بۈگۈن دادام ئۇزاپ قالغان كۈن

kalamiy

	بۈگۈن دادام ئۇزاپ قالغان كۈن قەلەمىي كالىندار ئىككى مىڭدىن ئاشقاندا تۆت يىل ، چاپلاشقان ئىكەن بىر كېسەل دادامغا . بىلمەپتۇق بىر زامان بايقىماي يۈرۈپ ، دىمەپتۇ داداممۇ بىز ھەم ئانامغا . ئوقۇيمەن دەپتىمەن ئالىي مەكتەپتە ، جان دادام دىمەپتۇ داۋالىناي دەپ . قىينىسمۇ كۈنسىرى كېسەل ئازاۋې، كۆرمەپتۇ بىزلەرگە جاكارلاشنى ئەپ . سەۋەبى خاتىرجەم ياشسا دەپتۇ. مەندەك دەرت ئازابقا تولمىسا دەپتۇ . ئاسانراق نان تېپىپ ھالاۋەت كۆرۈپ ، ياماننىڭ دۇمبىقى بولمىسا دەپتۇ . شۇنداق دەپ كۈن-كۈننى قوغلاپلا كېتىپ ، دادامنىڭ ئاغرىقىمۇ داۋاملا ئېتىپ . ئىككى مىڭ گە ئالتە يىل قوشۇلغان باھار ، خوش دىدى ئۆمىرىنى تاماملا ئېتىپ . شۇ كۈنى ئاپىرىلنىڭ ئاخىرى ئىدى . ماي كۈلۈپ باقارغا ئىككى كۈن قالغان . ئاھلىغان بىر كېچە كۈندۈز توختىماي ، چوڭ-كىچىك ھەممىمىز مۇسىبەتتە قالغان . جان دادام بىر ئۆمۈر شەھەر كۆرمىگەن . نە شەھەر زەررىچە راھەت كۆرمىگەن . كۆيۈمچان ،سۆيۈملۈك ساخاۋەتلىكتى ، ئۆمىرىدە ھېچكىمگە قاپاق تۈرمىگەن . بىر ئۆمۈر بالا دەپ ياشىغان كۈلگەن ، تۇرمۇشنىڭ دېڭىزىدا غارقىراپ ئۈزگەن . جاپالار بىر مېنىڭ راھەت سىلەرنىڭ ، دەپ كەلگەن مىڭ تىرىلىپ مىڭ قېتىم  ئۆلگەن . دەل  بۈگۈن جان دادام ۋاپات بولغىلى ، ساپمۇ ساق يەتتە يىل بولغان دەقىقە ، قەبرەڭدىن گۈل ئۈنسۇن جەننەتتىن ئورۇن ، ئالغىنسەن يار بولسۇن مىڭلاپ پەرىشتە .

qaxmazulal

	ئىختىيارسىز بەدىنىمگە بىرخىل سىزىم ئولاشتى. ئاللاھتىن ئۇلۇغ ئاتىلارغا ياخشىلىق تىلەيمەن. قەلەپ قۇۋىتىڭىزدىن سۈيۈندۈم. ئوقۇيمەن دەپتىمەن ئالى مەكتەپتە، جان دادام دېمەپتۇ داۋالىناي دەپ.

nurjula

	شۇنچىلىك تەبىئى، مەزمۇنى تولۇق ئەكىس ئەتتۈرۈلگەن، قاپىيسى جايىدا، شېئىرى پۇراق كۈچلۈك، قايغۇلۇق مەزمۇن يانداش ئوبدان يېزىلىپتۇ، بىراق كۆڭلۈم شۇنداق يېرىم بولدى، مىنىڭ دادامنىڭمۇ بۇيىل 12- ئاي كەلسە دەل ئۇ ئالەمگە سەپەر قىلغىنىغا 10 يىل بولىدىكەن. ئاھ دادىلار، ئانىلار، پەقەت ۋە پەقەت پەرزەنىت ئۈچۈنلا ياشايدىكەن!

kuzum

	ئاتىلار ئۈچۈن تەۋرەتكەن قەلىمىڭىز مەڭگۈ توختاپ قالمىسۇن .تېخىمۇ بەرىكەتلىك بولغايسىز .

ئۆل

	مۇشۇنداق ئەسلەپ ئولتۇردىغان ئىش مانا ....شۇڭا بارىدا قەدىرىگە يەتكۈللۈك ...بارلىق ئاتا -ئانلارغا ئۇزۇن ئۆمۈر تلەيمەن ..

bayhenim

	بەك تەسىىرلىك ھەم جانلىق   چىقىپتۇ يىراقتىكى ئاتا ئانامنى ھەم ئۇرۇق تۇققانلىرىمنى بەك سېغىندىمرەھمەت سىزگە

kurax114

	مىنىڭ كۆڭلۈم  بەك  يېرىم  بولدى .دادامنى سېغىندىم

پاۋىل

	بىزھەممىمىز ئانىلارغا بولغان مىھرى مۇھەببىتىمىز توغرۇلۇق كۆپرەك يازىمىز ۋە سۆزلەيمىز لېكىن ئەشۇ ئائىلىنىڭ تۈۋرۈگى بولغان جاپاكەش ئاتىلارنىڭ ئۇلۇغلۇغىنى كىچىكىپ ئاندىن ھىس قىلىمىز . مۇشۇنداق ئىسىل يازمىڭىزنى بىزگە سۇنغىنىڭىزغا كۆپ رەخمەت!

mihregiya

	تېخى باشلانغۇچتا ئوقۇيتتىم ئۇ چاغ، مېھرىبان ئاتا-ئانا يىراقلاشقاندا. دەردىگە چىدىماي تولغانغانتىم ھەم، يۇمۇلغان كۆزىگە دىدارلاشقاندا. ئازغىنە ئارتۇق بىر ئاي ئىچىدە، بىراقلا ئايرىلغان مەندىن شۇ سىرداش. كىچىك جىسمىم پۈكۈلگەن شۇ دەقىقە، ھىجران پىراقىغا بېرەلمەي بەرداش. يىللىرىمغا ئەگىشىپ ئايلار بۇ دەم، ئون يىل ئۆتۈپ كەتتى ھازىدار بوپ  ھەم. ئازابنىڭ ئىلكىدە تولغىنار ھەر ۋاخ، مېھرىگە ئۇزاقراق قانمىغاچ بۇ تەن. سەۋىر كۈتۈپ مەرھەمەتلىك اللاھتىن، قول كۆتۈرۈپ دەيمەن دۇئا قوبۇل ئەت. سەندىن باشقا تايانچىم يوقتۇر ماڭا، ئۇلارغا جامالىڭنى بىھىشنى كۆرسەت.                 سەۋىر قىلايلى قېرىندىشىم اللاھ ئۇلارغا ئاسانلىق بەرگەي،اللاھ سەۋىر قىلغانلارنى ياخشى كۆرىدۇ .اللاھ سەۋىر قىلغانلار بىلەن بىللە...ئىھ اللاھ ئۇلارغا جامالىڭنى كۆرۈشنى نىسىپ قىلغىن ،قىيامەتنىڭ ئازابىدىن قۇتقازغىن ...ئامىن!

nurluk28

	مىنىڭ ئاتامنىڭ تۈگەپ كەتكىلىمۇ ئالتە يىل بولدى . رەھمەتلىك ئاتىللىرمىزنىڭ ياتقان يېرى جەننەتتە بولغاي . تىلى ئاددى چۈشۈنۈشلۈك ياخشى يىزىلىپتۇ.