راس گەپ قىلىشقا ئادەتلىنەيلى

abbas1

	ئىلگىرى چوڭ شەھەرلەردىكى قىسمەن كىشىلەرنىڭ يانچۇقچىلارنىڭ ئوغرىلىق قىلىۋاتقانلىقىنى كۆرسىمۇ ، مەلۇم قىلىشقا جۈرئەت قىلالمايدىغانلىقىنى ئاڭلىغانىدىم . ھازىر بۇنداق ئەھۋال يېزىلارغىمۇ يېتىپ كەلدى. مەلۇم جايدا بىر ئاپتوبۇس يۈك ئاپتومۇبىلى بىلەن سوقۇلۇپ شوپۇر نەق مەيداندا قازا قىلغان . شوپۇرنىڭ يېنىدا ئولتۇرغانلار ھادىسىنى تەكشۈرۈشتە ھېچ ئىشنى  كۆرمەپتۇق ، ئۇخلاپ قاپتىكەنمىز ، دەپ گۇۋاھلىق بېرىشتىن باش تارتقان .   يەنە مەلۇم بىر ئورۇندا بىر كىشىنى ھوقۇقىدىن پايدىلىنىپ پارا ئالدى ، دېگەن گەپلەر خېلى كەڭ تارقالغان ، لېكىن مۇناسىۋەتلىك ئورۇنلار ھېلىقى كىشىنىڭ مەسىلىسىنى تەكشۈرۈش ئۈچۈن خېلى كۆپ كىشىلەر بىلەن سۆھبەتلەشكەن بولسىمۇ ، ھېچقايسىسى پارا بەرمىدىم ، دەپ تۇرۇۋالغان . يەنە مەلۇم ئورۇندا كەنت كادىرى بىر نەچچە دېھقاننى ئۇرغان . بۇنى باشقىلار كۆرگەن ، لېكىن مۇناسىۋەتلىك كىشىلەر ئەھۋالنى تەكشۈرگەندە ئەتراپتىكىلەر ئۇلارنى ئۇرمىدى، دەپ يالغان ئىسپات بەرگەن. بۇنداق ئەھۋاللار جەمئىيەتتە ھەقىقەتەن ككپ . نېمە ئۈچۈن كۆپىنچە ئادەم بىر ئادەمنىڭ ئىش - ھەركىتىنى كۆرۈپ تۇرۇپمۇ راس گەپ قىلىشقا جۈرئەت قىلالمايدۇ؟ بىر ئەمەلدارنىڭ پارا ئالغانلىقىنى پاش قىلسا ، بىر ئەمەلدار ھەممە كىشىگە زىيانكەشلىك قىلىپ بولالامدۇ ؟ بىر كەنت كادىرىنىڭ باشقىلارنى ئۇرغانلىقىنى كۆرگۈچىلەر راس گەپ قىلىپ ئىسپات بەرسە ، بۇ كادىر راس گەپ قىلغانلارنىڭ ھەممىسىدىن ئۆچ ئالامدۇ ؟ بۇ ھەرگىز مۇمكىن ئەمەس . ماھىيەتتىن ئالغاندا ، بۇ قىسمەن كىشىلەرنىڭ ھەققانىيەت تۇيغۇسىنىڭ سۇسلاپ كەتكەنلىكىنىڭ ئىپادىسى. ھەققانىيەت يوق يەردە ناھەقچىلىق كۆپ بولىدۇ، ناھەقچىلىق كۆپ بولغان يەردە زىددىيەتمۇ كۆپ بولىدۇ . بۇنىڭ ئۆچۈن ئەلۋەتتە كىشىلەردە سەمىمىيەت تويغۇسىنى تىكلەشكە توغرا كېلىدۇ. ھەممە ئادەم راستچىل بولسا ، ھەققانىيەتنى سۆزلەشكە جۈرئەت قىلالىسا ، ۋىجدانى بويىچە راس گەپ قىلىشقا ، ناھەقچىلىككە كەسكىن قارشى تۇرالىسا ، ئۇ ۋاقىتتا ھېلىقىدەك ناھەق ئىش قىلغۇچىلارغا جەمئىيەتتە ئورۇن قالمىغان بولاتتى . ناۋادا بۇنداق راس گەپ قىلىشقا جۈرئەت قىلالمايدىغان ئەھۋال كۆپىيىپ كەتسە ، بۇ جەمئىيەت ئۈچۈن بەكمۇ خەتەرلىك . بۇ جەمئىيەت تۈزۈلمىسىگە تەسىر كۆرسەتمەي قالمايدۇ. شۇڭا بىرەر ئىشقا شاھىت بولۇپ قالغاندا راس گەپ قىلىشقا جۈرئەت قىلايلى ، شۇ چاغدا ئۆزىمىز ئۈچۈنمۇ ، باشقىلار ئۈچۈنمۇ روھىي ئازابقا قالمايمىز ، ئەڭ مۇھىمى جەئىيەتنىڭ تىنچ - ئامانلىقى ئۈچۈن ، ھەققانىيەت ئۈچۈن بىر كىشىلىك ھەسسە قوشقان بولىمىز . مەنبە ؛ شىنجاڭ قانۇنچىلىق گېزىتى

كۇچار

	ۋاي راس بىزنىڭ يۇرتلاردىغۇ يوقنىڭ ئورنىدا بوپ قالدى. يانچۇقچىلا ئىلگىرى خاتىرجەممۇ بازار ئايلانغىلى بولمايتى قەشقەر تەرەپلەردە ئوغۇرى يانچۇقچىلارنى ھەممە ئادم ئۇرىدۇ دەيدۇ شۇنىڭ بىلەن  ئوغۇرى يانچۇقچىلار  قاچىدىغان يەر تاپالماي ئۇدۇل ساقچىخانىغىلا قاچىدۇ دەيدۇ بۇ راسمىدۇ؟ بولمىسا ئەتراپتىكىلە ئۇرۇپ ئۆلتۈرۈپ قۇيۇشتىن يانمايمىش

hekmat-uyghur

	بىر  ئېغىز يالغان گەپ  بەزىدە  بىر ئادەمنىڭ ،ھەتتا بىر ئائىلىنىڭ،   ۋاقتى  كەلگەندە بىرەر مىللەتنىڭ تەقدىرىنى ئۆزگەرتىۋېتىدۇ.                                                             ھېكمەت ئۇيغۇر                                                            2012-4-28

蓝狼331

	بۇمۇ بىر ئىنساننىڭ ئەڭ ئەقەللىي بولغان ھەققانىيەت تۇيغۇسىنىڭ ، ئىمان ئىتقادىنىڭ سۇسلىشىپ بېرىۋاتقانلىقىنىڭ ئىپادىسى .

ئايچىن

	hekmat-uyghur يوللىغان ۋاقتى  2012-4-29 01:18 AM بىر  ئېغىز يالغان گەپ  بەزىدە  بىر ئادەمنىڭ ،ھەتتا بى ... بىر ئېغىز يالغان گەپ ھەتتا ناھەق  بىر كىشىنىڭ جېنىغا زامىن بولىشى مۇمكىن

tirnak

	يال

hekmat-uyghur

	ئايچىن يوللىغان ۋاقتى  2012-4-29 04:50 AM بىر ئېغىز يالغان گەپ ھەتتا ناھەق  بىر كىشىنىڭ جېنىغا ز ...    مەنمۇ  شۇنداق   دېمەكچىدىم

nazila998

	راس سۆزلەش شۇنداق قىيىنمىدۇ ؟

دەتمەن

	يالغان سۆزلەش بەك قىيىن .  راس سۆز دىگەن ھامان راس سۆز ...

ئۆل

	ئايچىن يوللىغان ۋاقتى  2012-4-29 04:50 AM بىر ئېغىز يالغان گەپ ھەتتا ناھەق  بىر كىشىنىڭ جېنىغا ز ... لىكىن بەزىدە بىز ئېغىز يالغان گەپ بىر ئادەمىنىڭ ھاياتىنى قۇتقۇزۇپ قېلشى مۇمكىن ... ئەلۋەتتە بۇ تېمدىكىدەك يالغانچلىك ئەمەس ...بۇنى پەقەت يالغان گەپ نۇقتىسدىن تۇرۇپ دىدىم .