خىزمەتچى قۇبۇل قىلىش ئېلانى‹فىليەتۇن›

loituma

	بەزىلەرنىڭ قېلىنلىقى ۋە خەلقىمىزنىڭ نادانلىقىغا بىر كىنايە. ئېلان ئاڭلىساق يىقىندىن بۇيان ئىشتىن قالدۇرۇلغانلار ۋە ئىش تاپالمىغانلار ب د ت غا جۇڭگودا ئىشسىزلىق مەسىلىسى ئېغىر دەپ ئەرز سۇنۇپتۇ.بۇ پۈتۈنلەي تۆھمەت.ئەمىليەتتە ئىش قىلىشنى خالايدىغانلار ئۈچۈن ھەرقاچان ئىش تەييار. پارتىيىمىز نەچچەۋاقىتتىن بېرى ئىشسىزلىقنى ھەل قىلىشتىكى مەخپى قۇبۇل قىلىش تۈزۈمىنى سىناقتىن ئۆتكۈزۈپ بۇ قېتىم ئاشكارا قۇبۇل قىلىشقا ئۆزگەرتتى. تەلەپ ناھايىتى ئاددى بۇلۇپ،ھەرقانداق كەسىپتىكىلەرگە ماس كېلىدۇ.يېشى،جىنسى،مەدەنىيەت سەۋىيىسى،تەۋەلىكى چەكلەنمەيدۇ. قۇبۇل قىلىش شەرتى مۇنداق: بىكار تەلەتلەر ساھەسىدىكىلەردىن:مۇقىملىقىمىز ئۈچۈن مۇقىمسىزلىق پەيدا قىلالايدىغان،خەلققە تەھدىد ئېلىپ كىلىدىغان ھەرخىل كەسىپلەرنى ئىجاد قىلالايدىغان،ھەرخىل گۇرۇھ تەشكىللەپ سۇنى لىيىتىپ بىلىق تۇتۇشقا شارائىت ھازىرلىيالايدىغان كىشىلەر ئالدىن قۇبۇل قىلىندۇ. زىيالىلار ساھەسىدىكىلەردىن:ھەرخىل رولنى بىمالال ئالالايدىغان،مۇناسىۋەتكە ماھىر،خەلىق ئىچىگە يوشۇرنىۋالغان تالانت ئىگىلىرىنى تىپىپ چىقىپ ئۇلارنى قارىلىيالايدىغان،ئۆزى خەلقى ۋە ۋەتىنىگە ئاسىيلىق قىلىپ تۇرۇپ،ۋەتەنپەرۋەر،خەلقپەرۋەر دەپ نام ئالالايدىغان،پارتىيىمىزنىڭ فاڭجېن-سىياسەتلىرىنى دىننىڭ نامىدا تەپسىر قىلالايدىغان،تەرەققىياتىمىز ئۈچۈن،يىڭى-يىڭى پىلان ۋە لاھېيلەرنى ئوتتۇرىغا قۇيالايدىغانلار ئالدىن قۇبۇل قىلىنىدۇ.  تۆۋەن تەبىقىدىكىلەردىن:تېلىۋېزور،گېزىت-ژورناللارغا بىزنى ماختاپ بېرەلەيدىغان،تەققى-تۇرقى سەت،كۆرۈمسىز،ھالى خاراپ،ئاجىز-مېيىپلار ئالدىن قۇبۇل قىلىنىدۇ. مەبلەغ سالغۇچىلاردىن:ئەيشى-ئىشرەت،كەيپ-ساپا،بۇزۇقچىلىق سورۇنلىرىنى ماڭدۇرالايدىغان،قېمارخانا،پاھىشخانا،يەنە باشقا تۈرلۈك قەبېھخانىلارنى تەرەققىي قىلدۇرۇپ خەلقنىڭ باي،خاتىرجەم،كۆپ ئىشلارنى ئويلايدىغان بوپ قىلىشنىڭ ئالدىنى ئالالايدىغانلارغا ئالاھىدە ئىتىبار قىلىنىدۇ.ئۇلاردىن باج،بازار ھەققى ۋە باشقا قوشۇمچە ھەقلەرنىڭ ھەرقاندىغىنى ئېلىنمايدۇ،ھەتتا زۆرۈر كەلگەندە ھۆكۈمەت ئۆسۈمسىز قەرز بىلەن ئۇلارنى يۆلەيدۇ.زىيان تارتىپ قىلىشتىن ئەندىشە  قىلمىسىمۇ بولىدۇ. پاھىشەلەردىن:ئۆزى قاملاشقان،چىرايلىق،خىرىدار جەلپ قىلالايدىغان،ياكى دەللاللىق قىلالايدىغانلانىڭ تېجارەت يوللىرىنى كېڭەيتىۋېلىشىغا شارائىت بىرىش ئۈچۈن ھەقسىز پاسپورت بېجىرىپ بېرىلىدۇ.ئۇلار بۇنىڭ بەدىلىگە چەتئەللەرگە چىقىپ ئۆز مىللىتى ۋە دىنىنىڭ يۈزىنى چۈشۈرۈپ،ئۇلارنىڭ چەتئەللەردە يۈز تېپىپ قىلىشنىڭ ئالدىنى ئېلىپ بەرسىلا بولدى. سەرگەندانلاردىن:ھەرخىل تەشكىلات ۋە گورۇھلارغا ئەزا بۇلۇپ كىرىپ بىزنى مەخپى ئۇچۇرلار بىلەن تەمىنلەپ بېرەلەيدىغان،ئۇلارنىڭ ئىتتىپاقلىقىنى بۇزۇپ تەپرىقلەشتۈرەلەيدىغانلار قۇبۇل قىلىنىدۇ.ئۇلار ئائىلىسى بىلەن قۇشۇلۇپ ئالاھىدە ھوقۇق ۋە تەمېناتلاردىن بەھرىمان بولالايدۇ.ئۇلارغا بىرەر كىلىشمەسلىك كەپ قالسا ھۆكۈمەت ئۇلارنى ئىنقىلابىي قەھرىمان دەپ ئەنگە ئالىدۇ.ئائىلىسىدىن ھەقسىز خەۋەر ئالىدۇ. كەسپى ساپاسى بارلار پۇرسەتنى چىڭ تۇتۇپ بىز بىلەن دەرھال ئالاقىلاشسا بولىدۇ.ئادرىسى:..........تەربىيلەش ئىشقا ئۇرۇنلاشتۇرۇش مەركىزى<ئەسكەرتىش:ھۆكۈمىتىمىز ئۆز پۇقرالىرىنى ئىشقا ئورۇنلاشتۇرۇپ قالماي ھەتتا ئەجنەبىلەرنىمۇ ئىش بىلەن تەمىنلەيدۇ.تەپسىلاتىنى يۈزتۇرانە كېلىشىمىز>.                           مەنبە:نەسرۇلاھ فېليەتۇنلىرىدىن پارچە

manmihnat

	ۋاھ قىرىندىشىم ئاللاھ قولىڭىزغا دەرىت بەرمىسۇن!ئەجەپ تەسۋېرلەپسېز بۇ ......ج.................ك...لارنى

owchi.

	بولىدىغان ياخشى يېزىلغان كۈلدۈرۈپ جاننى ئالىدىغان  فىلىيەتون ، يەنە داۋاملىق يوللاپ تۇرارسىز

xeren0908

	پاھ ،،،،پاھ  ،، باركالا         پۇتۇن دۇنيا كۆرگەن بولسا   ئە  بۇ  تمنې

xeren0908

	بۇلا غمۇ ئېش ئورنې چقرېپتۇدە،    بۇكاغا ھەۋسېم كېلۋاتدۇ ،      ئەمما بېزبكاچې

خۇش

	ماڭا ماس كەلگۈدەك  خىزمەتلەرمۇ يا؟

ARAL52

	بۇلارغا قاچان جازا ھۆكۈم قىلىنىدۇ .....

tanha858

	خۇش يوللىغان ۋاقتى  2012-4-25 01:57 AM ماڭا ماس كەلگۈدەك  خىزمەتلەرمۇ يا؟ تېمىني تەپسىلى ئۇقۇڭ سزگەماسكەسەيۈزتۇرانە كېلىشىدىكەن .

MUHAPIZATQI

	سىزگە قايىل بولدۇم!!!!! نىمىدىگەن ئوبرازلىق ئوخشىتىش بۇ.......بەك ياخشى يېزىپسىز

篮球美女

	كارامەت يېزىلغان تېما ئىكەن ، ئەتتىگەندە ئوقۇپ خىلى روھلىنىپ قالدىم . قامچىلاش دېگەن مۇشۇ بولسا كېرەك . ئەزەلدىن فىلىيەتون ئوقۇش بىلەن خوشۇم يوق ئىدى . بۈگۈن ئوقۇپ ، فىلىيەتۇنغا قىزقىپ قالدىم .