تۇرپاندا پۇتبۇل مۇسابىقىسى ئۆتكۈزۈلىدۇ

Atesh

	«پەتتار ئەسلىھەلىك يېزا ئىگىلىكى لۇڭقىسى» پۇتبول مۇسابىقىسىئۆتكۈزۈلىدۇ كەڭ خەلق ئاممىسىنىڭ ئىشتىن سىرتقى مەنىۋى تۇرمۇشىنىيەنىمۇ بېيىتىش، ياشلار - ئۆسمۈرلەرنىڭ ساغلاملىق ساپاسىنى يەنىمۇ ئاشۇرۇش ئۈچۈن، ماي بايرىمى مەزگىلىدە  تۇرپان ۋىلايىتىمىزدە «پەتتار ئەسلىھەلىك يېزا ئىگىلىكى لوڭقىسى» 12 - نۆۋەتلىك ياشلار پۇتبول مۇسابىقىسىئۆتكۈزۈلىدۇ. بۇ قېتىمقى پۇتبول مۇسابىقىسىنى تۇرپان شەھەرلىك رادىيو - تېلېۋىزىيە، مەدەنىيەت - تەنتەربىيە ئىدارىسى، كوممۇنىستىك ياشلار ئىتتىپاقى تۇرپان شەھەرلىك كومىتېتى، تۇرپان ۋىلايەتلىك پۇتبولچىلار جەمئىيىتىقاتارلىقلار تەشكىللىگەن، تۇرپان شەھەرلىك «پەتتار ئەسلىھەلىك يېزا ئىگىلىكىمۇلازىمەت چەكلىك شىركىتى» نىڭ باش دىرېكتورى پەتتار قېيۇم ئىقتىسادىي جەھەتتىنقوللىغان بولۇپ، 28 - ئاپرىل ۋىلايەتلىك تەجرىبە ئوتتۇرا مەكتىپىدە باشلىنىدۇ. ۋىلايەتلىك پۇتبولچىلار جەمئىيىتى بىلەن ۋىلايەتلىك تەجرىبە ئوتتۇرا مەكتىپىمۇسابىقە ئۆتكۈزۈشنى ئۈستىگە ئالىدۇ. بۇ قېتىمقى مۇسابىقە كۆلەم ۋە سەۋىيە جەھەتتەئالدىنقى يىللاردىكىگە قارىغاندا بىر قەدەر يۇقىرى بولۇپ، مۇسابىقىگە شىنجاڭ ئۇنىۋېرسىتېتى «ئىلچى» كوماندىسى، ئۈرۈمچى «ھۇررا» كوماندىسى، قاراماي «دولان» پۇتبول كۇلۇبى، غۇلجا «ئىلى يۇلتۇزى» كوماندىسى، قومۇل «جەسۇر» پۇتبول كۇلۇبى ۋە «يىلتىز» پۇتبول كۇلۇبى قاتارلىق تېخنىكا ۋە تەجرىبە جەھەتتە شىنجاڭدا بىر قەدەر ئالدىنقى ئورۇندا تۇرىدىغان داڭلىق كوماندىلار تەكلىپ بويىچە، تۇرپان «بارمان» كوماندىسى بىلەن «ئىتتىپاق يالقۇن سودا شىركىتى» كوماندىسى ساھىپخانا كوماندا سالاھىيىتى بىلەن قاتنىشىدۇ. مۇسابىقە 28 - ئاپرېلدىن 2 - مايغىچە ئۆتكۈزۈلىدىغان بولۇپ، مۇكاپات سوممىسى 15 مىڭ يۈەن. مۇسابىقىنىڭ ئادىل بولۇشىغا كاپالەتلىك قىلىشئۈچۈن، مۇسابىقە تەشكىلى ھەيئىتى «جۇڭگو پۇتبولچىلار جەمئىيىتىنىڭ مۇسابىقەقائىدىسىگە خىلاپلىق قىلغان، ئىنتىزامغا رىئايە قىلمىغانلارنى جازالاش چارىسى» بويىچە ئىش كۆرىدۇ. مۇسابىقىگە ۋىلايىتىمىز ۋە ئاپتونوم رايونىمىزدىكى دۆلەتلىك 1 - ۋە 2 - دەرىجىلىك 10 رېپېر تەكلىپ قىلىنىدۇ. مۇسابىقە خەلقئارا پۇتبولچىلار بىرلەشمىسىنىڭ ئەڭ يېڭى «پۇتبول مۇسابىقە قائىدىسى» بويىچە 11 كىشىلىك مەيداندا ئۆتكۈزۈلۈپ، 5- نومۇرلۇق توپ ئىشلىتىلىدۇ. بۇ قېتىمقى مۇسابىقىگە كىرىش بېلىتى سېتىلىدىغان بولۇپ، باھاسى بەش يۈەن، ۋىلايەتلىك پۇتبولچىلار جەمئىيىتى مۇسابىقىدىن قىلىنغان كىرىمنى 22- ئاپرېلدىكى بوران ئاپىتىگە ئۇچرىغانلارغا ئىئانە قىلىدىكەن. بۇ قېتىمقى مۇسابىقە يېڭى رېكورت يارىتىشى مۇمكىن. دەرىجىسى يۇقىرى بولغان بۇ قېتىمقى مۇسابىقىنىڭ نەق مەيدان شاھىدى بولۇپ، ماھىرلارنىڭ ھاياجانغا تولغان كەسكىن ئېلىشىشلىرىنى كۆرۈشنى خالايدىغان پۇتبول مەستانىلىرى ۋە ھەرمىللەت ئاممىسىنىڭ مۇسابىقىدە ئۆزى ياقتۇرىدىغان كوماندىلارغا مەدەت بېرىپ، ئەڭ كۆڭۈللۈك بايرام پەيتلىرىدىن ھۇزۇرلىنىشىنى ئۈمىد قىلىمىز. مۇسابىقە ۋاقتى: 28 – ئاپرېل باشلىنىپ، 2- ماي ئاخىرلىشىدۇ. مۇسابىقە ئورنى: تۇرپان ۋىلايەتلىك تەجرىبە ئوتتۇرا مەكتەپ پۇتبول مەيدانى.

baturana

	ناھايىتى ياخشى ئىش بوپتۇ،باھاسىمۇ ئەرزان شۇ تۈگىمەس سەنئەتتىن مۇشتا تەنتەربىيە پائالىيەتلىرى مىڭ ھەسسە ئەۋزەل....

bandit520

	ئالدى بىلەن ۋىلايەتلىك پۇتبولچىلار بىرلەشمىسىگە پەتتار ئاكىغا رەھمەت ، ئارىلىق يىراق بولسىمۇ چۇقۇم بېرىپ كۆرىمەن . ھۇررا كاماندىسىنىمۇ ئاخىرى كۆرىدىغان بولدۇمدە ، مۇسابىقەنىڭ ئوڭۇشلۇق بولىشىغا تىلەكداشمەن .

malman

	ئۇ كۈنلىرى ئىشلەپ قالىدىكەنمەن، بولمىسا مەنمۇ بېرىپ كۆرەتتىمدە...  بېلەت باھاسى بەك ئەرزان بوپ قاپتۇ...

DAWRAN0991

	دىيارىمىز پۇتبۇل تەرەققىياتى ئۈچۈن بىر ياخشى ئىش بوپتۇ..دىيارىمىزدىكى پۇتبۇلچى ئەزىمەتلەر ئۈچۈن ئۆزىنى نامايەن قىلىدىغان،پۇتبۇل سۆيەر ھەۋەسكارلار ئۈچۈن ئىلھام بولىدىغان  پۇرسەت بوپتۇ.. لىكىن تۇرپاندىكى كۆرۈرمەن  قىرىنداشلارنىڭ باشقا يەردىن  كەلگەن كوماندا ئەزالىرىغا  قىزغىن مەدەت بىرىپ كۈتىۋىلىشىنى  ئۆمىت قىلىمەن،بۇرۇن ھۇررا كۇلۇبى بىلەن دوسلۇق مۇسابىقىسنى تۇرپاندا ئويناپ ،تۇرپان كوماندىسى ئۈچۈن ھۇررا كوماندا ئەزالىرىغا ھاقارەت قىلغان ئىش ھەركەتلەر سادىر بولۇپ،ھۇررا كوماندا ئەزالىرى خاپا بولۇپ قايىتقانكەن.ئىشىنىمەن بۇقىتىم بۇنداق ئەھۋاللار  سادىر بولماس.

pakzat0992

	كۆرگۈم كىلىۋاتىدۇ

aㄒaｍaη

	مۇسابىقە خەلقئارا پۇتبولچىلار بىرلەشمىسىنىڭ ئەڭ يېڭى «پۇتبول مۇسابىقە قائىدىسى» بويىچە 11 كىشىلىك مەيداندا ئۆتكۈزۈلۈپ، 5- نومۇرلۇق توپ ئىشلىتىلىدۇ. بۇ يەلىرنى تازا ئېنىق چۈشەنمىدىمغۇ ! بىلەرمەنلە چۈشەندۈرۋەتكەن بولساڭلار .....

Atesh

	DAWRAN0991 يوللىغان ۋاقتى  2012-4-26 10:39 PM دىيارىمىز پۇتبۇل تەرەققىياتى ئۈچۈن بىر ياخشى ئىش بوپت ... ئىشنىڭ ئالدى - كەينىنى بىلمەي تۇرۇپ قالايمىقان سۆزلىمەڭ. سىزمۇ شۇ خەقنىڭ تېمىسىنى كۆرۈپلا مۇشۇنداق جۆيلىۋاتقان ئوخشايسىز. يەنە دەپ كەلسەك بۇ ئىشلار ئۆز - ئارا چۈشىنىش ھاسىل قىلغاندىن كېيىن پاكىز تۈگىدى. شۇڭا بۇيەردە قالايمىقان جۆيلۈپ زىددىيەت ئۇرۇقلىرىنى قايتا تېرىپ يۈرۈشىڭىزنى خالىمايمەن، مۇشۇنداق ساپاسىز ئىنكاسلارنى يازغاندىن يازماي قويسىڭىزمۇ ھېچكىم سىزدىن خاپا بولمايدۇ. تەپسىلاتىنى بىلمەكچى بولسىڭىز، مەن سىزگە تەپسىلىي چۈشەندۈرۈپ قوياي. لېكىن ئاغزىڭىزغا ئىگە بولۇپ، قالايمىقان سۆزلىمىگەيسىز، يا بولمىسا ھۇررا مۇنبىرىغا چىقىپ بۇ ئىشلار توغرىسىدىكى تېمىلارنى كۆرسىڭىز چۈشىنىپ قالارسىز.

قان.

	ئەمدى شۇ مىنىڭغۇ ئوتتەك كۆرگۈ، بار ئىدى ،بوپتۇ ، بۇلار ئويناپ تۇرسۇن ، كىيىن  نەتىيجىسى چىققاندا ھە مۇنداق بوپتۇدە دىگىلى ئەسقاتقۇدەكمەن !

DAWRAN0991

	Atesh يوللىغان ۋاقتى  2012-4-26 10:59 PM ئىشنىڭ ئالدى - كەينىنى بىلمەي تۇرۇپ قالايمىقان سۆزلىم ... مەن زىدىدىيەت ئۇرۇقى چاچاي دىمىدىم بەلكى كۈرۈرمەنلەرگە تەكلىپ بەردىم،مەنمۇ ھۇررا مۇنبىردا كۆرگەن تىمىنى ئاساس قىلىپ دەۋاتىمەن.سىزنىڭ «ساپالىق »ئىنكاسىڭىز پەقەت ئۆزىڭىزنىڭ كۆز قارىشى ...مەن بىر كىمنى خوش قىلىش ئۈچۈن ئىنكاس يازدىم دىمىگەندىمەن..ساپانىڭ نىمىلىكىنى سىزدىن ياخشىراق بىلىمەن،سىزمۇ تۇخۇمدىن تۈك ئۈندۇرمەڭ.مەن ئاغزىمغا خىلى ئىگە بولۇغلىق، مەن ئىنكاسىمدا مەدەت ۋە تەكلىپ بىرىپ بۇ مۇسابىقىنى قوللاش پۇزتىيسىنى بىلدۈردۇم.باشقا مەخسەت يوق،ئەمدى ما ئىنكاسقا قايتا رەددىيە بىرىمەن دەپمۇ ئاۋارە بولماڭ،تالاشقىدەك باشقا ئىش يوق،مەخسەت دىيارىمىز پۇتبۇل ئىشلىرىنى قوللاش ،ساغلام تەررەققى قىلدۇرۇشقا ئاۋاز قوشۇش!ما تىمىنى تالاش تارتىش قىلىدىغان تىمىغا ئايلاندۇرۋالمايلى!