كۆزىمىزنى بۇلغىماڭ!

ardamay

	ۋاقىت چاقىنىڭ ئۈزلۈكسىز ئايلىنىشى ،جەمئىيەتنىڭ ئۇچقاندەك تەرەققىي قىلىشىغا ئەگىشىپ كۈنسىرى كۈچىيۋاتقان ئەخلاق كىرزىسى ھەربىر ئەخلاقلىق ۋە ۋىجدانلىق كىشنى ئازاپقا سالماي قالمايدۇ. مەنمۇ شۇنداق ئازاپلانغۇچىلارنىڭ بىرى،بەزىدە كۈلۈشكە يارالغان ،گۈزەللىكىلەردىن بەھىر ئېلىشقا يارالغان مېھىرلىك بۇ كۆزلەرنىڭ ئەتراپىمىزدىكى مەدىنيىتىمىز ۋە ئەخلاق كۆز قارشىمىزغا يات بولغان بىر قىسىم قىلمىشلارنىڭ شاھىدى بولۇپ قالغىنىغا ئىچ -ئىچىمدىن ئازاپلىنىمەن. مانا مەرىپەت ئىزلەپ ئالىي مەكتەپتە ئوقۇش ئۈچۈن ئۈرۈمچىگە كەلگىنىمگە بەش يىل بولاي دەپ قالدى،ھەر قېتىم كەچلىك مۇزاكىرىدىن يېنىپ ياتاقتا قايتىپ كېلىش يولىدا كۆزلىرىمنى ئەپقاچقىلى ،قويغىلى يەر تاپالماي قالىمەن،نېمىشقا دەمسىز؟ ئۆگىنىش قىلىش ئۈچۈن ئورنىتىلغان ئورۇندۇقلاردا ،ياتاق بىنالىرىنىڭ ئالدىدا قىلچە ئۇيالماستىن ئىككى -ئىككىدىن بولۇپ غەلىتە ھالەتتە تۇرۇشۇپ كەتكەنلەرنىڭ سەۋەبىدن ئەلۋەتتە.ئەگەردە بۇ يەردە ئاشۇ كىشلەرنى نەپرەت ۋە بىئارام تۇيغۇسىغا تاشلايدىغان ھالەتتىكلەرنىڭ ئىچىدە بىزنىڭ قېرىنداشلىرىمىز بولمىغان بولسا بۇ خىل بىئارامچىلىك سەل سۇسراق بۇلىشى مۇمكىن ئىدى،ھەتتىگىنەي! مېنىڭ بۇ خىل ھەسرىتىمنى چۇڭقۇرلاشتۇرۇپ ئاشۇ سۈيۈملۈك ،كەلگۈسىنىڭ ئىز باسارلىرى بولغان چوڭلىرىمىز  تاغدەك ئۈمىد كۈتىۋاتقان ئۆز قېرىنداشلىرىمىزمۇ مۇشۇ خىل ھالەتتە كۆز ئالدىمدا پەيدا بولۇپ قالىدۇ،شۇنداق بىر خىل خورلۇق ،ئەلەم ھېس قىلىمەن،شۇنداق پاك ،گۈزەل ئىدىققۇ!~~~~~~~~~نېمىشقا بىزنىڭ ئەڭ تېز ئۆگىنىۋالىدىغان،تىز يۇقتۇرۇپ مودىغا ئالائايلاندۇرۋالىغان نەرسىلىرىمىزنىڭ ھەممىسى كېرەكسىز ئەخلەتۇ،ئۆگىنىشكە تېگىشلىك بولغان نەرسىلەر دىققەت ئىتبارىمىزدىن يىراقتا قالىدۇ؟نېمىشقا ئاپئاق سۈزۈك قەغەزدىكى ئالدى بىلەن كۆرىدىغىنىمىز كىچىكىنە قارا داغ بولىدۇيۇ،شۇنچە كەڭ سۈزۈك جايلارنى كۆزىمىزدىن ساقىت قىلىپ قالىمىز؟ مانا مۇشۇ خىل سۇئاللار ھەمىشە ئارامىمنى ۋە خىياللىرىمى بۇزۇپ غەم دەرياسىغا سۈرگۈن قىلىپ تاشلايدۇ.مۇنداق بىر سۆز بار "ئۆز ئۆزۈڭنى باشقۇرالمىغانكەنسەن،باشقىلارنىڭ سېنى باشقۇرۇشى زۆرۈردۇر"،ئەنە مۇشۇ سۆزنىڭ تۈرتكىسى بىلەن ئاشۇ خىل مەنزىرىلەرگە دۇچ كېلىپ قالغان ۋاقتىمدا بىلىپ بىلمەي نارازىلىقمنى ئاشكارىلاپ سالىمەن ،بۇ ۋاقىتتا مېنى كۈتىۋالدېغىنى ھۈرپەيگەن ،ئۆچمەنلىك بىلەن تىكىلگەن نەزەرلەر بولىدۇ.مەيلى پەرۋايىم پەلەك ئەمما ئاشۇلارغا بۇ خىل قىلمىشنىڭ جامائەت نارازىقىنى كەلتۈرۈپ چىقىردىغان ئاممىۋى سورۇنلارغا ۋە ئەخلاقىمىزغا يات بولغان قىلمىش ئىكەنلىكىنى ئاز تولا ھېس قىلدۇرالىسام ئۇلار ئۆچمەنلىك بلەن قارىسىمۇ مەيلىتى،ئەمما ئادەمنى ئازاپقا سالىدىغىنى شۇكى پەرۋاسىزلىق بىلەن ئەتراپىدا ئۆتىشىۋاقتان ئادەملەرنى نەزىرىگىمۇ ئېلىپ قويماي ئاشۇ خىل ھالەتلەرنىڭ ساقلاپ تۇرۇشىدىن ئىبارەت.ئۇلار داۋراڭ سالىدۇ،ھازىرقى جەمئىيىتىمىز ئەركىن جەمئىيەت ،قانداق تۇرۇش ،قانداق يۈرۈش ئۆزىمىزنىڭ ئىختىيارى بىزنىڭ يۈرۈش تۇرۇش ئەركنلىكىمىز بار~~~~~ئەمما مەن دەيمەن ،ئەخلاقتىن ھالقىغان ئەركىنلىك پەقەت ھاۋانلاردىلا بار،ئەخلاقتىن ۋە قانۇندىن ھالقىغان ئەركىنلىك سىزنى ھالاك قىلىدۇ،سىزنىڭ يۇرۈش تۇرۇش ئەركىنلىكىڭىز بار دېيىلسە مېنىڭ سىزنىڭ ئاشۇ ئەخلاقسىزلارچە ھالىىتىڭىزنى كۆرمەسلىك ھوقۇقۇم بار ،مېنىڭ ۋە ئەتراپىمىزدىكىلەرنىڭ كۆزىنى بۇلغىماڭ،بىزنىڭ كۆزلىرىمىز گۈزەللىكىنى،ھەقىقەتنى كۆرۈشنى ئىستەيدۇ،مېنىڭ كۆرۈش ھۇقۇقۇمنى دەپسەندە قىلماڭ،كۆرۈش دائىرەمنى ئەخلاقسىزلىق قىلمىشىڭىز بىلەن بۇلغىماڭ! مەنبەسى:ئۆز قەلىمىم

bazarbay

	ياخشى يېزئىپسىز  سىڭلىم ناۋاد ئۇلارغا بۇ سۈزلىرئىڭىز تەسىر قىلمىسا سىز يەنە بۇرئىنقىدەك قارئىماي ئۈتىپ كېتىۋىرىڭ. ھەرگىز ئۇلارنى دوراشقا بولمايدۇ

kurax114

	ياخشى تىما بۇپتۇ .ھەقىقەتەن  ھازىر بىرقىسىم  قېرىنداشلىرىم ئۈزىنىڭ  دىنى ئىتقاتىنى ،مىللى ئۆرىپ ئادەتنى ئەدەپ ئەخلاقنى ئۇنتۇپ ئۈزىنىڭ كىملىكى بىلەن  ھىساپلاشماي  مايمۇن  كەبى دورامچىلىق  كوچىسىدا  لاغايلاپ يۈرمەكتە،ئەسلىدىنلا دىنىىمىزغا يات بولغان مىللى ئۆرەپ  ئادەتكە يات ئەدەپ ئەخلاققا  زىت  بولغان  بۇھايۋانى قىلىقنى  بەزى  قېرىنداشلىرىم  ھالال  سانىماقتا ،مانا بۇ  مىللەتنىڭ ھۇلىنى  كولىغانلىق ،مانا  بۇ ئۆزمىللىتىنى  ھالاكىتى ئۈچۈن  كۈچ  چىقارغانلىق .ئەرلەردە  مەسئۇليەت  يوقالسا  ئاياللاردا  ھايا كۆتىرىلىدۇ.مانا  بۇنداق  ئايالدىن تۇغۇلغان  بىگۇنا  پەرزەنىت تەربىيسىز  يارامسىز  ئەخلاقسىز  چوڭ  بۇلۇدۇ .مانا بۇ ھەقىقەت .دۇنيا دىنسىزلىقنى تەشەببۇس قىلماقتا .دۇنيا  جىنسى ئەركىنلىكنى تەشەببۇس قىلماقتا  .بۇ چاقىرىققا  مىنىڭ  مىللىتىمدىن  ئاتىسى ئۇيغۇر ئانىسى ئۇيغۇر ئىسمى ئۇيغۇر بىرقىسىم  قېرىنداشلىرىم ئالدىدىن ئاۋاز  قوشماقتا ،،نىمە ئۈچۈن مىللەت دەپ  داۋراڭ سالىمىز يۇ لىكىن مىللەتنىڭ ئانىللىرىنى  ئۆزقۇلىمىز بىلەن  بۇلغايمىز  .مانا بىزدىكى  بەزى  ئۇيغۇرلارنىڭ مىللەت پەرۋەرلىرى ،مەن  شۇنداقلار غا شۇنداق توۋلىغۇم كىلىدۇ.سىلەر  نىمە ئۈچۈن ئۈزۈڭلارنىڭ ئېشىغا ئاۋۋال سىيىپ ئاندىن  ئىچىسىلەر دەپ ..ئاللاھ  ھىدايەت نۇرى  بىلەن  بۇنداق  ھايادىن  ئىبارەت  بۇ بايلىقتىن  ئايرىلغان  ئىنسانلارغا ئىنساپ  ھايا ئاتاقىلسۇن

ad0903

	ناھايىتى ياخشى تىما بوپتۇ ،بىز ئوقۇغۇچىلار كاللىمىزنى بىر سىلكىۋەتمىسەك بولمايدۇ

xamxar111

	دوستۇم كۈرەش 114 كە تەشەككۈر ....................                      ئازاپلىرىمىز ئويغانسۇن    قاچانغىچە ئازاپ چەكمەي يۈرۈيمىز ...

tirnak

	ناھايتى ياخشى يىزىپسىز قولىڭىزغا دەرت كەلمىسۇن

uyghur0908

	«مەن ئۇيغۇر،مۇسۇلمان ئەمەس»...قايسى بىر ۋاقىتتا مەلۇم بىر مۇنبەردىن مۇشۇ قۇرلارنى كۆرگىنىم ئېسىمدە...

tumurkala

	ھەممىسى ئاساسەن ئىتقادنىڭ سۇسلىشىشى ياتلارنى دوراشتىن بولىۋاتىدۇ!

yidayat164

	ئەسسالامۇ-ئەلەيكۇم! قەلىپتە نارازى بولۇپ ئۇيەردىن ئايرىلىش ئەڭ سۇس زەرەچىلىك ئىماندۇر! ئۇنداقتا قەلىپتە بولسىمۇ نارازى بولماي ئۇئىشنى ئۆزى بىلەن مۇناسىۋەتسىز دەپ بىلىش تاماشا قىلىش  بولسىچۇ ......