چېچىڭىزغا قاراپ ساغلاملىقىڭىزغا ھۆكۈم قىلىڭ

nadira

	چېچىڭىزغا قاراپ ساغلاملىقىڭىزغا ھۆكۈم قىلىڭ چاچ شالاڭلىشىش قالقانسىمان بەز ئاجرالمىلىرىنىڭ بەك كۆپ ياكى بەك ئاز بولغانلىقىدىن بولۇشى مۇمكىن. قالقانسىمان بەز ئاجرىتىپ چىقارغان ھورمون بەدەندىكى ماددا ئالماشتۇرۇش پائالىيىتىنى تەڭشەيدۇ، شۇنداقلا چاچنىڭ ئۆسۈشىنىمۇ تەڭشەپ تۇرىدۇ. ئەگەر قالقانسىمان بەزنىڭ ھالىتى ئاقسىلىنىڭ ئالمىشىشىنى قالايمىقانلاشتۇرۋەتسە، چاچ چۈشۈش ۋە چاچ شالاڭلىشىشنى كەلتۈرۈپ چىقىرىدۇ. يېمەك-ئىچمەك قۇرۇلمىسى يەنى ئادىتى ياخشى بولماسلىق كەلتۈرۈپ چىقارغان ئوزۇقلۇق يېتىشمەسلىكمۇ چاچنىڭ شالاڭلىشىپ كېتىشىگە سەۋەب بولىشى مۇمكىن. چاچ چۈشۈش تۆمۈر كەملىكتىن بولىشى مۇمكىن ئادەمنىڭ كۈندە 100-40 تالغىچە چېچى چۈشۈپ تۇرىدۇ. ئەمما يېنىك دەرىجىدىكى تۆمۈر كەملىكمۇ دائىم چاچ چۈشۈشنى تېزلىتىۋېتىدۇ. چاچنىڭ يۇمشاپ، جانسىزلىنىپ كېتىشى ياكى قۇرغاقلىشىشى سۇ تەركىبى كەملىكتىن بولۇشى مۇمكىن چاچتا بۇنداق ئەھۋالنىڭ كۆرۈلۈشى مەلۇم دەرىجىدە نەملىك كەملىكتىن بولىدۇ. چاچ ساغلام بولسا، چېچىلىپ، ئايرىم تۇرىدۇ. ئەمما يېمەك- ئېچمەك مۇۋاپىق بولمىسا، ھەربىر تال چاچتىكى تۈك خالتىسى مالىكولا قۇرۇلمىسى جەھەتتە سۇنى ياخشى ساقلىيالمايدۇ. شۇڭا، سالامەتلىككە پايدىلىق ياغ تۈرىدىكىلەرنى، مەسىلەن ،ماكۇئىل بېلىقى، پىنتادۇ بېلىقى ۋە ترون بېلىقىنى كۆپرەك يېسە ئۇلارنىڭ تەركىبىدىكى ئومىگا ياغ كىسلاتاسى، چاچنىڭ نەملىك ساقلىشىغا ياردەم بېرىدۇ. چاچنىڭ پارقىراقلىقى يىتەرسىز بولۇش ۋىتامىن B كەملىكنىڭ ئىپادىسى بولۇشى مۇمكىن چاچنىڭ پارقىراقلىقىنى يوقىتىشى كۆپىنچە ياغنىڭ رولىنى ئۈنۈملۈك جارى قىلدۇرۇشتىكى ھالقىلىق ماددا ۋىتامىن B نىڭ يىتەرسىزلىكىدىن بولىدۇ. بۇ ۋاقىتتا ۋىتامىن Bنى تولۇقلىسا بولىدۇ. ۋىتامىن B ھايۋانات جىگىرى، پۇرچاق تۈرىدىكىلەر ۋە پارقىرتىلمىغان گۈرۈچتە كۆپرەك بولىدۇ. چاچنىڭ ياغلىشاڭغۇ بولۇشى سۈتنى بەك كۆپ ئىچكەنلىكتىن بولۇشى مۇمكىن بەزى چاچ تەتقىقاتچىلىرى سۈت، قېتىق قاتارلىق سۈت ئىچىملىكلىرىنى بەك كۆپ ئىچسە، چاچ ياغلىشاڭغۇ بولۇپ قالىدۇ، دەپ قارايدۇ. سۈت تەركىبىدىكى ياغلار چاچ خالتىسىغا يېقىن تېرە بەزلىرىگە يېتىپ بارغاندا ياغنى كۆپ ئاجرىتىپ چىقىرىدۇ. بۇنى ھەل قىلىشتا سۈت تۈرىدىكى ئىچىملىكلەرنى بىر ھەپتە ئىچمىسە، ئۈنۈمى كۆرۈلىدۇ. چاچنىڭ ئۆسۈشتىن توختىشى يېمەكلىك رېئاكسىيە قىلغانلىقتىن بولۇشى مۇمكىن بۇ خىل ئەھۋال يېمەكلىك رېئاكسىيە قىلغانلىقىنىڭ ئالامىتى بولۇشى مۇمكىن. بۇ چاچنىڭ ئۆسۈش دەۋرىنى قىسقارتىپ چۈشۈشتىن ئىلگىرى مەلۇم ئۇزۇنلۇقتا ئۆسۈپ، ئۆسۈشتىن توختايدۇ. ئادەتتە سۈت يېمەكلىكلىرى رېئاكسىيە قىلىش ۋە بۇغداي يېمەكلىكلىرى رېئاكسىيە قىلىشتىن ئىبارەت ئىككى خىل بولىدۇ. شۇڭا، چوقۇم رېئاكسىيە سىنىقى ئېلىپ بېرىش كېرەك. باشنى پات-پات يۇيۇپ تۇرمىسىمۇ ياغ پەيدا قىلغان كىر تەسىرىدىنمۇ چاچنىڭ ئۆسۈشى تەسىرگە ئۇچرايدۇ. چاچ ئۇچى يېرىلىش مېنىرال ماددا ياكى ۋىتامىن كەملىكنىڭ ئىپادىسى بولۇشى مۇمكىن بۇ بەدەنگە زۆرۈر بولغان بىر قانچە خىل مىنېرال ماددا ياكى ۋىتامىننىڭ كەملىكىدىن بولۇشى مۇمكىن. يېمەكلىككە ئەھمىيەت بېرىپ ئاقسىل تەركىبلىك يېمەكلىكنى كۆپرەك ئىستېمال قىلسا، چاچ ئۇچى يېرىلىشنى ياخشىلاشقا پايدىلىق. چاچ كېپەكلىشىش زەمبۇرۇغ تەسىرىدىن بولىدۇ، ئادەمنىڭ باش تېرىسى بىلەن تېرىسىدە ئاز مىقداردا زەمبۇرۇغ بولىدۇ، ئەمما كېپەك ئېغىر بولغانلارنىڭ %25ىدە زەمبۇرۇغ باش تېرىسىگە تارقالغانلىقتىن بولىدۇ. كۆپ مىقداردىكى زەمبۇرۇغ تېرىنى غىدىقلاپ كۆپلەپ تېرە ھۈجەيرىسى پەيدا قىلىدۇ. كېپەكنى ئازايتىش ئۈچۈن بەزى دورىلىق چاچ سوپۇنى بىلەن چاچنى يۇسا بولىدۇ. تۇرمۇش مەسىلھەتچىسىدىن ئېلىندى

osmanjan37

	مېنىڭ سۈت ئىچمىسەممۇ چېچىم مايلىشىپ كېتىدىغۇ؟   قانداق قىلارمەن !!!

ozturk

	تېمىڭىزغا رەھمەت!

rizwangul0995

	تۇمۇر ماددامنى تۇلۇقلىسام بولغىدەك رەھمەت تېيمىڭىزغا

sargarda

	كەمبىغەللەرنىڭ  چېچى  چۈشۈپ  كەتسە  ئۇزۇقلۇق  يېتىشمەسلىكتىن ،  باي ـ   ئەمەلدارلار تاقىرباش  بولۇپ  قالسا  ،  كاللىسى  بەك  ئىشلەپ  كەتكەنلىكتىن ... غەم  ـ  قايغۇ  ،  ئۆزىنى  كەمسىتىش  ،  ئەيىبلەشمۇ  چاچ  چۈشۈرۈشنى  كەلتۈرۈپ   چىقرامدىكىن دەيمەن.

مارشال

	ئابدۇقادىر جالالىدىن،بۇغدا ئابدۇللا ئاكىمىزنىڭ چاچلىرى نېمە سەۋەبتىن ئاقىرىپ كەتكەندۇ مېنىڭچە،مىللەتنىڭ غېمىنى ئەمىلىيىتدە كۆرسىتىدىغان زىيالىيلارنىڭ چېچى بالدۇر ئاقىرىپ كېتىدۇ.

najmun1

	چاچقا ئاق كىرىشنى ئىرسىيەت ،سەپرامىجەزدىنمۇ بولىدۇ دەيدۇ، دىققەت قىلايلى... ياخشى تىما بوپتۇ رەھمەت

gulsumay

	چاچ ئاسراشقۇ بەك مۇھىم.  بىراق بەزى يېمەكلىكلەرنى ئاسانلىقچە تاپقىلى بولمايدىكەن شۇ....