ئانا مۇقەددەس

ئەلتۈرك1

	ئانا مۇقەددەس مۇخەممەس سەمەتجان غاپپار ئەلتۈرك 1 ئانىنى ئولۇغلاپ قاتاي نەزمىگە، زەن قۇيۇپ تاقەتتە ئاڭلاڭ سەۋرىدە، ئانىغا ھۆرمىتىم تاشار قەلبىمدە، شۇڭلاشقا يوللىدىم سالام –سۆزۈمدە، جاھاندا ھەممىدىن ئانا مۇقەددەس. 2 ئانىنى ئۇلۇغلاپ تۇقۇيمەن قوشاق، ئانىدىن توغۇلغان چوڭلار ۋە ئۇششاق، توققۇز ئاي ۋايسىماي كۆتەرگەن قوساق، ئانا بۈيۈكتۇر، تەڭداشسىز شۇنداق، جاھاندا ھەممىدىن ئانا مۇقەددەس. 3 ئانىنىڭ جاپاسى ئۇچاق بېشىدا، ماڭىدۇ ئېتىزغا بۇنىڭ تېشىدا، كىر كىيىم،مەينەت ئۆي ساقلار بېشىدا، ماس كەلمەس تۇرقى كىرگەن يېشىغا، جاھاندا ھەممىدىن ئانا مۇقەددەس. 4 ئانىنىڭ دۇئاسى سائادەت ئۇلى، ئانىنى قاخشاتسا ئۇزارماس قۇلى، ئانىسىز پەرزەنتنىڭ ئېچىلماس دىلى، ئانا رازلىقى «جەننەت»نىڭ يولى، جاھاندا ھەممىدىن ئانا مۇقەددەس. 5 ئاناڭغا قىلچىمۇ سانىما قارا، ئانىنىڭ قەلبىگە سالمىغىن يارا، ئانىغا يۆلەك بول! ھال –ئەھۋال سورا؟! ئانىسىز بۇ دۇنيا زۇلمەتلىك قارا، جاھاندا ھەممىدىن ئانا مۇقەددەس. 6 ئانا ئۇ دۇنيادا جاپاكەش ئىنسان، دەردىگە يەتمىگەن قىلۇر پۇشايمان، ئانىنىڭ ۋۇجۇدى خۇددى بىر گۈلخان، مۇھاببەت فونتانى سەن ئۈچۈن ۋولقان، جاھاندا ھەممىدىن ئانا مۇقەددەس. 7 مەن شۇنداق ئانىنىڭ باغردىن چۈشكەن، ئاق سۈتۈڭ مېھرىدە قۇۋەتلىك ئۆسكەن، ئانىسىز يىتىمنىڭ كۈنى بەك تەسكەن، ئانىنى خارلىغان ئىپلاس! بىر پەسكەن، جاھاندا ھەممىدىن ئانا مۇقەددەس. 8 ئانىنىڭ ۋۇجۇدىدىن تۆرەلگەن ئۆزۈڭ، ئاچچىق بىر تولغاقتىن يۇرىغان كۆزۈڭ، ئاناڭنى قاخشاتساڭ چىدامدۇ يۈزۈڭ، ئاناڭنىڭ ئەجرسىز نەدىكەن كۈنۈڭ؟! جاھاندا ھەممىدىن ئانا مۇقەددەس. 9 پەرزەنتكە ئانىنىڭ ئۆزى پەرىشتە، باغلايدۇ ئانىلار پەرزەنتكە رىشتە، ھاياتلىق دۇنياسى شۇنداق رەۋىشتە، قىلىدۇ داۋاملىق  كېلىپ -كېتىشتە، شۇڭلاشقا جاھاندا ئانا مۇقەددەس. 10 ئانىنىڭ بىر  تېمىم  سۈتى ھەققىگە، ئاپارماق يەتتە رەت ھاجەت مەككىگە، ئانىنى  قويمىغىن  جاپا - جەبرىگە، يەتكىن سەن ئاناڭنىڭ دەردى–ھالىگە، جاھاندا  ھەممىدىن  ئانا  مۇقەددەس. 11 ئانىنىڭ پەرزەنتتىن زەر تەماسى يوق ، ئانىنىڭ قارغىشى پەرزەنت ئۈچۈن پوق، ئاناڭغا گىدىيىپ قىلمىغىن سەن دوق، ئاناڭ بىر گۈلزارلىق بۇنى ئۇبدان ئۇق، جاھاندا  ھەممىدىن  ئانا  مۇقەددەس. 12 ئانا ئۇ  پەرزەنتكە  مېھرىنى  بەرگەن، پەرزەنتنىڭ بەختىگە كۆكرەكنى كەرگەن، «سەن يېگىن، جان بالام!» ئۆتۈنۈپ دەركەن، ھەتتا قۇرساق ئېچىڭغا دان–باشاق تەرگەن، جاھاندا  ھەممىدىن  ئانا  مۇقەددەس. 13 ئانىنىڭ  قەلبى  ئۇ  مېھرىلىك  دئېڭىز، بېلىق سەن، دېڭىزنى ئۇنۇتما ھەرگىز، مىڭ ئۆلۈپ سەن ئۈچۈن جۇغلايدۇ مېغىز، قانداقراق جان ئانا!؟ دەپ باق بىر ئېغىز، جاھاندا  ھەممىدىن  ئانا  مۇقەددەس. 14 سەجدە قىل جان ئاناڭ ياتقان قەبرىگە، ھېيت-ئايەم كۈنىدە كەتمە بەزمىگە، روھى ئو يۆلەيدۇ، جاپا -جەۋرىدە، ئۇدۇم بوپ قالسۇن نەۋرە –چەۋرىگە، جاھاندا ھەممىدىن  ئانا مۇقەددەس. 15 نوقسانغا كايىسا ئالايما! كۆز يۈم، ۋاپادار پەرزەنت بول! بولما ئىپلاس شۈم، تەۋەرۈك بوپ قالسۇن ياخشىلىق ئۈدۈم، شۈم بۇيا بولمىغىن، كۆكلىسۈن شور قۇم، جاھاندا ھەممىدىن ئانا مۇقەددەس. 16 ھىچ بىر جان ئانىسىز تۇغۇلغان ئەمەس، ئانىلىق مېھرىگە ھېچنېمە يەتمەس، ئانا ئۇ جاپادىن قېچىپمۇ كەتمەس، ئانىغا باشقىنى سېلىشتۇرما بەس! جاھاندا ھەممىدىن ئانا مۇقەددەس. 17 ئانىدەك پەرزەنتكە كۆيگەن نەدە بار؟! پەرزەنتنى ئانىدەك سۆيگەن نەدە بار؟! پەرزەنتنىڭ ئانىغا تاغدەك قەرزى بار، جان ئانا ئەجرىڭنى يازسام يەنە بار، جاھاندا ھەممىدىن ئانا مۇقەددەس. ئاپتۇر :ئاۋات ناھىيەلىك يېڭىئېرىق يېزىلىق ئوتتۇرا مەكتەپتە ئوقۇتقۇچى

ABILMIT

kaqurallah

	ئىجادىيەتلىرىڭىز ناھايىتى ياخشى چىقىپتۇ ،شۇنداق دۇنيادا ئانا ھەممىدىن ئۇلۇغ ،ئەمما شۇ ئۇلۇغلانى ئۇلۇغلىۋاتقانلارقانچىلىك ،،،،،،،،،،،،،شۇ ئانىنى ئازاپلىۋاتقان دادىلا قانچىلىك ....................ئانىنى ئەزىزلەش ،ھۆرمەتلەش ،ئانىنى دۇنيا دەپ بىلىش پەرزەتنىڭلا مەجبۇريىتى ئەمەستىن            بەلكى شۇ پەرزەنتنى دۇنياغا ئاپىرىيدەقىلغان دادىلىرىمىز..............دادابولۇش شەرپىگە ئىگە بولغان يىگىتلىرىمىز شۇ جاپاكەش ئانىلارنى بىر پۈتۈن دۇنيا دەپ،ئەزىزلىسە،ھۆرمەتلىسە ،شۇدۇنيا ئۈچۈن ئازراق بولسىمۇ پەرۋىشكار بولسا دۇنيانىمىدىگەن گۈزەل بولاتتى   ھە ،،،،،،،،،،،،شۇ مەرد يىگىتلەرنى ،شۇ ئانىلار مىڭ بىر مۇشەققەتتە دۇنياغا كۆز ئاچتۇرغان ..........مەيلى سىلەرنىڭ ئاناڭلار بولسۇن ،مەيلى ئايالىڭلار بولسۇن ،ۋەياكى قىز دوستۇڭلار بولسۇن ،ھەممىسى ئانا شۇ جاپا كەش ئانا ،،،،،،،،ھەممىسى ئوخشاش ئانا .........شۇڭا بىر ئانىغا قىلىنغان ھۆرمەتسىزلىك ،ھاقارەت ،بارلىق ئانىلارغا قىلىنغان ھۆرمەتسىزلىك ،،،،،،،،،،،،،،،،دادىلار باش بولۇپ ھۆرمەتلىسە ،ئاندىن  بالىلار ئەگىشىپ ھۆر مەتلەيدۇ...............

anatil8

	ABILMIT يوللىغان ۋاقتى  2012-4-26 12:08 PM توۋا خۇدايىم سىز زادى قانداق ئادەم؟ بىر قونچاق ئىنكاسنىمۇ 4ئۇرۇنغا يوللاپ قۇيامسىز؟باشقا تورداشلارنىڭ ئىنكاس يازىدىغان قايلىرىنى توشقۇزۇپ بۇلاي دەپسىزغۇ؟ سەمىمىي ئەسكەرتىشىم-بۇندىن كىيىن ماۋۇنۇڭغا ئوخشاش قونچاق ئىنكاسلارنى يوللىماڭ،تىمىغا نىسپەتەن ئۆزىڭىزنىڭ مۇستەققىل كۆز قاراش،تەكلىپ-پىكىرلىرىڭىز بولمىسا تىمىنى كۆرۈپ جىممىدە ئولتۇرۇڭ،بۇ يەردە ھېچكىم سىزنى ئىنكاس يېزىشقا زورلىمايدۇ،ھەم ئىنكاس يازمىسىڭىزمۇ بىرەرسى سىزدىن خاپا بولمايدۇ. بۇنداق ئىنكاس يېزىش تىما ئاپتۇرىغا بولغان ھۆرمەتسىزلىك ھەم مۇنبەرنى كۆزەە ئىلمىغانلىق بۇلىدۇ.

kalamiy

	ئانىلارنىڭ بىر قولى بۆشۈكنى تەۋرەتسە يەنە بىر قولى جاھاننى تەۋرىتىدۇ . جەننەت ئانىلارنىڭ تاپىنى ئاسىتىدا ..دەر ھەقىقەت ئانىلارنىڭ جاپاسى ئالدىدا ھەر قانداق جاپا ھېچنىمگە تەڭ ئەمەس ..ئەجابا قانچىلىرىمىز مىھرىبان ئانىلىرىمىزغا يېتەرلىك كۆڭۈل بۆلەلىگەندىمىز ..قانداق قىلىپ مۇشۇنچىلىك بولغانلىقىمىزنى ھەر دەقىقە ئېسمىزدىن چىقارمايلى ،ئانىلار غا ھۆرمەت ئېھتىرام بىلدۈرەيلى ..شېرىڭىز ھەقىقەتەن ياخشى يېزىلىپتۇ .ئىجادىيىتىڭىز تېخىمۇ بەركەتلىك بولغاي .

sabaat

	ئانا ھەققەتەن ئۇلۇغ. ئانىلارنى ئاسرايلى، ئۇلارغا كۈڭۈل بۆلەيلى.

kaqurallah

	ئانىلارقەلبىدە ئەرلەربۈيۈكتۇر، پەرزەتلەر ئانىنىڭ يۈرەك پارىدۇر، مىھنەتسىزبىر ئومۈر جاپالارتارتىپ. ئائىلەغېمىدە دۇنيادىن  كىتۈر. دۇنياداھەممىدىن ئانىلار ئۇلۇغدۇر.......................

gulsvm

	شۇنداق تىلەيمەن،بارلىق ئانىلار ئامان بولسۇن،ئۇلارنىڭ كۆڭلىنى غەم باسمىسۇن،پەرزەنىتلىرىنىڭ شاد كۇلكىللىرىدىن ،شوخلۇقىدىن،قازانغان نەتىجە-ئۇتۇقلىرىدىن يايراپ كۇلسۇن!ئۆزىنىڭ ئانا بولغانلىقىدىن،بالىللىرىنى ياراملىق قىلىپ تەربىيلىگەنلىكىدىن پەخىرلىنىش تۇيغۇسىغا چۆمسۇن!ۋە يەنە تىلەيمەن بارلىق ئانىلار ھەمراھى-مۇرەببىللىرىدىن بىمەھەل ئايرىلىپ قالمىسۇن،ئۇلارغا تەڭ ياشاپ،تەڭ قىرىش نىسىپ بولسۇن!ئۇلارنىڭ بالىلىرىغا،ئائىلىسىگە بولغان قەلبىدىكى مۇھەببەت تىخىمۇ باراقسانلاپ كۆكلىسۇن،تىخىمۇ شىرىن مىۋە بەرسۇن!ئىلاھىم مەڭڭۇ شۇنداق بولسۇن~!

aruzu

	ياخشى يېزىلغان شئىركەن. ياخشى يېزىپسىز قولىڭىزغا دەرت كەلمىسۇن

kakkuk11

	بەك ئېسىل تېمىكەن..... رەھمەت