ھەدىس شەرىپكە ئىنكار قىلغۇچىلارنىڭ ئوتتىرغا چىقىدىغانلىقىدىن..........

End

	ئەسسالامۇ ئەلەيكۇم ھۆرمەتلىك باشقۇرغىچىلا ئالدىنقى (ھەزىرتى ئەلى رەزىيەللاھۇ ئەنھۇ...) دىگەن تىمىدا بەزى بىر ھەدىسنى ئىنكار قىلىدىغان سۆزلە چىققان ئىدى بۇتىمىنى شۇ تىمىغا ئىنكاس شەكلىدە يوللاپ قويسام بىر قىرىندىشىمىز بولسا تىما قىلىپ يوللىغان بولسىڭىز تىخمۇ كۆپ كىشىلەر كۆرەتتى دىگەن تەكلىپنى بەرگەن ئىدى شۇڭا بۇنى تىما قىلىپ يوللىدىم بولسا تەستىقلاپ قويساڭلا اللە سىزلەردى رازىبولسۇقىرىنداشلىرىم. امىن. ھەدىس شەرىپكە ئىنكار قىلغۇچىلارنىڭ ئوتتۇرىغا چىقىدىغانلىقىدىن ئالدىن خەۋەر بېرىش مۆجىزىسى ئاللاھ تائالا پەيغەمبەرلىكنىڭ دەلىل - ئىسپاتلىرى سۈپىتىدە پەيغەمبىرىنى ئۇممىتى ئىچىدە بۇنىڭدىن كېيىن يۈز بېرىدىغان بەزى ئىشلاردىن ئالدىن خەۋەردار قىلغان بولۇپ، كېيىن بۇ ئىشلار خەۋەر بېرىلگىنىدەك روياپقا چىققانىدى. پەيغەمبەر ئەلەيھىسسالام مۇنداق دېگەن: "سىلەرنىڭ بىرىڭلار كارىۋىتى ئۈستىدە ئولتۇرغاندا، مېنىڭ ھەدىسلىرىم يىتىپ كەلسە: ئاللاھنىڭ كىتابى كۇپايە، ئاللاھنىڭ كىتابىدا ھالال تاپقانلىرىمىزنى ھالال، ھارام تاپقانلىرىمىزنى ھارام، دەپ بىلىمىز، دەيدىغانلىقى يەقىندۇر". [تىرمىزى رىۋايىتى]. پەيغەمبەر ئەلەيھىسسالام يۇقىرىدىكى ھەدىستە قۇرئان كەرىم كۇپايە قىلىدۇ، دەپ داۋا قىلىپ، ھەدىس شەرىپكە ئىنكار قىلىدىغان، ھەقىقەتتىن ئازغۇچى ۋە ئازدۇرغۇچى بىر تۈركۈم كىشىلەرنىڭ ئوتتۇرىغا چىقىدىغانلىقىدىن خەۋەر بەرگەن بولۇپ، مانا بۇ ھەدىستە خەۋەر بېرىلگەندەك، ئۆزلىرىنى قۇرئانچىلار، دەپ ئاتىۋالغان بىر تۈركۈم يالغانچىلار ئوتتۇرىغا چىقتى. پەيغەمبەر ئەلەيھىسسالام يەنە: "بىرىڭلارنى كارىۋىتى ئۈستىدە يۆلىنىپ ئولتۇرغاندا، مېنىڭ بۇيرۇق ۋە چەكلىمىلىرىم يىتىپ كەلسە: بىز بۇنى بىلمەيمىز، ئاللاھ تائالانىڭ كىتابى قۇرئانغىلا ئەمەل قىلىمىز، دېگەنلىكىنى تاپمىغايمەن"، دېگەن. [ئەبۇ داۋۇد رىۋايىتى]. ئۇستاز ئابادى: پەيغەمبەر ئەلەيھىسسالام خەۋەر بەرگەن ئىش روياپقا چىقىپ، مۆجىزە نامايان بولدى. ھىندىستاندىن ئۆزىنى قۇرئان ئەھلىگە نىسبەت بېرىدىغان بىر كىشى ئوتتۇرىغا چىقتى. ۋاھالەنكى، ئۇنىڭ بىلەن قۇرئان ئەھلىنىڭ ئارىسى ناھايىتىمۇ يىراق بەلكى ئۇ مۇرتەد، دىنسىزلارنىڭ جۈملىسىدىندۇر، ئۇ بۇرۇن ياخشىلاردىن بولۇپ، كېيىن شەيتان ئازدۇردى، دېگەن. [ئەۋنۇل مەئبود شەرھى ئابۇ داۋۇد]. ھەدىسكە ئىنكار قىلغۇچىلار ھەدىسكە تۈرلۈك شەك - شۈبھىلەرنى پەيدا قىلىپ، ئۆزلىرى پەيدا قىلغان شەك - شۈبھىلەرنى ھەدىسنى تەرك ئىتىشنىڭ ۋە ئۇنى ئىسلام قانۇنچىلىقىنىڭ مەنبەسى دەپ قارىماسلىقنىڭ كەسكىن دەلىلى، دەپ داۋا قىلىشتى. ئۇلارنىڭ غايە - نىشانى ئىسلام ئۇممىتىنى پارچىلاپ ئىسلامنى يوقىتىشتۇر. ئۇلار پائالىيەتلىرىنىڭ توسالغۇغا ئۇچرىماسلىقى ئۈچۈن ئۆزلىرىنى قۇرئانغا نىسبەت بېرىپ، "ئەھلى قۇرئان" ۋە "قۇرئانچىلار" دېگەن پەردىنىڭ ئارقىسىغا يۇشۇرۇنىۋېلىشقا ئورۇنغان بولسىمۇ لېكىن ئۆلىمالار ئۇلارنىڭ رەزىل ئەپتى - بەشىرىسىنى ئېچىپ تاشلاپ، باتىل شەك - شۈبھىلىرىگە ۋاقتىدا رەددىيە بېرىپ كەلدى. پەيغەمبەر ئەلەيھىسسالام: "ئاگاھ بولۇڭلاركى، ماڭا قۇرئان كەرىم بىلەن بىرگە ئۇنىڭ ئوخشىشى ئاتا قىلىندى"، دېگەن. [ئەبۇ داۋۇد رىۋايىتى]. پەيغەمبەر ئەلەيھىسسالام بۇ ھەدىسلەر ئارقىلىق ھەدىس شەرىپنىڭ ئاللاھنىڭ ۋەھيسى بولۇپ، ئىسلامنىڭ ئىككىنچى مەنبەسى ھېسابلىنىغانلىقىدىن ئىبارەت مۇھىم بىر قائىدىنى ئۆگەتكەن ۋە ئۇممەت ئىچىدە قۇرئان كەرىملا كۇپايە، دەپ داۋا قىلىپ، ھەدىس شەرىپكە ئىنكار قىلىدىغان، دىنىي ئىلىملەردىن خەۋەرسىز بىر تۈركۈم نادان مۇتەكەببىرلارنىڭ ئوتتۇرىغا چىقىدىغانلىقىدىن ئالدىن خەۋەر بېرىپ، مۇسۇلمانلارنى ئۇلاردىن ئاگاھلاندۇرغان. تەييارلىغۇچى: ئوبۇلقاسىم ئەھمىدى. مەنبە:http://mercyprophet.org/mul/ug/node/6769

سۈرخان

	دادام دەيدىغان، كىشى بەش پەرھىزنىلا ئادا قىلىش بىلەن كۇپايىلەنسە بولمايدۇ، ئۇنىڭدىن باشقا ھەدىستە بىزنىڭ قىلىشىمىزنى بەلگىلىگەن نۇرغۇن ئىشلار بار، شۇلارنىڭ ھەممىسىنى ئادا قىلماي بولمايدۇ دەپ...

awatbag

	ئاللاھ رەھمەت قىلسۇن قېرىندىشىم . مۇشۇنداق پايدىلىق تېمىلىرىڭىزنى بىزدىن ئايىمىغايسىز .

amalsiz★man

	قېرىندىشىم بۇ تېمىنى بەك ياخشى يوللاپسىز !  اللا رەھمەت قىلسۇن ! «ھەدىس شەرىف »  دەپ ئالسىڭىز تېخىمۇ ياخشى بۇلاتتى ...

End

	amalsiz★man يوللىغان ۋاقتى  2012-4-28 01:15 AM قېرىندىشىم بۇ تېمىنى بەك ياخشى يوللاپسىز !  اللا رەھمەت ... سىز گىمۇ اللە رەخمەت قىلسۇن قىرىندىشىم . مەن ئەسلى مەنبە بويىنچە يىزىۋىرىپتىمەن .ئادەتتە ئەرەپ ھەر پىدىكى ف ھەرىپىنى پ دەپمۇ تەلەپپۇز قىلىنىپ قالىدغۇمەسلەن فەجەئەلەھۇم دىگەننى پەجەئەلەھۇم دىگەندەك بىزنىڭ كونا ئىمام تولا ئاشىندا تەلەپپۇز قىلاتتى. بۇنىڭدا مەنا ئۆزگىرىپ كىتەمدۇ ئۆزگەرمەمدۇ بۇنى بىلمەيدىكەنمەن .ئەمما چوڭلانىڭ كۆپۇنچىسى ف ھەرىپىنى پ دەپ تەلەپپۇز قىلىدىكەن ئەمىليەتتە ئەرەپ ھەرىپلىرىدا پ ھەرىپى يوق. ئىسىت تەھرىرلەي دىسەم يا تەھرىرلىگىلى بولمايدۇ. خاتالىقنى كۆرسىتىپ بەرگىنىڭىز گە رەخمەت قىرىندىشىم

yidayat164

	ئەسسلامۇ ئەلەيكۇم! بىزگە مىراس ئىككىنەرسە بار شۇنىڭغا ئەگشسەك ئازمايمىز.بىرى قۇرئان يەنەبىرى پەيغەمبەرنىڭ سۈننىتى.............

amalsiz★man

	End يوللىغان ۋاقتى  2012-4-28 01:37 AM سىز گىمۇ اللە رەخمەت قىلسۇن قىرىندىشىم . مەن ئەسلى مەن ... راس دەيسىز ، كونىلارغۇ شۇنداق ئۇقۇيدىكەن . لىكىن بىز كونىلارنىڭ قىلغىنىنى ئەمەس ، پەيغەمبىرىمىز مۇھەممەد (س ئە ۋ ) نىڭ قىلغىنىنى قىلىشىمىز كىرەكقۇ قېرىندىشىم !