغا چىمەن دوپپىنىڭ ، ئەتلەسنىڭ ، ئۇيغۇر قىزلىرىنڭ 40 تال ئۆرۈم چېچىنىڭ ھىكايىلىرىنى ئېيتىپ بەردىڭىزمۇ ؟ ئۇنىڭ يۇمران قاشلىرىغا ئۆسما قويۇپ قويدىڭىزمۇ ؟ ئۈنىڭغا ئىپپەت قۇربانلىرى نۇزۇگۈم ، ئىپارخان  ... لارنىڭ ھىكايىسىنى سۆزلەپ بەردىڭىزمۇ ... ئەي ئاتا ، سىز بۈگۈن ئوغلىڭىز بىلەن مۇڭداشتىڭىزمۇ ؟ ئۇنىڭ بېشىدىكى دوپپىنى ئۆز قولىڭىز بىلەن تۈزەشتۈرۈپ قويدىڭىزمۇ ؟ ئۇنى قوتانغا ئەكىرىپ، كىشنەپ تۇرغان ئارغىماق ئېتىڭىزنى كۆرسىتىپ، ئۇنىڭ ئۇستىگە بىر مىنگەشتۇرۇپ باقتىڭىزمۇ ؟ بىر چاغلاردا بوۋاڭ مۇشۇنداق ئارغىماقلارنى مىنەتتى دەپ بوۋىلىرىنىڭ ھىكايىسىنى ئېتىپ بەردىڭىزمۇ ؟   ئوغلىڭىزنى ئېلىپ چىقىپ يۇرتىڭىزنىڭ كەڭ ، گۈزەل ، پۈتمەس تۈگىمەس بايلىققا تولغان زىمىنى كۆرسىتىپ مانا بۇ سېنىڭ يۈرتۈڭ ، بۇ سىنىڭ ۋەتىنىڭ ، بۇ يەرلەر سېنىڭ بارلىغىڭ ، بۇ يەرلەر سېنىڭ جېنىڭدىن ئەزىز، ۋەتەننى قوغداش ئەرنىڭ بۇرچى! ۋەتەن ئۈچۈن جاد تەسەددۇق قىلىش ئەرنىڭ مەجبۇرىيىتى! دىدىڭىزمۇ ؟ باتۇر سادىر بوۋىسىنىڭ ئات ئۈستىدىكى كارامىتىنى ، سېپىل پارتىلىتىشتىكى ئەقىل پاراسىتىنى، سۆزلەپ بەردىڭىزمۇ ؟ ئەلشىر ناۋائى، يۈسۈپ خاس خاجىف ، ماخمۇت قەشقىرى قاتارلىق بىباھا گۆھەرلەرنى قالدۇرغان بۆۋىلىرىنىڭ كىتاپلىرىنى كۆرسەتتىڭىزمۇ ؟ لوتپوللا ، ئابدۇخالىق ئۇيغۇر ، تەۋپىق، ئەخمەتجان قاسىمى .... قاتارلىق ئۆت يۈرەكلەرنىڭ ھىكايىسىنى سۆزلەپ بەردىڭىزمۇ ؟ ئابدۇرەھىم ئۆتكۈر ، زوردون سابىر، ئابۇشۇكۈر مۇھەمەت ئىمىن .... قاتارلىق ئەدىپلىرىمىزنى تونۇشتۈردىڭىزمۇ ؟ نەبىجان تۈرسۈن ، ئەركىن سىدىق ... قاتارلىق ھازىرقى زاماندىكى بىلىم ساھەسىدىكى بۈركۈتلەرنىڭ ھىكايىسىنى ئېيتىپ بەردىڭىزمۇ ؟ .... بۈگۈن سىز، خوشنا خولۇملىرىڭىزغا قاردىڭىزمۇ ؟ ئۇنىڭ ئوغۈل قىزلىرى بېشىغا دوپپا كىيىپتىمۇ ؟ ياكى بېشىدا دوپپا يوق، پۈتلىرى يالاڭ ئاياق، ئوغلىڭىزنىڭ يىپيىڭى كىيىملىرىگە ، بېشىدىكى ئوتقاشتەك دوپپىلىرىغا مەيۈسلۈك بىلەن تەلمۇرۇپ قاراۋاتامدۇ ؟ ئاۋۈ يالغۈز ئايىمخان موماينى يوقلىدىڭىزمۇ ؟ ئۇنىڭغا  بۈگۈن بىر چىلەك سۈ ئەكىرىپ تۇڭىغا قۇيۇپ بەردىڭىزمۇ ؟ ئاۋۈ ئاۋۈتاخۇن بوۋاي بۈگۈن مەسچىتكە چىقالىدىمۇ؟ ئاپلا ماۋۇ خوشنامنىڭ بالىسى يىقىلىپ چۈشتى ....   ئۈنى دادىل بېرىپ بىر قېتىم يۆلەپ قويدىڭىزمۇ .........؟ ئەلقۇت مەرىپەت تورىدىن ئەلقۇت يازمىسى .  bbs.elqut.cn

卡奇布√诺′

	بۈگۈن 5-ئاينىڭ 4-كۈنىغۇ؟؟؟؟؟؟؟؟

tatlik0997

	ئەسسالامۇ ئەلەيكۈم   ئەزىز قېرىنداشلىرىم ، بۈگۈن 2011- يىلى 5- ئاينىڭ 5- كۈنى ئۇيغۇر دوپپا مەدەنىيەر بايرىمى، بايرمىڭىزغا موبارەك بولسۈن ! بۈگۈن 5-ئاينىڭ 4-كۈنى ئەمەسمۇ؟ ھازىر تېمىنى بىر كۈن بۇرۇن يوللايدىغان ئىش چىقتىما ئەمدى؟  ئەتلىككە تەستىقلىساڭلارمۇ بولاكەنغۇ بۇ تېمىنى ؟

tograkmalikisi

	مەنچە تېما ئىگىسى بۇ بايرامنى بىر كۈن بۇرۇن ئېسىمىزگە سېلىپ، بۇ كۈندە دوپپا كەيگۈسى بارلارغا ئالدىن بىر كۈن تەييارلىق پۇرسىتى بەرمەكچى...

sabaat

	بۈگۈن 5-ئاينىڭ 4-كۈنى ئەمەسمۇ؟

ARZUY

	ئالدىن ئۇختۇرۇش قىلغىنىڭىزغا رەھمەت ،

nafisa11

	ئالدىن ئالا   ئۇختۇرۇش قىلغىنىڭىزغا رەھمەت ،

ardamay

	بۈگۈن سىز نېمىش قىلدىڭىز؟بۇ ھەرقاچان ھەر زامان ئۆزئۆزمىزگە  قويۇپ ئۆز-ئۆزىمىزنى تەكشۈرۈپ تۇرۇشقا تېگىشلىك بىر سۇئال~~~~~

jassurman

	tatlik0997 يوللىغان ۋاقتى  2012-5-4 11:37 AM ئەسسالامۇ ئەلەيكۈم   ئەزىز قېرىنداشلىرىم ، بۈگۈن 2011- يى ... بۈگۈن ھارپا بولغانكىن ئالدىراپ يوللىۋەتكەندۇ، ياكى بولمىسا، بۈگۈن يوللاپ قويسام ئەتىگىچە ئاران تەستىقلايدۇ دەپ ئويلىغاندۇ، مىسرانىم باشقۇرغۇچىلىرىنى بوش چاغلاپ

baburxah

	بىر كۈن بۇرۇن بىلگەننىڭ زىيىنى يوق. سەمىڭىمىزغا سالغىنىڭىزغا رەھمەت