بىر قىز ئىدى (شېئىرلار )

kalamiy

	(1) بىر قىز ئىدى قەلەمىي چېچى سۇمبۇل  قويۇق قارا قاش لېۋى جىننەستە بىر قىزتى . دەقىقە ئۇز چىراي بىرلە تۇتار گۈلدەستە بىر قىزتى . قوياشتەك نۇر چېچىپ كەتكەن پاراڭلاشقان سەبىي دىللار جىمىلەرگە چاچار ئاپتاپ سەھەر گۈلشەندە بىر قىزتى . شوراپ كەمپۈت ناۋات قاننى ئۆسۈپ چوڭ بولدىمۇ بەلكىم . ئەجەپ تاتلىق شىرىن سۆزلۈك دىلى شىككەستە بىر قىزتى . بىلىمگە ئاشىنا قەلبى بولۇپ يېڭلىققا بەك ئاشىق ، ئەقىلگە پاسبان يۈرىكى سوقار ئۆزلۈكتە بىر قىزتى . ئەقىلنى لال قىلار ئىدىلەر كۆزىدىن چاقنىغان بىر سىر، تېپىلماس ھېچ جاھاندىن بىر پەرى گۈللۈكتە بىر قىزتى ... (2) گۇناھ ئەمەس - ئىشەنگىن ماڭا   قەلەمىي ئاستا -ئاستا كەلدىڭ يېنىمغا، كۈتمەكتىمەن ئېسىل بىر جاۋاب . ئۈزۈلمەيدۇ يەرنىڭ ئاستىدىن ، كۆزۈم ساڭا مەنلىك قاراپ . تۇتماق بولىمەن ئاپئاق قولۇڭنى ، خىيالىمدا مەھكەم قۇچاقلاپ . گۇناھ ئەمەس -ئىشەنگىن ماڭا ، پاك سۆيگۈمنى قويغىن ئۇلۇغلاپ . (3) ئەي سۆيۈملۈك ئەقىللىق قىزچاق قەلەمىي ئەي سۆيۈملۈك ئەقىللىق قىزچاق خىيالىمنى ئوۋلىغان قىزچاق . دىيەلەمسەن <<ئۆمۈرلۈكۈم سەن >>؟ قەلبىم سۆيگۈ سورىغان قىزچاق ؟ ---------------------- ئەي سۆيۈملۈك ئەقىللىق قىزچاق ، ئۆز-ئۆزىدىن سۆيۈنگەن  قىزچاق ؟ تۇتاي دەيمەن پاك پاكىز يۈرەك ، قۇبۇل ئەتكىن كۆيۈنگىن قىزچاق ؟ (4) ئالدىراپلا دەۋەتمە خوشنى قەلەمىي ئەسلىگەندەك يايرىڭنى يىگىت ، ئەسلىدىڭمۇ مىھرىبانىڭنى ؟ سېغىنغاندۇ ئۇلارمۇ بەلكىم ، بېرىپ قويغىن ئىختىيارىڭنى . .......................... ئاناڭ شۇ تاپ ئېتىز قىرىدا ، داداڭ بەلكىم قاتقاندۇ قوشنى . پاراڭلاشساق دەيدۇ بەك ئۇزۇن، ئالدىراپلا دەۋەتمە<< خوش>> نى . (5) ئايلانغانمەن بەلكىم دېڭىزغا ، قەلەمىي ئايلانغانمەن بەلكىم دېڭىزغا ، سەن مىھرىمدە جۇلالىغان ئاي . چىرمىۋالدىڭ ئۈچەي باغرىمنى ، تىتۋەتسەڭمۇ دىمەيمەن ئاھ ۋاي .. ------------------------ كەتكىن شىرىن ئاقماس خىياللار ، چۈشلىرىمدىن ئويغىنۋالاي مەن . ئەخلاق ۋىجدان غۇرۇر بۇلقىدا، چۆمۈلۈپ راسا تولغىنۋالاي مەن . (6) سۈرىتىڭگە يېنىشلاپ قاراپ قەلەمىي سۈرىتىڭگە يېنىشلاپ قاراپ ، كەلسىكەن دەپ يۈرىمەن دائىم . بىللە ئاقساق تۇرمۇش دېڭزىدا ، ئەقىدەڭگە قىلىمەن تازىم . ---------------------- سۈرىتىڭگە يېنىشلاپ قاراپ ، تۇرغان پېتىم تۇرۇپ قالىمەن . لىڭشىمايدۇ ھەتتا پۇت-قولۇم ، گەپ سۆزۈمدىن ئېزىپ سالىمەن . ------------------------- سۈرىتىڭگە يېنىشلاپ قاراپ ، لەۋلىرىڭگە سۆيۈپ كېتىمەن . بىرگە بولۇپ چوقۇم بىر كۈنى ، ھەممىگە تەڭ كۆنۈپ كېتىمەن. (7) يوق قەلەمىي ئى يارەن بىلدىڭمىكىن  يۈرىكىم كېسەل داۋاسى يوق ، لالىزار باغنىڭ ماڭا چۆلچىلىك ئەھبارى يوق . مېنى دەر كۆرگەن كىشى مەجرۇھ كېسەل بىمار بىتاپ، ئېتىبار   سەندىن بۆلەك دوختۇر تىۋىپ غەمخارى يوق . نىھايەت ياربەرسە كۈن كەلسەڭ يېنىمغا نىم بولاي ، ئۇز گۈزەل ھۆسنىڭگە مەندەك ئاشىقى بىقرارى يوق . راھىتىم بولدى جاپا بىر سېنى كۆرمەك بولۇپ ، خەيرىيەت ئاۋازلىرىڭغا مەن كەبىي ئەسرارى يوق . ئومۇقۇم جانىم مېنى تارتىۋال ئوت دېڭزىدىن . شارقىرار كۆز يامغۇرى  جاننىڭ ئاڭا چىدارى يوق .

yawa-xir

	ئەي سۆيۈملۈك ئەقىللىق قىزچاق خىيالىمنى ئوۋلىغان قىزچاق . دىيەلەمسەن <<ئۆمۈرلۈكۈم سەن >>؟ قەلبىم سۆيگۈ سورىغان قىزچاق دىگەن يەرلىرىنى بەك ياقتۇرۇپ ئوقۇدۇم،ھارمىغايسىز...

guzelim

	قويۇپ بەرگەن مۇزىكىڭىزنى ياختۇرۇپ ئاڭلىدىم!

سەۋېر

	ئاستا -ئاستا كەلدىڭ يېنىمغا، كۈتمەكتىمەن ئېسىل بىر جاۋاب . ئۈزۈلمەيدۇ يەرنىڭ ئاستىدىن ، كۆزۈم ساڭا مەنلىك قاراپ . تۇتماق بولىمەن ئاپئاق قولۇڭنى ، خىيالىمدا مەھكەم قۇچاقلاپ . گۇناھ ئەمەس -ئىشەنگىن ماڭا ، پاك سۆيگۈمنى قويغىن ئۇلۇغلاپ

dolan

	تۇتماق بولىمەن ئاپئاق قولۇڭنى ، خىيالىمدا مەھكەم قۇچاقلاپ . گۇناھ ئەمەس -ئىشەنگىن ماڭا ، پاك سۆيگۈمنى قويغىن ئۇلۇغلاپ

kakkuk11

	مۇھەببەتتىن سۆيۈنۈپ دىللار ، ناخشا ئېيتار سۆيۈملۈك تىللار . بۇ تۆت كۈنلۈك گۈزەل ئالەمدە، مۇھەببەت بىلەن ئۆتسۇن يىللار.

delfen

	بەك لىرىك چىقىپتۇ! قولىڭىزغا دەت كەلمىگەي!

delfen

	بەك لىرىك چىقىپتۇ! قولىڭىزغا دەت كەلمىگەي!

oyhanogul

	شېئىرنىڭ  ‹‹قاتىلى››                                       *1*                   ئارىمىزدىن يوقالدىمۇ تاڭ ئۇ ئەسلى بىز سۆيۈنگەن قىزتى،                  يۈرەكلەرنىڭ چوڭقۇر قېتىدىن ئەل جامائەت كۆيۈنگەن قىزتى. ــــــــــــــــــــــــــــــــــــــــــــــــــــــــــــــــــــــــــــــــــــــ                   تاپالمىدۇق تاپالمىدىم شۇ قىزنى مەن ھېچ يەردىن،                  ماڭا ھەم بىزلەرگە بۇ ئورتاق ئۈمۈتلۈك بىر ئۇلۇغ سىرتى. ــــــــــــــــــــــــــــــــــــــــــــــــــــــــــــــــــــــــــــــــــــــ                                          *2*                              ئەي ئۇماق قىز سۆيىمەن سىنى،                              مەن بىر ساڭا بارىم بېغىشلاپ.                              گۇناھ ئەمەس_ئىشەنگىن ماڭا،                               قاراپ قويغىن يەنە يېنىشلاپ. ــــــــــــــــــــــــــــــــــــــــــــــــــــــــــــــــــــــــــــــــــــــ                                            *3*                             ئەي سۆيۈملۈك ئەقىللىق قىزچاق،                             غەمكىن قاراپ قويىسەن قىزچاق.                             مىنى بۇنچە قىيناپمۇ كەتمە،                              سۆيگىنىمنى بىلىسەن قىزچاق. ـــــــــــــــــــــــــــــــــــــــــــــــــــــــــــــــــــــــــــــــــــــ                                             *4*                             ھەر كۆرگەندە داداڭنى قىزچاق،                             ئەسلەپ قويغىن ئاشىق يىگىتنى.                             بەكلىم سىنىڭ ھەمرايىڭ بۇلار،                             ئالدىراپلا دەۋەتمە ‹خوش›نى. ــــــــــــــــــــــــــــــــــــــــــــــــــــــــــــــــــــــــــــــــــــــ                                             *5*                              ئايلانغانمەن بەلكىم دېڭىزغا،                              سەن باغرىمدا ئۈزگەن بىر بېلىق.                              يوقاتمىغىن پاكلىقىڭنى سەن،                              ئۆگەنمىگىن ئۆزگە يات قىلىق.                              كەتكىن شېرىن ئاقماس خىياللار،                              دېڭىز يۈزدىن يۈتكىن تۇمانلار.                              قېپقالمىسۇن سۆيگەن قەلىپدە،                              ئۆزگە يارغا قىلچە گۇمانلار. ـــــــــــــــــــــــــــــــــــــــــــــــــــــــــــــــــــــــــــــــــــــ    ئاكا .... يازسام مەن يازغان شېئىرلار سىزنىڭ شېئىرىڭىزنى ئۆلتۈرۈپلا ۋەتكۈدەك  بىكا مۇنبەر مۇسۇبەتتە قالمىسۇن  مەن بولدى قىلاي ھە...!!!

xeren0908