سىيىت نوچى خاتىرىسىگە

ketmenbay

	سىيىت نوچى خاتىرىسىگە ساداقەتجان ھاجى ھەسرەتتە ياش تۆكمىدى كۆزۈڭ، ئۆلۈم ساڭا تۇرسىمۇ يېقىن. ئوق ئالدىدا ئۆڭمىدى يۈزۈڭ. ياندى روھىڭ بولۇپ بىر چېقىن. سەن ئۆلۈمگە يۈزلىنىپ تۇرۇپ، يېزىپ چىقتىڭ ئىبرەتلىك كىتاب. مىڭ تىللالىق ھىكمەتتۇر-ھىكمەت، سەن مەرتلەرچە ياڭراتقان خىتاب. كىم ياشاشنى قىلمايدۇ ئارزۇ؟ كىم ھاياتتىن كېچىدۇ ئاسان؟ كىمنى دانا دىگۈلۈك ئەمدى؟ قەھرىمانلار ئاتالسا نادان...؟! ◆◆◆◆◆ (2002-يىل 5-ئاي. قەشقەر) ◆◆◆◆◆ «سىيىت نوچى داستانى»دىن دۇردانەلەر رازى بولغىن قەشقەرلىك، ئەل-يۇرتداشلار خوش ئەمدى. بىللە ئويناپ تەڭ ئۆسكەن يارۇ-دوستلار خوش ئەمدى! ◆◆◆ سېيىت ئاخۇن، سېيىت گاڭڭۇڭ، يۇرتتىن رازىلىق ئالدى. ھارۋىمۇ قومۇشبازىرى يېنىغا بېرىپ قالدى. - ئات! - دېدى سېيىت گاڭڭۇڭ ھارۋىدىن تۆۋەن سەكرەپ: - ئات جاللات! ئۇدۇللاپ ئات! يۈرەككە ئۈدۈل چەنلەپ. چېقىر كۆزلۈك بىر جاللات، مىلتىقىنى راسا بەتلەپ، سېيىت گاڭڭۇڭنىڭ ئالدىدا، تۇردى كۆزىگە تەڭلەپ. ئارقا ياقتىن جىڭ جاللات، دەرھال تەپكىنى باستى. پىستان چېقىپ مىلتىقى، ئۆزى يىقىلىپ ياتتى. ئىككىنچى رەت ئاتقان ئوق، كېلىپ تەگدى تاغاققا. سېيىت ئاخۇن دېدى شۇ دەم، مىلتىق ئاتقان جاللاتقا: مېنى ئاتساڭ ئۇستاڭ ئات، نائۇستاق يېقىن كەلمە. سول كۆكسۈمنى چەنلەپ ئات، ◆◆◆ سېيىت ئاخۇن سېيىت گاڭڭۇڭ، تىك تۇرار ئىدى سۈزلەپ. ماداخۇ دېگەن جاللات، ئاتتى جايىنى كۆزلەپ. يەتتە پاي ئوق تەگكەندە، ئېگىز چىنار يىقىلدى. ھەيۋەت بىلەن گۈلدۈرلەپ، كۈكتە چاقماق چېقىلدى... ◆◆◆ قاغىلار قاقىلدايدۇ، سېپىلدىكى پوتەيدە. بىزگە شەپقەت بارمىكىن، شىيەنگەن بىلەن دوتەيدە؟! دوتەي بىلەن شىيەنگەننىڭ، ئىچكەنلىرى قان بولدى. قەشقەرلىكنىڭ كۆز يېشى، سەل بىلەن قىيان بولدى. شىيەنگەن بىلەن دوتەينىڭ، كىملىكى ئايان بولدى. دەرد تولغان يۈرەكلەردىن، بۇ سۆزلەر بايان بولدى. سېيىت ئاخۇن، سېيىت گاڭڭۇڭ، جېنىدىن جۇدا بولدى. ئەزىزانە قەشقەرنىڭ شۇڭقارى ئادا بولدى. ◆◆◆ سېيىت ئاخۇن ئۆلۈپ كەتتى، تۇپراققا كىرىپ كەتتى. بۇ ئالەم-مۇسىبەتتىن يۈرەككە خۇن تولۇپ كەتتى. چالدى چاكىچاك قەشقەر، مۆڭ تولغان راۋابىنى. ئايەم كۈنلىرى كەلسە تەرك ئەتمەي تاۋابىنى. مۇڭلۇق قەبرىگە سۈركەپ، باغرىنىڭ كاۋابىنى. ئوغلىغا دۇئا ئەيلەپ، يوللىغاي ساۋابىنى. ئۆلمىسەك ئىچەرمىز دەپ، تاڭ ۋەسلى شارابىنى. ◆◆◆◆◆ مەنبە: «ئۇيغۇر خەلق داستانلىرى» ◆◆◆◆◆

shoruq

	تارىخ قەھرىمان يارىتىدۇ، ئەگەر بىزنىڭمۇ تارىخى مەنبەلىرىمىز ئېنىق ھەم مۇكەممەل بولسا، سېيىت نوچى ھەققىدە ئېنىق تارىخى مەلۇماتقا ئىگە بولالايتۇق، ئالدى بىلەن زاماننىڭ تەتۇرلىكىدىن، ئاندىن ئۆزىمىزنىڭ پەرۋاسىزلىقىمىز، ئۆزىمىزگە پۇختا بولماسلىقىمىز، ... تۈپەيلى تېخى يۈز يىل ئىلگىرى ياشىغان ئادەملىرىمىز توغرىسىدا بىلىدىغانلىرىمىز شۇنچە ئاز، شۇنچە يۈزەكى، شۇنچە مەۋھۇم...

rinatcn

	چۇنكى بىزنىڭ تارخ ماتىريالىرىمىز كۆپ تالاپەتكە ئۇچۇرغان ، يىقىندا دىسەك شىڭ شىسەي زامانى ، تۇڭگان يىغىلىقى، گومىنداڭ زامانىدا....  ۋە 10 يىللىق قالايمىقانچىلىتا كونلىق دەپ قارلىپ بۇرۇنقى قول يازمىلار ئەقىلسىز قىزىل قوغدۇغۇچىلار تەرپىدىن رەھىم سىزلەرچى كۆيدۇرۇلگەن .

nurjula

	rinatcn يوللىغان ۋاقتى  2012-4-28 04:00 PM چۇنكى بىزنىڭ تارخ ماتىريالىرىمىز كۆپ تالاپەتكە ئۇچۇرغ ... شۇ چاغدىكى تارىخ تەسۋىرلەنگەن ھېكايە، رومانلارنى ئوقسام، ئىچىم ئاچچىق بولۇپ، بوغۇزۇمغا زەھەردەك نەرسە تۇرۋىلىپ، تۈگىتىپ بولغۇچە ئاغىرىپ قالغىلى تاس قالىمەن. ئاشۇ گۈكىرەپ تۇرغان قىپقىزىل ساراڭ، غالجىر، كاللىسىنىڭ ئىچىگە سۇ ئەمەس لىق يۇندا قاچىلانغان قىزىل قوغدىغۇچىلارنى ھەر نىمە قىلىۋەتكۈم كېلىدۇ.ئېسىت بىزنىڭ قىممەتلىك تارىخى قول يازمىلىرىمىز، تارىخىمىز، شۇ تاپتا مەن يۈەنمۇ ئادىمى، بېيجىڭ ئادىمىدىن تارتىپ، ئۇرۇقداشلىق جەمئىيىتى ۋە بارلىق سۇلالەرنىڭ تارىخىنى ھازىرمۇ بىلىمەن، بىراق  مىللىتىمنىڭ تارىخىنى تولۇق بىلمەيمەن!

qiqakkiz

	ياخشى تىما يوللاپسىز ، بەزى پىتنىخورلارغا  غەيۋەت تىمىسى بولمىسىلا بۇلاتتىغۇ ؟

hekmat-uyghur

	چالدى چاكىچاك قەشقەر، مۆڭ تولغان راۋابىنى. ئايەم كۈنلىرى كەلسە تەرك ئەتمەي تاۋابىنى. مۇڭلۇق قەبرىگە سۈركەپ، باغرىنىڭ كاۋابىنى. ئوغلىغا دۇئا ئەيلەپ، يوللىغاي ساۋابىنى.        لېكىن بىز  تاۋاپ  قىلماقتا  يوق كىچىككىنە  سەۋەنلىكىنى  تۇتىۋېلىپ  قاۋاپ  كېتىۋاتىمىز.چولپانلىرىمىزنى  تۇنۇيدىغانلار،تارىخىنى بەشقولدەك  بىلىدىغانلار  شۇنچە  كۆپ  يۇ قەھرىمانلىرىمىزنى  تۇنۇيدىغانلار ئۇنچە ئەمەس.

mahatjan

	بۇ جاھان باغىدابىر قۇش،بەلكى سۇمرۇغ ئەدىبىيات،                   پەلسەپە باشتۇر ئۇنىڭغا، تىل دىگەن گويا قانات.                    يۈرىكى تارىخئۇنىڭڭكى، قۇيرىقى قالمىش ساۋات،                        ئۇ شۇلار بىلەن مۇقەددەس، ئۇ شۇلار بىلەن ھايات.    دىگەن ئىدى-                        - نۇرمۇھەممەت ئېركى

XIKASTA9098

	سېيت ئاخۇن ئۆلۈپ كەتتى، تۇپراققا كىرىپ كەتتى. بۇ ئەلەم مۇسىبەتتىن، يۈرەك يېرىلىپ كەتتى.