ئىگلىك تىكلەشتىن ئەخلاق تىكلەش مۇھىم

sargarda

	ئىسسىق  ـ سوغۇقنى  بېشىدىن  ئۆتكۈزگەن  قېرىنداشلار  بىلەن نەزەر  دائېرىمىزنى كېڭەيتىپ ئىلھام  بولار   دېگەن  ئۈمىدتە  ،  بۇ  ئاددىي  يازمىنى  يېزىپ  ئولتۇرىمەن . كۆپنىڭ  ئەقلى  كۆپ  بولىدۇ  ئەمەسمۇ  ؟  كۆز  قارشىمىزنى  ئوتتۇرغا  قۇيۇپ باقساق... ئىگلىك  دېگەن  نېمە  ؟ ئىگلىك  دېگەن  سۆزنىڭ  تۇراقلىق  ئىبارىسى  ،ھەجىمى  بولمايدۇ .مەلۇم  ساھە ـ كەسىپكە ئىقتىسادى  ،  ئەقلى  جەھەتتىن  مەبلەخ  سېلىپ  قىممەت  يارىتىش ، تەرەققىي قىلىش   كىچىك  ـ  چوڭ  ،  مۇستەققىل  ياكى  ھەمكارلىق  ئاساسىدا  تەشكىللەنگەن  تىجارەت شەكلىنى  كۆرسىتىدۇ  .   ئەخلاق  دېگەنچۇ  ؟ ئەخلاقنىڭ  كۆپ  تەرەپلىمىلىك  ئىبارىسى  بولغاچقا  تۆۋەندىكىچە  قاراشقا  بولىدۇ  . ئەخلاق  ـ  ئىگلىك  تىكلگۈچى  ھازىرلىمىسا   بولمايدىغان  ئالدىنقى  شەرىت  ھىسابلىنىدۇ . ئەخلاقنى  قانداق  چۈشنىمىز  ؟   خېرىدار  ،  كەسىپداشلارغا  بولغان  ئادىل  ، قىزغىن  مۇئامىلە  . كەسىپنى  سۆيۈش  ، كەسىپكە ئىشنىش  ،  كەسىپنى  چۈشنىش  ،  كەسىپكە  گۈزەل  جانانغا  ئاشىق  بولغان  كەبى  ئاشىق بولۇش  .  مەغلۇپ  بولغان  تەقدىردىمۇ  بەل  قۇيۇۋەتمەسلىك ،  قايتا ـ قايتا ئورۇنۇپ بېقىش ئۇيۇن ـ تاماششا  ، نەپسىگە  بېرىلمەسلىك  .  قىيىنچىلىققا  باش  ئەگمەسلىك  ، كەسپىي بىلمىنى  تۇلۇقلاپ  تۇرۇش  ،  ئۆگەنگەنلىرىنى  ئىشلىتىش  ،  ( كىتاب ئوقۇشلا  كۇپايە قىلمايدۇ ھەر  قانداق  بىلىم  ئەمەلىيەتتىن  كېلىدۇ )  .  كۆڭۈل  قۇيۇش  ،  قۇلىنىڭ  ئۇچىدىلا  ئىشلەپ قويماسلىق  ،  يېڭىلىق  يارىتىش  ئۈچۈن  ئىزدىنىش ، ئالغا ئىنتىلىش ، باشقىلار بىلەن ھەمكار لىشىش... قاتارلىقلارنى  كۆرسىتىدۇ . بەزى  شەخىس ئىگلىكى  ۋە  كارخانىلارنىڭ  تىكلىگەن  ئىگلىكى  ئازراق  بۇران  ـ چاپقۇندا ۋەيران  بولغانلىقىنى  ئاڭلايمىز  ،  كۆرۈپ  تۇرىۋاتمىز  .   ئەخلاق  كەمچىل  بولغانلىقىدىن  ۋەيران  بولدى  دېسەك  خاتالاشمايمىز  .   ئىگلىك  تىكلەش  تەس  ئەمەس  ،  مۇھىمى  تىكلىگەن  ئىگلىكنى  پەرۋىش  قىلىپ  تەرەققىي قىلدۇرۇش  ،  كىچىكلىكتىن  زورايتىش  . بىرەر  نەتىجە  ياراتقان  كىشىلەرنىڭ  مەغرۇر  قىياپىتىنى  كۆز  ئالدىمىزغا   كەلتۈرسەك ئۇلارنىڭ  <<  تەلەي >> لىك ئىكەنلىكىگە   ئىشنىپ  قالىمىز  .  بىزنىڭمۇ   بېشىمىزغا تەلەي  قۇشى  كىلىپ  قۇنۇشىنى  كۆتۈپ  تۇرىمىز  .  ئەمما  ،  ئۇ  كۈن مەڭگۈ  كەلمەيدۇ . مۇقەددەس  كىتابىمىزدا  :  <<  ئىساننىڭ  تېرىشچانلىقىغا  لايىق  نەتىجە باردۇر >> <<  ھەرقانداق  قوۋم  ئۆز  تەقدىرىنى  ئۆزگەرىتمىگۈچە  ئاللاھ  ئۇنى  ئۆزگەرتمەيدۇ >> دەپ  ئېيتىلغاندەك ،  ئۇلارنىڭ   بىرەر  ئۇتۇقنى  قولغا  كەلتۈرۈشتىن  ئىلگىرى  ئۈن  ـ  تىنسىز باش  چۆكۈرۈپ  ئىشلىگەن   ،  جاپالىق  قان  ـ  تەر  سىڭدۈرگەن  بولىدۇ  .   بىز   سەھەردە   كارىۋاتتا  ئېغىناپ  ياتقاندا ، ئۇلار خزمەتكە  چۈشۈپ  بولغان  ،  بۈگۈن قىلماقچى بولغانلىرىنى  پىلانلاۋاتقان  بولىدۇ  .   بىز  باشقىلاردىن ، ئۆزىمىزدىن  قاقشاپ   تەقدىرىمىزنى  تىللاپ  باھانە  ئىزدەۋاتقاندا  ، ئۇلار مەسلىنى  ھەل  قىلىشنىڭ  يولىنى  ئىزدەۋاتقان  بولىدۇ  . بىز  كۈنلىرىمىزنى  لايغەزەللەرچە  << شۈكرى >>  قىلىپ  ئويۇن  تاماششا  بىلەن   ئۆتكۈزىۋاتقاندا  ،  ئۇلار   تېخىمۇ   تېرىشىپ  ئىشلەۋاتقان  بولىدۇ  . تېمىغا   كىلەيلى  !  بەزىدە  مۇنبەردە  :  <<  مانچە  پۇلۇم  بار قانداق  خەجلەيمەن >> دېگەندەك  تېمىلارنى  ئۇچرىتىپ  قالىمەن  .  بۇلارنىڭ   قىزغىنلىقىغا سۇ  سەپكۈم  بولمىسىمۇ ( ھەق  گەپ  ئاچچىق  بولىدۇ )   ھەم  ئاچچىق  مەغلۇبىيەتتىن  ساۋاق  ئالغاچقا  ئىككى ئېغىز  گەپ  قىلغۇم  كىلىدۇ . بۇلارنىڭ  گېپىدىن  ئىگلىك  تىكلەشكە  قىزىقىدىغان  ئۈمىدۋار ئىكەنلىكىگە  ئاپرىن  ئېيىمەن  .  ئەمما  ،  ئىگلىك  تىكلەشكە  پىلان  ،  نىشان  ،  غايىنىڭ كەملىكى   گېپىدىنلا  چىقىپ  تۇرىدۇ  .  غايە   پۇلدىنمۇ  مۇھىم  .  غايە  بولمىسا  مۇستەققىل پىكىر  قىلغىلى  ،  ھېچ  ئىشنى  ۋۇجۇدقا  چىقارغىلى  بولمايدۇ . بىر  ئىككى  قېتىملىق  مەغلۇبىيەت  بىلەن  چۈشكۈنلىشىپ  ، ئۆزىڭىزنى كەمسىتىپ يۈرمەڭ ! مۇۋەپپقىيەت  قازانغان  كىشلەرنىڭ  ھەممىسىنىڭ  دېگۈدەك  ئاچچىق  مەغلۇبىيەتلىرى بولغان  .   تەجرىبە   ـ  ساۋاقلارنى  يەكۈنلەپ  كەلگۈسىگە  پۇختا  ئاساس سېلىڭ ! تەكرارلاپ  ئۆتۈشكە  تېگىشلىك  ،  ئىگلىك  تىكلەشنىڭ  ئاددى  ئۈچ  قانۇنيىتى __ قىلماقچى  بولغان  كەسپىڭىزنى  چۈشنىڭ  ،  سۆيۈڭ  ،  ئىشنىڭ  ! مۇھىمى ـ ئىگلىكڭىز   ئەخلاق  ئۇستىگە  قۇرۇلسۇن ،  شۇ  چاغدىلا  مۇۋەپپىقىيەت دارۋازىسى سىزگە  ئېچىلدۇ  .   بىلدىغىنىم ئاز  بولغاچ  پىكىرىم  چولتا  ، كەم  مەزمۇن  بولسا  تولۇقلاپ قويغايسىلەر  !

aㄒaｍaη

	( كىتاب ئوقۇشلا  كۇپايە قىلمايدۇ ھەر  قانداق  بىلىم  ئەمەلىيەتتىن  كېلىدۇ )  .  كۆڭۈل  قۇيۇش  ،  قۇلىنىڭ  ئۇچىدىلا  ئىشلەپ قويماسلىق  ،  يېڭىلىق  يارىتىش  ئۈچۈن  ئىزدىنىش ، ئالغا ئىنتىلىش ، باشقىلار بىلەن ھەمكار لىشىش...

aysiman

	مەنمۇ سودىغا قەدەم باسقاننىڭ بىرىسى ..... مىنىڭ كەسىپىمۇ شۇنداق تەس . ئىنشا ئاللاھ . مەنگە نىسىپتەن ئەڭ ئاۋال قانائەتچان بولۇش ، ھەم سودىدا غەلبە قازانغان كىشىلەردىن ئەمەس مەغلۇپ بولغان كىشىلەردىن ساۋاق ئىلىش .

yidayat164

	ئەسسالامۇئەلەيكۇم! «تىجارەتتە بەركەت »بار. دۇرۇس تىجارەت قىلىش لازىم

ئۆل

	ئاقكۆڭۈل ئادەمىنىڭ ھەر قانداق ئىشى ئوڭغا تاتىدۇ دەپ قاريمەن مەن

篮球美女

	ماڭا تېمىنىڭ ئۆزىلا قانائەت ھاسىل قىلدى . ھەم ماۋزۇنىڭ ئۆزىلا تېمىنىڭ پۈتۈن مەزمۇنىنى يۇرتۇپ بىرىپتۇ .

tirkax

	ئەر بولسىڭىز ئىگىلىك تىكلىمەي مەن ئەخلاقلىق دەپ تارتىنىپ قىزىرىپ باشقىلارنىڭ ئالدىدا بويۇن قىسىپ يۈرۈپ بىقىڭا قىنى بىرەرسىنىڭ كۆزىگە  ئاتالمىش ئەخلاقىڭزنىڭ چىرايلىق  كۆرۈنگىنىنى كۆرۈپ باقاي ،

sargarda

	tirkax يوللىغان ۋاقتى  2012-4-25 10:34 PM ئەر بولسىڭىز ئىگىلىك تىكلىمەي مەن ئەخلاقلىق دەپ تارتى ... تېمىدا   شۇنداق  گەپ  بارمىكەن  ؟  يا ، مەن  كۆرمەي  قالدىممۇ  ؟ سىلەرنى  ئوقۇشقا   خوشياقماي  قالمىسۇن  دەپ  قىسقىلا  يازغانتىم  بولمىسا  ... شۇنداقتىمۇ  ماۋزۇنى كۆرۈپلا   ،  مائوسنى   شارىتتىدە  پەسكە  سېرىپلا   ئىنكاس  يازغاندەك  قىلسىز  ...

guzelim

	سىزگە تەكلىپ: بوشلۇق كۇنۇپكىسىنى باسىدىغان يەرگە بېسىشنى ئۈگىنىۋېلىڭ!...،،،،،،پەش،چىكىتنى باسقاندا بوشلۇق كۇنۇپكىسىنى باسمىسىڭىزمۇ بولىدۇ! ئارتۇق سۆزلەپ قويغان بولسام كەچۈرۈڭ!

zulayha

	كونىلاردا <بولمىساڭ ئىللىق چىراي، ئاچمىغىن دۇكان -ساراي> دىگەن سۆز بار. بۇ ئىللىقلىق شۇلارغا مۇجەسسەمكى،تىجارەتتىكى كەسپى ئەخلاق،ئىزچىللىق،شۇنداقلا ھەركەت قىلىش پىلانى بىلەن بىرگە دىننى چىراق،بىلىمنى ئەقىل قىلىش شۇ تىجارەتكە كۇپايە، مول بىلىم قۇرۇلمىسىغا ئىگە بولغان بىرى، ھەركەت قىلماي ئۆزىگە داۋاملىق ئىزچىل ھەركەت پىلانىنى ھەمرا  قىلمغايدىكەن ياكى ئوقۇغاننى ئەمەلىيەتكە ئەچىقمايدىكەن ئۈنۈمسىز ئىشقا ئايلىنىپ قالىدۇ . ئىگىلىك تىكلىگۈچى شۇ ئىگىلىكنى تىكلەش جەريانىدىكى ئەخلاقىغا ھۇشيار بولۇشى كېرەك . تېمىنىڭ ماۋزۇسىدىكى خاتالىق شۇ يەردىكى-ماۋزۇنىڭ ئاساسى‹ ئىگىلىك تىكلىمەي ئەخلاق تىكلەش كېرەك ›دىگەندىن ئىبارەت بولۇپ قاپتۇ . ئەمەلىيەتتە،ئادىمىيلىكنىڭ ئۆزى ئەخلاقتىن ئىبارەت،كىشى شۇ تون بىلەن جەمىيەتتە تىكلەيدىغان ھەممىنى ئىزچىللىق ھەم ھەركەت قىلىش  ئارقىلىق تىكلىيەلەيدۇ . ماۋزو-ئىگىلىك تىكلەشتە،سودا ئەخلاقىغا دىققەت قىلىش دىگەن ئۇقۇمنى يوقۇتۇپ قويۇپتۇ ، تېما ئىگىسىگە ئۇزۇندىن دىققەت قىلىپ كېلىۋاتىمەن ، سىزنىڭ ئەمدى ئوقۇغانلىرىڭىزنى ئەمەلىيەتكە ئەچىقىپ ھەركەت قىلىدىغان ۋاقتىڭىز كەلدى .