بۇ بىزدىكى دېموكراتىيىمۇ؟ (مۇنازىرە)

abdullaabliz

	بۇ بىزدىكى دېموكراتىيىمۇ؟ (مۇنازىرە) دېموكراتىيە ھەقىقەتنى ۋە ئادىللىقنى ئالدىنقى شەرت قىلىدۇ. بۇنىڭدىن ئايرىلغان دېموكراتىيە پۇچەك، ماغزاپ دېموكراتىيىدۇر. بىر ئىنساننىڭ ئەخلاقىغا ۋىجدانىغا ۋە ئىمانىغا باھا بېرىشتە، ئۇنىڭ دېموكراتىيە مەيدانىغا قاراش كېرەك، ئەلۋەتتە. ۋۇجۇدىدا دېموكراتىيە ئېلېمېنتى بولمىغان ئىنساننى ئىنسان ساناشمۇ گۇناھ! بىز مەلۇم بىر مەسىلىگە ھۆكۈم قىلغاندا، مۇئامىلە قىلغاندا ياكى باھا بەرگەندە، لىللا ۋە ئەركىن پىكىر قىلالمىساق، ئۇ ھالدا بىز ئۆزىمىزگە ئىگە بولالمايدىغان روھىي مەجرۇھ ئىنسانغا ئايلىنىپ قالىمىز. مۇنداقچە ئېيتقاندا، ئۆزىمىزنىڭ ياشاش ۋە ئەركىنلىك ھوقۇقىنى دەپسەندە قىلغان بولىمىز. ھەر بىر ئىنسان دېموكراتىيە ئېڭىنى تىكلەش ئۈچۈن ئۆز نەپسىدىن كېچىشى، ۋۇجۇدىدىن شەخسىيەتچىلىك مىكروبلىرىنى تازىلاپ، ھەققانىيەت ئۈچۈن كۈرەش قىلىش ئىرادىسىنى تىكىلىشى كېرەك! يېقىنقى يىللاردىن بېرى، تور بەتلەردە، ساخاۋەت ئىگىلىرىگە، تۆھپىكارلارغا ۋە نەمۇنىچىلارغا بېلەت تاشلاش قىزغىنلىقى باشلاندى. توردا مۇناسىۋەت دائىرىسى بار، تونۇش بىلىشلىرى كۆپ ۋە ئۆزلىرىنى تەشۋىق قىلىشقا ماھىرلارنىڭ بېلەت سانىنى ھەر ھالدا ئېشىپ، بەزىلىرى شەرەپكە ئېرىشتى، يەنە بەزىلىرى ئالدىنقى قاتارغا كېرەلمىسىمۇ، ئەمما، كىشىلەر ئالدىدا خېلىل بولمىغۇدەك باھالاش سانىغا مۇيەسسەر بولدى. بۇ ئىنسانغا بېرىلگەن مۇقەررەر باھا بولمىسىمۇ، بىراق، بۇ دۇنيالىقتا قىسمەن نام ئاتاققا ئىگە بولدى ھەم مەلۇم ئىشلىرىنىڭ يۈرۈشۈشىگە يول ئېچىلدى دېگەن گەپ! بىز بۇ يەردە مۇنداق بىر مەسىلىنى تەھلىل قىلىپ كۆرۈشىمىزگە ئەرزىيدۇ: تۇخان بىلەن مايمۇنخاننى بۇ قېتىملىق ئون ساخاۋەتچى ئانىنى باھالاش تىزىملىكىگە كىرگۈزۈلدى، دەيلى، ئۇ تورغا كىرىشنىمۇ بىلمەيدۇ. تورداشلىرىمۇ يوق، ئەمما، قىلغان ساخاۋەتلىك ئىشلىرى كۆپ. ئۇنىڭ بالىلىرىمۇ تورغا چىقىپ كەتمەيدۇ. مايمۇنخان تۇخانغا قارىغاندا قىلغان ساخاۋەتلىك ئىشلىرى ئانچە كۆپ ئەمەس، شۇنداقتىمۇ ئۇنىڭ ساخاۋەتلىك ئىشلىرى كۆپىنچىلەرنى تەسىرلەندۈرگەن. مايمۇنخان ئۆزى تورغا كىرمىسىمۇ، ئۇنىڭ بالىلىرى تور ئويناش ماھىرلىرى، ئۇلارنىڭ نۇرغۇنلىغان تورداشلىرى بار. ئۇلار ئانىسىنى توختىماي تور بەتلەردە بېلەت تاشلاشنى ئۆتۈنۈپ، تېما ئېلان قىلدى. QQ توپلىرىغا يوللىدى. تورداشلىرىغا بېلەت تاشلاشنى ئېيتتى. ئۇنداقتا، تۇخان بىلەن مايمۇنخاننىڭ قايسىسىنىڭ بېلەت سانى كۆپ بولىدۇ؟ ئەلۋەتتە مايمۇنخاننىڭ. ئۇ چاغدا توخانغا ئادالەتسىزلىك بولمامدۇ؟ قېنى بىزدىكى  دېموكراتىيە ئېڭى؟

tirkax

	مەنمۇ شۇ خىل قاراشتا نوقۇل توردىكى بىلەت سانىنىلا ئاساس قىلساق ھەرگىز بولمايدۇ .

adil820

	خوش، ئادەتتىكى بىر سايلام ئۈچۈن سىزچە قانداق بىلەت تاشلىسا ئەڭ دىموكىراتىك بولىدۇ ؟ باشقىسىنى قويايلى ، قايسىڭلار ئۆزەڭلارنىڭ خەلق ۋەكىللەر قۇرۇلتىيىدىكى ۋەكىلىڭلارنى بىلىسىلەر ؟ ئىشقىلىپ مەن ئۇقمايمەن ، جۇڭگوچىلىقتا ھەم بۇ ئىشلارغىمۇ باش قاتتۇرغۇم كەلمەيدۇ ...

tumaq

	دېموكراتىيە دېگەن زادى نېمە؟ http://tarimi.com/politics/democracy/2012/0428/670.html

othor

	بىزنىڭ  يىزىدا دىمكۇراتىيەنىڭ   چوڭ   دادىسى  با.  مەيلى   قانداق   سايلام  بولسۇن  ، ھەممىسى ئالدىن  سايلاپ  بولۇنىدۇ  .  خەلىق  پەقەت يىزا كادىرلىرىنىڭ ئۆزلىرىگە سايلاپ  بەرگەن يىزا  باشلىقى كەنىت باشلىقلىرىنى تونۇۋىلىش ئۈچۈنلا بۇمەجلسكە قاتنىشىدۇ..... ئۇلارنى ئەسلى خەلىق سايلىشى  كېرەك ئىدىغۇ   ...  دىمكۇراتىيە دېگەن  مۇشۇ  ................ بۇنى  ئاددىيلاشتۇرۇپ  جۇڭگۇچە دىمكۇراتىيە دەپ  ئاتاشنى  لايىق  تاپتىم .

awatbag

	othor يوللىغان ۋاقتى  2012-4-28 03:02 PM بىزنىڭ  يىزىدا دىمكۇراتىيەنىڭ   چوڭ   دادىسى  با.  مەيلى   ... بىزنىڭ يۇرىتلاردىمۇ شۇنداق ،يەتمىش ياشتىن ئاشقان ئادەمنىڭ ھازىرغىچە كەنت پارتىيە ياچىكىسىنىڭ شۇجىسى بولۇپ ،ساپلا ئۆزىنىڭ ئۇرۇق تۇققانلىرىنى ۋەزىپىگە قويۇشلىرى ئادەمنىڭ ئەقلىگە سىغمايدۇ ،بۇمۇ دىموكراتىيەنىڭ بىر تۈرى ئوخشايدۇ دەپ چۈشىنىپ تۇردۇمغۇ ئامال يوق ............

nurluk28

	جۇڭگۇدا دېمىكراتىيە پەقەت ھۇقۇقدارلارنىڭ ۋە پۇلدارلارنىڭ قۇلىدا .

مارشال

	جۇڭگۇ جۇرۇڭجىدەك بىر رەھبەرگە مۇھتاج. جوڭگۇدا ئىش ئورنىدىن قالدۇرۇش سىياسىتى قوزغالغاندىن كېيىن،جوڭگۇ بەكلا تەرەقىي قىلغان. جىياڭ زېمىن ئەينى چاغدا،جوڭگۇنى ئۆزگەرتكەن شەخس دەپ نام ئالدى،جۇرۇڭجى جوڭگۇنى قۇتقۇزۋالدى دېسە ئارتۇق كەتمەس،ئۇ كىشى پارىخۇرلۇققا كۈچلۈك زەربە بەرگەن،نۇرغۇن كادىرلارنى تىللاپ سالغان،ئاچچىقى يامان رەھبەر ئىدى. جوڭگۇ ئازاد بولغان تارىختىن بۇيان،ماۋزىدۇڭ،دىڭ شىياۋپىڭنىڭ كەينىدىن تىزىشقا توغرا كېلىدىغان رەھبەر جۇرۇڭجى.ئەگەر شۇنىڭدەك ئىقتىسادچىدىن بىرسى چىقىپ،يەنە پارىخۇر،راكىتاسىمان كادىرلارنى ئىش ئورنىدىن قالدۇرۇش سىياسىتى قوزغىيالىسا،پارىخۇرلۇققا كۈچلۈك زەربە بەرگەن بولسا،دېمكۇراتىيە تېزدىن بىزنىڭ ئالدىمىزدا نامايەن بولىدۇ....

albax

	توغرا ! جۇڭگۇ جۇرۇڭجىدەك بىر رەھبەرگە مۇھتاج. تۇلۇقلاپ قۇياي :                               جۇڭگۇ جۇرۇڭجىدەك بىر ئەمەس كۆپلىگەن رەھبەرلەرگە مۇھتاج.