دوپپا كىيىپ ياشايلى! (تىكەن)

ablarahman

	دوپپا كىيىپ ياشايلى! ئابلاجان راخمان تىكەن         بايرام بۈگۈن بولغاچقا دوپپا كەيدىم ئۆزگىچە،         دوپپا كىيىپ يول ئالدىم تاغ داۋاندىن تۈزگىچە،           ئەمدى سالماي كىيۇرمەن باھار ،ياز ھەم كۈزگىچە،        دىدىم شۇنداق ئاۋامغا قايتىپ كەلگەچ ئۆيگىچە،         دوپپا كىيىپ     ئۈتەرمەن ھاياتلىقتىن ئۆلگىچە.    ئەجداتلىرىم ئۇلۇغلاپ تەۋەرۈك قىپ ساقلىغان،   دوپپا كىيىپ ئۇيغۇر دەپ غورۇرىنى ئاقلىغان، نەغمە تۇقۇپ داستاندا دوپپىلارنى ياقلىغان،     دوپپا بىلەن  ئىماننى ،ئېتىقاتنى پاكلىغان،       دوپپا دىگەن‹‹يول خېتى››قۇرۇلتايدىن يانغۇچە.    مەن ئېيتىمەن ناخشىنى، دوپپا ئۇيغۇر ناخشىسى، دوپپىلاردەك باش كىيىم تېپىلمايدۇ ياخشىسى، چۈنكى دوپپا نۇر چاچقان ئۇيغۇرلارنىڭ تاجىسى،   دوپپا بىلەن قېنىم بىر، مەن بىر ئۇيغۇر تامچىسى،   داستان قىلىپ كۆيلەيمەن بېشىم كۆككە يەتكۈچە.        دوپپا دىگەن‹‹كىملىك››تۇر، ئۇيغۇرۇمنى تۇنۇتقان، پاك ئۇدۇمنى ئەۋلادقا ھېكمەت قىلىپ يۇرۇتقان، بىراق بەزى گۆدەكلەر بۇ ھېكمەتنى ئۇنۇتقان، چىقارمىغىن ئىسىڭدىن بىز دوپپىدىن ئۇيۇشقان، دوپپا ئۇيغۇر ئۇدۇمى، ئەلمىساقتىن كەلگۈچە. دوپپا بىزنىڭ بەلگىمىز 55 خىل مىللەتتىن، تاشلىمايلى دوپپىنى ساقلىنىپ بىز ئىللەتتىن، ئۆگىنەيلى ئۆز-ئارا ئىلھاملىنىپ خىسلەتتىن،      نۇرلاندۇرغىن ئۆزەڭنى دوپپا‹‹كىملىك››ھېكمەتتىن، ‹‹دارغا ئېسىلىپ ئۈلىۋال››دوپپىدىن ۋاز كەچكۈچە. دوپپا كىيگەن قوشناڭغا كۆزلىرىڭنى ياشلىما، ناماز بوپتۇ ئۆيدە دەپ، دوستلىرىنى باشلىما، ‹‹سەۋىر قىلىڭ››دەپ قولنى، مۈرىسىگە تاشلىما، ‹‹بەلباغ››يوق دەپ بىلىدە، گەدىنىڭنى قاشلىما، نامازسىزمۇ كىيگەن بىز، كىرگۈچە ياش يۈزگىچە. دوپپا كىيسە ئۆز-ئارا مىھرى تۇنۇش ئۆز بۇلۇر، ھەۋەس قىلىپ بىزلەرگە ھەممە جايدا كۆز بۇلۇر، ئەنە ئۇيغۇر كەلدى دەپ جاراڭلىغان سۆز كىلۇر، تۇنۇشمىغان كۆڭۈللەر دوپپا بىلەن ئۆز بۇلۇر، دوپپا كۆرسە دوپپىنى تەكلىپ قىلار تۆرگىچە. دوپپا دىگەن غۇرۇردۇر-ئۇيغۇرلارنىڭ يۈرۈكى، تاشلىۋەتسە كىم ئۇنى ئەلدىن يانار سورىقى، شۇڭا دائىم بۇلۇدۇ دوپپىلارنىڭ كۆرىكى،    دوپپىلاردىن ياتلاشقان بولماس مىللەت ئۆرنىكى، دوپپا كىيىپ ياشايلى بۇ دۇنيادى كەتكىچە. ئاپتۇر:توقسۇ ناھىيە پەيشەنبازار ئوتتۇرا مەكتەپ ئابلاجان راخمان 2012-يىل 3-ماي

مەھمۇد

	دوپپا بايرىمىدا قانچە ئادەمنىڭ بىشىدا دوپپا كۆرەرمەن .   ھەممە ئادەمنىڭ بىشىدا دوپپا كۆرۇپ كەتسەم مەنمۇ نۇمۇس قىلىپ دوپپىدىن بىرنى ئىلىپ كىيىۋالسام . . . .    لىكىن ئاللاھ خالىسا چوقۇم كىيىمەن .

aptuwa

	گىلەم دوپپام بىلەن قىزىل ئەتلەس كۆينىكىمنى كىيىپ مېڭىپ كەتسەم ............ھى ھى ھى

qintax

	مانداق ئادەملەر بار تېخى جاھاندا .

kalamiy

	ھەقىقەتەنمۇ تىلغا بايكەنسىز جۇمۇ ،،بۇ مۇخەممىسڭىز شۇنداق راۋان ،تەبئىي ،چۈشنىشلىك ئاممىباب چىقىپتۇ ..داۋاملىق كۆرۈپ تۇرلى

qiqakkiz

	يىگىتلەر دوپپاڭلارنى  بايرامدىلا ئەمەس ، ھەرقانداق ۋاقىتتا كەيسەڭلار  بەك يارىشاتتى  . ھازىر دوپپىلار يىتىمسىراپ قېلىۋاتىدۇ . دوپپا ئۇيغۇر يىگىتلىرىنىڭ قامىتىگە قامەت قوشاتتى .

ziyaliy

	ئۆتكەن يىلى ئىلى پېداگوگېىكا ئېنىستىتۇتىدىكى 100 دىن ئوشۇق ئوقۇغۇچى تۇتۇپ تەكشۈرۈلگەن، مەنمۇ شۇنىڭ ئىچىدە چۈنكى 5- ئاينىڭ 5- كۈنى بىر كۈن دوپپا كېيگەن ئىدۇق. كۈندە كېيەممىسەكمۇ   يىلدا بىر كۈن كېيىپ بولسىمۇ  ئەنئەنىمىزنى قوغدايلى دەپ ئويلىغان.  ئەپسۇس، شۇ كۈنى مەكتەپ مەمۇرىيتى ۋە ئوبلاسلىق  مەلۇم ئىدارە  ۋە بىخەتەرلىك ئورۇنلىرىدىن ئادەم تەشكىللىنىپ، مەكتەپ ئاشخانىسى ۋە يوللاردا ، سىنىپتا ، مەكتەپ ياتاق رايونىدا دوپپا كىيىپ ماڭغان بارلىق ئوقۇغۇچىلارنى تىزىملاپ، ئەتىسىدىن باشلاپ مەخسۇس سۇراق  خاتىرسى قالدۇردى.    كېين بىزنى ھېچ ئىش يوق دەپ قويۇپ بەردى.      كېيىن سىنىپ مۇدىرى يىغىن  ئېچىپ، دوپپىنى ھەركۈنى كېيسەڭلار مەسىلە يوق، ھېچكىم قارشى تۇرمايدۇ. لېكىن  ھەممىڭلار دېيىشىۋالغاندەكلا مۇشۇ بىر كۈندىلا كەيسەڭلا  سىياسى سەزگۈرلۈك ۋە سەل ئىجتىمائىي مىللىي كەيپيات شەكىللەندۈرۈپ قويىسىلەر، شۇڭا ،  دوپپىنى ھەر كۈنى كېيسەڭلار بولىدۇ، لېكىن باشقا ۋاقىتتا قەتىي كەيمەي   5-5- كۈنىلا كېيسەڭلار، ئەلۋەتتە ئامانلىق مەسىلىسىنى كۆزدە تۇتۇپ ، بۇ ئىشنى كونتىرول قىلىمىز،دوپپا كېيىشكە قويمايمىز دېدى.    بۇ ۋەقە بىزنىڭ مەكتەپتىلا ئەمەس،  شۇ كۈنى غۇلجا شەھرىكى باشقا ئوتتۇرا باشلانغۇچ مەكتەپلەردىمۇ ئومۇميۈزلۈك تەكشۈرۈش بوپتىكەن.    ئەمما پارتىيە ھۆكۈمەت ئۇلۇغ،دانا،بىزنىڭ مىللىي ئۆرپ ئادەتلىرىمىزنى قوغدايدۇ ھەم ئىلمىي تەرەققىي قىلدۇرىدۇ. ئېتىبار بېرىدۇ.  ۋارىسلىق قىلىش ۋە تەرققىي قىدۇرۇشنىڭ بىرلىكىدە چىڭ تۇرىدۇ. ئۇلۇغ پارتىيەگە ئىشەنچىمىز تولۇق، مۇكەممەل بار.

tatlik0997

sawatsiz00

	مەنغۇكۇندەكيمەن يازچققيچە

sawatsiz00

	مينڭدوپبام