قۇرئان كەرىمگە يېپىشقانلار ئەنە شۇلار ھىدايەت تاپقۇچىلاردۇر .

arzuumut

	ئەسسىلامۇ ئەلەيكۇم : ناھايىتى شەپقەتلىك ۋە مېھرىبان ئاللاھ نىڭ ئىسمى بىلەن باشلايمەن . قۇرئان كەرىم بولسا ، ئاللاھ تەرپىدىن  پۈتكۈل ئىنسانىيەتكە : ئۇنىڭ مەنىسنى بىلىپ ئۇقۇپ ، ئۇنىڭدىن ۋەز نەسىيئەت ئېلىپ توغۇرا يولدا بولسۇن ئۈچۈن نازىل قىلىنغان ئىسلام(يەنى ھەق) قانۇن بۇلۇپ . قۇرئان ئۇ   ھەق بىلەن باتىلنى ئىنىق ئايرىپ ، ئاللاھنىڭ بىرلىك ۋە بارلىقىغا ھەقىيقى رەۋېشتە ئىمان كەلدۈرۈپ ، ياخشى ئەمەللەرنى ئالدىراپ قىلغۇچى تەقۋادارلارغا توغۇرا يول كۆرسەتكۈچىدۇر . دىمەك قۇرئان كەرىم  يەھۇدىلارغا بىلەك ، ناسارالارغا بىلەك ، مۇسۇلمانلارغا بىلەك ، كاپىرلارغا بىلەك نازىل بولماستىن بەلكى پۈتكۈل ئىنسانىيەتكە ئورتاق بايان قىلىنغان ئاللاھ نىڭ شەرىرئەت قانۇنىدۇر . يەنى [بۇ كىتاپتا (يەنى قۇرئاندا) ھىچ شەك يوق، (ئۇ) تەقۋادارلارغا يىتەكچىدۇر] 2-2-ئايەت. يەنى[ بۇ (قۇرئان) (ئومۇمىي) ئىنسانلارغا باياندۇر (يەنى ھالال بىلەن ھارامنى ئوچۇق بايان قىلىدۇ)، تەقۋادارلارغا توغرا يول كۆرسەتكۈچىدۇر ۋە ۋەز-نەسىھەتۇر]3-138-ئايەت. شۇنىڭ ئۈچۈن  ئاللاھ ! قۇرئاننى ئۇنىڭدىن پايدىلىنىپ ، ئىنسانلارنىڭ ئىككىلا دۇنيادا نىجاتلىق تېپىپ ، بەخىت ساھادەتكە ئىرىشىشى ئۈچۈن ھەر بىر ئايەتلىرنىڭ مەزمۇنىنى ئىنسانلارنىڭ پەمىگە يېقىنلاشتۇرۇپ چۈشۈنىشلىك ئىنىق قىلىپ ، بىلىش ئاساسىدا بايان قىلغان . ئەمما ئىنسانلارنىڭ تۇلىسى قۇرئانغا ئىمان كەلدۈرمەسلىك (يەنى ئۇنىڭغا ئىشەنمەسلىك بىلەن )قۇرئاننى چۈشۈنىشكە قادىر بۇلالمايدۇ .    يەنى[ئۇلارغا كىتاب (يەنى قۇرئان) بەردۇق، ئۇنى (يەنى قۇرئاننىڭ مەنىلىرىنى) بىلىش ئاساسىدا بايان قىلدۇق، ئۇنى ئىمان ئېيتقان قەۋمگە ھىدايەت ۋە رەھمەت قىلدۇق] 7-52-ئايەت. ئىنسانلار بۇ قۇرئاننىڭ ئاللاھ  تەرىپىدىن كەلگەن ھىدايەت ۋە رەخمەت ئىكەنلىكىنى بىلسە ئىدى ، ئۇنىڭدىن ۋەز نەسىيئەت ئېلىپ ،ئاللاھ نىڭ شەرىيئىتى (يەنى ئىسلام شەرىيئىتى ) ۋە ئۇنىڭ ئەككاملىرغا يىتەكلەنگەن بۇلاتتى . ئەمما ئىنسانلارنىڭ تۇلىسى بۇ ھەقىيقەتنى بىلمەيدۇ . يەنى[ئاللاھ  شۇ كىتاب (يەنى قۇرئان) ئارقىلىق رازىلىقىنى تىلىگەنلەرنى سالامەتلىك يوللىرى (ئاللاھ  نىڭ شەرىئىتى ۋە ئۇنىڭ ئەھكاملىرى)غا يىتەكلەيدۇ، ئىرادىسى بويىچە ئۇلارنى (كۇفرى) قاراڭغۇلۇقىدىن(ئىماننىڭ) نۇرىغا چىقىرىدۇ ۋە ئۇلارنى توغرا يولغا ھىدايەت قىلىدۇ ]5-16-ئايەت. دىمەك جانابى ئاللاھ !  ئىنسانلاردىن قۇرئانغا ئىمان كەلدۈرۈپ ، ئۇنىڭغا چىڭ يېپىشقانلارنى  ئۆزىنىڭ توغۇرا يۇلىغا ئۆزى يىتەكلەپ ، ئۇلارنى بۇ دۇنيادا ۋە ئاخىرەتتە ياخشى ياشىتىدىغانلىقىغا ۋەدە بىرىپ مۇنداق دىگەن : يەنى [ئاللاھ غا ئىمان ئېيتقان ۋە ئۇنىڭغا (يەنى قۇرئانغا) چىڭ يىپىشقانلارغا كەلسەك،ئاللاھ ئۇلارنى ئۆز رەھمىتىگە ۋە نېمىتىگە (يەنى جەننىتىگە)داخىل قىلىدۇ ۋە ئۇلارنى توغرا يولغا باشلايدۇ ] 4-175-ئايەت. دىمەك ئىنسانلارنىڭ تۇلىسى ياكى ئۇلار   ھىدايەت تېپىشنى (يەنى ئىسلامغا پۈتۈنلەي كىرىپ ، توغۇرا يولدا بۇلۇشنى ) ئارزۇ قىلمامدۇ  ؟ ياكى ئۇلار ئاخىرى ھەممە ئاللاھ نىڭ دەرگاھىغا قايتۇرلۇپ ھىساپ بىرىشتىن غەپلەتتە قالغانمۇ ؟ ياكى ئۇلار ئاللاھ نىڭ ئاخىرقى ھۈكۈمنىلا كۈتەمدىغاندۇ ؟    يەنى[ئۇلار (يەنى ئسلامغا كىرىشنى تەرك ئەتكەنلەر) پەقەت ئاللاھ نىڭ (قىيامەت كۈنى خالايىقنىڭ ئارىسىدا ھۆكۈم چىقىرىشى ئۈچۈن)بۇلۇت پارچىلىرى ئىچىدە كېلىشىنى، پەرىشتلەرنىڭ كېلىشىنى ۋە(خالايىقنىڭ ئارىسىدا ھۆكۈم چىقىرىلىپ، بىر گورۇھ جەننەتى، بىر گورۇھ دوزىخى بولۇپ ئايرىلىش بىلەن خالايىقنىڭ) ئىشىنىڭ پۈتۈشىنى كۈتەمدۇ؟ (بەندىلەرنىڭ) ھەممە ئىشى ئاللاھ غا قايتۇرۇلىدۇ]2-210-ئايەت. يەنى[ئەنە شۇئاللاھ سىلەرنىڭ پەرۋەردىگارىڭلارردۇر،ئاللاھ دىن بۆلەك ھېچ مەبۇد (بەرھەق) يوقتۇر، ئۇ ھەممە نەرسىنى ياراتقۇچىدۇر، ئۇنىڭغا ئىبادەت قىلىڭلار ئۇ ھەر نەرسىگە ھامىيدۇر]6-102-ئايەت. دىمەك بۇ نادان ئىنسان ھەقىيقەتلەرنىڭ شۇنداق بۇلىشىغا قارىماي ئاللاھ نىڭ قانۇن پىرىنسىپلىردىن ھالقىپ توغۇرا يولدىن چىققۇچىلاردۇر . جانابى ئاللاھ  !  شۇ ئەلچىلىرىگىمۇ ھەقنى (يەنى قۇرئاننى) ھېكمەتنى (يەنى ئاللاھنىڭ ئۇلارغا قىلغان ۋەھىيسىنى توغۇرلۇق بىلەن ئۈممەتلىرگە يەتكۈزىدىغان سۈننەتنى ) بىلدۈرۈپ ، ھەرقانداق ئىشقا  ھۈكۈم چىقىرىشتا ، مۇشىرىك ، مۇناپىقلارنىڭ نەپسى خاھىشلىرىغا  ئەگەشمەستىن . بەلكى شۇ قۇرئاننىڭ ئەھكامى بۇيۇنچە ھۈكۈم چىقىرىشقا تەۋسىيە قىلغان . يەنى[ئۇلار ( يەھۇدىيلار ۋە ناسارالار) نىڭ ئارىسىدا ساڭا نازىل قىلغان قۇرئاننىڭ (ئەھكامى بويىچە ھۆكۇم قىلغىن، ئۇلارنىڭ نەپسى خاھىشلىرىغا ئەگەشمىگىن، ئۇلارنىڭ ئاللاھ ساڭا نازىل قىلغان قۇرئانىنىڭ بىر قىسمىدىن سېنى ۋاز كەچۈرىشىدىن ساقلانغىن.ئەگەر ئۇلار (ساڭا نازىل قىلغان ھۆكۈمدىن ) يۈز ئۆرىسە (ئى مۇھەممەد!)بىلگىنكى، ئۇلارنىڭ بىر قىسىم گۇناھلىرى تۈپەيلىدىن ئاللاھ ئۇلارنى جازالاشنى ئىرادە قىلىدۇ. شەك-شۇبھىسىزكى، كىشىلەردىن نۇرغۇنى پاسىقتۇر (يەنى پەرۋەردىگارىنىڭ تائىتىدىن باش تارتىپ، ھەققە خىلاپلىق قىلىپ گۇناھقا چۈمگۈچىلەردۇر)]5-49-ئايەت. يەنى[شۇنىڭدەك (يەنى سىلەرگە بەرگەن نېمىتىمنى كامالەتكە يەتكۈزگىنىمدەك ) ئۆز ئىچىڭلاردىن سىلەرگە بىزنىڭ ئايەتلىرىمىزنى تىلاۋەت قىلىپ بىرىدىغان، سىلەرنى (مۇشرىكلىك ۋە گۇناھدىن) پاك قىلىدىغان، سىلەرگە كىتابنى (يەنى قۇرئاننى ) ۋە ھىكمەتنى (يەنى دىنىي ئەھكاملارنى) ئۆگىتىدىغان، سىلەرگە بىلمىگەنلىرىڭلارنى بىلدۈردىغان بىر پەيغەمبەر ئەۋەتتۇق]2-151-ئايەت. دىمەك جانابى ئاللاھ نىڭ  ئۆز پەزلى بىلەن كۈچلەندۈرۈلگەن ئەلچىسى مۇھەممەد ئەلەيھىسلامغا :  قەقنى (يەنى قۇرئاننى ) ھېكماتنى(يەنى ھەقنى بىلدۈرۈش يولىدىكى توغۇرلۇقنى ) بىلدۈرۈپ ، دىمەك پەيغەمبىرىمىزنى بىزگە ھەقنى بىلدۈرۈش ئۈچۈن ئىۋەتكەنلىكى ،  بۇ بىز ئۈچۈن كاتتا نىممەت ئىدى . بىراق بۇ نىممەتنى ئىنسانلارنىڭ تۇلىسى بىلەلمىدى . شۇنىڭ بىلەن ئىنسانلاردىن كۆپۈنچىسى ئۆزلىرى ئازغاننى ئاز دەپ پەيغەمبىرىمىز نامىدىن يالغاننى سۆزلەپ،  ئۆزلىرى سەزمەستىنلا باتىل ئارقىلىق ھەقنى بورمىلاپ ، ھەقنى ئىنكار قىلغۇچىلاردىن بۇلۇپ قالدى . يەنى[ (ئى مۇھەممەد!) ئەگەر ساڭا ئاللاھ  نىڭ رەھمىتى ۋە پەزلى بولمىسا ئىدى، ئۇلاردىن بىر گورۇھ ئادەم چوقۈم سېنى ئازدۇرۇشنى قەستلەيتتى؛ ئۇلار پەقەت ئۆزلىرىنى ئازدۇرىدۇ، ساڭا قىلچە زىيان يەتكۈزەلمەيدۇ.ئاللاھ ساڭا كىتابنى (يەنى قۇرئاننى) ۋە ھىكمەتنى (يەنى سۈننەتنى)نازىل قىلدى، ساڭا سەن بىلمىگەن نەرسىلەرنى (يەنى شەرىئەت ئەھكاملىرىنى ۋە غەيب ئىشلارنى) بىلدۈردى.ئاللاھ نىڭ ساڭا پەزلى چوڭدۇر]4-113-ئايەت. يەنى [ئى مۇھەممەد!) ساڭا پەرۋەردىگارىڭ تەرىپىدىن ۋەھى قىلىنغان قۇرئانغا ئەمەل قىلغىن؛ئاللاھ دىن باشقا مەبۇد (بەرھەق)يوقتۇر، مۇشرىكلار بىلەن تەڭ بولمىغىن]6-106-ئايەت. ئەمما  كىشىلەردىن نورغۇنى ھەقىيقەتلەرنىڭ شۇنداق بۇلىشىغا قارىماي خۇددى شۇ پەيغەمبەرمۇ نەپسى خاھىشلىرىغا ئەگىشىپ، ئۆز خايىشى بۇيىچە ئىش ئېلىپ بارىدىغاندەكلا قۇرئاندا ئاللاھ بايان قىلمىغان ، ئەمما كىشىلەر تەرىپىدىن قىلىنغان رىۋايەتنى پەيغەمبىرىمىز دىگەن دەپ ، ئاللاھ نامىدىن يالغاننى سۆزلەيدىغان ، پەيغەمبىرىمىزگە تۆھمەت چاپلايدىغان بۇلۇۋالدى . ھەي بۇلار ئاللاھ دىن قوقمامدىغاندۇ ؟ ھەي بۇ ئىنسان ! ئىنسان دىگەن (ئازغۇچى )دىگەنلىك بۇلۇپ ، ئاللاھ ئۇلارغا ئىبادەتنى ئۆزىگىلا قىلىشقا  ئاتا - ئانىسىغا ياخشىلىق قىلىشقا بۇيرىغان تۇرسا . بارلىق پەيغەمبەرلەرمۇ ئۈممەتلىرگە شۇنداق ھەق باراسىدا ، يەنى[ئاللاھ  ئادالەتنى بەرپا قىلغان ھالدا گۈۋاھلىق بەردىكى، ئۇنىڭدىن باشقا ھىچ مەبۇد (بەرھەق) يوقتۇر. پەرىشتىلەرمۇ، ئىلىم ئەھىللىرىمۇ شۇنداق گۇۋاھلىق بەردى: ئۇنىڭدىن باشقا ھىچ مەبۇد (بەرھەق)يوقتۇر، ئۇ غالىپتۇر، ھىكمەت بىلەن ئىش قىلغۇچىدۇر]3-18-ئايەت. يەنى[سىلەرنىڭ ئىلاھىڭلار بىر ئىلاھتۇر، ئۇنىڭدىن باشقا ھىچ (بەرھەق) مەبۇد يوقتۇر؛ ئۇ ناھايىتى شەپقەتلىكتۇر، ناھايىتى مېھرىباندۇر]2-163-ئايەت. يەنى[ئاللاھ دىن باشقا ھىچ (بەرھەق) مەبۇد يوقتۇر، ئاللاھ  (ھەمىشە) تىرىكتۇر، مەخلۇقاتنى ئىدارە قىلىپ تۇرغۇچىدۇر]2-3-ئايەت. يەنى [ئاد (قەۋمى) گە ئۇلارنىڭ قېرىندىشى ھۇدنى ئەۋەتتۇق، ھۇد: «ئى قەۋمىم! ئاللاھ  غا ئىبادەت قىلىڭلار، سىلەرگە ئاللاھ  دىن باشقا مەبۇد(بەرھەق) يوقتۇر. (ئۇنىڭ ئازابىدىن) قورقمامسىلەر؟» دېدى ]7-65-ئايەت. يەنى[ئى  ئىنسانلار! تەقۋادارلاردىن بولۇشۇڭلارئۈچۈن، سىلەرنى ۋە سىلەردىن بۇرۇنقىلار (يەنى ئۆتكەنكى ئۈممەتلەر)نى ياراتقان پەرۋەردىگارىڭلارغا ئىبادەت قىلىڭلار ]2-21-ئايەت. دىمەك ئاللاھ ئىنسانلارغا قۇرئانغىلا ئەمەل قىلىشقا ، بارلىق ئىبادەتلەرنى ئۇنىڭ ئۆزىگىلا قىلىشقا تەۋسىيە قىلغان . ئاللاھ نىڭ شۇ بەرھەق ئەلچىلىرىمۇ ئۈممەتلىرگە شۇنداق دەپ تەۋسىيە قىلغان تۇرسا ؛  بىراق ئىنسانلارنىڭ تۇلىسى  شۇنداق قىلىشنىڭ ئورنىغا  بۇنىڭ ئەكسىچە ، ئاتا- بۇۋېلىرىمىزدىن قالغان  شۇنداق قىلساق بۇلىدۇ دەپ ، ئاتا بۇلىرى ھەقنى بىلمەيدىغان .توغرا يولدا بولمىغان تۇرسا ؛ يەنىلا ئۇلار توغرا يولغا يىتەكلەيدىغان  پەيغەمبىرىمىزگە ئەگەشمەستىن بەلكى توغرا يولدا بۇلالمىغان ، دىمەك ئۆزلىرىمۇ ئازغان،  شۇنىڭ بىلەن باشقىلارنىمۇ ئازدۇرۇشنى قەسلىگەن ، ئازغۇن كۇفارلارغا ئەگىشىدۇ  . دىمەك ئۇلار پەيغەمبىرىمىزنىڭ دىگەنلىرنى دەيمىز قىلغانلىرىنى قىلىمىز دەيدۇيۇ . ئەمما ئۇنىڭ ئەكسىچە ئىبادەتلىردە ئاللاھ غا باشقا مەبۇدلارنى شىرىك كەلدۈرۈپ ، ئاللاھ نىڭ بىرلىكىنى  ۋە پەيغەمبىرىمىزنىڭ بەرھەقلىقىنى ئىنكار قىلغۇچىلاردۇر .    يەنى[ئەنە شۇ ئاللاھ  سىلەرنىڭ پەرۋەردىگارىڭلارردۇر،ئاللاھ دىن بۆلەك ھېچ مەبۇد (بەرھەق) يوقتۇر، ئۇ ھەممە نەرسىنى ياراتقۇچىدۇر، ئۇنىڭغا ئىبادەت قىلىڭلار ئۇ ھەر نەرسىگە ھامىيدۇر ]2-102-ئايەت. يەنى[ ھەرقاچان ئۇلارغا (يەنى مۇشرىكلارغا): «ئاللاھ  نازىل قىلغان نەرسىگە(يەنى ئاللاھ پەيغەمبىرىگە نازىل قىلغان ۋەھىگە، قۇرئانغا)ئەگىشىڭلار» دېيىلسە، ئۇلار: «ياق ئاتا-بوۋىلىرىمىزدىن قالغان دىنغا ئەگىشىمىز» دېيىشىدۇ. ئاتا- بوۋىلىرى ھىچ نەرسىنى چۈشەنمىگەن ۋە توغرا يولدا بولمىغان تۇرسا، يەنە ئۇلارغا ئەگىشەمدۇ؟]2-170-ئايەت. ھەي  بۇ نادان ئىنسان ! ئاللاھ  قۇرئان كەرىمدە بايان قىلغاندەك ، ئاللاھ غا ئىتائەت قىلىپ ، ئۇلار ھەقنى سۆزلىگەنلىكلىرى ئۈچۈن پەيغەمبەرلەرگە ئەگەشكەن بولسىيتتى ، ئاللاھ زىمىندا ئۇلارنىڭ رىسىقلىرنى كەڭ قىلىپ ، ئۇلارنى توغۇرا يولدا قىلغان بۇلاتتى . يەنى[ئەگەر ئۇلار تەۋراتقا، ئنجىلغا ۋە پەرۋەردىگارى تەرىپىدىن نازىل قىلىنغان باشقا كىتابلارغا ئەمەل قىلسا ئىدى ئۇلار چوقۇم ئۈستىلىرىدىن ۋە ئاياغلىرى ئاستىدىن يەر ئىدى (يەنى ئۇلارغا ئاسمان زېمىندىن كەڭ رىزىق بېرىلەتتى)، ئۇلاردىن بىر جامائە (يەنى مۇھەممەد ئەلەيھىسالامغا ئىمان ئېيتقانلار) توغرا يولدىدۇر. ئۇلارنىڭ نۇرغۇنلىرى نېمىدېگەن يامان ئىش قىلغۇچىلار ]5-66-ئايەت. يەنى ئاللاھ  ئىنسانلارغا تەۋسىيە قىلىپ قۇرئانغا ئىمان كەلدۈرۈشنى ، ئايەتلىرنى ئەزان باھادا سېتىۋەتمەسلىكنى ئېيتقان تۇرسا ، يەنى[ مەن نازىل قىلغان تەۋراتنى تەستىق قبلغۇچى قۇرئانغا ئىمان كەلتۈرۈڭلار، قۇرئاننى بىرىنچى بولۇپ ئىنكار قىلغۇچى بولماڭلار، ئايەتلىرىمنى ئەرزان باھادا سېتىۋەتمەڭلار، ماڭىلا تەقۋادارلىق قىلىڭلار]2-41-ئايەت. ھەي قۇرئاننى پىكىر قىلمامدۇ ئىنسان؟  دىمەك ئىنسانلارنىڭ تۇلىسى  ئاللاھ نىڭ مۇشۇنداق ھەق تەۋسىيەتلىردىن بىخەۋەرمۇ نىمە ؟ ھەقنى ئىنكار قىلىپ ،  قۇرئاننى  مازارلاردا ، ئۆيلەردە ئۇقۇپ بىرىپ بۇنىڭ ئۈچۈن ھەق ئالىدىغان بۇلىۋالدى . دىمەك ئىنسانلار قۇرئاننى ئۆزلىرى قانۇن قىلىپ تۇتۇشنىڭ ئورنىغا بۇنىڭ ئەكسىچە تىجارەت قىلىشنىڭ ۋاستىسى ، جان بېقىشنىڭ قۇرالى قىلىۋالدى . شۇنىڭ بىلەن ئىنسانلارنىڭ تۇلىسى نەپسى خاھىشلىرىغا ئەگىشىپ ، توغۇرا يولدىن چىقىپ كەتكەنلىكتىن ، ئۆزلىرى سەزمەستىنلا قۇرئاننى ئىنكار قىلغۇچىلاردىن بۇلۇپ قالدى . شەك شۆبىسىزكى ،  مانا  مۇشۇلار توغۇرا يولدىن چىققۇچىلاردۇر . يەنى[شەك- شۇبھىسىزكى، ساڭا بىز روشەن ئايەتلەرنى نازىل قىلدۇق، ئۇلارنى پەقەت توغرا يولدىن چىققانلارلا ئىنكار قىلىدۇ]2-99-ئايەت. يەنى[ سەن ئۆلۈكلەرگە ۋە يۈز ئۆرۈگەن گاسلارغا (يەنى دىللىرىنىڭ ئۆلۈكلىكىدە ئۆلۈكلەرگە ۋە ھەقنى ئاڭلىماسلىقتا گاسلارغا ئوخشايدىغان كۇففارلارغا) دەۋەتنى ئاڭلىتالمايسەن]27-80-ئايەت. يەنى[شۇبھىسىزكى، سەن ئۆلۈكلەرگە (سۆزۈڭنى) ئاڭلىتالمايسەن، ئارقىسىغا قاراپ يۈز ئۆرىگەن گاسلارغىمۇ چاقىرىقىڭنى ئاڭلىتالمايسەن ]30-52-ئايەت. يەنى[تىرىكلەر بىلەن ئۆلۈكلەر (يەنى مۆمىنلەر بىلەن كاپىرلار) باراۋەر بولمايدۇ، شۈبھىسىزكى، ئاللاھ (ھەق دەۋەتنى) خالىغان كىشىلەرگە ئاڭلىتىدۇ. سەن قەبرىلەردىكىلەرگە (يەنى كاپىرلارغا) ئاڭلىتالمايسەن]35-22-ئايەت. ھەي  نادان ئىنسان ! سەن بۇلارنى ئويلاپ كۆرمىدىڭمۇ ؟ ئاللاھ قۇرئان كەرىمدە ھەقىيقەتلەرنى  شۇنداق ئىنىق بايان قىلىغان تۇرسا؛  قۇرئاننى مازارلاردا(يەنى قىلۋىغا ئارقىڭنى  قىلىپ، قەۋرىلەرگە ئالدىڭنى قىلىپ  تۇرۇپ ، ئۈلۈكلەرگە قارىتىپ، ئاللاھ نىڭ ئايەتلىرنى  ئۇقۇپ بېرىشىڭنىڭ زۆرىريىتى بارمۇ ؟ كىشىلەر ئارىستا  قۇرئاننى ئوبدانلا  پىكىر قىلىپ ، تىگىشلىك رەۋېشتە ئۇقۇيدىغانلار ھەم ئۇنىڭغا ئىشىنىدىغانلارمۇ (يەنى ھىدايەتتىن )پايدىنىلانايدىغانلارمۇ  بار . بۇنىڭ ئەكسىچە  ھەم ئۇنىڭ مەنىسىنى بىلمەيلا  ، بىلسىمۇ پىكىر قىلماستىنلا  ئۇقۇپ ، ئۆزلىرى بىلمەستىنلا ئىنكار قىلىپ قۇيۇپ ،  ئۆزلىرى زىيان ئىچىدە ياشايدىغانلارمۇ بار  . يەنى[بىز ئاتا قىلغان كىتابنى تېگىشلىك رەۋىشتە ئوقۇيدىغانلار بار، ئەنە شۇلار ئۇنىڭغا ئىشىنىدۇ. كىملەركى كىتابنى (يەنى قۇرئاننى) ئىنكار قىلىدىكەن، ئۇلار زىيان تارتقۈچىلاردۇر ]2-121-ئايەت. شەك شۆبىسىزكى  ھەققە (يەنى قۇرئانغا ) ئىمان ئېتمىغان ۋە ياخشى ئەمەللەرنى قىلمىغان ، بىر بىرىنى ھەققە ، سەۋرىگە تەۋسىيە قىلىشمىغانلار زىيان ئىچىدىدۇر . يەنى [1) . زامان بىلەن قەسەمكى (2) . ئىمان ئېيتقان، ياخشى ئەمەللەرنى قىلغان، بىر- بىرىگە ھەقنى تەۋسىيە قىلىشقان، بىر- بىرىگە سەۋرىنى تەۋسىيە قىلىشقان كىشىلەردىن باشقا ھەممە ئادەم چوقۇم زىيان ئىچىدىدۇر 103-1-2-3-ئايەتلەر. مەنبە : ئاللاھ نىڭ ئىلھاملاندۇرشى بىلەن قۇرئان كەرىمگە ئاساسلىنىپ ئۆزتەپەككۇرۇمغا تاينىپ يېزىلدى .

aㄒaｍaη

	ئاللا رەھمەت قىلسۇن قېرىندىشىم ..............

aybarqn

	ئەجرىڭىزگە رەخمەت

ئايچىن

	ئېسىل تېمىكەن ، اللە ئەجرىڭىزنى بەرسۇن قېرىندىشىم

كۆكنۇر

	قولىڭىزغا دەرت كەلمىسۇن ،قېرىندىشىم .ياخشى مەزمۇنلاركەن .

kurax114

	ئاجايىپ- تىما  بۇپتۇ ماۋۇ  ..ھەق  گەپ  بۇ  ...ئىسىل تىما ئىسىل ئىنكاسلار بىلەن  بېزەلگۈسى

kerindax33

	اللە كۆپلەپ ئەجىر ساۋاپ ئاتا قىلسۇن قېرىندىشىم.

雪莲花

	ئاللاھ ئەجرىڭىزنى بەرسۇن قىرىندىشىم،قولىڭىزغا دەرت كەلمىسۇن،رەھمەت.

nawkeran

	ئاللا رەھمەت قىلسۇن قېرىندىشىم ..............

hiyal0097

	رەھمەت قېرىندىشىم ، ئاللاھ ئەجىر ئاتا قىلسۇن .