مۇشەققەت ئىلكىدە سىلكىنگەن ئېڭىم،
ھودۇقۇپ يۈرۈشتىن بولدى قۇتۇلماق.
جىمجىتلا خانىگە سولانغان تېنىم،
بەقۇۋۋەت روھىمدىن تەم ئېلىپ قىرتاق.
بۇ چىچەك پەسلىمدە مۇھىت بورىنى،
نىشانلاپ غولۇمغا سوقۇلدى ھەجەپ.
ئەسلىدىن قاغجىراپ تۇرغان يىلتىزىم،
پورلىشىپ كەتكەندەك پوستىممۇ بەزەپ.
غەلۋىردۇر زامانىم مەن تاسقالغۇچى،
چوڭلىغىم شاللىنار كىچىگىم ئۆتكەن.
تەشمەكمەن تۆشۈكنى چوڭ قىلىپ بىراق،
دانلىغىم سۈزۈلۈپ پاخالغا كەتكەن.
مەن تېخى ئۈزمىدىم ئۈمۈتنى تەندىن،
قالغان شۇ چىچەكتە بارلىق ئۈمۈدۈم.
ئەڭ ئاۋال ئۆزۈمدىن تۇرغاندا ئۈستۈن،
بەختتىن كۈلگۈسى روھىم كۆرمۈگۈم.
مەنبە قەلىمىم
بۇ يازمىنى ئاخىرىدا turalp تەھرىرلىگەن. ۋاقتى 2012-4-29 05:53 PM