ئوت ئىچىدىكى ئىلياستىن-- سەرگەندار بالىلارغىچە

soygum

	ئوت ئىچىدىكى ئىلياستىن-- سەرگەندار بالىلارغىچە ئاپتورى:   ئاتامان ئېلاۋە: يېقىندىن بېرى توردا بالىلارنىڭ ھەرخىل كېسەل ۋە ئاپەتلەرگە يولۇققان ۋەقەلىرى كۆپيىپ،جەمئىيەتتىن ياردەم ۋە ساخاۋەت تەلەپ قىلدىغان ئەھۋال كۆپەيدى. خەلقمىز ئۆز ئارا ئۇيۇشقاك،كۆيۇمچان،ھېسداشلىققا باي ئىنسانپەرۋەرلىكى بىلەن بۇنداق جىددى مۇھتاجلىقلارغا قاراپ تۇرماي ياردەم قىلىىپ ئىناق  جەمئىيەت بەرپا قىلماقتا. بۇ ماقالىدا سوغۇققانلىق   ھەم   ھېسداشلىق   ئومۇميلىق نۇقتىسدا تۇرۇپ بالىلار پاجئەسنىڭ سەۋبلىرى تەھلىل قىلنغان.{كۆپچلىكنىڭ تەنقىدى پىكىر بېرشنى قارىشى ئالىمەن.} يېقىندا توردا ئۈرۇمچىدە مەلۇم ئاشخانىدا ئىشلەمچلىك قىلىدىغان ئىلياس تۇرسۇننىڭ ئوتتا كۆيۇپ كەتكەن تەۋسيلىك فىلىمنى كۆرۇپ قالدىم .بۇنى كىيۇ كىيۇ توپمىدا ئاق كۆڭۈل بىرەيلەن ئەۋەتكەن ئىكەن. فىلمنىڭ بېشدا خەنزۇچە خەتلىك بىر قانچە جۈملە يېزلىپتۇ: گۈزەل شىنجاڭدا ئاتا ئانسغا ئېغىرچلىقنى سالماسلىق ئۈچۈن ھۆنەر ئۆگەنمەكچى بولغان بىر بالا ئوت ۋەقەسىدە پۈتۈن ئەزايى كۆيۇپ كەتكەن.. ئاندىن بالىنىڭ ئاتا-ئانسى ۋە قايسى بىر ۋاسكتوبۇل كۇلۇبىدىكى بىر ئاقكۆڭۈل ياش نەق مەيداندا زىيارەت قىلىپ ،كەڭ جەمئىيەتنىڭ  ئىقتسادى ياردەم،ساخاۋەت ئارقىلىق بالىنى قۇتقۇزۇش ئىلتجاسىنى بىلدۇرۇپتۇ. بالا بولسا "دۇكان ۋە ئەتراپتىكىلەرنىڭ بىخەتەرلىكى ئۈچۈن خەتەرگە قارىماي ئوت ئۆچۇرۇش جەريانىدا پۈتۈن بەدىنى كۆيۇپ كەتكەنلىكدەك  " تەسرلىك  " ئىش ئىزلىرى بولغاچقا   بۇ  قەھىرىمان ئۆسمۈرگە  "ھاياتىغا قارىماي ئوت ئۆچۇرگەن" بىخەتەرلىك ئۈچۈن ئۆزنى ئوتقا تاشلىغان ئەزىمەت "دېگەندەك ناملارنى بېرشمىز مۇمكىن.بەلكىم ئىلياسجان ساقايسا ھەممەيلەن  :     قەھىرىمان! ديېشى مۇمكىن .ھالبۇكى ئىلياسجاننىڭ  ھازىرقى ئەھۋالى ئۇنداق ياخشى ئەمەس. ئۇنىڭ ئەھۋالى ئېغىر ،كۆيۈك پۇتۇن بەدەنگە تارقىغان، ئۇنى قۇتقۇزۇش ئۈچۈن يۈز نەچچە مىڭ يۈۋەن تاپشۇرۇش كېرەك.  فىلىمنى كۆرۇپ تولىمۇ  ئېچىندىم.بۇنداق پاجىئەلىك ۋەقەلەر يۈرىكى بار ھەر قانداق ئادەمنىڭ ئىچىنى ئېچىشتۇرىدۇ.ھېسداشلىق قىلش تۇيغۇسىدا بالىغا ۋە ئۇنىڭ ئائىلىسگە ياردەم قىلىش ئويىغا كېلىمىز ئەلۋەتتە. ئېھتمال ھەممەيلەننىڭ ياردىمى بىلەن ساخاۋەتىلىك قوللارنىڭ ياردىمىدە ئىلياسجان ساقىيپ كېتەر. شۇنىڭ بىلەن بىللە بىز يەنە تالايلىغان ئىلياسجانلارنىڭ  بۇنداق ئەسلىدە دۇچ كىلشكە تېگشلىك بولمىغان قىسمەتلىرى توغرىسىدا توختالماي  تۇرالمايمىز. بۇنىڭ ئۈچۈن بۇ ئوت ۋەقەسىنى  بىر قانچە نۇقتىلاردىن تەھلىل قىلىشقا توغرا كېلىدۇ. فىلىمدىن شۇنى بىلدىمكى بالىنىڭ ئاتا-ئانسى قەشقەر بەشكىرەمدىن ئۈرۇمچىگە جان بېقىش ئۈچۈن كەلگەنلەر بولۇپ دادىسى قۇرۇلۇش ئورۇنلىرىدا ئىشلەيدىكەن،ئايالى بولسا ئاشىخانىلاردا قاچا-قۇچا يۇيۇپ ئىشلەيدىكەن. ۋەقەگە ئۇچرىغان ئىلياسجان بولسا قەشقەردە ئوقۇۋاتقان بولۇپ ئاتا-ئانسى ئۇنى مەكتەپتنىڭ چىقىرۋلىپ ئۈرۈمچىگە ئىلىپ كەلگەن. بالىنى مەكتەپ بېرىشكە ئىقتسادى يېتشمىگەن. بالا ئۆيدە بىكار بولغان. بالىنىڭ مەكتەپتىن چىقىرۋلىنشى بىر مەسىلە دەپ چىكىت ئۇرۇپ ئۆتۈپ كېتىپ تۇرايلى ،دىمەك ئۈرۇمچىگە كېلنىگەن ئىلياسجانمۇ ھۆنەر ئۆگىنىپ ئائىلىسنى قامداشقا قاتناشقان .بۇيەردە ئاتسىنىڭ بالىنىڭ ئىشلەمچلىك قىلىشىنىڭ سەۋەبى توغرىسدا "بىرەر ھۆنەرگە بەرسەم  كېينكى تۇرمۇشتا قېينالماي ئۆتەرمۇ دېگەن ئويدا بولدۇم"" بالام ئۆزىمۇ دادا،مەن مەكتەپتە ئوقاي دېسەم ئىقتساد بولمىغاندىن كېيىن ھۆنەر ئۆگىنەي دېدى"دېگەن ئىككى جۈملە سۆزلا كۇپايە قىلىدۇ. . بالىنىڭ ئاقكۆڭللىكى،كۆيۇمچانلىقىدا گەپ يوق؛بالىلار ئاتا-ئانىسىغا نسېبەتەن ئەڭ كۆيۇمچاندۇر. ئەمدى بىرىنچى نۇقتا، ئىلياسجان مەكتەپتىن چىقىرلىغان. بۇ بىرىنچى مەسىلە بولۇپ ناۋادا ئۇ قەشقەر بەشكېرەمىكى مەكتەپتە داۋاملىق ئوقۇيالىغان بولسا ئۈرۈمچىگىمۇ كەلمگەن، ئىشلەمچىلىك قىلىپمۇ يۈرمىگەن ۋە ھېلىقى ئوت ئاپتىدە يۈز كۆزلىرى كۆيۇپ كەتمىگەن بولاتتى.ناھايىتى ئەپسۇسكى ئوقۇش يېشدىكى بىر بالىنىڭ مەكتەپتىن چىقىرلىۋالغانلىقى  ئىلياسجاننىڭ ئائىلسىنىڭ  نامراتلىقنىڭ دەستدىن  سەۋەبدىن بولسا يەنە بىرسگە مائارىپىمىزدىكى ئاجىزلىقنى ئىپادىلەپ تۇرۇپتۇ؛ ئوقۇش يېشدىكى بالىلارنىڭ ئوقۇيالماسلىقى  ۋە سەرگەندار بالىلارنىڭ كۆپلەپ بارلىققا كېلىشدەك پاجئەلەردە بىزگە  بالىلارنى قوغداشنىڭ نەقەدەر مۇھىلىقنى بۇنىڭغا پۈتۈن جەمئىيەت كۆڭۈل بۆلمىسە بولمايدىغانلىقنى ئىنىق تونۇتىدۇ. ناۋادا ھەممىنى ھەر كىمنىڭ ئۆزىگە تاشلاپ قويغاندا بۇنداق سەرگەندار بالىلارنىڭ ھەرخىل قسمەتلەرگە دۇچ كېلشىنى تىزگنلىگىلى بولمايدىغان دەرىجىگە ئاپىرىپ  قويىدۇ. ئىككىنچىدىن ئىلىياسجان خۇددى نۇرغۇن سەرگەندار بالىلاردەكلا ئۈرۇمچىگە كەلدى. ئەمەلىيەتتە بۇ ئائىلىدە ئۇنىڭدىن باشقا بالا يوق. شۇنداق تۇرۇقلۇق ئاتا ئانسى ھۆنەر ئۆگتىشنى باھانە قىلىپ ئۇنى ئىشلەمچلىك قىلىشقا مەجبۇرلىغان.بۇ يەردە بالنىڭ تەبئىي ھالدا ھۆنەر ئۆگىنش ئارزۇسى بارلىقى  ھېسابقا ئېلىش ئاقمايدىغان بىر ئىش. ھەر بىر ئاتا ئانىنىڭ  بالىلارنى بېقىش مەجبۇرىيتى بولىدۇ.  بولۇپمۇ قورامىغا يەتمگەن بالىلارنى ئۆز ئاتا ئانسى بولۇشى سۈپتىدە مەكتەپ بېرلمگەندىن كېيىن ھېچ بولمىغاندا مەيلى قانچلىك قېينچلىق تارتسۇن چوقۇم بېقش مەجبۇرىيتىنى ئۆتەش كېرەك . ئائىلسنىڭ قېينچلىقى بالىنى ئىشقا سېلىشنىڭ سەۋەبى بولسا ھەرگىز بولمايدۇ. ئۇچنىچى نۇقتا، بالىلارنىڭ ھۆنەر ئۆگىنشى ___ماھىيەتتە بالىلارنى ئىزىشنىڭ قورالى. ھۆنەر دېگەننى كىشى ئەقىلگە كېلىپ قورامىغا يەتكەندە  ئۆگىندۇ. شۇنداقلا ھۆنەر ئۆگىنش_ئىشلەمچلىك قىلىش دېگەنلىك ئەمەس. مەلۇم ئىقتساد تۆلەپ مەلۇم ساھەدىكى كىشنىڭ ياكى شۇ كەسىپ ئەھلىگە ھەق تۆلەپ ئۇنىڭ مەشغۇلات،ئىشلەپچىقىرىشنىڭ پۈتكۈل جەريانىنى ئۆگىنش جەريانىنى ئاندىن ھۆنەر ئۆگىنىش دەيمىز. بۇ مەكتەپتە ئوقۇشقا  سەل ئوخشاش لىكىن   مۇنتىىزىم بولمىغان تەربىيلىنش دېگەنلىكتۇر. ھالبۇكى  ئىلياسجاننىڭ  ئائىلسنىڭ ئىنتايىن نامرات  تۇرۇپ  ئۇنى ھەق تۆلەپ ھۆنەرگە بېرەلشى مۇمكىن ئەمەس. ئىلياسجان پەقەت ئائىلىسىغا يۈك بولۇپ قالارمەنمۇ دېگەن ساددا خىيالىدا ئاز -تولا كىرىم قىلىش مەقستىدە باشقىلارغا ياللانما ئىشىچى  بولۇشقا قوشۇلغان. بۇنى ھەرگىزمۇ نورمال ھۆنەر ئۆگىنش ئارزۇسى دېگىلى بولمايدۇ. مەيلى ساخاۋەتلىك قوللار يادەم قىلسۇن  ھېلىقى ئادەم ئىشلەتكۈچى ئورۇن بۇ مەسئۇلىيەتنى بىرىنچى بولۇپ ئۈستىگە ئېلىشى كېرەك. ئۇنداق بولمايدىكەن قانۇننىڭ جازاسىغا ئۇچرايدۇ. چۈنكى قورامىغا يەتمگەنلەرنى ئىشلىتىش ئەمگەك قانۇنىغا خىلاپ قىلمىش. قارىغاندا دىيارىمىز شىنجاڭدا قورامىغا يەتمىگەنلەرنى ئىشلىتىش ئەھۋالى ئېغىر ئوخشايدۇ. بالىلارنى قانداقتۇر ھۆنەر ئۆگتىش باھانسىدا ياللانما ئەمگەكلەرگە مەجبۇرىي سېلىش.ئاتالمىش"ئائىلسىنى قامداش"قا قاتناشتۇرۇش ماھىيەتتە قانۇنسىزلىك ھېسابلىندۇ.  مۇشۇنداق سەرگەندار بالىلارنى قانۇن ئارقىلىق قوغداش،ئاسراش ۋە تەربىيلەپ ئۆزگەرتىش بالىلارنىڭ جىنايەت ئۆتكۈزۇش ،خورلىنىش ۋە پاجىئەلەرگە دۇچار بولۇشتىن ساقلاشنىڭ زۆرۇر ۋاستىسى.  بۇ نۆۋەتتە بەك تەكىتلنىۋاتقان__ئىناق جەمئىيەت بەرپا قىلىشنىڭمۇ زۆرۇر تەلىپى . ئەھۋال شۇنداق بولغان ئىكەن.بالىلارنى ئاتالمىش قەھرىمانلىق قىلشقا،ئوت ئىچىدە يۈز كۆزىنى كۆيدۇرۋىلىشقا،تىلەمچلىك قىلشقا،ئوغرى يانچۇقچلىق قىلشقا ،زەھەر سېتىشقا سەۋەب بولغۇچىلار دىن بولۇشقا سەۋەب بولۇشقا ھېچقانداق ھەققىمىز يوق.بالىلار ساغلام ئۆسۈپ يېتلىشى كېرەك. ئۇلاربىزنى ئەمەس بىز ئۇلارنى بېقشىمىز كۆز قاراق بولۇشمىز كېرەك. ئۇلارنىڭ ئاساسى ھوقۇق مەنپەئەتىگە دەخلى-تەرۇز يەتكۇزۇش ئېغىر جىنايەت. خىياتچلىكتۇر. ئاخىردا ئىلىياسجاننىڭ ساخاۋەتىلىك كىشلەرنىڭ ياردىمىدە تېزراق ساقىيپ كېتىشنى ۋە كىشلەرنىڭ ئۇنىڭغا ياردەم قولىنى سۇنۇشنى ئۈمىد قىلمەن. مۇناسۋەتلىك فىلىم:http://v.youku.com/v_show/id_XMzg0ODI3NzI0.html مەنبە: توققۇزتارا مۇنبىرى http://www.tokuztara.com/forum.php?mod=viewthread&tid=251,

turmux.net

	ئاتا - ئانا بولغۇچىنىڭ ھاياتىدىكى باش تارتىپ بولمايدىغان ئەڭ موھىم مەسئوليىتى بالىلارنى ئوقۇشسىز قويماسلىق. مائارپ بىر مىللەتنىڭ سائادىتى ياكى پاجىئەسىنى بەلگىلەيدۇ.

guzelim

	يوقۇلاڭ ئىشتىن پۇتاق تېپىشقا ئۇستا ئادەم ئوبزورچى بولىدىغان چېغۋا! بۇ-ئۇ يەردە بولمىغان بولسا ئۇنداق بولمايتتىيەي،ئۇنداق بولمىغان بولسا بۇنداق بولمايتتىيەي..شۇمۇ گەپما ئەمدە؟ ھەممىسى خۇدانىڭ ئىرادىسى بويىچە بولغان ئىشلار... بۇ بالىنىڭ ئاتا-ئانىسىنى گۇناھقا پاتتۇرۇپ ئوبزور يېزىپ ئولتاغۇچە،بېرىپ 5 يۈەن ئىئانە قىلغان بولسىڭىزچۇ!! مۇشۇ ئوبزورچىلانىزە......

othor

	توققۇز يىللىق مەجبۇريەت مائارىپى ھەق ئالمايدىغۇ دەيمەن .  بۇ  نىمە بولۇپ  كەتتى  ئەمدى؟!

aptap104

	othor يوللىغان ۋاقتى  2012-4-25 03:27 PM توققۇز يىللىق مەجبۇريەت مائارىپى ھەق ئالمايدىغۇ دەيمە ... قوساققا ھەق ئالىدۇ . مەكتەپ تاماقنى - كىيىم كىچەكنى ھۆددە قىلمايدۇ . ئۇلارنىڭ ئاڭسۆكەڭنىڭ باللىىغا قاراپ يىگىسى ، ئىچكىسى ، ئوينىغۇچى كىلە !!! باياشاتچىلىق ئۆيدە بولسا ، بالىنى غەم قىلماي ئوقۇتقۇلى بولىدۇ . مۇئاشقا بىركوي قاتقان بىلەن ، نەرسىلەرنىڭ باھاسى 10 كوي ئۆرلەيدۇ !

zapar

	تەقدىر شۇنداق ئوخشايدۇ. مەجبۇرى مائارىپتا بالىلارغا ھەق ئالمايدۇ، تاماق پۇلىمۇ ئالمايدۇ. بىر يىلدا مەكتەپ فورمىسى ۋە دەپتەر-قەلەم سومكىغا 200يۇەن كىتەر.(قىينچىلىق بولسا بۇنىمۇ ھەقسىز قىلشقا بولىدۇ) قورامىغا يەتمىگەنلەرنى قوغداش قانۇنى بويىچە چۇقۇم ئەرىز قىلىش كېرەك. دېسەم تېرىكمەڭلار. مۇشۇ ئەخلەت تىرىپ سېتىپ بولسىمۇ باللىرنى ئۇقۇتۇۋاتقان ئاتا-ئانىلارغا رەھمەت ئېيتساق بولىدۇ.

atlan028

	مۇناسىۋەتسىز يوللانما يوللاپ قالىدىغان بولدۇم  كەچۈرۈڭلار ئەسسالام ئەزىز قېرىنداشلار، تور تەرەققىياتىنىڭ تېزلىشىگە ئەگىشىپ، تور بەت ياسىتىش ۋە تور بەتكە مۇناسىۋەتلىك مۇلازىمەتلەر ھازىرقى جەمئىيتىمزىدىكى ئەڭ ئىھتىياجلىق مۇلازىمەت تۈرلىرىنىڭ بىرىگە ئايلاندى. لېكىن بىر قىسىم مۇناپىقلار مۇشۇ پۇرسەتتىن پايدىلىنىپ مۇشۇنداق ئىھتىياجلىق كىشىلەرنىڭ پۇللىرىنى ئالداپ ئىلىۋىلىش بىلەن بىرگە يەنە ۋاقىت ۋە باشقا جەھەتتە نۇرغۇن زىيانلارنى سىلىۋاتىدۇ.  تور دۇنياسى بىر مەۋھۇم دۇنيا، شۇڭا تور دۇنياسىدا قانداق ئىش بىلەن شۇغۇللىنىڭ چوقۇم ئىھتىياتچان بولۇڭ. دىققەت: تور بەت ياسىتىمەن ۋە ياكى باشقا تور بەتكە مۇناسىۋەتلىك ئىشلار سەۋەبلىك تۆۋەندىكى ئالدامچىغا ئالدىنىپ قالغان قېرىنداشلار بولسا، تېزلىكتە ئالاقىلىشىڭ، ھازىر بۇ ئالدامچىنىڭ ئالدامچىلىق دېلوسى بىر تەرەپ قىلىنىش ئالدىدا ئىسمى: دېلمۇرات تۇرسۇن  (ئۆزىنى خۇنەندىكى بىر ئالىي مەكتەپنىڭ ئوقۇغۇچىسى دەپ ئاتىۋالغان) تور بىتى: تېز تېز تورى  teztez.com  (مۇشۇ توربەت ئارقىلىق باشقىلارنى قايمۇقتۇرغان) ئالدامچىنىڭ تېلىفون نۇمۇرى:15174310297 ئالدامچىنىڭ چ چ نۇمۇرى: 1552997937 باشقۇرغۇچىلار بۇ يوللىغان تىما باشقىلارغا پايدىلىق تىما ئىدى، قارىسام شۇنداق تىتىقسىز، ھىچقانداق پايدىلىنىش قىممىتى بولمىغان تىمىلارنى تەستىقلايدىكەنسىلەر، بىلەلمدىم بۇ تىمىنى نىمىشقا تەستىقلىمايسىلەر،  ئامال يوق مۇشۇ يەرگە يىزىشقا مەجبۇر بولدۇم

awatbag

	بىزنىڭ يۇرىتىمىزدا كىشى بىشىغا توغرا كىلىدىغان تېرىلغۇيەر بىر موغىمۇ يەتمەيدۇ ،ئاساسەن چارۋىچىلىق ئۇندىن باشقا سىرىتلارغا چىقپ ئىشلەش بىلەنلا تۇرمۇشنى قامدايمىز ،يەر ئاز بولغان بىلەن ھاشار كۆپ ،يەرگە سالىدىغان مەبلەغ يەردىن چىققان كىرىمگە قارىغاندا يۇقىرى ،خېمىۋى ئوغۇت ،دىھقانچىلىق دورىسى ،ھاشارغا كەلمىدىڭ ،يىغىنغا كەلمىدىڭ ،تېرىقچىلىق ئىشلىرىنى ۋاقتىدا قىلمىدىڭ ،بىز يىغ دىسەكلا پىشسۇن پىشمىسۇن يىغىشقا ئالدىرىمىدىڭ دىگەندەك باھانە سەۋەب بىلەن تۆلەيدىغان جەرىمانلەر مۇ خلى كۆپ .تاپقان تەرگىنىمىز قورساققا ئاران يەتكەچ، يۇرىتنى تاشلاپ ياقا يۇرىتلاردا ئىشلەش ئارقىلىق جان بېقىش ئالدىنقى تاللىشىمىز بولۇپ قالماقتا . ئاتا-ئانا بولغۇچى بىشىدىن شۇ ئىشلارنى ئۆتكۈزگەن بولغاچ بالىلىرىنى بىرەر ھۈنەر نى ياخشى ئىگەللىسە كىينكى تۇرمۇشى ياخشىراق ئۆتەمىكىن دەپ ئويلايدىكەن. مەن پەقەت بىزنىڭ يۇرتىمىزنىڭ ئەمەلى ئەھۋالىنى كۆزدە تۇتۇپ بۇئىنكاسنى يازدىم ،باشقا مەقسىدىم يوق .

mostafa

	aptap104 يوللىغان ۋاقتى  2012-4-25 03:33 PM قوساققا ھەق ئالىدۇ . مەكتەپ تاماقنى - كىيىم كىچەكنى ھۆ ... تېتىملىق ئىنكاس،

ayqiman

	مەنمۇ بۇرۇن ئۇقمايدىكەنمەن،ئىككى كۈن مۇئەللىم بولۇپ بېقىپ ئاندىن ئاشۇ يىراق سەھرادىكى بالىلارغىمۇ ئاسان ئەمەسلىكىنى بىلدىم،چۈشلۈك تاماقتا كۆپىنىچىسى مەكتەپ ئالدىدىكى لەڭپۇڭچىنىڭ غالتىكى ئالدىغا ئولىشىدىكىن،پاختا تېردىغان ۋاقىت كەلسە جىق بالىلار ئاتا-ئانىسى بىلەن پاختا تەرگىلى كېتىدىكىن،مەن تولۇقسىز بىرىنچى يىللىقتىكى بالىلاردىن ئارزۇيۇڭلار نىمە دەپ سورىسام كۆپىنچە ئوغۇللار رېمونتچى،بولىمىز دەپ جاۋاپ بەردى مەن بۇنىڭغا ھەيران قالمىدىم چۈنكى مەن كىچىك ۋاقتىمدا تاغام مەندىن مەھەلەڭلاردا كىم ئەڭ باي دەپ سورىغاندا مەن قوشنىمىز ،چۈنكى قوشنىمىزنىڭ  ئۆيىدە بەك جىق تاۋۇز بار دەپ جاۋاپ بەرگەن،قايسى ئاتا-ئانا ئۆز بالىسىنى ياخشى كۈن كۆرسۇن دىمەيدۇ؟كىمىنىڭ پۇل بولسا بالىسىنى شىنىجاڭ تەجرىبە باشلانغۇچ مەكتىپىدە ئوقۇتقۇسى يوق؟