ھەرخىل كىتابتىن سەرخىل ئۈزۈندە

arkenkaxka

	<<قۇتادغۇبىلىك>> تىن پارچە          يۈسۈپ خاس ھاجىپ ( ئىنسان بالىسىنىڭ قەدىرى بىلىم (ۋە) ئەقىل بىلەن بولىدىغانلىقى سۆزلىنىدۇ) 148. (خۇدا)ئىنساننى خىللاپ ، تاللىدى ۋە ياراتتى،          ئۇنىڭغا پەزىلەت،بىلىم،ئەقىل ۋە پاراسەت بەردى. 149. (ئۇنىڭغا)قەلب ئاتا قىلدى ھەم تىلىنى راۋان قىلدى ،         ھايا ھەم گۈزەل خۇلق ۋە قىلىق بەردى. 150. بىلم بەرگەنلىكى (ئۈچۈن) ئىنسان بۈگۈنكى بۈيۈكلۈكە ئېرىشتى،         پاراسەت بەرگەنلىكى (ئۈچۈن) تۈگۈنلەر يېشىلدى. 151. خۇدا كىمگە ئەقىل-پاراسەت ۋە بىلىم بەرگەن بولسا،         (ئۇنىڭ) قولىدىن كۆپ ياخشىلىقلار كەلدى. 152. بىلىمنى بۈيۈك، ئىدراكنى ئۇلۇغ دەپ بىل،         بۇ ئىككىسى خىللانغان قۇل(بەندە)نىڭ مەرتىۋىسىنى ئۆستۈرىدۇ. 153. بۇ سۆزنىڭ دەلىلى سۈپىتىدە مۇنۇ سۆز كەلدى،         بۇ سۆزنى ئاڭلىغىن_دە، سۆزۈڭنى شۇ يەردە توختات. 154. قەيەردە ئىدراك بولسا، ئۇلۇغلۇققا ئېرىشىدۇ،          بىلىم كىمدە بولسا، ئۇ بۈيۈكلۈككە ئېرىشىدۇ. 155. پاراسەتلىك ئوقالايدۇ، بىلىملىك بىلەلەيدۇ،          بىلىملىك، پاراسەتلىكەر تىلىكىگە يېتىدۇ. 156. بىلىمنىڭ مەنىسىنى بىل، بىلىم نېمە دەيدۇ:          بىلىم بىلگەن ئەردىن ھامان كېسەل يىراقلىشىدۇ. 157. بىلىمسىز كىشىلەرنىڭ بارچىسى كېسەلچان كېلىدۇ،          كېسەلنى داۋالىمىسا كىشى تېزلا ئۆلۈپ كېتىدۇ. 158. يۈر، ئەي بىلىمسىز، كېسىلىڭنى داۋالا،          ئەي ئالىم، بىلىمسىز(لىك)نىڭ داۋاسىنى سەن ئېيتىپ بەر. 159. پاراسەت بىر چۇلۋۇردۇر، ئۇنىڭغا ئېرىشكەن كىشى         تۈمەنلىگەن ئارزۇسى بولسىمۇ، تېلىكىگە يېتىدۇ. 160. قارا، پاراسەتنىڭ كىشىگە پايدىسى كۆپ،         بىلىم بىلگەندىن كېيىن كىشى ئەزىز بولىدۇ. 161. ھەرقانداق ئىشنى پاراسەت بىلەن ئىشلە،         ئېرىشكەن ۋاقىتلىرىڭنى بىلىم بىلەن مۇستەھكەملە. (نەسرىي يەشمىسدىن)36-37-بەتلەردىن ئېلىندى.   مەن كەڭ تورداشلارنىڭ ئۆزى ئوقۇغان كىتابلار ئىچىدىن ياخشى ھېكمەتلەرنى مۇشۇ تېما ئىچىگە يوللاپ، بۇندىن كېيىنكى پايدىلىنىشىمىز ئۈچۈن قۇلايلىق يارىتىشىنى ئۈمىد قىلىمەن. تىرىشايلى مۇنبەرداشلىرىم، مۇنبەردە يۈزمىڭدىن ئارتۇق ئەزا بار. بىر ئادەم يۈزى قېلىنلىق قىلىپ ئىككى ئىسىمدا ئەزا بولۇۋالغانلارنى  چىقىرىۋەتكەندىمۇ يۈزمىڭ ئەزا بار. ھەربىرىمىز بىردىن ھېكمەت قالدۇرساق، كەلگۈسى مۇنبەرداشلىرىمىز ئۈچۈن بۇ مۇنبەردە يۈزمىڭ ھېكمەت ساقلانغۇسى!

sargarda

	بىلىم ، ئەقىل  ـ پاراسەت  دېگەن  نېمە  ؟    سادىغاڭ  كىتەي  ،  مۇشۇ  سۇئالىمغا   مىنى  قانائەتكەندۈرگىدەك  جاۋاب  بېرىپ  باقساڭلار  !

nap--rat

	ھايات قىلىشنى ئويلىساڭ شەمشىرىڭنى تاشلىما مەن مۇشۇنى بىلىدىكەنمەن

asarshah

	ياخشى يېزىپسىز

kakkuk11

	رەھمەت تېمىڭىزغا.....

sargarda

	كىمكى   ،  قىلىچنىڭ   دەستىسىنى  تۇتۇشنى  خالىمايدىكەن  ،  ئۇنىڭ  ئۆتكۈر تىغىغا  دۇچ كىلىدۇ  .   خۇدانى  سۆيسەڭ   ،  ھەقەمسايەڭنى  سۆي  .   قىزلارنى   بوزۇلۇپ  كەتتى  دەپ  قاقشايمىز  !  رومكىسىغا  ھاراق  توشقۇزۇپ بېرىۋاتقان تاماكىسىغا  ئوت  يېقىپ  بېرىۋاتقان  ھەزىلەكلەرنى  نىمە  دەيمىز ؟ ئاللاھ   زالىملارغا  مەدەت  بەرگۈچىلەرنى  ئاشۇ  زالىمنىڭ  قولى بىلەن جازالايدۇ . ( ھەدسىتىن ) ئاز  بولۇپ   قالسىمۇ  كۆپكە  تاۋاپ  قىلىپ  تۇرالا  ...

ئىلنازە

	ئىچىڭنى تاماقتىن خالىي تۇت،تاكى__ ئاڭا كىرەلىسۇن نۇرى مەرىپەت، بۇرنۇڭغىچە لىققىدە تائام تۇرسا، قانداق سىغار ئۇنىڭغا ئىلىم-ھېكمەت.                                                                             __سەئىدى شىرازىدىن ياخشىلىقنى ئۆگىنىش تاغقا چىققاندەك قىيىن ۋە ئاستا، يامانلىقنى ئۆگىنىش سۇغا سەكرىگەندەك ئوڭاي ۋە تېز بولىدۇ. ئىلىم-پەن قانداقتۇر ئوقۇتقۇچى سۆزلەپ بەرگەننى يادلىۋالسىلا ئىگىلەپ كەتكىلى بولىدىغان نەرسە ئەمەس، بەلكى ئۇ يەككە-يېگانە، ھالال تەر تەلەپ قىلىدىغان جاپالىق مېھنەت، ھەر كۈنى، ھەمىشە ئىشلەشنى،ئۆگىنىشنى تەلەپ قىلىدىغان كۈندىلىك مېھنەت! كىم بۇنى چۈشەنمىسە،ئۇنداقلارنىڭ باھاسى بىر تىيىن! ئۇنداقلار يۈز ياشقا كىرسىمۇ، يەنىلا كىتاپ ئارتىلغان ئىشەككە ئوخشاش نادانلىقچە قېلىۋىرىدۇ! دائىم ئىسىڭدە بولسۇن، مەن ئۆزۈم ئۈچۈن، سەن ئۈچۈن، ساڭا مۇنۇ ھىكمەتلىك سۆزنى سوۋغا قىلىمەن:- «كىشىلىك تۇرمۇشتىكى ئەڭ گۈزەل بۇرچ ۋە ئىنسانىيەت تۇرمۇشىدىكى ئەڭ زور بەخت تېگى-تەكتىدىن ئېيتقاندا ئۆگىنىش.»                                                                                       __بالزاك ئۆز مىللىتىنىڭ مائارىپىغا كۆڭۈل بۆلمىگەن مىللەت،ئۆزىنىڭ كەلگۈسىنى دەپنە قىلغان مىللەتتۇر.                                                                       __(كەچۈرۈڭلار، كىم ئېيتقانلىقى ئىسىمدە قالماپتۇ، شۇنداقتىمۇ يوللىغۇم كىلىپ، يوللاپ قويدۇم.)

sargarda

	ئىلنازە يوللىغان ۋاقتى  2012-5-3 06:45 PM ئىچىڭنى تاماقتىن خالىي تۇت،تاكى__ ئاڭا كىرەلىسۇن نۇرى  ... ئى   بالزاكنىڭ   ھېكىمەتلىرىنى  قايسى  كىتابتىن  ئالغانسىز  ؟   مۇشۇ  چەتئەل   يازغۇچىللىرنىڭ  ئەسەرلىرىگە  باشقىچە  ئىشتىياقىم بار ؟ كىتاب  ئىسمىنى  يا   شۇ  كىتابىڭىزنى  بىرىپ  تۇرامسىز  ؟

ئىلنازە

	sargarda يوللىغان ۋاقتى  2012-5-3 07:04 PM ئى   بالزاكنىڭ   ھېكىمەتلىرىنى  قايسى  كىتابتىن  ئالغان ... كەچۈرۈڭ، ھەممىسى تولۇقسىزدىكى چاغلاردا ئوقۇغان كىتابلاردىن كۆچۈرۈۋالغان، كىچىكلىكتىن بولسا كىرەك، ئۆزۈم ياقتۇردۇم دەپ جۈملىلەر بىلەن يازغۇچىنىلا يېزىپ قالدۇرغانكەنمەن، كىتاب ئىسمى يوق ئىكەن، بولمىسا ئابايلا تورداشلارغا قالدۇرغان بولاتتىم.

arkenkaxka

	ئاكتىپ بولغىنىڭلارغا رەخمەت قىرىنداشلىرىم