مۇقەددەس نۆل يوق نەرسە ئەمەس ...

نــۆل

	سۆيۈملۈك مۇنبەر ، ئاڭلا گېپىمنى ... مەنكى نۆل ، سېنىڭ ئىللىق قوينۇڭغا نۆلدىن بارلىققا كەلگەن جىسمىمنى، نۆلدىن ھالقىغان تەپەككۈرۈمنى ، شۇنداقلا نۆلدە توختىغان روھىيتىمنى ئېلىپ كەلدىم . مېنى ئىللىق قوينىڭغا ئال ! مەنىۋىيتىم سەندىن ئوزۇق ئالسۇن ! قىممىتىم سەندە ئۆز ئەكسىنى كۆرسۈن. مېنى يوق نەرسە دېمەڭلار !    نۆل يوقلۇق ئەمەس . ئۇنىڭ قىممەت ئىپادىلەشتە دائىم شاللاشقا دۇچار بولىشى ھەرگىز ئۇنىڭ نۆل ئىكەنلىكىدىن  بولمىغان ،بەلكى كىشلەرنىڭ نەزىرىدە نۆلنىڭ يوق ھېسابلانغانلىقىدىن بولغان  ... چەكسىز كەتكەن قۇملۇقتا قۇرۇپ قالغان بولىسىمۇ ، زەبەردەست ھالىتىنى ساقلاشقا تىرشىپ دۇنياغا ئازاپلىق نەزىرى بىلەن تىكىلگەن بىر تۈپ قاقشال توغراق دېھقاننىڭ نەزىرىدە پەقەت ئوتۇندىن ئىبارەت ، ھالبۇكى بىر سەنئەتكارغا نىسبەتەن ئۇ قىممەتلىك كۆرۈنۈش ، بىر خىل سەنئەت ...      بىر ۋە ياكى ئىككى پەقەت مەن نۆل بولغاندىلا ئۆزىنىڭ قىممىتىنى نامايەن قىلالايدۇ . ئەگەر نۆل بولمىسا  بىر ھەرگىز ئون بولالمايدۇ ، ئىككى ھەرگىز يىگىرىمە بولالمايدۇ .تېمپۇراتۇرا نۆل بولغاندا ھاۋانىڭ ئىللىيدىغانلىقىغا نىسبەتەن بىزدە ئۈمىدتۇغۇلىدۇ . دېمەك مەن ئۇمىدنىڭ شەپىسى ...    مېنى يوق دېمەڭلار ! مەن مەۋجۈد ...       نۆل يەنە بەزىدە كىشىلەرگە چەكسىز خوشاللىق ئېلىپ كېلەلەيدۇ . !   ئىشچى - خىزمەتچىلەر بۇ ئايدا مۇئاشىدىن تۇتۇلغان كاتەككە قارايدۇ،- دە « نۆل » دېگەن خەتنى كۆرۈپ شۇنداق خوشال بولۇشۇپ كېتىدۇ . چۈنكى نۆل ئۇلارنىڭ بۇ ئايلىق مۇئاشىدىن پۇل تۇتۇلمىغانلىقىنى بىلدۈرىدۇ . دېمەك مېنىڭ يوقلۇققا سىمۋۇل بولۇپ قىلىشىم خوشاللىق بىلەن قول تۇتۇشقان بولىدۇ . بىراق بەزىدە نۆل كىشىلەرگە ئازاپ ئېلىپ كېلىدۇ .چۈنكى ھېچكىم ھەمياننىنىڭ يانچۇقلىرىدىن نۆل پۇراپ قىلىشنى خالىمايدۇ . لېكىن، مېنى يوق دېمەڭلار ! ... مەن مەۋجۈد ...    ئۇنداق بولسا ، مەن زادى قانداق نەرسە ؟     مەنبە : نــــۆ ل

شاھلالە

	نۆل شۇ قانداق نەرسە بولتى توۋا

kakkuk11

	نۆل .....  ياخشى رەقەم ئەمەس ئىمتىھاندا......

توقماق

	توغرا گەپ،«نۈل يوق نەرسە ئەمەس»لا ئەمەس،«يوق نەرسە»مۇ «يوق نەرسە ئەمەس»بەلكى «يوق نەرسە »سۈپىتىدە «بار» نەرسە!.                                         قاسىم سىدىق: «يوقلۇق» ۋە ئالەمنى بىلىش مەسىلىسى http://www.kayinat.com/bbs/forum.php?mod=viewthread&tid=1030&extra=page%3D1

shahsever

	توقماق يوللىغان ۋاقتى  2012-4-29 08:18 PM توغرا گەپ!. بارلىق ۋە يوقلۇق ئالىمىگە مەھكۇم نۆل ...

zarapshan

	نۆل-قىممەت يۇقالغاندىن كىيىنكى نەتىجە.

hokumran

	مەن ئىمتىھان قەغىزىمدە بىر دانە نۆل بولۇشىنى قىلچىمۇ ياقتۇرمايمەن. چۈنكى بۇ مېنى دادامنىڭ تايىقى ئاستىغا ئېلىپ بارىدۇ. ئەمما يانچۇقۇمدا كەينىگە ئىككى دانە نول قۇيۇلغان قىزىل تىزىنىڭ كۆپ بولۇشىنى بەكمۇ ئويلايمەن. بۇ ئارقىلىق مۇئەلىمىمگە خوشامەت قىلىپ ئاشۇ نۆلنىڭ ئالدىغا سەككىزدىن يوقۇرى خالىغان رەقەمنى قويغۇزۇپ دادامدىن مۇكاپات ئالالىشىم مۇمكىن.                                                                        (ئوغلۇمنىڭ خاتىرىسىدىن)

biparwa0997

	توۋا! مىسرانىمغا يوللانمىغان مۇشۇ تېما قالغانتى. ئەتە ئۆگۈنگىچە بىرسى 1 قانداق نەرسە دەپ تېما يازىدۇ ئەمدى.

musilina

	نۆلدىن باشلىنىپ يۇقۇرى چەككە يەتكەن تەپەككۈرىڭىزگە ئاپىرىن.... نۆلنىڭ رولىنى سەل چاغلاشقا بولمايدۇ...