قەشقەر شەھرىدە تىل تەربىلەش مەركىزى قۇرۇشتىن ياردەم

mazmut911

	ئەسسالامۇ ئەلەيكۇم ، قىرىنداشلار ، قەشقەر شەھرىدە بىر تىل تەربىلەش مەركىىز قۇرۇش ئارزۇيۇم بار ئىدى ، بىر يىل چەت ئەلدە مەخسۇس ئىنگىلىز تىلى ئۈگەندىن ، كىيىن قايتىپ كىلىپ ئوقۇشۇمنى داۋاملاشتۇرۇش بىلەن بىرگە ئىنگىلىز تىلى دەرىس ئۆتتۈم. ئىنگىلىز تىلىدىن دەرىس ئۆتىۋاتقىلىمۇ خىلى بولدىن ئەمدى بولغاندا ئۆز ئالدىمغا بىر مائارىپ ئىشلىرى ئۈچۈن ئاز تولا ھەسسەمنى قوشاي دىگەندە يوللار بەكلە توسۇلۇپ قىقلىۋاتىدۇ . شۇڭا قىرىنداشلىرىمىنى سورايدىغىنىم ، رەسمىيەتنى زادى قانداق بىجىرىش كىرەك . مائارىپ ئىدارىسىغا بارسام 800،000 يۈئەن بىلەن بىر گەپ بولىدۇ دەيدۇ . خەلىق ئىشلار ئىدارىسى ، ۋە ئەمگەك كۈچلىرى ئىدارىسىغا بارسەم ، ئۇلار  رىمۇتچىلىق ، ئاشپەزلىك ، قاتارلىق كەسىپلەرنى قىلساڭ رەسمىيەت بىجىرىمىز دەپ تۇرىۋالدى . مۇشۇ ئىشقا كەلگەندە بىشىمنىڭ ئىچىمۇ تىشىمۇ قىتىپ كەتتى . ئەگەر ئاز تولا يولىنى بىلىدىغانلار بولسا مەسلىھەت بەرگەن بولساڭلار ، ياكى تىفۇن نۇمۇرىڭلارنى قالدۇرۇپ قويسايلارمۇ بولىدۇ .....

hokumran

	تېما ئېگىسى: سىزنىڭ خاسىيەتلىك ئىشقا تۇتۇش قىلماقچى بولغانلىقىڭىزدىن سۈيۈنگەن بولساممۇ، لېكىن تىل تەربىيەلەش ئورنى قۇرماقچى بولۇپ قالغانلىقىڭىزدىن گۇمانلىنىۋاتىمەن. مۇھىمى سىزدە بۇ كەسىپكە نىسبەتەن توغرا كۆز قاراش ۋە ھۆرمەت دېگەندىن قىلچىمۇ ئەسەر يوق ئىكەن. تىل تەربىيەلەش مەركىزى قۇرماقچى ئىكەنسىزيۇ ئەمما ئانا تىل- يېزىقىمىزغا قىلچىمۇ ھۆرمەت قىلمايدىكەنسىز. مۇشۇ كىچىككىنە ياردەم تېمىڭىزدىكى ئىملا خاتالىقى بۇ نوقتىنى چوڭقۇر ئىسپاتلاپ تۇرۇپتۇ. پاكىت يۈزىسىدىن تېمىڭىزغا قارىتا قىلچىمۇ تەھرىرلەش ئېلىپ بارمىدىم. ئانا تىل- يېزىقىڭىزنى تولۇق بىلمەي تۇرۇپ، قانداقمۇ تىل كەسپىدىن مەخسۇس تەربىيەلەش مەركىزى ئېچىشنى ئويلاپ قالغانلىقىڭىزنى قىلچىمۇ چۈشىنەلمىدىم. سىز ئەڭ ياخشىسى تىل تەربىيەلەش مەركىزى ئاچىمەن دېمەي ئاۋال ئانا تىل- يېزىقىڭىزنى پۇختا ئۈگىنىپ ئاندىن بۇ ھەقتە ئويلىنىپ كۈرۈڭ! چۈنكى ئانا تىل - يېزىقىنى قەدىرلىمىگەن كىشىنىڭ باشقىلارنى تىل جەھەتتە تەربىيەلىشىدىن سۆز ئېچىشى بەكمۇ بىمەنىلىك. مەن باشقا ھەرقانداق ئىشنى كەچۈرەلىسەممۇ تىل ھەققىدە دەبدەبىيلىك شۇئارلارنى توۋلاپ ئەمەلىيىتىدە ئەمەل قىلمايدىغان كىشىنى قىلچىمۇ كەچۈرەلمەيمەن. چۈنكى مېنىڭ نەزىرىمدە ئانا تىل-يېزىقىنى قەدىرلىمەسلىك كىملىككە قىلىنغان ئېغىر جىنايەت.    ئاخىرىدا شۇنىمۇ قوشۇپ قۇياي: << يازغۇچىدا ئەيىپ يوق، كۆرگۈچى ئىبرەت ئالسۇن >> دېگەننى باھانە قىلىپ تېما ئىگىسىنى ئاقلىماقچى بولغانلار ئەڭ ياخشىسى بۇ تېمىدا ئېغىز ئاچماڭ! ئانا تىلىمىز دۈچ كىلىۋاتقان ئېغىر خىرىس ئالدىدا مۇشۇنداق دىيىشكە مەجبۇرمەن.

wolkan888

	سىز ۋىلايەتلىك ئەمگەك ئىجدىمائى مۇلازىمەت ئورگىنى يەنى ( مەدەنىيەت يولىدىكى ئىجدىمائى كاپالەت ئىدارىسى ) غا بىرىپ شۇلار بىلەن ئالاقىلىشىڭ، تەربىيلەش ئىشلىرىنى ئادەتتە ئەيساجان دىگەن بىر كىشى بار شۇ كىشى باشقۇرىدۇ، مۇناسىۋەتلىك رەسمىيەتلەرنى يىڭى بازاردىكى دىھقان ئىشلەمچىلەر بازىرىنىڭ ئىچىدە ئۇلارنىڭ بىر ئىشخانىسى بار شۇ يەرگە بىرىپ سۈرۈشتە قىلىپ بىقىڭ، كامالەت كەسپى تەربىيلەش مەركىزى بىلەن بىر يەردە..

ARKZAT

	مەنمۇ بۇ يازمىنىڭ ماۋزۇسىنى كۆرۈپلا «تىل تەربىيەلەش ئورنى ئاچقۇچىنىڭ ئىملاسىنى بىر كۆرەي....»دەپ  ئالدىراپ كىرىپ، كۆرگىنىم-ھۆكۈمران ئەپەندى تىلغا ئالغان چالا-پولا يېزىلغان ئالا-يېشىل رەڭلەر ئارىلاشمىسىدىكى  مەسلىھەت سوراشنامىسى بولدى.    تىل ئۆگىنىش ۋە ئۆگىتىش ئېسىل ئىش. تەربىيەلەش ئۈچۈن دەرۋەقە، تەربىيەلىنىش كېرەك.  سىز چەت ئەللەرگە قەدەر بېرىپ تەربىيەلەنگەن بولسىڭىزمۇ، ئەمما ئانا تىل-يېزىقىمىزنى ئىشلىتىش جەھەتتە ساۋادسىز ئىكەنسىز!!!! مەنمۇ بىر تىل-يېزىق خىزمىتى بىلەن مەشغۇل بولغۇچى خادىم بولۇش سۈپىتى بىلەن سىزگە شۇنى تەۋسىيە قىلايكى، ئانا تىلىمىزدا بار-يوقى 32 لا ھەرپ بار.  بىر كۈندە پەقەت بىردىن ئۆگەنگەندىمۇ بىر ئايدا تولۇق ساۋادلىق بولۇش مۇمكىن. چەت ئەل تىلىنى مەنمۇ چەت ئەللىكلەردىن بىۋاستە ئۆگەنگەنمەن، ئۇلارمۇ بىزدىن بىزنىڭ تىلىمىزنى، ھەتتا يېزىقىمىزنى ئۆگەنگەن. بىرەر ئايدا راۋان ئوقۇيالايدىغان، خېلى يامان ئەمەس يازالايدىغانمۇ سەۋىيەگە يەتكەن. بۇنداق ئىشلار ھازىرمۇ داۋاملىشىۋاتىدىغۇ؟!  شۇڭا سىزمۇ تىل تەربىيەلەش ئورۇنلىرىدا ئاۋۋال ساۋاد چىقىرىپ بولۇپ، ئاندىن ئەنە شۇ ئاچىدىغان كۇرسنى باشلىسىڭىزمۇ ئۈلگۈرىسىز!!!     نەۋائىينىڭ مۇنۇ ھېكمىتىنى سىزگە ھەدىيە قىلاي:          ئۆتمەيدۇ بالىغا ئاتىنىڭ سۆزى،         -بال يېمە!  دېسە گەر يەپ تۇرۇپ ئۆزى.

noshirwan

	خاسىيەتلىك ئىش قىلاي دەپسىز. گۈلەن ئەپەندى نۇرخان تەربىيەلەش مەركىزىدە. ئۆزىڭىز ئايرىم تىل تەربىيەلەش مەركىزى ئېچىشتىن كۆرە، شۇ كىشى بىلەن ھەمكارلىشىشنى ئويلىشىپ بېقىشىڭىزنى تەۋسىيە قىلىمەن.

مارشال

	ئاتلان تىل تەربىيلەش مەركىزى قەشقەردە بىر تارماق ئاچىدۇ دەپ ئاڭلىدىم،قاسىمجان بىلەن ئالاقىلىشىپ بېقىڭ. يەنە بىر سۆز قىستۇرۇپ قوياي،قەشقەر ۋىلايىتىنىڭ ۋالىيسى مۇتەللىپ ئۇبۇل جەمىيەتكە ئۆزىنىڭ مىكرۇ بىلۇگى ۋە ئىشخانا تېلىفۇن نۇمۇرىنى ئاشكارلىدى،بۇ ۋالىينىڭ بۇ ئىشنى قىلىشى جەمىيەتتە چىرىكلىك ۋە پارىخۇرلۇققا قاتتىق زەربە بېرىش،خەلقنىڭ تەلەپ-پىكىرىنى ئاڭلاش ئۈچۈن قىلىۋاتقان ئىشكەن.مۇمكىن بولسا،مۇتەللىپ ئۇبۇل دېگەن ۋالىي بىلەن كۆرۈشۈپ بېقىڭ.ئۇ چوقۇم سىزنىڭ ئارزۇيىڭىزنى ئەمەلگە ئاشۇرۇشقا ئاز-تولا بولسىمۇ ياردەم قىلالىشى مۇمكىن.بولمىسا،مىكرۇ بىلۇگى ۋە تېلفۇن نۇمۇرىنى جەمىيەتكە ئاشكارلىمايتى. قەشقەر ۋىلايەتلىك مەمۇرىي مەھكىمىسىنىڭ ۋالىيسى مۇتەللىپ ئۇبۇلنىڭ تېلىفۇن نۇمۇرى: 0998—2822918 مىكرۇ بىلۇگنىڭ ئادىرسى: http://t.qq.com/mtlfwbl

Suchi

	ئاشخانا،ساتىراچخانا ئاچاي دىگەندىن تىل تەربىيلەش مەركىزى ئاچماقچى دىگەن سۆز ئادەمگە تولىمۇ يېقىملىق ئاڭلىنىدىكەن،ئەمما ئەمەلىيەت يۇقارقى ئىككى باشقۇرغۇچى ئەپەندىلەر دىگەندەك بولۇپ،تېما ئىگىسىنىڭ بۇ ھەقتە تولىمۇ سوغۇققانلىق بىلەن ئويلىشىغا توغرا كېلىدىكەن.مېنىڭ تەكلىۋىم:سىز يەككە ھالدا ئۆز كۈچىگىڭىزگە تايىنىپ بىراقلا مەركەزدىن چۈشسىڭىز ئەمەلىيەتكە تازا ئۇيغۇن كەلمەيدۇ،مەيلى سىزنىڭ تىل جەھەتتىكى ئىقتىدارىڭىز قانچە يۇقۇرى بولسۇن،سىز دىگەن بۇ مەركەز ئەمەلىيەتتە كارخانا تىپىدىكى مەكتەپ ھىساپلىنىدۇ،مەكتەپ ئېچىش ئۇنچىۋالا ئاسان ئىش ئەمەس،ئۆتەيدىغان رەسمىيەتلىرىنىڭ تولىلىغىنى دىمەيلا قويايلى،كېتىدىغان مەبلەغ،ئوقۇتقۇچىلار قوشۇنى،مۇقىم ئوقۇتۇش ئورنى،ئوقۇتۇش ئورنىدىكى يۇمشاق،قاتتىق ئەسلىھەلەر،بىر يۈرۈش مۇكەممەل باشقۇرۇش ئاپپاراتى.....بولۇش تەلەپ قىلىنىدۇ.ئالاقىدار ئورۇنلارنىڭ سىزگە قويغان تەلىۋى ئورۇنسىز ئەمەس،ئۇلاردىن ئاغرىنىشقا بولمايدۇ(ئەگەر يۇقارقى شەرتلەرنى تولۇق ھازىر قىلغان ئەھۋالدا بىرسى قەستەن بېجىرىپ بەرمەي تۇرىۋالسا ئۇ باشقا گەپ). سىزنىڭ ئاتلاننىڭ قۇرغۇچىسى قاسىمجاننىڭ كارخانا قۇرۇش جەريانىنى ياخشى تەتقىق قىلىشىڭىزغا توغرا كېلىدۇ.ھەم شۇنىڭغا ئوخشاش مۇۋەپپەقىيەت قازانغان تىل تەربىيلەش ئورۇنلىرىغا بېرىپ تەكشۈرۈپ تەتقىق قىلىشىڭىزغا ،بۇ ھەقتە ئۆزىڭىزنىڭ مۇكەممەل پىلان لايىھىڭىزنى تۈزىشىڭىزگە توغرا كېلىدۇ......ئىشقىلىپ ئىشلار سىز ئويلىغاندەك ئۇنداق ئاسان ئەمەس.سىز ئەڭ ياخشىسى ئىشنى كىچىكتىن باشلاپ ئاستا-ئاستا زورايتىڭ.سۇنى كۆرمەي تۇرۇپ ئاياغ سېلىۋالسىڭىز بولماسمىكىن.سىزنىڭ ئىشلىرىڭىزغا ئۇتۇق تىلەيمەن!

osmanjan37

	مېنىڭچىمۇ شۇنداق. ئانا تىلىنى بىلىمگەنلىك ئۆزىگە قىلىغان ھاقارەتتۇر!

aysiman

	قىزىل خەت بولمىسا زادى ئادەمنىڭ ئىشى ئاقمايدۇ .قەشقەر شەھىرىدە ................

aptap104

	مارشال يوللىغان ۋاقتى  2012-4-26 09:54 AM ئاتلان تىل تەربىيلەش مەركىزى قەشقەردە بىر تارماق ئاچى ... بۇ ئادەم قۇرۇقمىكى دەيمەن ،   مارشالجان ماڭا ياردەم قىلىسا ، يىتىمقىزنىڭ مۇھەببىتى دىگن كىنونى 56 تورغا چىقارماقچى ئىدىم چىقتى ، ئەمما ئۇلىنىش قىلغىلى بولمىدى ...