ما نومۇسسىزلىققا قاراڭلار!

bilgeyar

	مەن ئالدىنقى ھەپتە شەنبە كۈنى ماشىنا سېتىۋېلىپ ،مۇشۇ ھەپتىنىڭ چارشەنبە كۈنى نومۇر تاختىسى بىجىردىم. بۈگۈن ئىشخانىدا ماتېرىيال كۆرۈپ ئولتۇرسام يانفۇنۇم سايراپ كەتتى، قارىسام  تونۇمايدىغان غەلىتە بىر نومۇركەن ، ئالسام بىر خەنزۇ ئەر «سىز ماشىنا سېتىۋاپتىكەنسىز، دۆلەتنىڭ يېڭى سىياسىتى بويىچە سېتىۋېلىش بېجىنىڭ بىر قىسمىنى قايتۇرۇش پائالىيىتى بولۇۋاتىدۇ، بۈگۈن ئەڭ ئاخىرقى كۈن، شۇڭا سىز مالىيە ئىدارىسىنىڭ (دۆلەتلىك) مۇناسىۋەتلىك خادىمىغا تېلفۇن قىلىپ ، پۇلىڭىزنى ئېلىۋېلىڭ، ماۋۇسى  ... پۇل قايتۇرۇش نومۇرى، ماۋۇسى... تېلىفۇن نومۇرى» دېدى. تۇرۇپ ھەيران قالدىم ، ھەم خۇشاللاندىم (نەپسى - بالانىڭ كەينىدىن مېڭىپ) . قىزىقىپ تېلىفۇن ئۇردۇم ، تېلىفۇننى يەنە بىر خەنزۇ ئەر ئېلىپ ، شۇنداق ئىش بارلىقىنى  ،بانكا كارتىسىنى ئېلىپ يېقىن ئەتراپتىكى پۇل ئېلىش ماشىنىسىغا بېرىشىمنى ، دۆلەت خەزىنىسىنىڭ سىستىمىسى بىلەن پۇل ئاغدۇرغاندا توردىنمۇ ، تىلفۇندىمۇ تەكشۈرگىلى بولمايدىغانلىقىنى ، شۇڭا چوقۇم پۇل ئالغۇنىڭ قېشىغا بېرىشىمنى ئېيىتتى. شۇندىلا گۇمانلاندىم، ھەم قانداق ئىشلىقىنى يەنىمۇ تەپسىلىي ئىگەللەي دەپ پۇل ئالغۇنىڭ قېشىغا باردىم(ۋاقتىمنى زايە قىلىپ). ھەم تىلفۇندا كۆرۈشتۈم، ئۇ ھېلى بۇنى ، ھېلى ئۇنى دېگىلى تۇردى، بىر دەمدىن كېيىن كارتىدا نەچچە پۇل بارلىقىنى ، ئۇرغان پۇلنىڭ بارغان - بارمىغانلىقىنى تەكشۈرۈپ باق دېدى. ئاغزىمغا كەلگەن بىر ساننى دېدىم ۋە پۇل ئۇرۇلمىغانلىقىنى دېدىم. ئۇ ھازىر سىستىما بىلەن پۇل ئالغۇ ئۇلانماي قالدى، باشقا كارتا بولسا (ئەلۋەتتە پۇل كۆپ كارتا) بولىدىغانلىقىنى دېدى. بۇ ئالدامچىلارنىڭ شۇنچە نومۇسسىزلىق بىلەن قىلغان ئالدامچىلىقىغا قاتتىق غەزىۋىم كەلدى، ھەم مېنىڭ شەخسىي ئۇچۇرلىرىمنىڭ قانداقسىگە بىردەمدىلا «نەچچە ئۆستەڭ ئاتلاپ» بېيجىڭغا بېرىپ بولغانلىقىغا تېخىمۇ غەزەپلەندىم. (ئۇ ئەبلەخلەر مېنىڭ ئىسمىمنى ، كىملىك نومۇرۇمنى، ماشىنامنىڭ نومۇرىنى توپتوغرا بىلىدىكەن) ئۇ ئەبلەخقە ، سەن قايسى مالىيە ئىدارىسىنىڭ خادىمى ؟ دېيىشىمگىلا ئۇ دەرھاللا مەن كېيىن تېلفۇن قىلاي ، دەپلا قويۇۋەتتى. ئۆيگە كىرىپ مۇشۇنداق ئالدامچىلارنى مېنىڭ ۋە شۇنداقلا نۇرغۇنلىغان «مەن»لەرنىڭ ئۇچۇرىنى ئاشكارلىۋەتكەن كىمدۇ؟ دەپ كاللام قېتىپ كەتتى. ماشىنامنىڭ نومۇرىنى پەقەت قاتناش ساقچىلىرى ئەترىتىدىكى رەسمىيەت بىجىرگەن خوتۇن بىلىدۇ. ئاندىن باشقا ماشىنامغا چىقىۋاتلار ، تونۇشلىرىم بىلىدۇ. ھەرگىزمۇ ئۇلار بېيجىڭلىق بىرسىگە ماۋۇ نومۇرلۇق ماشىنا پالانىنىڭ ، دەپ يۈرمەيدىغانلىقى ئېنىق! ئۇنداقتا ، قاتناش ساقچىلىرى ئەترىتىدىكى رەسمىيەت بىجىرگۈچىلەر ياكى ج خ تورىنى باشقۇرغۇچىلار شەخسنىڭ ئۇچۇرىنى سىرىتقا ئاشكارلىدىمۇ؟ ئىچكى تورغا بۆسۈپ كىرەلىگۈدەك خاككىرلارنىڭ ئۇنداق رەزىل ئالدامچىلىق قىلمايمۇ نۇرغۇن پۇل تاپالايدىغانلىقىغا ئىشىنىمەن. ھەم كۆپچىلىكنىڭ قەتئىي دىققەت قىلىشىنى تەۋسىيە قىلىمەن. !

كۇچار

	ۋاي  ئىسمى جىسمىغا لايىقلا  نۇمۇسسىزلاركەنغۇ  بۇلار .

ihsan0903

	يامان نىيتى بارلىقى چىقىپلا تۇردۇ بۇ ئالدامچى خاككىرلارنىڭ ، مەنمۇ ھەيران قىلىۋاتىمەن ......

yawa0903

	ھەي، بۇنداق نۇمۇسسىزلىقلار قەدەمدە بىر بولۇۋاتىدۇ.

مەھمۇد

	قانداق بىلىدۇ دىسىڭىز مىنىڭچە قاتناش تورغىقا كىرىپ يىڭى ماشىنا ئىلىپ نومۇر تاختىسى بىجىرگەنلەرنى ئىزدەيدۇ . سىزنىڭچە سىز بۇنىڭغا توغرا كەپ قالغان ئوخشايدۇ .

rinatcn

	بۇنداق ئىش توغۇرلۇق بىيجىڭدا تۇنجى سوت ئاچتى ۋە جازا ھۆكۇم قىلدى ،يەنى ئۇلار سىزنىڭ ۋە مىنىڭ شەخسى ئۇچۇرۇمنى سىتىپ باشقا شىركەت ياكى گورۇھقا پۇل تاپىدىكەن ، ئۇلار سىزنىڭ نىمىگە ئىھتىياجىلىق ئىكەنلىكىڭىزنى بىلىپ شۇ ئىشتا سىزنى قويۇشقا ئۇرۇنىدىكەن ، مەسىلەن سىزدە قان بىسىمى ، قەنىت كىسىلى، زىڭسىڭ ، تىرە كىسىلى بولسا دورا شىكەتلىرى سىزنى ئىزدەپ مال ساتىدىكەن .ماشىنغا ،ئۆيگە ،يەرگە قىزىقسىڭىز سىزنى شۇساھىگە سۆرەپ كىرىدىكەن ، سىزنىڭ بالىڭىز بولسا بالىغا مەبلەغ سىلىشقا زورلايدىكەن .ئىشلىقىلىپ سىزنى بوش قويۋەتمەي چاپلىشىۋالىدىكەن ....سىزمۇ ئاشۇلارنىڭ توزۇقىغا چۇشۇپسىز ، كۆپچىلىكىنى ئەسكەرىتكىنىڭىزگە رەھمەت .

nazigul8

	ھە نىمە بولسا ئالدىنىپ قالماپسىز، سەزگۈركەنسىز، يېڭى-يېڭى ئالدامچىلىقلاردىن خەۋەردار بولۇپ تۇرىۋاتىمىز، بۇ خەقلەرنىڭ ياسىمايدىغان ساختا نەرسىسى، قىلمايدىغان ئالدامچىلىغى يوق.   ھەتتا دوختۇرخانىدىكى دوختۇرغا كۆرۈنۈۋاتقان بىمارلارنىڭ جان قۇتقۇزۇش پۇللىرىنى ئالداپ ئېلىۋېلىشنىمۇ مۇشۇ خەق قىلىپ باققان. مۇشۇنداق پۇل بىلەن مۇناسىۋەتلىك ئىشلارغا، بولۇپمۇ بىكاردىن سىزگە پۇل تېگىدىغان ئىشلارنى ئاڭلىغاندا، ئالدىنىپ قېلىشتىن ساقلانساق ياخشى، چۈنكى ھەرگىز بىكاردىنلا سىزگە بىرسى پۇلىنى مۇكاپات قىپ بەرمەيدۇ. (پەقەت تەلىيىڭىز كېلىپ لاتارىيە بېلەتتىن مۇكاپات چىقىپ قالمىسىلا. ) تېمىڭىزغا رەخمەت.

alahidahadim123

	ماشىننى ئالغان يەردىكىلەر  ئەڭ گۇمانلىق !! چۇنكى سىزنىڭ  شەخسى ئۇچۇرىڭىزنى ئۇلار ئەڭ توغرا بىلىدۇ!!! ئاندىن يىراقتىكى ئالدامچى دوستلېرغا  يوللاپ بەرسە  سڭىز توزاققا چۇشسىڭىز  ئازراق چاي پۇلى ئالىدۇ !! ھەجەپ ئۆچ بولدۇم  ھەر ئېنكاس يازسام بىر  پارول بىلەن كىرىپ